اسوء لحظة ممكن امر بيها هي لحظة إدراك أن في حد انت بتحبه استغني عن وجودك مبقاش عاوزك في حياته اختار بكل إرادته أنه يبعد عنك أو يبيعك
لحظة إدراك انك هونت زي ما بتهون دايما
لحظة إدراك انك وثقت في شخص وراهنت أنه مش هيعمل معاك زي ما حصل من اللي قبله وتلاقيه عمل كدة
لحظة إدراك انك دايما الشخص اللي فراقه سهل
لحظة إدراك انك مهما تعمل فالنهاية هتتساب عادي وبدون تردد وبدون حتي تفكير لثواني
لحظة إدراك انك وثقت في حد بعد ماكنت قافل علي نفسك وندمت انك وثقت في حد من تاني
لحظة إدراك انك شخص دايما بتتساب وتدخل في حيرة .
هو انا وحش ولا هما اللي مابيطمرش فيهم ؟
هو انا قصرت ولا هما مش شايفيني اصلا ؟.
هو انا اذيتهم في ايه ؟.
أسئلة كتير بدون إجابة بس دي اسوء لحظة بجد بتعدي عليا
