- إنضم
- 9 سبتمبر 2022
- المشاركات
- 8,407
- مستوى التفاعل
- 3,037
- الإقامة
- الإسكندرية
- نقاط
- 87
- الجنس
- ذكر
- الدولة
- مصر
- توجه جنسي
- أنجذب للإناث
من ضمن المفارقات في منتخبات كأس العالم السنادي في قطر ٢٠٢٢، هي جنسيات اللاعيبة اللي في صفوف المنتخبات المنافسة، يعني تلاقي افارقة في منتخب فرنسا او المانيا بيمثلوا الدولة، وتمثيلهم للدول دي قايم على ما يسمى "قانون التجنيس" ..
اغلب اللاعيبة دي كانوا مستعمرين من المنتخبات اللي بيمثلوها دلوقتي، ونتيجة الفقر او البحث عن فرص جديدة او التسهيلات اللي بتقدمها الدول دي لرعاياها في مستعمراتهم القديمة بحثا عن التفوق الرياضي، وفي نفس الوقت اللاعيبة دي مبيكونش ليها حق المواطنة او التملك او الانتخاب، مجرد انتفاع من خدماته لان الصدفة خلت الدولة الكبيرة دي تحتل ارضه من عشرات السنين.
طب حصل ازاى ؟
سنة ١٨٨٤م انعقد مؤتمر في برلين، المؤتمر ده صاحب فكرته هو اول مستشار لألمانيا " بسمارك"، والهدف من المؤتمر ده هو تقسيم قارة افريقيا بين الدول ذات العرق الابيض
المؤتمر ده كان قايم على خناقة بين بلجيكا وفرنسا على الكونغو، فا المانيا نطت، وعملت المؤتمر ده عشان كل واحد ياخدله حتة، وقال ايه هندخل الحضارة هناك ونعلمهم المدنية، والغرض الحقيقي كان سرقة خيرات افريقيا من دهب ومطاط ونحاس والماس وغيره، لمجرد ان ميحصلش كساد في دول اوروبا
المؤتمر ده حضرته ١٤ دولة كلهم اوروبيين، من غير ممثل واحد عن افريقيا مع انها كان فيها حضارة "مصر على سبيل المثال والجزائر والمغرب كان عندهم حضارة"، بس اللي اخد نصيب الاسد فيهم كانوا خمس دول "ألمانيا، بريطانيا، البرتغال، فرنسا، وبلجيكا"، اما الباقي كانوا النمسا والمجر وامريكا واسبانيا وهولندا والدنمارك وروسيا والسويد والنرويج والدولة العثمانية.
بعد ١٥ سنة من المؤتمر ده، ٩٠٪ من افريقيا احتلتها دول اوروبا ماعدا حتتين بس، ليبيريا اللي امريكا كانت بترمي فيها العبيد بتوعها، واثيوبيا عشان دولة حبيسة ومحسوبة عالطليان، اما الباقي فا كل دولة من الدول الاستعمارية دي حكمت ورفعت العلم بتاعها عليها، وكل واحدة استعبدت شعوبها بطريقة او بأخرى.
بعيدا بقا عن الاستعباد ومعاملة الشعوب كأنها عبيد عندها، التقسيمة كانت كالآتي واللي هتلاقي اغلب لاعيبة المنتخبات النهاردة منهم:
- بلجيكا : معاها الكونغو وبروندي وكام حتة من جوا.
- فرنسا : شمال افريقيا ومعاهم موريتانيا وجيبوتي والسنغال وغامبيا ومالي وغينيا وساحل العاج والنيجر وبوركينا فاسو وبنين وتوجو وحتة من نيجيريا والجابون والكاميرون وافريقيا الوسطى، بجانب جزر القمر وموريشيوس ومدغشقر.
- المانيا : حتة من بروندي وحتة من نيجيريا، ومعاهم رواندا وتنزانيا وحتة من الكاميرون وحتة من السنغال، وناميبيا وتوجو وشرق غانا.
- ايطاليا : اريتريا وحتت من اثيوبيا، وحتت من الصومال، بالاضافة لليبيا طبعا.
- البرتغال : انجولا، موزمبيق، غينيا بيساو، الرأس الاخضر، وجزر برنسيب وساو تومي، وحصن في بنين
- اسبانيا : اخدت غينيا الاستوائية واجزاء من المغرب والصحراء الغربية واجزاء من غانا.
- بريطانيا : اخدت مصر والسودان وجنوب افريقيا، ومعاهم كينيا وأوغندا واجزاء من تنزانيا وزنجبار، بالاضافة لسيراليون وزامبيا وزيمبابوي وحتت من نيجيريا، وكام جزيرة صغيرة كدة.
باقي الدول خرجت من المولد بلا حمص، فا دولة زي هولندا راحت احتلت جزر في الكاريبي زي دولة سورينام في امريكا الجنوبية، وامريكا وكندا كذلك، وبعد الحرب العالمية لما الحقبة الاستعمارية انتهت والدول دي استقلت، كانت اوروبا شفطت خيراتها وسابتها تواجه الفقر.
ولحد النهاردة بيتم استغلال الفقر ده، في استجلاب لاعيبة من الدول اللي استعمروها قبل كدة، ويدوهم تسهيلات معيشية وتجنيسية، عشان يخدموا عندهم في منتخبات بلادهم في كاس العالم.
فا طبيعي دولة زي بريطانيا احتلت نيجيريا، تلاقي لاعب زي ساكا من هناك، وبلجيكا اللي احتلت الكونغو، تلاقي لوكاكو وبتشواي من هناك، فرنسا تلاقي اللي من الجزائر واللي من الكاميرون زي مبابي وبنزيما وصاليبا، او من بنين زي كوندي، او من غينيا بيساو زي اوباميكانو،
وتلاقي في البرتغال نونو مينديز من انجولا وويليام كارفالو وجواو ماريو ورافائيل لياو، وهولندا تلاقي فان دايك وفينالدوم من سورينام عادي جدا.
وامريكا على سبيل المثال راسين الحربة بتوعها من ليبيريا، وكندا كمان فيها لاعب من ليبيريا، غير المجنسين من البداية.
وطبيعي كمان تلاقي منتخب المانيا صاحب الفكرة اصلا واللي بينادي بحقوق الانسان، فريقه مليان لاعيبة من الكاميرون زي أرميل بيلا كوتشاب او يوسف موكوكو، او من ساحل العاج زي سيرج جنابري، او نيجيريا زي جمال موسيالا، او السنغال زي ليروي ساني.
السبب الاساسي لكل ده هو مؤتمر برلين الراعي الرسمي للحقبة الاستعمارية في القرن ال١٩، والسبب الاكبر فيما يعرف تاريخيا بحقبة "التدافع نحو افريقيا"، واللي لولاها كانت اللاعيبة دي مثلت منتخباتها الام، مش مجبورين يحيوا علم استعماري عشان لقمة العيش، وكانت قارة افريقيا بقت واحدة من اغنى القارات على مستوى العالم
الــــــــــــــــــــــــخـــــــــــــــــــــــــــال.
اغلب اللاعيبة دي كانوا مستعمرين من المنتخبات اللي بيمثلوها دلوقتي، ونتيجة الفقر او البحث عن فرص جديدة او التسهيلات اللي بتقدمها الدول دي لرعاياها في مستعمراتهم القديمة بحثا عن التفوق الرياضي، وفي نفس الوقت اللاعيبة دي مبيكونش ليها حق المواطنة او التملك او الانتخاب، مجرد انتفاع من خدماته لان الصدفة خلت الدولة الكبيرة دي تحتل ارضه من عشرات السنين.
طب حصل ازاى ؟
سنة ١٨٨٤م انعقد مؤتمر في برلين، المؤتمر ده صاحب فكرته هو اول مستشار لألمانيا " بسمارك"، والهدف من المؤتمر ده هو تقسيم قارة افريقيا بين الدول ذات العرق الابيض
المؤتمر ده كان قايم على خناقة بين بلجيكا وفرنسا على الكونغو، فا المانيا نطت، وعملت المؤتمر ده عشان كل واحد ياخدله حتة، وقال ايه هندخل الحضارة هناك ونعلمهم المدنية، والغرض الحقيقي كان سرقة خيرات افريقيا من دهب ومطاط ونحاس والماس وغيره، لمجرد ان ميحصلش كساد في دول اوروبا
المؤتمر ده حضرته ١٤ دولة كلهم اوروبيين، من غير ممثل واحد عن افريقيا مع انها كان فيها حضارة "مصر على سبيل المثال والجزائر والمغرب كان عندهم حضارة"، بس اللي اخد نصيب الاسد فيهم كانوا خمس دول "ألمانيا، بريطانيا، البرتغال، فرنسا، وبلجيكا"، اما الباقي كانوا النمسا والمجر وامريكا واسبانيا وهولندا والدنمارك وروسيا والسويد والنرويج والدولة العثمانية.
بعد ١٥ سنة من المؤتمر ده، ٩٠٪ من افريقيا احتلتها دول اوروبا ماعدا حتتين بس، ليبيريا اللي امريكا كانت بترمي فيها العبيد بتوعها، واثيوبيا عشان دولة حبيسة ومحسوبة عالطليان، اما الباقي فا كل دولة من الدول الاستعمارية دي حكمت ورفعت العلم بتاعها عليها، وكل واحدة استعبدت شعوبها بطريقة او بأخرى.
بعيدا بقا عن الاستعباد ومعاملة الشعوب كأنها عبيد عندها، التقسيمة كانت كالآتي واللي هتلاقي اغلب لاعيبة المنتخبات النهاردة منهم:
- بلجيكا : معاها الكونغو وبروندي وكام حتة من جوا.
- فرنسا : شمال افريقيا ومعاهم موريتانيا وجيبوتي والسنغال وغامبيا ومالي وغينيا وساحل العاج والنيجر وبوركينا فاسو وبنين وتوجو وحتة من نيجيريا والجابون والكاميرون وافريقيا الوسطى، بجانب جزر القمر وموريشيوس ومدغشقر.
- المانيا : حتة من بروندي وحتة من نيجيريا، ومعاهم رواندا وتنزانيا وحتة من الكاميرون وحتة من السنغال، وناميبيا وتوجو وشرق غانا.
- ايطاليا : اريتريا وحتت من اثيوبيا، وحتت من الصومال، بالاضافة لليبيا طبعا.
- البرتغال : انجولا، موزمبيق، غينيا بيساو، الرأس الاخضر، وجزر برنسيب وساو تومي، وحصن في بنين
- اسبانيا : اخدت غينيا الاستوائية واجزاء من المغرب والصحراء الغربية واجزاء من غانا.
- بريطانيا : اخدت مصر والسودان وجنوب افريقيا، ومعاهم كينيا وأوغندا واجزاء من تنزانيا وزنجبار، بالاضافة لسيراليون وزامبيا وزيمبابوي وحتت من نيجيريا، وكام جزيرة صغيرة كدة.
باقي الدول خرجت من المولد بلا حمص، فا دولة زي هولندا راحت احتلت جزر في الكاريبي زي دولة سورينام في امريكا الجنوبية، وامريكا وكندا كذلك، وبعد الحرب العالمية لما الحقبة الاستعمارية انتهت والدول دي استقلت، كانت اوروبا شفطت خيراتها وسابتها تواجه الفقر.
ولحد النهاردة بيتم استغلال الفقر ده، في استجلاب لاعيبة من الدول اللي استعمروها قبل كدة، ويدوهم تسهيلات معيشية وتجنيسية، عشان يخدموا عندهم في منتخبات بلادهم في كاس العالم.
فا طبيعي دولة زي بريطانيا احتلت نيجيريا، تلاقي لاعب زي ساكا من هناك، وبلجيكا اللي احتلت الكونغو، تلاقي لوكاكو وبتشواي من هناك، فرنسا تلاقي اللي من الجزائر واللي من الكاميرون زي مبابي وبنزيما وصاليبا، او من بنين زي كوندي، او من غينيا بيساو زي اوباميكانو،
وتلاقي في البرتغال نونو مينديز من انجولا وويليام كارفالو وجواو ماريو ورافائيل لياو، وهولندا تلاقي فان دايك وفينالدوم من سورينام عادي جدا.
وامريكا على سبيل المثال راسين الحربة بتوعها من ليبيريا، وكندا كمان فيها لاعب من ليبيريا، غير المجنسين من البداية.
وطبيعي كمان تلاقي منتخب المانيا صاحب الفكرة اصلا واللي بينادي بحقوق الانسان، فريقه مليان لاعيبة من الكاميرون زي أرميل بيلا كوتشاب او يوسف موكوكو، او من ساحل العاج زي سيرج جنابري، او نيجيريا زي جمال موسيالا، او السنغال زي ليروي ساني.
السبب الاساسي لكل ده هو مؤتمر برلين الراعي الرسمي للحقبة الاستعمارية في القرن ال١٩، والسبب الاكبر فيما يعرف تاريخيا بحقبة "التدافع نحو افريقيا"، واللي لولاها كانت اللاعيبة دي مثلت منتخباتها الام، مش مجبورين يحيوا علم استعماري عشان لقمة العيش، وكانت قارة افريقيا بقت واحدة من اغنى القارات على مستوى العالم
الــــــــــــــــــــــــخـــــــــــــــــــــــــــال.
