اول وحده 😍.
المحفلطه ودى بقي ترص المواعين الاطباق لوحدها والحلل لوحدها والمعالق لوحدها والكوبايات لوحدها وتنضف الحوض وتلبس المريله وتبتدى تغسل بمزاج وكأنها دخله مسابقه احسن حد بيغسل وتفنش المطبخ ع سنجه عشره 👌👌
والنوع التاني💪
بتدخل بقلب جامد وفي أيدها السلكه هي لسه مش هتاخد وتدى مع المواعين ال قدامها بتشوطه تخلص كله وبعدين تنضف حواليها وسلام عليكم ورحمة **** وبركاته 😂😂
النوع التالت😔
بقي تدخل ولا كأنها الفار الطباخ بحركات أيده وهو بيتعلم الاكل اي حاجه بتتغسل بنفس الليفه حتي لو طاسه سمك وبعد كوبايه عادى جدا والحنفيه مفتوحه طول الوقت ع أساس كنوع من السرعه وتطلع كأنها كانت تحت المطر والنوع ده بقي مبينضفش حواليه 🤦♀️🤦♀️
النوع الرابع 🤫🤭
بقي اهم حاجه عنده المواعين تخلص واول بأول ومفيش حاجه اسمها فينيش نهائي ولا تنضيف خوض والزباله بتبقي جوه الحوض عادى وتخرج ف أيدها كوبايه الشاي .لقد تمت المهمه بنجاح ودى اهم حاجه عندهم 😂😂
النوع الخامس 👇
والأخير دول مبيغسلوش مواعين خالص الا للضروره القصوى وعند الحاجه يعني عوزه كوبيتبن شاي ومعلقه تدخل تدور عليهم تحت الأنقاض تغسلهم للغرض وتطلع ودول بقي احلي روقان وبال رايق وتخان مش معصصين ولا بيهروا في نفسهم زيينا 😂😂
كل وحده تقول هي أنهى نوع من الدول 😍❤️
دمتم شاطرين وعلي المواعين مخلصين 😂😂😂
