ماهو سبب انتشار الطلاق بشكل مخيف وأغلب المطلقات لا يتجاوز سنهم 30سنه ؟
موضوع للنقاش
التعليقات كلها تقريبا اجمعت علي ان اهم الاسباب سؤ الاختيار
عدم التفاهم
التسرع فالاختيار
الاهمال
المعاملة السيئة
وكل دول اسباب منطقية ممكن تؤدي للطلاق
طيب نتلافها ازاي
وجهة نظري
عدم فهم الذرفين يعني ايه حياة اسرية من الاساس الواجبات والحقوق
دور الاهل فالتربية والتنشأة الصحيحة
دور الاهل في عملية الاختيار ومعايرها والمطالب المبالغ فيها لتاسيس بيت الزوجية
لو بصينا لاهالينا زمان واللي زيجاتهم امتدت لسنين طويلة
وكانت جواز صالونات زي مابيقال
هنلاقيها استمرت لاسباب صغيرة
انت او انتي بتختاز علي اساس ايه
يعني كان الاختيار للسمعة والسيرة الطيبة
التربية والاخلاق التوافق المادي والاجتماعي والتعليمي
التكاليف المناسبة لكل طبقة وظروفها
كل ده انتج بيوت مستمرة مستقرة مثمرة
اه فيها خلافات بس كانت بتتحل ودي طبيعة بشرية
للاسف الاسس دي مش موجودة حاليا
بقينا بنختار عالمظهر والشكل والجمال والامكانيات المادية
وعن قصص حب خرافية
بس فالخر البيوت دي بتتهد بسهولة لان اساساتها ضعيفة
نرجع نختار صح نفهم كل واحد فينا عايز ايه من شريك حياته
كل طرف يبقي واعي لمسؤلياتهوواجباته قبل حقوقه
اعتقد ممكن ترجع ساعتها حالةرالاستقرار للاسرة
اللي بيكون الخاسر الاكبر في حالة هدها هم الابناء