من المشاكل اللي بتواجهني ساعات في العلاقات هي حدود العلاقة
في الاول مكنتش باخد بالي من النقطة دي لاني حديث عهد بالعلاقات
بس بعدين اتعمدت ابقى واضح انا اقدر اقدم ايه ومقدرش اقدم ايه وظروفي ايه
يعني مثلا في اول علاقة دخلتها انا كنت عايز متعة بس، ننام سوا، نخرج سوا، اصرف عليها واروقها، لكن خارج ذلك مفيش حاجة جدية،
لكن اتفاجئت بالبنت دي بتكلمني بعدها بكام يوم وبتقولي عندي مشكلة وعايزاك تتصرف
خير يا ستي
صاحبتي راحت تغير دولارات وطلعت الدولارات مزورة وخدوها القسم وعايزين محامي
اللي هو WTF
انا مالي انا بصاحبتك ومحامي وقسم ودولارات
طبعا انا فاهم ان العشم او التوقعات بتكون مختلفة من شخص لاخر ومقدرش الوم حد ، بس بقيت من ساعتها بحاول ابقى واضح قوي اخري ايه وايه اللي عايزة من العلاقة
