محمد ايزل
نسوانجى الاصلى
العضوية الذهبيه
نمبر وان صور
نسوانجى مثقف
نسوانجي متفاعل
نسوانجي متميز
دكتور نسوانجي
أستاذ نسوانجي
عضو
نسوانجي قديم
ناشر صور
ناشر مجلة
موضوع شيق نزلي رعب و سيبك من النكت 😂😂انظر الي اول تعليق قبل القراءة ❣️🧚
٢٣مايو٢٠٢٢
حصل احتجاج في قرية بانكوت التابعة لإقليم كشمير عمدة القرية قاد الأهالي بسبب أن طفلة لسه مولودة أعلن وفاتها و اتدفنت بعد ساعتين بس من ميلادها والناس دي كانت بيحتجوا بسبب الإهمال الطبي لطفلة زي دي صغيرة لسه مولودة وقاموا بدفنها في اقرب مدفن
الغريب يا عزيزي أن لما الأهالي نبشوا في قبر الطفلة عشان يطلعوا جثمانها عشان ياخدوها و يحطوا جثتها في قبر الأسرة لاقواها لسه عايشة !!!!!
ايوة لالا فعلا لسة عايشة انت مقرأتش غلط بعد دفنها تحت الارض لمدة ساعة كاملة طلعت لسة عايشة
المشكلة أن الكلام ده حصل في مايو ٢٠٢٢
=طب وايه المشكلة في التاريخ مش فاهم ؟
أقصد ياعزيزي دي مش حاجة قديمة دي حاجة لسة جديدة احنا بالتطور الطبي والتكنولوچي والتقني وجوائز نوبل و اكتشافتنا مقدرناش نحدد موت طفلة من عدمها
______________________________________
١١ نوفمبر٢٠١٩
بعض الأطباء في مستشفى في مدينة بارانكويلا الكولومبية أصدروا تشخيص بيقول كانديلاريو غوتيريز هيرناندز (80 سنة) من مدينة بونديرا اللي كان موجود في المستشفى بسبب إصابته بمشاكل في التنفس لقد مات تماما وبالفعل ياعزيزي اعتبروه ميتا وكاد أن يدفن حيا
بنته غوتيريز فونتالفو قالت إن الدكاترة قالوا ليهم أن ابوها فارق الحياة لأسباب طبيعية وسلمتهم شهادة وفاة وحطوا فعلا جثته في كيس خاص في المستشفى
ولكن لما الناس المسئولة عن الدفن استلمت الجثة قالوا إن الشخص علي قيد الحياة والعيلة أعادوا اتصالهم بالدكاترة مرة تانية وبالفعل بعد الفحص الدقيق طلع الراجل لسه علي قيد الحياة
الكلام ده حصل نوفمبر ٢٠١٩ يعني مش من قرون ده كلام حصل في وقتنا ده اللي في نفس الوقت الناس بتدرس النانو تكنولوجي مش قادرين نحدد
متي يصبح الإنسان الحي ميت !!😱
______________________________________
طبعا بعد اللي قرأته دلوقتي متأكدة أن أصبح عندك
"Taphophobia"😥
ودي حالة رهاب أو خوف من أن الشخص يدفن حيا وهو لسه علي قيد الحياة بسبب خطأ طبي أو لأعتقاد الأخرين بأنه فارق الحياة
(edgar allan poe🧐🧑💻) الناقد الأدبي الأمريكي والشاعر و الكاتب ببوسطن (توفي وهو يناهز عمر ٤٠عاما)
واللي له كلاسيكيات أدبية مثل
The Tell-Tale Heart، The Fall of the House of Usher، وThe Raven
وكتب أولها
Tamerlane and Other Poems
والقصص وأشهرها القصة القصيرة
Baltimore Saturday Vister
المهم يا عزيزي إدغار آلان بو أطلق قصة تسمي
«The Premature Burial» قصة رعب قصيرة واللي اتحولت لفيلم والاتنين بيتمحوروا حول مواضيع الدفن حيا
وكان في الحقيقة فعلا إدغار آلان بو بيعاني من مرض {Taphophobia} تخيل الراجل اللي توفي عام 7 أكتوبر 1849 لسه خوفه المطلق والرهاب اللي كان عايش فيه لسه مشاكله مستمرة بقالها ١٧٤سنة اساسا معرفتنا كلها عن الطب والتطور فيه عمره ٢٠٠سنة👩🏻⚕️🏥
______________________________________
يمكن انت عزيزي مش متخيل قد ايه الموضوع ده معقد مثلا لما تكون نايم وبتأكل رز باللبن مع الملايكة
وقاعد تحلم بالمزه الجامدة اللي شوفتها النهاردة
فجأة اهلك يقوموك من النوم الحق تيتا تعبانه
ممكن تيتا يكون عندها أزمة قلبية أو جارنا اللي بيطلع في الروح
[Gasping]
انت ياعزيزي بتجري بالبيچامة اللي عليك وبتوصل والحالة فقدت تنفس تماما ومفيش عليها أي علامات حياة
طبعا انت لسه مش عارف اصلا ازاي تتصرف مع حد بيموت ازاي🤔🤷🏻♀️
الموقف يا عزيزي صعب صدقني ممكن تكون واخد كورس اسعافات أولية أو قاري عنه أو بتتفرج علي فيديوهات
ممكن تعمل للحالة
انعاش قلبي رئوي /CPR
ممكن تحاول تسمع صوت القلب سواء بالسمعات أو بودنك أو تعمل أختبارات لردود الأفعال المنعكسة
عارف لما الدكتور يخبطولك علي ركبتك فتقوم فاردها مرة واحدة أيوة ايوووة هو ده
او ممكن تجيب قطنة مبرومة وتمشيها علي قرنية العين ولو المريض رمش لا إرادي ده ريفلكس\ رد فعل منعكس أن المخ شغال لازم الرمش يقفل بسرعة أو يقفل ويفتح فالمخ يتصرف بسرعة عشان يحاول يحمي العين دي وظيفة جذع المخ
بس المصيبة لما العيان ميرمش أو يكون بؤبؤ العين واسع وثابت حتي بعد متسلط فوقيها كشاف مش بيضيق
طبعا الكلام ده علي حسب علمك كدكتور أن الحالة ماتت وفي اللحظة دي بتلاحظ نظرات حواليك نظرة الجشع والطمع ونظرة الامل ونظرة الخوف ونظرة الرجاء
بكلمة واحدة بس منك قادر تخلي متجوزة أرملة تخلي ابن يبقي يتيم انت في الوقت ده مش عارف اعمل ايه عايز تصرخ وتقول معرفش طب حتي اتصلوا بالاسعاف أو مكنتش حاضر المحاضره دي او راحت عليا نومة في المدرج مفهمتش الجزيئة دي إلا أنه مش بيحصل للاسف كل ده بيدور في ذهنك في ٣ثواني بس 😩
______________________________________سنة ١٩٨١اتعملت لجنة اسمها المجلس الرئاسي لدراسة المشكلات الأخلاقية في الطب والأبحاث الطبية الحيوية والسلوكية
المجلس اجتمع بعلماء من الدين والفلسفة والطب واخد شهادتهم وارائهم واجتمعوا علي الموت الكلي للمخ كافي علي تحديد موت الكائن
المجلس أصدر قانون يسمي (UDDA)ينص علي
أي فرد يعتبر ميتًا إذا ماتوافر فيه احد الشرطين وهما:
١) التوقف النهائي للوظائف القلبية والتنفسية
٢)التوقف النهائي لجميع وظائف المخ بالكامل، بما يشمل جزع المخ
اي يظهر علي لوحة الطبيب/ جهاز رسم المخ الكهربي خط مستقيم
طبعا يا عزيزي هنا كانت توصية وليس إلزام
وتم بالفعل اعتماد هذه التوصية في مجلس المحامين الخاص بالنقابة الأمريكية
______________________________________
التغير والتقدم في التكنولوجيا الطبية يطرح مشاكل جديدة لمعاييرنا القديمة لما يشكل الموت
في ظل التطور والتغيرات في ممارستنا ومفاهمينا المتعلقة بالموت والتقنيات لتمديد الحياة، يجب علينا أيضا تطوير مفاهيم جديدة دقيقة بشكل متزايد حول الجوانب الأكثر أهمية في حياتنا العصبية . حين أن المعيار الحالي للموت الدماغي الكلي يكفي حاليا في الغالبية العظمى من الحالات ، الإ أن المعيار لا يتماشي تمامًا مع ما نقدره في الأشخاص
♥️في رأيك عزيزي النسوانجي♥️
١)هل ينبغي لنا أن نحتفظ بمعيار الموت الدماغي الحالي على الرغم من عدم توافقه مع قيمنا وعلى الرغم من العواقب السلبية في تحديد الوفاة والتبرع بالأعضاء؟
٢) من وجهة نظرك ماهو المصطلح الصحيح الذي يجب أن يكون كافي وقاطع للدليل علي موت المريض
اذا وصلت إلي هذه النقطة أتمني أن تكون استفدت بوقتك...❣️🕊️شكرا للجميع
