حاول دايما ف اي علاقه تكون انت الطرف الأصيل
الاول متختارش وترضي لنفسك انك تكون بديل او استبن لشخص تاني لمجرد انك بتحب شخص او معجب بيه وعايز تقرب منه او تلفت انتباهه ليك
وانت عارف انه مرتبط بحد او بيحبه او حصل بينهم مشكله
وبقي ف جفا وبعد حتي لو هو نفسه قرب منك
لانه ف الوقت ده بيكون مشاعره متضاربه وبياخد مرحله
وفتره نقاهه وممكن يكون بيضايق الطرف التاني بيك
وبيحرك مشاعره وغيرته عليه تاني بيك وبيستغلك وبيستغل حبك وتعلقك بيه وانت مغفل ومش فاهم حاجه
وعمال تهتم وتعوض وتبقي سند وتبدل مجهود وطاقه ومشاعر عشان تثبتله انك بتحبه وتستاهله وانك افضل من الطرف الاول اللي هو كان بيحبه
ممكن تلاقيه بيتجاوب معاك فتره وانت تفرح زي العبيط وتفتكر ان انت بقيت الاساسي 😂😂
مش الاحتياطي بس هي ف الحقيقه مشاعر لحظيه نتيجة غضب او كرامته ناقحه عليه شويه او بيحاول ينساه ويتخطاه بيك
وبعد فتره كده لما يهدي ويستقر والطرف الاساسي يرجع يصالحه ويعتذرله
تلاقيه اتغير معاك ويتلكك ليك وفجأه يحطك ف الفريند زوون يا مغفل 😂😂
ويقولك م انت عارف من الاول ان بطه مش ليك يا مرزووق 😂😂😂
يبقي وفر مشاعرك واهتمامك ومجهودك وقبلهم كرامتك
لحد يستاهلهم اللي هيحبك هيحبك بدون اي مجهود بأي عيب فيك هيتقبله ويتغافل عنه مش تدخل سباق وتجيب اخرك عشان تاخد المركز الاول وتبقي الاساسي ده مش حب ده مرمطه واهانه
عزز نفسك ومشاعرك وقلبك وقبلهم كرامتك
ومترضاش لنفسك تكون بدييييل
