لو ضاع أو أتسرق ، دلوقتي كل الموبايلات بباسورد حتى الموبايلات القديمة طالما تاتش ، و لو فرمطه علشان يفتحه و يبيعه كل الداتا اللى عليه هتروح ، اللى عايز يفتح جهاز حد لازم يبقى شخص عبقري و متمرس فى الاختراق!!
ما أنا مش سايب المفتاح فى الكونتاك ، ده الحرامي اللى كسر باب العربية ، و كسر الطبلوه و قطع سلكتين و لمسهم فى بعض و دورها و سرقها...ثم أنا حر أحط أي نوع من الداتا على جهازي ، ده جهازي الشخصي!!
فى ناس بتموت فى الابتزاز
ما هو أكيد يتلام على غبائه ، لكن ميتقالش عليه ديوث و يستهل ، و مينفعش نتعاطف معاه!!
مهو الى سرق الداتا مش هيجى فى باله غير كده صور مراتة ليه هيقول اكيد عشان يبعتها لحد
لا يا غالى جهازك الشخصي ده لو PC و موجود جوا بيتك و مقفول عن النت .. وقتها نقول انك كده محافظ عليه ..
لا مش بيبقى واضح المغزى من الصور بطريقة تصويرها و حفظها!!؟
مش حكاية مش طبيعي كل شخص حر هو و مراته يلعبوا و يهزروا سوى زي ما هما عايزين...أنت الشركة بتنزل موبايل بنظام مؤمن و محمي بشكل رهيب و كل شوية تحديثات و سد للثغرات و لكن الهاكر ده واحد مورهوش حاجة غير الأذية ، أنت مثلاً تعرف كام شخص حواليك تعرفهم على أرض الواقع جهازه بالكامل تم إختراقه و أتخد منه صور أو ملفات شخصية؟؟
جايز و**** اعلم تفكيره فيه ايه برده
بص يا غالي خطر انك تصور حاجه للذكري ليك او لأهل بيتك لان موبايلاتنا اصلا مخترقه وربنا يسترنا ويستر عرض ولاايانا
ربـنـا يسترها علينا و على ولاينا و يكفينا شر الفضيحة!!
مخترقة أصلاً إزاي؟؟
قصه طويله بس مختصرها طالما دخلت علي جوجل فأنت موبايلك اصلا مخترق .. انته مش ساعات تفكر مثلا تشتري موبايل تفتح جوجل او الفيس تلاقي اعلان موبايلات دي حاجه اتكلمت عليها الدكتورة مايا صبحي ان القمر الصناعي بيوجه اشارات للموبايل وبالتالي الموبايل بيوجه اشارات للمخ فبيعرفو احنا بنفكر في ايه اصلا هوه الموضوع اشبه بالخيال العلمي بس انا مصدقه الغرب تقدم علينا في التكنولوچيا بسنين ضوئيه بس احنا استغلينا الحكايه دي للأسف غلط
يـارب يكفينا شرهم
لا لا لا ، يا عم أنت روحت فين ، و جوجل مين اللى بتعرف اللى أنت بتفكر فيه و قمر صناعي مين؟؟
ابحث عن الموضوع هتلاقي كلامي مظبوط ... انا عارف ان كلامي دخل في ناحيه الخيال العلمي بس كل المخترعات الحديثه مبنيه اصلا علي الخيال يعني كان زمان في افلام جيمس بوند بيجبوه وهو بيتكلم صوت وصوره من ساعته او جهاز ماسكه في ايده واحنا نقول ايه ده ازاي دلوقتي كل واحد فينا ماسك موبايل وبيتكلم صوت وصوره يا سيدي هذا مخطط للسيطره علي العالم من جهات فوق القانون ابحث ودور بدل ما تنكر
