(منقول )
كنت ماشي انا وهي على الكورنيش سبتها وروحت اجيب حمص الشام ، لقيت واحد واقف معاها وهى عماله تشاورلى فكرت حد بيعاكسها وبتستنجد بيا .
رميت الحمص وجريت عليها وبقوله انت مين يا عم انت
وإيه إلى موقفك مع خطيبتي ؟
قالها هو انتي كمان اتخطبتى من غير ما تقولى لنا ؟
ف قولتله انت مين يا عم أنت كلمنى انا .
قالى انا أبوها وجى اطلع ميتين أهلك واهلها .
ولسه جاى اجرى لقيته مسكني من التيشيرت وخنقنى وفضل يضرب فيا بالبونيات وبقيت عامل زي الفرخة الدايخة وهو نازل فيا ضرب وهى عماله تصوت وتقول حد يلحقنا .
الناس اتلمت بيسالوها في ايه ؟
قالت لهم ابويا بيتخانق مع واحد علشان اتحرش بيا ،
لقيت الناس جايه بتجري عليا وبيضربونى مع أبوها .
ساعتها قعدت في المستشفى شهر بسبب التكسير إلى كان في جسمي .
باعتنى من اول علقة بنت كوم شكاير الغدارين .