جوجل حذرت الفترة الأخيرة من موجة هجمات متطورة بتستهدف مستخدمي Gmail بشكل مباشر
وده عن طريق طرق ذكية زي
إدخال أوامر مخفية في الرسائل
أو عمل ملخصات مزيفة بالذكاء الاصطناعي بهدف سرقة الباسوردات أو خداع المستخدم لمشاركة بيانات حساسة بعض الرسائل حتى بيكون فيها توقيعات أمان صحيحة زي DKIM اللي بتخلي مزود البريد يتأكد إن الرسالة جاية من صاحبها الحقيقي ومحدش عدل فيها، وده بيخليها تعدي الفلاتر الرسمية وتبان وكأنها من جوجل نفسها بينما في الحقيقة دي محاولات تصيد متقدمة
المشكلة موقفتش عند كده، القراصنة استخدموا مواقع شبه خدمات جوجل 🌐 لطلب بيانات الدخول وكمان اتعملت محاولات لدمج مكالمات صوتية مزيفة 🎙️ مع رسائل بريد احتيالية عشان يقنعوا الضحية أكتر، واستغلوا ميزة البريد المشفر الجديدة في Gmail كغطاء لتمرير رسائل مزيفة بتطلب منك تدخل على روابط غير آمنة 🚫
توجيهات جوجل لحماية نفسك:
فعل التحقق بخطوتين أو استخدم مفاتيح المرور Passkeys لأن كلمة السر لوحدها مش كفاية.
راجع التطبيقات والخدمات المتصلة بحسابك واحذف أي صلاحيات مش ضرورية.
متضغطش على أي روابط مباشرة في الرسائل واكتب العنوان يدويًا في المتصفح.
راجع الأجهزة المتصلة بالحساب بشكل دوري من إعدادات الأمان.
تأكد إن التطبيقات والمتصفح متحدثين باستمرار.
عطّل ملخصات الذكاء الاصطناعي زي Gemini لو مش محتاجها، وجوجل وضحت خطوات تعطيلها:
1- افتح Gmail على الكمبيوتر أو الموبايل.
2- اضغط على الإعدادات Settings.
3- اختار عرض كل الإعدادات See all settings.
4- من قائمة الإعدادات، اختار ميزات متقدمة Advanced features أو Smart features حسب النسخة.
5- دور على خيار ملخصات الذكاء الاصطناعي AI summaries / Gemini.
6- اضغط تعطيل Disable أو شيل علامة الصح.
7- احفظ التغييرات بالضغط على حفظ Save.
أهم حاجة وعي المستخدم فالانتباه لأي رسالة أو رابط مشبوه هو خط الدفاع الأول ضد الهجمات دي.
فليكن الامان رفيق الجميع
شركات هواتف صينية تسعى لجذب مستخدمي آيفون بتطبيقات تسهّل الانتقال من iOS