نقاش مشكلة الستاير على مين ؟

[Alaa El Beheri]

مش كسل انا من النوع الي كش بحب ادخل في نقاش ملوش لازمه 🙂

يمكن يبقا ليه لازمة

 

[T i to]

يمكن يبقا ليه لازمة

انا بقلك لا اصل جربت كتير 🤧🥸

 

[الأستااذ]

لا جرامات لا عندنا بيطلبوا مبالغ و زي ما يطلعوا متوسط ٢٥٠٠ ل ٣ الاف يورو والمطبخ والستاير علي العريس وقاي

١٢ مين و١٥٠ مين انا اعرف ناس طلبوا من شاب ١٥٠ جرام دهب عشان مجرد انه بيسافر دولة خليجية تخيل دول يعملوا كام

وقايمه مليون جنيه اقل حاجه دلوقتي

 

[Alaa El Beheri]

لا جرامات لا عندنا بيطلبوا مبالغ و زي ما يطلعوا متوسط ٢٥٠٠ ل ٣ الاف يورو والمطبخ والستاير علي العريس وقاي

وقايمه مليون جنيه اقل حاجه دلوقتي

دي حقيقة

 

[Adam Afndena]

ازيك يا صديقي وكما وعدتك موضوع القايمة النهاردة اهو ... مش عايزين نطول في المقدمة لاننا هنطول اوى في موضوع النهاردة 😅
الموضوع دا موجه للأهالى اكتر من الشباب صحيح الاكتر هنا شباب بس من باب العلم بالشيء لاننا هنكبر ونبقا اهالى بعدين فنغرس القناعة دلوقتي اسهل

عزيزي الحج ابو العروسة عايزين نسألك انت لما بتكتب قايمة طويلة عريضة ومقدم بمبلغ محترم ومهر ٣ مليون جنيه ومؤخر بقد كدا انت بتعمل كدا ليه ؟
- عشان أمنلها مستقبلها واضمنلها حقها
- طيب ممكن ياحج تخطف رجلك لاقرب محامي وتسأله عن كام وحدة اتنازلت عن كل حاجة عشان جوزها يعتقها لوجه **** ويطلقها
اب تاني هيقول : انا بعمل كدا عشان هي مش اقل من بنت خالتها ( وده غالبا اب ماشي ورا مراته)
- اقعد كدا بقا يا حاج مع والدتك واسألها عن كام وحدة اتشحططت واتمسح بيها بلاط العماير مع انها كان خيالها اتقل شبكة واغلى مهر
اب تالت هيقول: لا انا بعمل كدا عشان احميها من براثن الذئب المفترس اللى اسمه جوزها وعشان يفكر الف مرة قبل ما يطلقها
- في مثل يا حجوج بيقول اللى بيقدر البلاء قبل وقوعه بيجيله او حاجة شبه كدا يعني
بمعنى انك لو خايف بنتك تتطلق يبقا هتطلق عارف ليه ؟
عشان ابسط مشكلة بنتك هتعملها بعد ما تتجوزه جوزها هيعدي عليه في مخه مشاهد كتير وهو عمال يدفع فيها كتيير فهيطلع غله كله فيها
عارف بقا على النقيض لو انت هونت عليه هيشيلهالك طول عمره ومش هيزعل بنتك عشان هو شاف انك عاملته زي ابنك فهو بدوره هيعاملك زي ابوه ويحترمها ويفوتلها دا طبعا لو انت مختار راجل لبنتك وراجل بجد
طب ليه ياحج لما روحت تخطب لابنك بعد ما مشيتو من عندهم قولتلوا انا مش مرتاح للناس دي اصلهم ماديين اوى وطالبين مهر مليون جنيه وقسيمة وووو وانت في نفس الوقت الشيك اللى مضيت عليه جوز بنتك بقيمة المؤخر متشال عندك في الدولاب
في كل مرة هتفكر تطلب طلبات تعجيزية لشاب متقدم لبنتك افتكر انك هيلف عليك الدور وتبقا انت اللى متقدم انت وابنك وفيه حد بيتشرط عليكم اصلها جامعية ودايرة ياحج
ليه المفروض اننا كشباب بنتعلم منكم الاصول والحاية نشوفك بتخربو جوازات عشان خاطر انكم عايزين تلاجة ١٨وقدم والعريس معندوش المقدرة
في واحد دلوقتي هيقولى : طب ماهو فيه جوازات بردو كانت على قد حالها وبقأل الامكانيات وباظت واتطلقوا بردو
- كويس بدأنا نتفق على نقطة اهو معنى كدا ان المبالغ الطائلة اللى ببتطلب مش هيا مقياس نجاح العلاقة الزوجية المقياس والاساس لنجاح اي جوازة هو الزوج والزوجة هما مؤهلين للزواج ولا لا وهل انت اخترت لبنتك راجل ولا لا
عشان خاطر النبي ياشيخ علم ابنك الجواز مش شهر عسل وبس وانتى يا حجة سيبي الفيسبوك شوية وعلمى بنتك ان الجواز مش شموع وخروجات وفسح ويضربوا بعض بالمخدات والريش يطير في كل حتة عشان مفيش حد عاقل بيحشي مخدة ريش 😂

وافتكر وافتكري ان بنتكوا لما تطلق هترجع تقعد جنبكوا وان الطلب عليها هيقل او هيبقا معدوم ودي حقيقة مرة لازم نتقبلها ان الواحدة المطلقة عمرها مهتكون محط انظار حد للجواز زي البنت حتى لو ارمل خمسيني بيبقا نفسه يتجوز بنت بنوت مش مطلقة ولا ارملة ​

وبس دا كان كل حاجة للنهاردة الموضوع اقصر من موضوع امبارح اهو ب 200 كلمة 😁
اقترح عليا حاجة نكتب عنها فيما يخص الزواج ونناقشها سوا
اقبل الانتقادات واستمع لكل الارآء وهفرض رأيي برضه لعدها عادى 😂 سلام 🤗

يا مواضيعك التخريب بيوت😂

 

[Alaa El Beheri]

يا مواضيعك التخريب بيوت😂

هي دى كدا تخرب البيوت 😂

 

[Adam Afndena]

هي دى كدا تخرب البيوت 😂

طب أجره المازون على مين طيب😂

 

[Black Rose]

اللى يقول غير كلامك يبقا مش حقاني بصراحة وانتى مسبتيش منفذ لحد برافوو عليكي ❤
بس للأمانة عندنا اهالى العروسة اتفقوا انهم يساعدو الشاب ويجيبوا معه الادوات الكهربية ولوازم المطبخ بس بردو بيكتبوها في القايمة مع انها تعبتر في مقام الهدية مش حق مشروع ناخده بالعافية
عجبتني جدا جملة انتو تركتو كل حاجة في الدين وجيت في دي وتقول دين شكرا على كلامك 🤗❤

دخيل ئلبك
يعطيكي العافية ع الموضوع الحلو 🖤

 

[Alaa El Beheri]

دخيل ئلبك
يعطيكي العافية ع الموضوع الحلو 🖤

تسلمي ياروحي ❤🤗

 

[Alaa El Beheri]

طب أجره المازون على مين طيب😂

عليك 😂

 

[Adam Afndena]

عليك 😂

والجاتوه والحاجة السقعه عليكى😂
ونقول مبروك😂😂

 

[الدكتُور]

@Kιɳg Jr
عشمان في اخويا الصغير يلخصلي الموضوع ده عشان مكسل اقرأ

 

[Kιɳg Jr]

@Kιɳg Jr
عشمان في اخويا الصغير يلخصلي الموضوع ده عشان مكسل اقرأ

يسطا انا قولتلها تلخصه ملخصتهوش لدلوقتي 😔
قالتلي ف اخر سطر

 

[الدكتُور]

يسطا انا قولتلها تلخصه ملخصتهوش لدلوقتي 😔
قالتلي ف اخر سطر

اخر سطر طويل برضوا
مكسل اقرأ

 

[Kιɳg Jr]

اخر سطر طويل برضوا
مكسل اقرأ

الستاير عليا انا يعم خلاص خلصت الحوار

 

[الدكتُور]

الستاير عليا انا يعم خلاص خلصت الحوار

يعني لما اجي اتجوز انت اللي هتشتري الستاير بتاعت بيتي

 

[Kιɳg Jr]

يعني لما اجي اتجوز انت اللي هتشتري الستاير بتاعت بيتي

اه علشان تعبت وانا بقرا

 

[ريم رامي]

برافو عليكي 🤝🤝

لكن الكلام من صوره واحده ،، لأن لكل نقيد مقابل له نقيد اخر وأسبابه 👌🏻

تخيلوا لو مع كل الشروط والأحكام والضوابط دي والشاب لا يجيد حمل المسواليه ؟؟

أو البنت لا تعرف كيف تفتح بيت ؟؟

الإرث الحقيقي زراعة حمل المسؤولية للبنت والولد ،، خلاف كدة كل ده ولا يسوى اي شيء ،

الشاب لو شاري مش هيفرق معاه لانه من البدايه اختار كويس اهل البيت مع البنت 🤝

واهل البنت لو الشاب كويس اكيد كل الكلام ده هيبقى في الحنين لانه ابن حلال ومجتهد وهم شايفين ده في فتره الخطوبه 🤝🤝

فتره الخطوبه فتره إبداء الكرار من الطرفين بالموافقه باي ثمن أو الرفض لو قايمه بخس

 

[Alaa El Beheri]

برافو عليكي 🤝🤝

لكن الكلام من صوره واحده ،، لأن لكل نقيد مقابل له نقيد اخر وأسبابه 👌🏻

تخيلوا لو مع كل الشروط والأحكام والضوابط دي والشاب لا يجيد حمل المسواليه ؟؟

أو البنت لا تعرف كيف تفتح بيت ؟؟

الإرث الحقيقي زراعة حمل المسؤولية للبنت والولد ،، خلاف كدة كل ده ولا يسوى اي شيء ،

الشاب لو شاري مش هيفرق معاه لانه من البدايه اختار كويس اهل البيت مع البنت 🤝

واهل البنت لو الشاب كويس اكيد كل الكلام ده هيبقى في الحنين لانه ابن حلال ومجتهد وهم شايفين ده في فتره الخطوبه 🤝🤝

فتره الخطوبه فتره إبداء الكرار من الطرفين بالموافقه باي ثمن أو الرفض لو قايمه بخس

ماشي عندك حق بس الفكرة ان الجواز بقا صعب وغالى هيجيبوا فلوس منين لقايمة بالمبالغ الطائلة دي

 

[الأستااذ]

ماشي عندك حق بس الفكرة ان الجواز بقا صعب وغالى هيجيبوا فلوس منين لقايمة بالمبالغ الطائلة دي

مشكلة فشل الجواز ملوش علاقه بجهاز ولا بقايمه خالص