متزودش همي يا سيدي
و سيبني انا و نصيبي
يمكن ينوبني من الفرح جانب
و انا و السعادة نتقارب
و اهو نلاقي حته نستخبي فيها و نتلم
سيبني افرح و لو ثواني
انت شكلك حاقد اناني
كفايه علية ساعة فرح و ساعده
ويا حبيبي السكر بزياده
اقابله و اشتكيله يحكيلي و احكيله
مع قلبه اول موجه تقلبنا علي الرمل
ننسي الكون طب الحزن طيب حتي سيبنا نبيع الهم
نتشقلب علي الرمل اهو يمكن
نتمرمغ في حضن بعضنا ونتلم
ناسينا حتي في دي و ناسي ايامنا
ده انت رزل اوي يا جدع سيبنا نتهنا
ما بلاش تصعبها علينا يا سيدي
و سيبنا حتي لو ساعة نهدي و نتكن
شاغلني انا نسمه الهوا الساقعة
شاغلني دقات قلبها البارده
ممكن صحيح مش دقاته ليا
بس مع البرد ححاول ادفي اديها باديا
ححاول ايوه ححاول
يمكن اكسب حضنها الي مش ليا
و اهو انا و هي قدام الشط نتلم
سيبنا يا سيدي من الغم
و خلينا في حضن السعاده و الفرح و الضحكه الحلوة
اهو يمكن نحايل الزمن ليلة
هي بس ليلة و ننسي بعدها كل الليلي السعيدة
اوعدك ساعتها نرحع للهم تاني
حتعود و ارجع حبيس همك بالتقبيده
