يقول صاحبنا.....
ف فتره سابقه ف حياتي عرفت واحده كانت بالنسبالي حاجه كبيره جدا لدرجه اني كنت بستكترها على نفسي .. كنا متفاهمين جدا و كل حاجه فيها مثاليه بالنسبالي بشكل رهيب لكن كطبيعه العلاقات ظهر خلاف ف حاجه بالنسبالي مش هينفع اعديها و عشان حبيتها و اتعلقت بيها حاولت اننا نتكلم ف الموضوع بحيث اننا نوصل لحل مرضي وان كان مش مناسب بشكل كامل .. لكنها فهمت من الموضوع اني بحاول اغير فيها و سابتني دورت عليها ف كل حته بعدها معرفتش اوصلها و الحقيقه أنه رغم طول مده البعاد الا اني لسه بحبها وعندي امل ترجع ..
سؤالي هنا .. هل عمر حد فيكم ف موقف مشابهه يحب حد كامل الاوصاف إلا ف نقطه معينه ف كل حاجه تتهد ؟
هل لو اتنازلت عشان ترضيها و تكمل معاها كنت هتعرف تعيش مرتاح ؟ " حاجه مفصليه بالنسبالك"
هل بعد الغياب ده ممكن ترجع؟ ولو رجعت اتصرف ازاي معاها ؟ " لسه بحبها وعايش على الامل ده ف لا تجرحني ولا تجرحها"
