كمشجع للفريق و متابع للامور عن قرب ف لأ يا عزيزي حتى لو آخر موسم لصلاح أو حتى سلوت مش هيبقى بسبب التانى.... أما عن سر بروز المشكله بتاعة صلاح ببساطه لأن الفريق واقع و الكل ما بيصدق الماتش اللى فات سلوت المرادى بقى صلاح و قبلهم جاكبو و قبلهم كوناتى ف حرفياً الجمهور كل شويه يمسك فى حد....
طيب المشكله من أول الموسم فين بقى ؟؟ فى رأيى المتواضع هى فى التناغم ، الفريق داخل عليه عناصر كتير جديده كمان فيه تأثر واضح عند نجم الفريق برحيل واحد من أقرب الاصدقاء ليه و هو جوتا ف ضاربه من كل حته
كمان لاعب زى ملك اليستر لغاية دلوقتى مش فورمه و السر مجهول الحقيقه لغاية دلوقتى مش فاهم سر هبوط مستواه هو بالتحديد لكن حتى مع الهبوط بتاعهم السنه اللى فاتت فى بعض الأوقات كان الفريق بيعرف يكسب ف المشكله فين ؟
المنظومه فيها متغيرات كتير خصوصاً منظومة الضغط ليفربول على مستوى الضغط و استرجاع الكوره كارثى فارق واضح يظهر بالعين المجردة حتى فى سرعة إستعادة الكوره و تانى بسبب دخول متغيرات كتير جديده و هبوط مستوى الكثيرين كمان فيه لاعب أساسى زى دياز مشى و ده لاعب جمهور ليفربول مش مقدره بس دوره قوى فى الملعب و أهو فى المانيا أون فاير... الفريق فيه مشاكل كتييييير أوى أكبر من مشكلة صلاح نفسه...
سبب صعود موجة صلاح هو ببساطة أن الفريق خسر آخر اربع مباريات و من ضمن المباريات دى اتنين هو كان قادر يقلب النتيجه لصالح الفريق ف الناس رجعت ركزت معاه هو أكتر بروزها باللقطه بتاعة ماتش المانيو... و أخيرا ماتش امبارح اللى توضح أكتر و أكتر أن صلاح هو غير قادر ذهنيا و نفسيا فى الفتره الحاليه و محتاج دعم.
نفس الفريق ده بعشوائيته لو صلاح فورمه مكنش ظهر العك ده كله بنفس الطريقه الفجه دى.
آسف للاطاله بس بجد كان نفسى ارغى عن الفريق 😅
