انت بتتفرج علي أحد المباريات شايف لاعب مفتري عمال يروح ويجي في الملعب فأنت تقول ايه يا اخي انت مش بني ادم انت مش بتتعب ولا ايه ؟!!
فالاعب يا عيني يقع علي ضهره ويقعد يصرخ السؤال هنا هل انت حسدته ؟؟ اكيد لا انت مش هتحسده من خلال التلفزيون انت مش خارق مثلا 🤦🏻♀️😂😂
ولكن الفكرة اللي حصلت اللي انت قولته ده صح اللاعب ده فعلا من اول ما بدأ المباراة وهو بيبذل مجهود رهيب فبالتالي ده أدي الي الشد العضلي
ثواني ايه الشد العضلي ده وازاي بيحصل
الشد العضلي ده بمنتهي البساطة بسبب اللاعب بذل مجهود كتير في الملعب فكل الطاقة اللي في العضلة التوأمية أو السمانة خلصت وكمان الكليوجين المتخزن في العضلة من كتر الانقباضات والانبساطات فالعضلة بتبقي أفشة (لا مش القاضية هي اللي أفشة 😂😂) العضلة هي اللي أفشة
يعني ايه العضلة أفشة ؟
العضلة بتكون في حالة الانقباض ومش قادرة ترجع للوضع الطبيعي
زي الصورة كده
ليه مش قادرة ترجع للطبيعي بسبب غياب الطاقة فلاتنبسط العضلة فيحصل الألم
ازاي بنعالج الشد العضلي المؤلم
بنمسك الرجل ونعد نحركها زي الصورة كده بعمل انقباض وانساط العضلة بايديا بنشط الدورة الدموية جوا العضلة بجبلها ددمم بطريقة أسرع فالدم يروح للعضلة اكيد مش هروح فاضي فهيكون جايبلها جلكوز و اكسجين في ايديه فتعمل تنفس هوائي فتشتغل وتنتج طاقة واول ما أنتج طاقة هعمل تنفس هوائي فاكسر الروابط المستعرضة اللي كانت ممانعة أن العضلة ترجع لوضع الانبساط فالعضلة تنبسط الليفة العضلة ويرجع الاكتين مكانة
____________________________________
الشكل التاني من الشد العضلي
هو مرض الصرع
ده بيحصل بسبب مشكلة في المخ بيخليه يدي سيال عصبي غلط فالعضلة تشد فيحصلها مشاكل وتوترات وشد عضلي مؤلم فالمشكلة من المخ مش من العضلة
هو ايه مرض الصرع ؟
واحد مثلا كان ماشي كويس وزي الفل والدنيا جميلة فجأة يقع ويحصلة اضطرابات واهتزازت في جسمه والم مؤلم جدا لمدة خمس دقايق بس ولو مفاقش بيروح المستشفي وفي إجراءات كتير برضو عن مرض الصرع
_______________________________________
الشكل التالت من الشد العضلي
حضرتك بتكون نايم في سابع نومه وبتصوصو مع عصافير الصباح
و فجأة تصحي من الشد العضلي تلاقي رجلك أفشة (أفشة ممكن🤷🏻♀️😂😂)
والحقوووني سيبوا رجلي يا ولاد ال.. همووت الحقووني رجلي وقعد تتلوي زي التعبان كده😂🤦🏻♀️
طب ما أنا نايم هو أنا عملت مجهود في الحلم ؟
أكيد مش بتجري في الحلم يعني 😅🤦🏻♀️
يبقي العضلة معاها طاقة اصل مفيش مجهود اصلا مش زي لعيب الكورة يقعد يجري يجري انت اصلا ناايم
طب هل في مشاكل للمخ؟
لا طبعا لو في مشاكل في المخ فهتكون مرض صرع وده بعيدا عن اللي بيحصلك حاليا اللي هو التشنجات العضلية أو الشد العضلي أثناء النوم
السبب أيه بقي ؟
دي اسمها تنشجات للعضل ودي بتحصل بسبب نقص في ايونات الكالسيوم فنقص الكالسيوم بيسبب خلل في ديناميكية الحركة بتاعة العضلة فيسبب التشنجات المؤلمة دي
المهم بقي الشد العضلي ده ممكن يتطور فبدل ما يحصلك وانت نايم يحصلك وانت مااشي يحصلك اكتر من مرة وانت نايم
بلغة العضلات التنشجات دي بتكلمك بتقولك أنا محتاجة كالسيوم فهتجبلي الكالسيوم امل اخلي عيشتك سوده يا انا يا انت بقي انت حر🤷🏻♀️😂
فلو تنشط او مش بتفهم لغة العضلات فيفضل الشد يزيد ويتكرر كتير فمن الأفضل نوصل لحل ينهي الموضوع ده
طب ننهيه ازاي ؟؟
اقدملك الحل السحري
لبن وطحينة يا مني انتي هتهزري؟؟
لا مش بهزر نص كباية لبن او معلقة طحينة كل يوم ده الحل
وياريت بقي بلاش شغل دماغ المصريين
اووه الحل في اللبن بسيطة هات يا ابني تلاتة كيلوا لبن انت حر هيجيلك اسهال براحتك بقي انت حر وبلاش بقي القهوة باللبن أو شاي باللبن لأن مش هينفع ده بيقلل مفعول اللبن اللي انت 🤦🏻♀️محتاجه اصلا الحل نص كباية😂😂
مش بتحب لبن عندك طحينة اعملها بالسمسم مرة مرة بالشطة انت حر المهم متساكتش غير كده انت الخسران علي دماغك بقي😂😂
