مش بفرض رايي عليكي أو على حد
بس هي بتبزه فعلا .. لو فضلت تناطحه لمجرد أنه غلط واتصالحوا على الغلط ده .. و اذا كانت هي مش راضيه كان المفروض تكون واضحه وصريحه مع نفسها ومعاه من الاول وتطلب الطلاق وقتها مكنش حد هيقولها حاجه .. انما ترجع معاه وتعيش معاه و بعد كده تحرمه حقه الشرعي و تخرج عن طاعته ك ( رد فعل ) ده مش منطقي بالنسبه لاي حد مش بالنسبالي لوحدي
أما فكره الطلاق بشكل كامل ف واضح من كلام الشخص اللي عارض المشكله و اللي كمل باقي تفاصيلها ف التعليقات أنه الزوج مش حابب يطلق وبيدور على حلول يرد مراته منها لوعيها و رشدها
احنا الاتنين مقدمناش اننا نسمع الطرفين ف بنكتفي باللي قدامنا و نحاول نقدم حلول بناء عليه لكن الواضح من الطرح اللي قدامنا أن الزوجه راميه ودنها لناس تانيه ( شله من المطلقات والأرامل) حسب تعبير اللي طرح المشكله و أكد عليها بأنه لما الزوج اشتكى لوالد الزوجه قاطعت والدها ف هل ده برضه يندرج تحت رد الفعل ؟؟؟
النقطه الأهم . أنه لما تكون في قدامك حاله زي كده خرجي نفسك بره المعادله و حطي نفسك مكان الطرفين و النتيجه اللي تطلعي بيها هي اللي تكون حكمك بغض النظر لصالح مين .
جايز تكوني شايفاني عدو للمرأة والكلام ده بس من اكتر من حساب سابق كنت بدافع عن الحق من وجهه نظري بغض النظر مين الراجل ومين الست .. انتي كمان حاولي تعملي ده
ده بس اللي كنت بحاول اقولهولك .. مكنتش بحاول افرض رايي ولا اقولك امشي مع التيار.