نكتة من طرائف الاطباء 4

[مدام دعاء]

راجل عنده 80 سنه جاي يعمل جراحه لإستخراج حصوة بالحالب روحتله غرفته عشان أقيم حالته الصحية قبل التخدير :
-السلام عليكم انا الدكتور علي دكتور التخدير جاي اطمن عليك يا حاج
= اها انت بتاع البنج ؟
- ايوا ياحج أنا بتاع البنج قلي بقى إنت بتتعالج من حاجة ضغط مثلا سكر قلب
= انت مش بتقول دكتور الأصول تعرف لوحدك والتحاليل عندك !!
- صحيح بس المثل بيقول صدق العليل ولا تصدق التحاليل لابد تساعدني وتعرفني عشان مصلحتك
= لا انا مش قايل حاجة غير للبيه الدكتور الجراح
- ما علينا.. طيب علي ما يجي هات دراعك لما اقيسلك الضغط
= تقيس لي الضغط ليه.!!..انت وظيفتك تديني حقنة البنج انما الضغط ده تبع البيه الدكتور الجراح
- يا حاج هو انا هقرالك الكف دا لمصلحتك إنت
المهم وصل الجراح واقنعه اني اكشف عليه وأديته الحقنه وبدأت الجراحة وكانت حصوة كبيرة وصعبة وأنا كعاده دكاتره التخدير قاعد عند رأس العيان والجراح بيزعق للمساعدين:

• ركز يا بني ادم
• افتح المياه يا ابني
• ناولني الدعامة يا بييييه
• شد الواير يا أستاذ

الحاج بص ليا كده وهو مضايق وقال:
= ما تقوم يا جدع انت ساعد شد معاهم ولا أعمل حاجة بدل ما انت قاعد كده ملكش لازمة

اضغط لقراءة المزيد...

 

[SHADI]

🤣 خليه يشدله خرطوم الاكسجين و يريحنا منه خالص .. دا راجل رخم صحيح

 

[Matioo]

طب ولما يجي واحد عنده ١٠٠ ويجي الدكتور يقوله اجمد علشان لجوزك رد قاله اخر عيل جبته وانا عندي ٨٠ سنه كسم الضحك والذهول للعلم حقيقي