- إنضم
- 9 أبريل 2024
- المشاركات
- 1,178
- مستوى التفاعل
- 923
- نقاط
- 6,497
- الجنس
- أنثي
- الدولة
- Masr
- توجه جنسي
- عدم الإفصاح
خلاص اتجوزنا الف مبروك تعالو بقا ندخل على اول مشكلات ما بعد الجواز ....
تخيل معايا دلوقتى ام عندها بنت وابن اتجوزو في نفس الاسبوع هل هتقول لبنتها جوزك على ما تعوديه ؟
ولا هتقول لابنها ادبح لمراتك القطة ؟
الاهل الاتنين اللى اكيد بيتمنولكم كل خير ونفسهم ومنى عينهم يشوفوك ويشوفوكى سعداء بس برده هما اللى تدخلاتهم بتكون سبب اساسي في الطلاق طب ليه دا بيحصل ؟
طب هما ليه بيتدخلو اصلا ؟ ( اي دا هما ينفع ميتدخلوش ؟)
خليني اديك مثال بسيط وسهل .. بيقولك في مرة مجموعة قنافذ ام شوك دى حسو بالبرد فقربو من بعض عشان يدفوا بعض فالاشواك جات فيهم وأذتهم فبعدو فحسو بالبرد فقربو فإتأذو وفضلو هكذا يقربوا ويبعدوا لحد ما قدرو يوصلوا لمسافة تحسسهم بالدفى وفي نفس الوقت ميتشوكوش
نرجع لموضوعنا ليه تدخلات الاهالى سبب في الطلاق ؟
ببساطة لان دول اهلك طبيعى ومنطقى ميكونوش موضوعيين تجاه مشكلتك اكيد مفيش ام هتيجي على بنتها وتقولها انتى غلطانة عشان خاطر واحد عارفينه من كام شهر قال ايه اسمه جوزها اكيد هتقولها احبيبتى يا بنتى وتطبطب عليها
السبب التانى اننا كمان نصابين شويتين تلاتة كدا يعنى لو حصل حادثة وحضرها خمس اشخاص لو خدنا كل واحد على جنب وقولتله احكيلي هتطلع ب5 قصص مختلفة ومش بعيد تطلع ب 6
فاحنا كزوج او زوجة واحنا بنحكي بنزود شوية بهارات حلوة كدا لزوم اننا نطلع المظلومين في القصة ولو فرضنا الاب او الام كانو على الحياد التام ومخدوش صف وركنوا العواطف على جنب فهما هيحكموا باللى هيسمعوه من بنتهم او ابنهم واللى هو مش كل الحقيقة
سبب تالت ودا مهم جدا وهو ان الاب والام هيدوك رأيهم بناء على تجربتهم واللى هيا بالمناسبة كانت من 20 سنة فاتو يعني زمن غير الزمن موقف غير الموقف واشخاص غير الاشخاص لان كل شخص ليه عقلية مختلفة للنظر للاشياء
السبب الرابع ان الاهالى مش بينسوا يعنى المشكلة العبيطة اللى حصلت بينك وبين جوزك وحكيتي لمامتك او ابوك عنها وخلاص اتصالحتو ويمكن تكونو نسيتوها اهلك منسوهاش لانها اتخزنت في اللاوعى عندهم ان الشخص الفلانى دا اذى ابنى او بنتى وزعلها وبالمناسبة الاب والام الابن بالنسبالهم اهم حد في الوجود فلما تحصل مشكلة تانية بينك وبين جوزك او بينك وبين مراتك هيفكروكم باللى حصل قبل كدا بالحكاية اللى نصها مش حقيقة اللى انت او انتى حكيتوها فهيزود الزعل والبعد بينكم
طب لما هما الاهالى عارفين التدخلات بتعمل مشاكل بيتدخلو لي بقا ؟
ببساطة لان ابوك وامك دول كانو اهم شخصين في حياتك من اول امبارح قبل ما تيجي وحدة تخطفك منهم وتبيتك برا البيت قال ايه اسمها مراتك ،فبيحسوا خلاص انهم بقوا درجة تانية فبيحاولو بكل الطرق انهم يقربوا منك ويتدخلو في بيتك عشان يقولوك احنا هنا اوعى تنسانا او بلفظ اخر امك ولا رحاب يا طه😂 بس للاسف بيعملو دا بالطريقة الغلط والموضوع دا بيزيد اكتر عند الاهالى المرتبطين باولادهم جدا زى انك تكون الابن الوحيد او ان تكون ام ارملة ومعتمدة كل الاعتماد على ابنها الكبير انه راجل البيت وشايلها على اكف الراحة او اب كبير في السن خلفته كلها شباب وعنده بنته جاتله على كبر وهى اللى بتراعيه بعد وفاة امها
السبب الاخير بقا انهم متدخلين مادياً خصوصا في حالة الشباب لو الابن لسة بياخد منهم ملغ يسند معاه الدنيا هيشوفوا ان عادى يتدخلوا فحاول قبل ما تتجوز تكون مستقل ماديا عشان تقي نفسك المشكلة دى
دلوقتي واحد هيقولى بس دول اهالينا منقدرش ولا ينفع نزعلهم نعمل اى يعني ؟
واليك هذة الحلول اللولبية لارضاء جميع الاطراف المعنية 😂
1- اتفق انت وخطيبتك قبل ما تتجوزوا على الحدود اللى مينفعش لكائناً من كان انه يتدخل فيها او يتعدها وتبقا دى حاجة تخصكم لوحدكم وسركم يتقفل عليه جوا شقتكم وتحلوا مشاكلكم سوا بعقلانية وتفهم زى الخناقات والمشاكل المادية
2- خلوا لاهاليكم وقت تزوروهم فيه اسبوعيا اذا سمحت الظروف عشان ميحسوش انهم بقوا درجة تانية بالنسبالكم ويتدخلو عشان يحسوا باهميتهم في حياتهم
3- لو حالتك من الحلات المرتبطة جدا بأهاليها زى ما قولنا عرف شريكتك او شريكك بالموضوع وخصص وقت فيه ترعى ابوك وامك حتى لو حصل شوية تقصير في من نحية البيت اكيد **** هيعوض اللى يصبر
اهم حاجة انكم كل ما اهاليكم يسألوكم اى اخبارك مع مراتك او مع جوزك تقولولهم احنا زى الفل اسعد زوجين في الدنيا بنية انكم تحسسوهم انكم سعداء وكويسين وهما اكيد هيفرحوا بده ويبقا فرحانين ليكم
وبس دا كان كل حاجة للنهاردة المرة الجاية هنتكلم عن الخلفة
دمتم بسعادة وصحة وعافية وسلام ❤❤
تخيل معايا دلوقتى ام عندها بنت وابن اتجوزو في نفس الاسبوع هل هتقول لبنتها جوزك على ما تعوديه ؟
ولا هتقول لابنها ادبح لمراتك القطة ؟
الاهل الاتنين اللى اكيد بيتمنولكم كل خير ونفسهم ومنى عينهم يشوفوك ويشوفوكى سعداء بس برده هما اللى تدخلاتهم بتكون سبب اساسي في الطلاق طب ليه دا بيحصل ؟
طب هما ليه بيتدخلو اصلا ؟ ( اي دا هما ينفع ميتدخلوش ؟)
خليني اديك مثال بسيط وسهل .. بيقولك في مرة مجموعة قنافذ ام شوك دى حسو بالبرد فقربو من بعض عشان يدفوا بعض فالاشواك جات فيهم وأذتهم فبعدو فحسو بالبرد فقربو فإتأذو وفضلو هكذا يقربوا ويبعدوا لحد ما قدرو يوصلوا لمسافة تحسسهم بالدفى وفي نفس الوقت ميتشوكوش
نرجع لموضوعنا ليه تدخلات الاهالى سبب في الطلاق ؟
ببساطة لان دول اهلك طبيعى ومنطقى ميكونوش موضوعيين تجاه مشكلتك اكيد مفيش ام هتيجي على بنتها وتقولها انتى غلطانة عشان خاطر واحد عارفينه من كام شهر قال ايه اسمه جوزها اكيد هتقولها احبيبتى يا بنتى وتطبطب عليها
السبب التانى اننا كمان نصابين شويتين تلاتة كدا يعنى لو حصل حادثة وحضرها خمس اشخاص لو خدنا كل واحد على جنب وقولتله احكيلي هتطلع ب5 قصص مختلفة ومش بعيد تطلع ب 6
فاحنا كزوج او زوجة واحنا بنحكي بنزود شوية بهارات حلوة كدا لزوم اننا نطلع المظلومين في القصة ولو فرضنا الاب او الام كانو على الحياد التام ومخدوش صف وركنوا العواطف على جنب فهما هيحكموا باللى هيسمعوه من بنتهم او ابنهم واللى هو مش كل الحقيقة
سبب تالت ودا مهم جدا وهو ان الاب والام هيدوك رأيهم بناء على تجربتهم واللى هيا بالمناسبة كانت من 20 سنة فاتو يعني زمن غير الزمن موقف غير الموقف واشخاص غير الاشخاص لان كل شخص ليه عقلية مختلفة للنظر للاشياء
السبب الرابع ان الاهالى مش بينسوا يعنى المشكلة العبيطة اللى حصلت بينك وبين جوزك وحكيتي لمامتك او ابوك عنها وخلاص اتصالحتو ويمكن تكونو نسيتوها اهلك منسوهاش لانها اتخزنت في اللاوعى عندهم ان الشخص الفلانى دا اذى ابنى او بنتى وزعلها وبالمناسبة الاب والام الابن بالنسبالهم اهم حد في الوجود فلما تحصل مشكلة تانية بينك وبين جوزك او بينك وبين مراتك هيفكروكم باللى حصل قبل كدا بالحكاية اللى نصها مش حقيقة اللى انت او انتى حكيتوها فهيزود الزعل والبعد بينكم
طب لما هما الاهالى عارفين التدخلات بتعمل مشاكل بيتدخلو لي بقا ؟
ببساطة لان ابوك وامك دول كانو اهم شخصين في حياتك من اول امبارح قبل ما تيجي وحدة تخطفك منهم وتبيتك برا البيت قال ايه اسمها مراتك ،فبيحسوا خلاص انهم بقوا درجة تانية فبيحاولو بكل الطرق انهم يقربوا منك ويتدخلو في بيتك عشان يقولوك احنا هنا اوعى تنسانا او بلفظ اخر امك ولا رحاب يا طه😂 بس للاسف بيعملو دا بالطريقة الغلط والموضوع دا بيزيد اكتر عند الاهالى المرتبطين باولادهم جدا زى انك تكون الابن الوحيد او ان تكون ام ارملة ومعتمدة كل الاعتماد على ابنها الكبير انه راجل البيت وشايلها على اكف الراحة او اب كبير في السن خلفته كلها شباب وعنده بنته جاتله على كبر وهى اللى بتراعيه بعد وفاة امها
السبب الاخير بقا انهم متدخلين مادياً خصوصا في حالة الشباب لو الابن لسة بياخد منهم ملغ يسند معاه الدنيا هيشوفوا ان عادى يتدخلوا فحاول قبل ما تتجوز تكون مستقل ماديا عشان تقي نفسك المشكلة دى
دلوقتي واحد هيقولى بس دول اهالينا منقدرش ولا ينفع نزعلهم نعمل اى يعني ؟
واليك هذة الحلول اللولبية لارضاء جميع الاطراف المعنية 😂
1- اتفق انت وخطيبتك قبل ما تتجوزوا على الحدود اللى مينفعش لكائناً من كان انه يتدخل فيها او يتعدها وتبقا دى حاجة تخصكم لوحدكم وسركم يتقفل عليه جوا شقتكم وتحلوا مشاكلكم سوا بعقلانية وتفهم زى الخناقات والمشاكل المادية
2- خلوا لاهاليكم وقت تزوروهم فيه اسبوعيا اذا سمحت الظروف عشان ميحسوش انهم بقوا درجة تانية بالنسبالكم ويتدخلو عشان يحسوا باهميتهم في حياتهم
3- لو حالتك من الحلات المرتبطة جدا بأهاليها زى ما قولنا عرف شريكتك او شريكك بالموضوع وخصص وقت فيه ترعى ابوك وامك حتى لو حصل شوية تقصير في من نحية البيت اكيد **** هيعوض اللى يصبر
اهم حاجة انكم كل ما اهاليكم يسألوكم اى اخبارك مع مراتك او مع جوزك تقولولهم احنا زى الفل اسعد زوجين في الدنيا بنية انكم تحسسوهم انكم سعداء وكويسين وهما اكيد هيفرحوا بده ويبقا فرحانين ليكم
وبس دا كان كل حاجة للنهاردة المرة الجاية هنتكلم عن الخلفة
دمتم بسعادة وصحة وعافية وسلام ❤❤
