الست بتكره اللي يفهمها.
دي مش نكتة. مش كليشيه رجالي بنقوله على القهاوي. دي حقيقة مرعبة. قانون كوني قاسي زي الجاذبية. محدش بيهرب منه.
الراجل بيبدأ رحلته غشيم. بيصدق الكدبة. كدبة "اتغير عشاني". كدبة "افهم اللي بحس بيه". كدبة "كن صديقي مش بس زوجي".
فبيبدأ يذاكر. يقرأ كتب عن سيكولوجية المرأة. يسمع بودكاستات عن التواصل الفعال. يحفظ هي بتحب القهوة سادة امتى ومظبوطة امتى. بيفهم إن صمتها مش رضا، ده بركان بينتظر الانفجار. بيعرف إن كلمة "مفيش" معناها "فيه مصيبة بس مش هقولك عليها".
بيتحول من راجل لـ "مترجم مشاعر". بيفك الشفرات. بيقرأ اللي بين السطور. بيوصل لمرحلة إنه بيفهمها أكتر ما هي فاهمة نفسها.
وهنا بتبدأ الكارثة.
كل ما فهمها أكتر، كل ما احترامها ليه قل. كل ما بقى كتاب مفتوح، كل ما رغبتها فيه ماتت. كل ما بقى "متوقع"، كل ما جاذبيته اتبخرت.
ليه؟
لأنها مش عايزة مترجم. هي عايزة لغز. مش عايزة واحد بيحللها مشاكلها النفسية. هي عايزة صخرة تستند عليها لما هي تنهار. مش عايزة واحد بيمشي وراها زي ظلها. هي عايزة قائد يمشي قدامها وهي تمشي وراه وهي مطمنة.
الفهم في عالمها = ضعف. التغيير عشانها = خضوع. قراية أفكارها = فقدان للهيبة.
الست بتحتقر الراجل اللي بتعرف تسيطر عليه. بتحتقر الراجل اللي بتعرف تتوقعه. بتحتقر الراجل اللي بتعرف "تربيه".
وهنا بيظهر النموذج الأسوأ. "الشاب النطع".
ده مش مجرد راجل بيعيش على فلوس مراته. ده راجل اتنازل عن رجولته مقابل الراحة. اتنازل عن هيبته مقابل الأمان المادي. هو النسخة النهائية من الراجل اللي "فهم" و"اتغير". هو كتاب مفتوح لدرجة إنها ممكن تستخدم صفحاته تمسح بيها الترابيزه
هو بقى شفاف. مفهوم. متوقع. ممل.
فبتعفه.
مش عشان هو فقير. عشان هو "مضمون". عشان هو فقد غموضه. فقد قوته. فقد كونه "راجل".
والفخ الأكبر هو فخ النسويات الحديث.
بيقولولك: "كن حساس". "عبر عن مشاعرك". "ابكي عادي". "شاركها في كل حاجة".
دي مش نصايح. دي اختبارات.
اختبارات بتشوفك هتتنازل عن رجولتك ولا لأ. اختبارات بتشوفك هتفضل صخرة ولا هتتحول لعجينة في إيدها.
الراجل اللي بيصدق الكلام ده، هو اللي بيخسر في النهاية. بيتحول لـ "صديقتها المفضلة". بيتحول لـ "أخوها". بيتحول لأي حاجة إلا "الراجل" اللي هي عايزاه في سريرها.
هي عايزة راجل مش "بنت بشعر صدر".
عايزة واحد يفهمها لا
هي عايزة واحد هي مش فاهمه هو بيفكر في إيه. عايزة واحد عنده عالمه الخاص، أسراره، طموحاته اللي مش مرتبطة بيها. عايزة واحد هي تحاول تفهمه، وتفشل.
الفشل ده هو اللي بيخلق الجاذبية. الغموض ده هو اللي بيخلق الشغف.
أما فكرة "إزاي الست تعف جوزها"...
هي مش بتعفه. هي بتختبره. بتفضل تضغط عليه، تستفزه، تطلب منه يتغير. لو فضل ثابت على موقفه، قوي، عنده مبادئ مش بيتنازل عنها عشانها... احترامها ليه بيزيد.
لو اتهز، اتغير، خضع... احترامها ليه بيموت. وبتبدأ تدور على راجل تاني
الست مش عايزة اللي يفهمها. الست عايزة اللي يحسسها بالأمان رغم إنها مش فاهماه.
عايزة تحس إنها مع أسد، مش مع قطة بيت. حتى لو الأسد ده بيخرفشها ساعات.
بس في النهاية، هو أسد.
فالسؤال مش ليه الست بتكره اللي يفهمها. السؤال هو: أنت عايز تبقى كتاب مفتوح أي حد يقرأه ويرميه؟ ولا عايز تبقى لغز، محدش يعرف يوصله
Senator
نقاش الموضوع ابسط مما تتخيل انظر مما تشرب
