انا خاطب من 3 شهور اكتشفت ان خطيبتي ليها ماضي من ايام الكلية كانت مرتبطة بشاب وحصل بينهم تجاوزات واحدة كانت صحبتها في الكلية طلعت بالصدفة صحبة اختي
اختي كانت منزلة حالة واتس هي وخطيبتي وصحبتها شافت الحالة ودخلت كلمتها وحكيت لها اختي جات حكيت لي كلمت صحبتها قلت لها عندك دليل علي كلامك قلت لا بس حلفت 3 مرات وحكت لي علي الخروجات الاماكن الي اتقابلو فيها وأن علاقتهم استمرت بتاع سنتين
انا روحت زيارة واجهت خطيبتي قعدت بصت لها وبدون مقدمات قلت لها انتي عرفتي حد اسمه كذا كذا رد فعلها اتوترت وإنكرت علي طول قلت لها بس انا عرفت أن حصل بينكم خروجات في أماكن معينة وحكيت لها فضلت تنكر بس كان باين من رد فعلها أنها بتكذب سيبتها يومين مش بكلمها قلت لها كدة الشك دخل ما بيننا قلت لي أنا هصارحك وحكيت لي كل حاجة وأنها نسيته خالص ومش عارف ايه
قلت لها بصي دي علاقة زواج طلاما الشك دخل فيها بتكون صعبة الافضل ننفصل بهدوء بيني وبينك واوعدك مش هجيب سيرة لاي حد من أهلك أو اهلي وربنا يوفقك
كلمتني تاني فضلت تعيط عشان مافشكلش قلت لها بصي انا مقدر كل الي انتي فيه بس غصبا عني أنا طلاما الشك دخل قلبي مش هعرف اثق تاني وربنا أن شاء **** يرزقك بأحسن مني واحنا لسة في بداية الخطوبة هنقول لهم مش مرتاحين اي حاجة
واول حاجة عملتها خدت تلفون اختي مسحت الشات الي بينها وبين صحبتها عشان ماحدش يشوفه من اهلي ويعرفو السبب وقلت لأختي وخليتها تحلف انها ماتقلش لحد اي حاجة وقلت لها اقطعي علاقتك بصحبتك دي عشان شكلها مش كويسة
هل كدة انا ظلمتها في اي حاجة ؟؟
