انا الفيلم إلى مات بطله
انا المسرح بدون جمهور
انا مشوار بلا رجعه
انا اليل إلى خصمه النور
انا ماشى فى طريق الشوك مع نفسى بلف ودور
لحظة حزن من عندى تبك الناس سنين وشهور
انا إلى صورتى لما تبان فى اى مرايه اشوفها اتخضيت
كبرت يا ناس قبل الأوان مش طايل ولا سما ولا ارض
انا المظلوم وعايش ادفع تمن ظلم إلى ظلمني
انا واحد ملوش فى الفرح وعلى جروحى ليمنى
انا العايش ومش موجود
انا الغايب واسمى حضور
خيال مرسوم ع الرمله وكل ضلع فيه مكسور
انا ورقه وسط كتاب اتكتب عليها ملغيه
انا سوال ملوش جواب
سمكه بعيده عن الميه
انا فى الغربه دى شقيان
والدنيا فيه بتخبط
وله مبسوط وله زعلان وفى طريقى متلخبط
انا إلى واقع من الحسابات قصد عنهم ونسينى
قطر الحياه عده وفات وعمرى يا ناس بيروح منى
