انا وحيد تماما تماما تماما
كنت في فتره عندي أصحاب كتير اوي وانا كنت صاحب الكل وزي ما بيقولوا صاحب الكل وحيد فضلوا يقلو واحد ورا التاني و واحده ورا التانيه لحد ما بقيت لوحدي معنديش حد أكلمه أو احكيله أو أخرج معاه حتي
لحد ما قابلت حد قلب حياتي وكياني
وكان هو كل العالم
كان عندي يسوي العالم كله
والعالم كله ما يسواش شعره من شعره
وارتبطتنا سنتين وبعد كدا سيبنا بعض
ورجعت وحيد تاني
٢٤ساعه تليفوني مش بيرن غير للشغل وبس مش بشوف حد ولا بنزل من البيت غير للشغل
ويادوب اخلص واروح اخش اوضتي مش بطلع منها ماليش نفس لحاجه ولا لحد كاره وحدتي فشخ بس حاببها فشخ بردو ومش بحاول اتعرف علي ناس جديده ولا حتي بدي فرصه لحد انو يخش حياتي
الصمت هو سيد الموقف
سنه واكتر ساكت وحيد حتي وسط زحمه العيله والأهل والجيران
بس تعبت كتر الصمت تعبني ما بقاش عندي طاقه للكلام بس عايز اتكلم اوي كلامي وحشني انا كنت بحضر حفلات وإيفنتات وبقول كلمات قصاد جمهور من الناس وكانت عندي حياه غير بس اطفيت الشخص اللي كان بيتكلم ٢٤ساعه بقي صامت ٢٠ساعه زي ما اكون خلصت كل الكلام قبل كدا
واحشني نفسي زمان اوي
بس بردو خايف اغير اللي انا فيه دلوقت
متلغبط ومتناقض فكل حاجه ومش عارف اصلا كتبت الكلام دا ليه
وفكرت ١٠٠مره اني امسحه بعد ما كتبته ومانزلوش اصلا وكفايه اني فضفضت حتي لو مع نفسي
بس قررت اني هنزله
مش هخسر حاجه وانا اسف اني ضيعت وقت اللي قرأ الكلام للأخر
