فضفضه قصة حياتي

[هاني ويل]

الغريبة في قصة حياتي. انك لو قسمتها مشاهد استحالة تعرف تحدد انه مشهد فيهم قبل التالي وبتلاقي فيه error ضرب في دماغك. يعني فيه مشهد حتلاقيني فيه بسلم على زعيم دولة اجنبية وبيعاملني باحترام. بعدها بست شهور عسكري ميسواش تلاتة ابيض بيفتنشي في شارع بلدي. حتلاقي مشهد نايم فيه في رويال سويت في بانكوك وبعدها بسنة قاعد على قهوة شعبي في رمسيس علشان اوفر حق لوكاندة. حتلاقي مشهد بدي لواحد نص مليون سلف وبدون ورقة وبعدها ب ٣ سنين قاعد باتخانق مع بياع كشك علشان زود الاندومي جنيه وانا مش عارف اشتريه. علشان كده لما ببص لقصة حياتي بحسها مش مفهومة. انتصارات وهزايم متشابكة واحداث غريبة ومحن وفرص كتير وناس جدعة وناس واطية اكتر. وغلطات بتتكرر . حتى شكلي لو راجعت صوري كل سنة مش حتعرف انه صورة فيهم قبل التانية. ولا سني الحقيقي في كل صورة. علشان كده متستغربش ان بوستاتي بتضحك. رغم انها حزينة في بعضها

اضغط لقراءة المزيد...