أنا ما اتحبتش .
أنا كنت استراحه،
هدنه قصيره في حرب ملل ،
مساحة آمنة يهربوا لها
لما الدنيا تقفل ،
ولما الوحده تبقى تقيلة
وما فيش بديل أحسن في اللحظة دي.
كنت موجوده في أوقات الفراغ،
مش في أوقات الاختيار.
كنت مناسبة …
مش ضرورية .
مريحة …
مش غالية .
عرفت متأخر إن اللي يتحب بجد
ما بيتحطش على الرف ،
وما يتشالش من القلب أول ما المزاج يتقلب ،
وما يتعاملش كحل مؤقت
لوجع هيختفي لوحده .
أنا ما كنتش حبيبه ،
كنت مرحلة .
والمراحل ما حدش بيخاف يخسرها ،
ولا حد بيرجع لها لما تعدي .
الحب مش اهتمام على قد الطاقه ،
ولا قرب بلا نيه استمرار ،
ولا وجود ينتهي أول ما الظروف تتغير .
الحب التزام صامت ،
وأنا كنت تجربه فاشله
في حياة حد كان عارف من الأول
إنه مش ناوي يكمل .
الغلط مش إني حبيت ،
ولا إني صدقت ،
الغلط إني قبلت أبقى أقل
من اللي قلبي كان بيصرخ إنه يستاهله .
سمحت لحد يشوفني مؤقته
وأنا كنت مستعده أبقى دائمه .
دلوقتي بس فهمت الحقيقة القاسية
مش كل اللي يقرب ناوي يحب ،
ومش كل اللي يقول كلام حلو
شايل نيه بقاء .
وقلبي؟
ما بقاش محتاج حد يسد فراغه ،
قلبي محتاج حد
ما يعرفش يعيش من غيره،
حد يشوفوا اختياره الأول مش الوحيد...
