سؤال التدخين

[Ziad El masry]

أنا تميت السنتين بدخن للأسف بس مره واحده بقيت بكح ودايما بلغم وكل ما أشرب سجارة أحس إني عاوز استفرغ.
ف هل في أي حد له تجارب مع الإحساس ده وممكن يكون ايه؟

 

[Ziad El masry]

أنا تميت السنتين بدخن للأسف بس مره واحده بقيت بكح ودايما بلغم وكل ما أشرب سجارة أحس إني عاوز استفرغ.
ف هل في أي حد له تجارب مع الإحساس ده وممكن يكون ايه؟

@مدام دعاء عارف إن حضرتك ممرضه ف هل تعرفي أي احتمال للي عندي؟

 

[مدام دعاء]

لاسف دى علامه مش حلوه خالص انصحك تزور دكتور امراض صدريه فى اسرع وقت

 

[Ziad El masry]

لاسف دى علامه مش حلوه خالص انصحك تزور دكتور امراض صدريه فى اسرع وقت

سرطان؟

 

[Ziad El masry]

هموت؟

 

[مدام دعاء]

كلنا هنموت وكلنا معرضين للامراض
بلاش التساؤم والتسبيق بالشر
زور الدكتور بسرعه وهوا هيقولك الى عندك

 

[Ziad El masry]

كلنا هنموت وكلنا معرضين للامراض
بلاش التساؤم والتسبيق بالشر
زور الدكتور بسرعه وهوا هيقولك الى عندك

أنتي ليه راضيه إني أفضل متوتر كده؟

 

[Thefinal]

تهدئة الحلق مع قطرات السعال، أو الغرغرة بالمياه المالحة.
شرب 6-8 أكواب من الماء يوميًا لإزالة المخاط من الرئتين والحلق.
رفع الرأس أثناء النوم للتأكد من أن المخاط لا يتجمع في الحلق.
ممارسة الرياضة لمدة 30 دقيقة يوميًا بشكل منتظم، لأنها تسهل إخراج البلغم.
تجنب القهوة والكحول لأنها تسبب التهيج للحلق مما يزيد من شدة السعال.
في حال لم تساعدك هذه العلاجات بالتخلص من الكحة عليك بمراجعة الطبيب لوصف أدوية تساعد في التخفيف من الكحة.

 

[Ziad El masry]

تهدئة الحلق مع قطرات السعال، أو الغرغرة بالمياه المالحة.
شرب 6-8 أكواب من الماء يوميًا لإزالة المخاط من الرئتين والحلق.
رفع الرأس أثناء النوم للتأكد من أن المخاط لا يتجمع في الحلق.
ممارسة الرياضة لمدة 30 دقيقة يوميًا بشكل منتظم، لأنها تسهل إخراج البلغم.
تجنب القهوة والكحول لأنها تسبب التهيج للحلق مما يزيد من شدة السعال.
في حال لم تساعدك هذه العلاجات بالتخلص من الكحة عليك بمراجعة الطبيب لوصف أدوية تساعد في التخفيف من الكحة.

تسلم يا دكتره❤️

 

[dr_lonllly]

أنا تميت السنتين بدخن للأسف بس مره واحده بقيت بكح ودايما بلغم وكل ما أشرب سجارة أحس إني عاوز استفرغ.
ف هل في أي حد له تجارب مع الإحساس ده وممكن يكون ايه؟

اللي عندك ده اسمه COPD بالعربي سده رئويه مزمنه. مش تتخض دي عند كل المدخنين بدرجات. متفاوته وبيكون فيها الشخص معرض كل فتره ان البلغ يزيد ك كميه و يتغير ك لون ونسميها Exacerbation
طيب هتعمل ايه
اولا تقلل على قد ما تقدر صعب بعد العمر ده اقولك وقف
في مزيبات للبلغم و بتقلل الالتهاب في الشعب نوعا ما اسمها استيل سيتايين
دي هتسهل الخروج للبلغم بس خد بالك انها هتزود الكحه معاك عالشان البلغم عاوز يخرج
لو البلغم له لون تحتاج مضاد حيوي غير كده لا
ودوا شرب اسمه ماكسيلاز كمان يساعدك
والف سلامه عليك 🌺

 

[Ziad El masry]

اللي عندك ده اسمه COPD بالعربي سده رئويه مزمنه. مش تتخض دي عند كل المدخنين بدرجات. متفاوته وبيكون فيها الشخص معرض كل فتره ان البلغ يزيد ك كميه و يتغير ك لون ونسميها Exacerbation
طيب هتعمل ايه
اولا تقلل على قد ما تقدر صعب بعد العمر ده اقولك وقف
في مزيبات للبلغم و بتقلل الالتهاب في الشعب نوعا ما اسمها استيل سيتايين
دي هتسهل الخروج للبلغم بس خد بالك انها هتزود الكحه معاك عالشان البلغم عاوز يخرج
لو البلغم له لون تحتاج مضاد حيوي غير كده لا
ودوا شرب اسمه ماكسيلاز كمان يساعدك
والف سلامه عليك 🌺

**** يسلمك يا غالي❤️

 

[Hamed bo zeb gamed]

بص الحوار كان معايا انا بقالي خمس سنين بدخن جربت كل حاجه الا المخدرات ودي حاجه بعتز بيها اني فضلت ثابت علي المبدأ الموضوع معايا كان وحش اوي بلغم وبنهج جامد فا كنت دايما باخد عسل بليمون الصبح كان بيهدي الدنيا ويوقف كحه اما الشعب الهوائية دي حلها انك تجيب عشر مسامير قرنفل هو اسمو كده متستغربش او قرنفل مش مطحون وتحطهم في كوبايه مايه وتغطيها من بليل واول ما تصحي تشربها الصبح علي الريء هتلاقي النفس بقي احسن بكتير بس استمر عليها وحاول تقلل او بطل خالص احسن انا دلوقتي بقيت اشرب iqos بس مش بتاعه الفسي عشان متقرفش😂 في جهاز تاني اسمو ismod ده السيجاره بتاعتو خفيفه جدا وحلوه وحاليا بقالي حوالي تلت شهور محطيتش سيجاره عاديه في بوقي وبقيت احسن شويه ولا كحه ولا بلغم اه لسه بنهج بش عشان في الاول والاخر لسه بشرب والف سلامه يازيزو ابقي طمنا عليك

 

[Ziad El masry]

بص الحوار كان معايا انا بقالي خمس سنين بدخن جربت كل حاجه الا المخدرات ودي حاجه بعتز بيها اني فضلت ثابت علي المبدأ الموضوع معايا كان وحش اوي بلغم وبنهج جامد فا كنت دايما باخد عسل بليمون الصبح كان بيهدي الدنيا ويوقف كحه اما الشعب الهوائية دي حلها انك تجيب عشر مسامير قرنفل هو اسمو كده متستغربش او قرنفل مش مطحون وتحطهم في كوبايه مايه وتغطيها من بليل واول ما تصحي تشربها الصبح علي الريء هتلاقي النفس بقي احسن بكتير بس استمر عليها وحاول تقلل او بطل خالص احسن انا دلوقتي بقيت اشرب iqos بس مش بتاعه الفسي عشان متقرفش😂 في جهاز تاني اسمو ismod ده السيجاره بتاعتو خفيفه جدا وحلوه وحاليا بقالي حوالي تلت شهور محطيتش سيجاره عاديه في بوقي وبقيت احسن شويه ولا كحه ولا بلغم اه لسه بنهج بش عشان في الاول والاخر لسه بشرب والف سلامه يازيزو ابقي طمنا عليك

**** يسلمك هو دكتور الصدرية إمبارح إداني البخاخ الي بتاخد منه نفس ده

 

[كريم أسكندرية]

أنا تميت السنتين بدخن للأسف بس مره واحده بقيت بكح ودايما بلغم وكل ما أشرب سجارة أحس إني عاوز استفرغ.
ف هل في أي حد له تجارب مع الإحساس ده وممكن يكون ايه؟

اكشف

 

[Hamed bo zeb gamed]

**** يسلمك هو دكتور الصدرية إمبارح إداني البخاخ الي بتاخد منه نفس ده

كويس واستمر علي الي قولتلك عليه هتلاقي الدنيا بقت احسن متقلقش دي حاجات طبيعيه

 

[Ziad El masry]

كويس واستمر علي الي قولتلك عليه هتلاقي الدنيا بقت احسن متقلقش دي حاجات طبيعيه

تمام🫂❤️

 

[Ziad El masry]

اكشف

منا كشفت واداني البخاخ بتاع الربو وقالي لازم أبطل💀💔

 

[فكرى]

لاسف دى علامه مش حلوه خالص انصحك تزور دكتور امراض صدريه فى اسرع وقت

مدام دعاء - ملاك الرحمة و الجمال . تحياتى لحضرتك

 

[فكرى]

أنا تميت السنتين بدخن للأسف بس مره واحده بقيت بكح ودايما بلغم وكل ما أشرب سجارة أحس إني عاوز استفرغ.
ف هل في أي حد له تجارب مع الإحساس ده وممكن يكون ايه؟

وأيه اللى زانقك ؟ بطلها

 

[Ziad El masry]

وأيه اللى زانقك ؟ بطلها

لو بإيدي كنت بطلت من أول ما بدأت