مشكلة اتجوز تانى

[الكبير العاقل]

انا متجوز بقالى اكتر من ١٠ سنين بس معجب بواحده و شكلى بحبها مش دى المشكله. الموضوع انى بكون مثار جدا معاها و مراتى فيه فتور جنسي. مش عارف اعمل ايه

 

[ميزو👅]

اتكلم مع مراتك و متدمرش بيتك

 

[أم قويق]

يا حلاوتك و انت متخيل الست دي فيليتو عند الجزار
و اكيد لما تتجوزها الحياة بامبي بقى و شقاوة
و ايه رقص هنا و رقص هناك و دلع
ولا مشاكل
ولا تكسر قلب الولية الي متبهدلة معاك
ولا تشاغل بت الناس بحكاية مقتبسة من ازمة منتصف العمر
لا لا
الحياه بامبي خاللللص
ولا خيانة و لا طلاق
ولا ولاد وبيت يتهد
يا خويا
الي بايس برا بيتك … بوس اهل بيتك تتشكرلهم!

 

[أدهم سالم]

فيه قصة بتتحكي عن واحد زمان أيام العرب كان بيحاول ينام مع جارته .. و قعد يراودها عن نفسها فراحت اشتكت لمراته .. قالتلها قوليله إنك موافقة انك تنامي معاه .. بس انتي بتتكسفي فهتستنيه في السرير في الضلمة .. و مش هتتكلمي خالص ..فعلاً بعتتله الجارية بتاعتها قالتله كده .. و لما جه الليل مرات الراجل هيا اللي نامت في سرير الست .. و طبعاً جه الراجل بالليل في الضلمةو دخل السرير و نام مع مراته و هو فاكرها جارته .. و قضى ليلة عنب .. صحي الصبح لقى اللي نايمة جنبه مراته و فهم المقلب اللي شربه.. قاللها: ما أطيبكي حراماً و أردأكي حلالاً!

الخلاصة إن لما النور بيطفي كله بيبقى زي بعضه .. لكن الشيطان هو اللي بيصور لك إن الحاجة اللي مش في إيدك أحلى من اللي في إيدك .. عشان كده بتحس ناحيتها بالاستثارة

عايز تتجوز تاني .. عادي حقك مش حرام .. بس الجواز مسئوليات و أعباء كتييييير جداً غير الجنس .. فلو هتتجوز تاني عشان الجنس بس .. فدي صفقة خاسرة من وجهة نظري