سؤال فضفضه اختلاف الشخصيات والصفات والاهتمامات

[ابو اسكندر السندباد]

الفكره مش شغف
انا قولتلك لو معاك فلوس
اللى يخليك تشترى عربيه غاليه هيخليك تقدر تصرف عليها ومتزعلش وبرضه هتقضى نفس الغرض اللى انت عاوزه

يا عم مفيش زعل 😅😅
بس كل انسان و له فكره يعنى لما انا عندى بديلين الاتنين يفو بالغرض بس فى بديل اوفر ليه اروح لغيره

عموما انا دى فكرتى فى المقتنيات و الحاجات الى بستخدمها دى نظرتى ليها مبدهاس اكتر من قيمتها الحقيقية سواء بقى عربية موبايل لاب اى حاجة

لكن فى نواحى الحياة الاخرى انا غير روتبنى و غير تقليدى و لا احب القيود على الاطلاق و احب المغامرة و الفضول لكن دون تطفل 😊😊

 

[الرعد الشديد]

فاهمك
بس هى مش بالعشره ولا بطولها
هى بالمواقف بتبين

العشره هنا يعنى انك قضيت معاه مواقف ممكن من اول موقف يبان هو على ايه

 

[mondy_2]

الصفات اللى انت قولتها
هى موجوده فيك بنسبه عاليه

تسلم من زوقك الجميل

 

[Refugee]

كلنا مختلفين عن بعض فى الشخصيات والاهتمامات وصفاتنا غير بعض


كيفيه الحكم على الشخصيه انها مناسبه ليك؟؟
سواء فى الاهتمام او صفاتها؟
سواء راجل او ست بمختلف الاعمار؟؟

عارف المشكله في ايه...انك حتي لو ضمنت انك حكمت صح بعد تحليلات واختبارات وتفكير وتجارب فعليه للشخصيه محل الحكم علي ارض الواقع...ممكن بعد شهر--سنه---اتنين---تلاته..انت شخصيا تتغير طبقا للظروف الاجتماعيه المحيطه بيك..وعليه هاتتغير كل معايير قياسك من حيثيه اطلاق الحكم علي شخص ايا كان...ولما تقعد مع نفسك في ثوبها الجديد بعد ٣ او ٤ سنين عدو وتعيد التفكير في حكمك الصادر عن شخصيه ما في الماضي تبقي واقع وسط تساؤلات منها...هل انت اصدرت حكم غلط...هل مخدتش وقتك كفايه قبل ماتحكم...هل اتخدعت بالامور البينه دون الغامضه منها...هل الشخصيه دي اتغيرت مع مرور الوقت؟؟ وممكن يكون كل العامل المتغير في المعادله هو شخصك الكريم...وارجع واقول ممكن..وهي ديه كاريزمه الحياه..نفضل في دوامه التساؤلات غير المنتهيه دون الوصول للحق المطلق..لانه متمثل فقط في شخص ذات الحق فقط.