طبعا وصاية التيار المحافظ على المجتمع بقيت حاجة فجة ومقززة في العالم المتقدم بنلاقي افكار الليبرالية واحترام الحريات الشخصية والمجتمع ما يقدرش يقيد الحرية الشخصية لاي مواطن يعني اي حد يعمل الي هو عايزه طالما
ما بيأذيش حد وما بيخالفش القانون لكتن في مجتمعتنا هنلاقي المجتمع ممكن يتدخل في حريات الناس
بصور مختلفة وفجة ومقيتة ومقززة في احيان كتير
يعني حادثة فتاة القطار دي نموذج من النماذج الفجة لوصاية المجتمع على الحريات الشخصية للافراد
فهنلاقي بنت ماسكة الموبايل التاتش وبتفر فيه عادي وهي حاطة رجل على رجل
معاملتش اي حاجة غلط تحت اي مسمى حتى بمعايير التيار المحافظ المتخلفة
فهنلاقي راجل بيتهجم عليها وينعنفها جامد لمجرد انها حاطة رجل على رجل وقعد يقول البنت الي معاها موبايل تاتش تبقى مش مؤدبة
هو طبعا حط معايير كونها مؤدبه او مش مؤدبة بناء على افكار شديدة الغباء في ذهنه هو المريض
طبعا البنت مؤدبة غصبن عنه وعن تياره المحافظ كله
هي ما عملتش حاجة غلط باي شكل من الاشكال واعتداء الراجل دة على البنت دي هو الغلط بعينه
وجريمة متكاملة الاركان بتكرر في مجتمعنا كل يوم الاف المرات للاسف
مفيش حد من حقه انه يكون وصي على حد باي صورة من الصور كل واحد حر يعمل الي هو عايز يعمله طالما ما بيأذيش حد
طبعا الحدثة دي اتشهرت علشان اتصورت وفي حادثة زيها حصلت من مدة كانت بردو ست كبيرة بتتعارك مع واحدة علشان مش لابسة ال**** ودي حاجة شخصية بحتة المجتمع مش من حقه ابدا انه يتدخل فيها
طبعا لما يكون امتلاك موبايل تاتش وحط رجل على رجل مش حرية شخصية لاي حد وممكن نلاقي متنطعيين من التيار المحافظ
بيعتدوا على اشخاص وعلى حرياتهم الشخصية بسبب حجات بسيطة جدا زي كدة
ما بالنا بقى بالحريات الجنسية يعني حادثة بنت فتاة دار السلام الي صاحب الشقة الي البنت مأجرها منه رماها من البلكونة علشان كانت مستضيفة راجل في بيتها فللاسف التيار المحافظ من المجتمع
حاشر مراخيره بطريقة فجة ومقززة في الحريات الشخصية للافراد
وطبعا غير سلطة المجتمع هنلاقي سيطرة الاسرة الاسرة والسلطة الابوية بتحط قيود اضافية بالاضافة لسلطة وقيود المجتمع
والنتيجة ان الحريات الشخصية للافراد بتروح في داهية
للاسف التيار المحافظ في المجتمع حاطط قيود على ناس كتير تعيش ازاي
وتعمل اية وتمشي ازاي ومتحكمين في ادق التفاصيل الشخصية لافراد كتر في المجتمع
وعاملين قيود كتير على حرية التعبير واول ما ينزل فيلم فيه بوسه الدنيا تقوم وما تقعدش
الي بيحصل دة غير مقبول بالمرة ولازم ينتهي ولازم يتم ردعه لحد ما يتوقف تماما وماحدش ابدا يفرض وصية او قيود تحد من الحريات الشخصية على حد تاني والناس يكونوا احرار يعملوا الي هما عايزينه طالما التزموا بالقانون وما اذوش حد
