كنت شغال في محل صيانة تليفونات فصاحب المحل طلب مني إني انضف المكان وفعلا بدأت اشتغل واظبط مكاني بس وانا بشتغل الكركبة والوسخ زادو اكتر وملوا المكان حواليا وبعد كدا خلصت من الحاجات اللي ملهاش لازمة وسيبت اللي يهمني لحد ما المكان بقى تمام وبقى زي الفل نضيف ومفيش فيه غير اللي انا محتاجه ومناسب للمكان وبس لما خلصت لقيت ان نضافة جوانا زيها زي نضافة المحل عشان كويس وجواك سليم ونضيف زمعافى من أي تروما لازم الكركبة اللي جواك تطلع تشوف عيوبك وتواجه مشاكلك انت كشخص معندكش عيب واحد لا انت عندك عيوب كتير كلنا كدا فلما تيجي تخلص من عيب بتلاقي نفسك بتطلع عيب تاني وهكذا سلسلة حلقاتها متصلة هتظبط كركبة جواك حاجة حاجة بالتدريج عشان كدا لما بنبدأ نعمل الصح الكركبة بتكتر لأنها موجودة جوانا بس مش بنحس بيها لان كل غلطة وكل عيب واخد ركن وطول مهو مطلعش من مكانه انت مش حاسس بيه متحسش بحاجة غير لما بتدور جوا ذاتك وقتها بس بتعرف ايه اللي جواك من حلو ووحش وانت بتحاول وبتجاهد مش مطلوب منك انك تكون مثالي بس مطلوب انك تحاول رغم التعب وتبقى سوي على قد ما تقدر عشان كدا رتب نفسك
فضفضه الوحدة الي بنختارها واحنا مش واخدين بالنا
فضفضه لذة الهروب من الواقع لجدار نكتب عليه اللي مخبيينه "خاص بمسابقة سحاليل"
