نصيحه عاااامه
أكتر غلطة ممكن راجل يعملها، من غير ما ياخد باله، إنه يعود الست اللي معاه على غيابه.
مش لازم يكون غياب بالشهور ولا بالأسابيع، ساعات الغياب بيكون في وجودك، بس وجودك الجسدي بس، إنما انت مش معاها فعلًا.. مش حاسس، مش مهتم، مش بتسأل، مش موجود.
عارف إيه اللي بيحصل لما ده يتكرر؟
الست اللي بتحبك بتقاوم في الأول، بتحاول تلفت نظرك، تقولك بطريقة مباشرة أو بطريقة تانية إنك غايب عنها، بتحاول تحافظ عليك وعلى العلاقة، لكن لما تحس إنها بتتكلم مع الحيط، أو إن كلامها مش فارق، بتبدأ تسكت.
وسكوتها ده مش رضا، ده بداية نهاية.
بداية ما كانتش ناوية توصلها، بس انت اللى زقيتها غصب.
لما الست تتعود تحل مشاكلها لوحدها، وتنام وهي متضايقة ومفيش حضن يطبطب عليها، وتقوم الصبح تكمل يومها كأن مفيش حاجة حصلت.. لما تبطل تحكي، تبطل تنتظر، تبطل تهتم، تبقى خلاص متلومش عليها.
والمصيبة؟
إنها لما بتوصل للمرحلة دي مش بتكرهك، لأ.. هي بس بقت شايفاك "عادي"، مفيش مكان جواها ليك، لا حب ولا حتى كُره، انت بقت شخص زيك زي أي حد، ولا فارق وجودك ولا غيابك.
وساعتها لو رجعت تهتم، أو ندمت، هتبقى متأخر أوي..
لأنها خلاص عرفت تتصرف من غيرك، وعقلها حفظ الطريقة، ومشاعرها ماتت، واللي بيموت جواه إحساس مابيرجعش تاني زي ما كان.
خليك دايمًا موجود..
مش جسد، لكن روح واحتواء واهتمام.
لأن أقسى أنواع الغياب، إنك تكون في حياة حد، بس هو حاسس إنه لوحده طول الوقت.
❣️❣️✍️✍️🤝🤝
