عجبني الطرح الممتاز دا بتنظيمه وترتيب افكاره .. احسنت.
ام عن السؤالين فاعتقد ان الايجابيات والسلبيات متوقفين على المٌستخدم .. يعني كايجابيات للسوشيال ميديا فهي قربت المسافات جدًا كلنا بقينا متاحين مع توافر باقة او واي فاي .. نقدر نكون مع اي شخص بنحبه في اي مكان ونحضر لحظات مستحيل كنا نشاركه فيها بسبب بعد المسافة .. وفر فرص شغل بل انه احيا نماذج مبتكرة كموديل بيزنس جديد زي كل اشكال البيع اونلاين او حتى التسويق عن بعد مبقتش مضطر تنزل تقعد على مكتب عشان تشتغل وغيرها من امثلة مهمة ومأثرة بشكل حقيقي في ميزان القوى الاجتماعية والاهم من كل دا هو تغير طبيعة المزاج العام وانتشار اذواق مختلفة وفئات واشخاص مستحيل كان يبقى ليهم قيمة تذكر في المجتمع لولا كاميرة التيلفون والبكيشن عليه عدد ضخم من المتابعين فبقوا انفيلونسرز ..
السلبيات هي جزء اصيل من الايجابيات اللي لسه قايلها صعب نفصل الاتنين عن بعض وان كان فيه سلبيات تانية اخطر بكتير وهي اباحة كل شيء واي شيء لمجرد ان بتتوارى خلف شاشة وبتتكلم عن طريق اكونت فيك .. اسد الاسود من حقه يهين ويشتم ويغلط وينظر .. فتح باب لجنون العظمة الوهي عن ناس كتير لمجرد انه محطوطله بوكس في الابلكيشن مكتوب فيه بماذا تفكر؟ او ضع تعليقك ..
لو هتكلم عن السلبيات اللي بنعاني منها مش هلخص بس اميل للاعتقاد ان احد اسباب انفجار وسيطرة السوشيال ميديا هي الجنس .. الجنس والرغبة في الوصول للاخر هي المفتاح الحقيقي لانتشاره .. بسبب سهولة بسبب انه إلى حد ما امن وممكن تتخفى بعض الشيء وتحاول تشقط او تعاكس او تتحرش او تضايق حد .. الرغبة في اكتشاف الجنس الاخر عامل اساسي وبالاخص ان الفيس بوك نفسه تم انشائه لنفس الغرض .. اخونا مارك كان بيحاول يشقط البنت اللي كرفته في بداية الموضوع.
ام عن الارشادت ف مع الاسف مفيش حد امن جو العالم دا مع سهولة الهاكينج وتطور ادواته كلنا مباحين وسهل نتعرض للاذى وخصوصا اللي عنده حاجة ممكن يخسرها بجد او يخاف عليه .