هقولك لمحه بسيطه مختصره عن فكره مش دفاع عن البنات عمتا بس الفكره أننا بيبقى عندنا أحلام وطموحات. كل واحده متخيله أنه لما تتجوز هيبقى جوزها مصباح علاء الدين اللى هيحقفلها كل حاجه
وده مش طمع لاكن حب أنه تعمل وتحقق معاه حاجات كتير حلوة فحياتهم سوا قبل الاصطدام بالأمر الواقع 👌 👌
في فرق بين انا عاوز ايه و انا باخد ايه
أن كان على الرغبات ف الكل عاوز بس من امتى الدنيا اديتك كل اللي عوزته !!؟
الشخص اللي قدامك زي ما انت عاوز تاخد منه هو كمان عاوز ياخد منك زي ما انت عندك طموحات ورغبات هو كمان عنده طموحات ورغبات
الفكره دايما ف تقديرك للواقع
واحده بتكل شاب ليه متخرج من الجامعه اخد اول قلم على وشه ف سنه جيش
هوب خد القلم التاني نزل سوء العمل اتقاله انت فريش ف هتتعين على 5 قروش يادوب يكفوه اكل وشرب ومواصلات زنق نفسه وحرمها من أبسط الحاجات عشان يخش جمعيات و يعرف يهبط على الباب
هوب خد القلم التالت أن القروش اللي قعد يجمعهم مش كفايه يعمل اي حاجه وف سباق الاسعار اللي بتزيد ومرتبه اللي بيتأكل و الشغل اللي بيستنفزه نفسيا ومعنوياً واجتماعيا حتى من كل الناس اللي حواليه مطلوب منه أمور كتير
دخل البيت و استلف وطلع ميتين امه بس هي مش شايفه ومش مقدره
سكوته قله حيله و تفكير ف بكره اللي خايف منه شافته زهق و بيبص لغيرها!!
نومه عشان عنده شغل قله اهتمام
أنه بيكنسل حاجات أو بياخرها عليها بتتحول لمعايره وليه هو انا اقل من مين
حاجات كتير لو اتشافت من زاويه تانيه غير زاويتها الرؤيه هتختلف
و برضه مطلوب منه يتحمل سوء أسلوبها بحجه انها لو بتنكد عليه تبقى بتحبه
لو بتتخانق معاه بداعي وبدون داعي تبقي برضه بتحبه
