اظن البوست باين من عنوانه هيبقى عبارة عن كلام عشوائي مش محضر ليه ولا مجهزه هيخرج من العقل والقلب عليكم على طول .
اهم حاجة فى اى علاقة انها تكون واضحة ميكنش فيها غموض أو تلميح اعجبت بحد روح قوله ومتخفش ربما يكون فيه شعور متبادل ربما ميكنش .
طيب ليه الحيرة دى انطق /ى بلاش تلميح انا واحد من الناس مش بركز فى التلميحات وفيه ناس كتير كده هاتوها على بلاطة عشان على الأقل تكسبو وقت بدل ما تتعذب /ى .
حاجة تانية بمجرد ما هتتخذ شخص ما صديق لازم تعرف ايه هى شروط الصداقة لازم تحترم القوانين بتاعت الصداقة .
تكون جنبه اه بس متكنش تقيل عليه
تكون سند ليه وقد المسؤوليه بتاعتك اتجاهه
قبل ما تخرج اى كلمة من بوقك تكون قدها
متعشمش صاحبك انك هتفضل جنبه ومع اول موقف تسيبه وتنفضله والكلام بينطرق فى جميع علاقتك فى الحياه عمتا مش صداقة بس.
بلاش تكون صديق عشان مصلحة أو لوقت معين وخلاص
لازم تستحمل صحبك وتفهم أن كل واحد ليه ظروف .
حاجة كمان خليك حويط وحريص شوية مع بعض الناس اللى انت مش فاهم دماغهم بس مش مع كل الناس لان احيانا هتقابل شخص تلاقى نفسك مرتاح ليه وحاسس انك تعرفه من زمان ويا سلام بقى لو الناس طلعت شبهك سواء صداقة أو علاقة ارتباط هترتاح اوى
متصدقش اى حاجة تتقال ليك كفاية الخوازيق اللى خدتها من الثقة اللى بتثقها بسرعة فى الناس شوف الأفعال وبعد كده حط ثقتك فى اللى يستاهل بس .
