طول عمرنا بنسمع الرجاله تقول الستات نكديين...واللي يقولك مراتي صوتها عالي...مراتي بتزعق...مراتي غيرتها مقرفه...مراتي نكديه...مراتي مش مدلعاني..وووووووالخ الخ الخ
لكن محدش اتكلم عن الرجاله النكديه...هتقولولي هوا فيه رجاله نكديه يا لولي؟
هقولكم اه طبعا فيه...عندكم مثلا ممكن اكون رايقه ومزاجي حلو واهزر مع جوزي يكشر ف وشي..دا نكدي
اكون عامله البيت كلو ومخلياه فل ومثلا يلاقي كوبايه واحده ف الحوض يقولي...ياست هانم الكوبايه متغسلتش ليه..بدل ما يقول كتر خيرك..دا نكدي
يلاقيني فاتحه الفون بتفرج ع حاجه..وهوا كمان زيي...يقولي انتي 24 ساعه مسكاه مش بتسيبيه...دا نكدي
ولا لما تكوني خارجه مثلا مع حد من قرايبك وراجعه مبسوطه وتلاقيه مكشر...دا نكدي...
وفيه امثله كتير عندي بس حبيت اسأل الستات والبنوتات اللي هنا...
قابلتوا الراجل النكدي دا ولا لسه؟؟
