نقاش ليه بعض الناس بتحب الوجع العاطفي؟

[فارس الهيبة]

أوقات بنشوف حد متمسّك بحد مش مهتم بيه خالص، وبنقف مستغربين… هو بيحب فيه إيه؟ وليه راضي على نفسه إنه يعيش في علاقة بالشكل ده؟
المازوخية خارج السياق الجنسي معناها
الشخص يتعود يرتبط نفسيًا بالمواقف اللي فيها وجع عاطفي أو ضغط أو تقليل من قيمته ويحس إن ده جزء طبيعي من العلاقة أو حياته كأن دماغه اتبرمج إن الألم العاطفي هو الطريق للحب أو الاهتمام علامتها إن الشخص يقبل إساءة بالكلام أو الإهمال أو التقليل ويفضل مكمل إنه يلوم نفسه دايمًا حتى لو الطرف التاني غلطان إنه يحس إنه يستحق المعاناة أو إن الراحة مش ليه إنه يتوتر ويتلخبط لو لقى معاملة لطيفة لأنه مش متعود عليها إنه ينجذب لعلاقات مؤذية متكررة رغم إنه عارف إنها هتوجعه إنها تظهر عنده متعة نفسية غريبة في تحمل التعب والضغط أو إحساس إنه “بيكفّر عن حاجة” ده مش ضعف ولا عيب لكنه نمط نفسي محتاج وعي عشان الشخص يفهم نفسه ويغير الدوائر اللي بتوجعه على طول مسار الفهم بيبدأ من ملاحظة السلوك مش جلد الذات.
وده نوع من أنواع المازوخيه

اضغط لقراءة المزيد...