كنت بتفرج علي فيلم الارض
وبخلاف الملحمه الي في الفيلم
مشهد محمود المليجي الشهير
كنا رجاله و وقفنا وقفة رجاله
اكتشفت من رحلتي المتواضعة في الدنيا دي
ان احنا كراجله نوعين في الحياه
مع الوقت بس بنفهم الفرق بينهم
راجل لطيف
ظريف كوميدي يضحك يغازل
و
راجل
بكل تحمله الكلمه من معني
اللطيف فينا بيحاول يرضي الكل بيجري ورا انه ينسجم مع اي محيط حوليه
مش لازم يكون عنده ميزه المواقف الصلبه او حكمه التمييز
لسه ما كونش المبادئ الكامله الي تخليه يقدر يعرف ايه الي يقول عليه لاء و ايه الي يوافق عليه و يتماشى معاه
المهم انه ما بخسرش المحيطين بيه مهما ان كان
الراجل مننا
هو الشخص الي عارف كويس مبادئه وراسم حدوده
و امتي يقف معاها و امتي لا يتخطي حدوده
بيقول بكل صراحه
ايه الي يناسبه و ايه الي يرفضه و ايه الي ما ما يتماشي معاه
هو مش فظ و لا وقح و لا شخص جامد
هو بيعرف يكون لطيف شيك جنتل مان و كوميدي و ظريف وكمان شاعر رومانسي
الراجل مننا ما بيخترقش عوالم حد ولا بيشغل بالو بحد و بيجري ورا حد
الي عايز يعمل حاجه يعيش طول ما هو بعيد عنه و عن عالمه و معانيه و حدوده
ولا بيجري ورا المشاكل ولا بيلهي نفسه بالتشتيت الغير نافع
الراجل مننا بيدافع عن مبادئه و المعاني و الناس الي تهمه في الحياه و بس
فبيقف بوقفه رجاله زي ما قال المليجي
علشان كده لو حد فكر بس يكسر مبادئه او يتخطي حدوده تاكد انه مش حيبقي ذلك اللطيف الذي عهدته
الراجل مننا لازم يفهم الكل كويس جدا ان من يحاول التعدي علي ما يمثل له معاني في حياته او الاشخاص المهمين في حياته
انه حيعمل كل الي يقدر عليه علشان يحسسك بالعواقب
و بكل صراحة يقولها اي حد حيكسر مبادئي و قواعدي و خطوطي الحمرا انا حقف ايمانا بيها
بالحوار و النقاش المحترم و الجاد ما عندوش مانع
لاكن مش كل الامور دي بتتحل كده
لذلك كده من السهل انك تكون راجل لاطيف
لاكن علشان تكون راجل بجد
دس مسؤوليه لازم تدرب نفسك تشيلها
حتخسر ناس في رحلتك و حتبيعك ناس لمبادئك بس في الاخر حتكسب نفسك راجل مننا
