نقاش مشكلة تربية بلا شباشب التاني

[Alaa El Beheri]

اكبر غلط انك تربي اولادك علي عنف الاسري بجد انت بجد بتجبلوا مشاكل نفسيه وتدمروا حياتو قدام

والغلط الاكبر انك تتساهل وتسيبه بدون تربيه فهتنشىء عيل متمرد على الكل

 

[AMGjr]

و**** ما عارفة اقول ايه قدام كلامك دا ☺❤

تستحقيه يا صديقتى بجد 🌹🌹

 

[GarethBale]

والغلط الاكبر انك تتساهل وتسيبه بدون تربيه فهتنشىء عيل متمرد على الكل

يستي يربيه منغير تعنيف

 

[دنيا صعبه]

ورجعنا ليكم تانى بالجزء التاني من موضوعنا تربية بلاشباشب وخلينا ندخل في الموضوع علطول بدون مقدمات
الناس خلطت بين فكرة الثواب والعقاب وفكرة انك تتعامل مع الط-فل بدون عنف او ضرب بل وفي ناس تخلت عن فكرة العقاب تماما .. ابني حر يفعل ما يشاء ومحدش يلومه ولا يجرح احاسيسه الرقيقة ومش ممكن ابدا تخليه يعتذر من حد عشان كدا هتخليه يحس بالدونية والاحتقار للذات وان الطرف التانى اتنصر عليه لازم ينتصر ولو بالغلط
في حين الاعتذار ميقللش ابدا من صاحبه بالعكس دا بيرفع من قيمته بين الناس ويخليهم يحبوه ودا اللى لازم اعلمهوله في رحلة التربية بتاعته
نرجع للتربية الايجابية المظلومة معانا
المواقف دي وغيرها ليست من التربية الايجابية في شيء دا اسمه تمييع لدور الوالدين اللى هو احنا مش فاضيين نربي ابننا بس من فضلك متقولش علينا متهاونين دي تربية ايجابية اش فهمك انت
ايوة اي بقا اللى المفروض نعمله ؟
▪ببساطة جدا عايز تربي ابنك صح عامله على انه كبير وعاقل واوعاك تستهر بمشاعره وتقول دا عيل ولو زعل دلوقتى بكرا يتراضى
▪علمه يعبر عن مشاعره واحتياجاته ويقدر مشاعر واحتياجات الاخرين وميتخطاش حدوده مع حد
▪علمه يثق في نفسه ويعتد برأيه بس بدون عناد ولو هو مصمم على موقف يتحمل نتيجته ومفيش مانع انه يعتذر ويعترف بالخطأ ودا طبعا عمره ماهيتعمله الا لو لمس منك انت سهولة الاعتذار
▪علمه ميطلقش احكام على الناس وميبقاش انتقادى طول الوقت وعلمه انه زى ما هيزعل لو اتريق على حد يقدر زعل اللى هيتريق عليه
مهم جدا وانت بتربي اولادك انك متنعزلش بيهم عن الدنيا وتعملهم فقاعة معقمه مفهاش اي شكل من اشكال الخطا او السلوكيات السيئة لانهم غصب عنك او بمزاجك هيصتدموا بالواقع وهيتعلموا السب والشتيمة وشرب السجاير والمواقع الاباحية من وراك من غير ما تعرف
مهم جدا جدا جدا جدا جاد اننا واحنا بنربي اولادنا نفهم كويس ان مفيش لايحة ولا منهج تربوي هيخلينا ماشيين معاهم بالورقة والقلم على طول الخط طبيعي هيكون فيه اخطاء لاننا بشر بس دا هيحتاج منك انك متيأسش وانك تمشي على منهج الثواب والعقاب وتقف وقفه مع ابنك ساعة يغلط وتعاقبه بالطريقة اللى انت شايفها مناسبه ليه لان مش كل الاولاد بيجيب معاهم طريقه وحدة من العقاب
اطفالنا عايشين في جو مليء بالسلوكيات والألفاظ والتصرفات الغلط وكلها عمالة تتحشر في دماغهم وبيقابلوها في كل مكان بيروحوه وغصب عنهم هيتأثرو بيها واكيد مش هيكون عندهم تفريق بين الغلط والصح الا اذا كنت علمتهم دا مسبقاً
ومن ضمن الملوثات دي كمية المغريات اللى قداهم من اول الط-فل اللى عنده سنتين وبتقوله متاكلش شوكلاته وحلويات كتير وهو ياحبة عيني كل ما يورح مكان يلاقي فيه شوكلاته ضيف عليهم محاولاتنا الكتيرة معاهم للاستغناء عن التكنولوجيا وخوفنا عليهم من مقاطع الكرتون اللى بتجيب مقاطع اباحية وتنزل وسط الكرتون العادي اللى بيسمعوه و اكيد انت مش قاعد عينك في شاشته وشايف كل حاجة
وصولا لمرحلة المراهقة هتقدر تمنع مراهق ازاى من الموبيل وحتى لو قدرت تمنعه هيطلع برا يقعد مع صحبه اللى اكبر منه بسنة وهيفرجه على المقاطع الاباحية ويخليه يفتكر ان دي رجوله
للأسف كل الحاجات دي بتتدخل بشكل سافر ومباشر في حياة اولادنا وهيتعرضولها شإنا ام ابينا ولاسف كل الملاحظات اثبتت ان جيل الانترنت دا يصعب كسره بالمنع والقوة لو منعت ابنك من حاجة هيطلع يقابلها من وراك
بإختصار
اولادنا ملناش معاهم حيلة غير اننا نربيهم ونشترك في تربيتهم الاب والام لازم يكونوا مشتركين في التربيه بشكل مباشر و إى اختلاف او مشاكل تكون بعيد عن مرأى ومسمع الاولاد بس في النهاية يكون الشكل واحد والوجهة التربوية وحدة مش الاب رأي والام برأي تانى او الاب مطنش او الام مطنشة وبس كدا **** يوفقكم ويسعدكم 🙏💖​

❤❤❤​

 

[Alaa El Beheri]

يستي يربيه منغير تعنيف

ماشي ماهو دا الصح

 

[Alaa El Beheri]

❤❤❤​

💖💖💖

 

[GarethBale]

ماشي ماهو دا الصح

اكيد