نصيحة انت مش مقيد

[متحرش تويتر]

انت عندك الاختيار دايما. و كل اختيار بيجي معاه الحلو و الصعب

متخليش مخك يضحك عليك و يقولك ان مفيش اختيارات تانيه و انك مظلوم.

لان الحقيقة هي انك ممكن تختار اتجاه تاني (شغل، علاقه، اصحاب، اهتمامك بنفسك ، الخ).. بس لازم برده تختار انك هتستحمل الصعوبات الي هتقابلك في الاختيار الجديد.
بس لو اخترت انك متغيرش حاجه.. يبقي مفيش حاجه هتتغير.. ولا للاوحش ولا للاحسن.
*اهم حاجه انك تبقي عارف ان الموضوع في ايدك.. مش في ايد حد تاني 💪🏾

 

[Lostway]

مش لازم

 

[متحرش تويتر]

مش لازم

مش لازم ايه

 

[I'm Klein]

الخروج من ال comfort zone دايما صعب .. العقل دايما نمطي وبيحب اللي اتعود عليه . فكره انك تغير و الاحتمالات الكتيره اللي بتيجي معاها بتخلي المخ احيانا عاجز عن التفكير بشكل سليم فبيرجع صاحبه تاني لورا للي هو كان متعود عليه

 

[Lostway]

مش لازم ايه

مهما اعتقدت انك متحكم او مش متحكم فبشكل أعم انت مش متحكم ومسير ومش مخير
لان ببساطه الدوافع او ال motives اللي بتخليك تعمل اللي بتعمله مش بأيدك انت بتكسبها من الوسط اللي حواليك
انت عندك حاجة الانتماء لمجتمع زي اي بني آدم وعشان كدا بتبقا حابب تتميز وتتفوق عنه بمعاييره وتبقا فأحسن وظيفه وبتروح احسن أماكن
طب لو المجتمع دا اتغير هتسعا انك تنتميله بطريقه تانيه
يعني اللي اقصده ان شعورك بالحماسه ناحية التغيير وتطوير الذات اصلا مش ملكك دنتا استمديته مالمجتمع اللي حاسسك بنقص فالحته بتكلم عالشعور اللي خلاك حاسس انك محتاج تبطل التصرف مش التصرف لان غيرك مش مهتم بالموضوع دا

 

[ابو اسكندر السندباد]

انت عندك الاختيار دايما. و كل اختيار بيجي معاه الحلو و الصعب

متخليش مخك يضحك عليك و يقولك ان مفيش اختيارات تانيه و انك مظلوم.

لان الحقيقة هي انك ممكن تختار اتجاه تاني (شغل، علاقه، اصحاب، اهتمامك بنفسك ، الخ).. بس لازم برده تختار انك هتستحمل الصعوبات الي هتقابلك في الاختيار الجديد.
بس لو اخترت انك متغيرش حاجه.. يبقي مفيش حاجه هتتغير.. ولا للاوحش ولا للاحسن.
*اهم حاجه انك تبقي عارف ان الموضوع في ايدك.. مش في ايد حد تاني 💪🏾

كل حاجة فى حياتنا اختيار الا امور القدر
لكن باقى حياتنا اختيارات و قرارات و الانسان بيتحمل نتيجة اى اختيار او قرار بياخده
حتى قرار البقاء على الوضع الحالى دون تغيير هو ايضا اختيار بس ده يمكن الاختيار الوحيد الى الناش مش بتكون عارفة عواقبه لان تأثيره بيجى متأخر شوية و مش بتحس بيه غير بعد ما ضيعت فرص و وقت كتير