النهاردة هنتكلم عن تفاصيل مهمة للانسر بومة من ناحية الزيت وتعمل اي علشان توصل لاحسن كفاءة للعربية .
اول حاجة هنتكلم عليها هيا الزيت واللزوجة واي الانسب للعربية مع ان الكلام دا بيبقي في الكتالوج اللي ببيجي مع العربية بس كلنا مبنبصش فيه اصلا اول حاجة المهمة اللزوجة دي اهم حاجة في الزيت ليه علشان درجات الحرارة لما عربيتك بتسخن الزيت دا بيغلي في درجة لزوجة علي حسب استخدامك ايوا علي حسب استخدامك بمعني ان لو حضرتك بتمشي مثلا 10 في الشهر وباقي الشهر العربية مركونة يبقي.تتجة من اعلي حاجة اللي هيا 10W-40اللي الاقل ،يعني 10W-40
أو 5W-40 أو 10W-30. أو 5W-30 اللي فاضل اننا نلاقي انواع مطابقة لمواصفات الكتالوج
احسن زيت بندور عليه هوا اللي واخد تصنيف API SN و ILSAC GF-5 و ACEA A1 أو A3 أو A5
انواع الزيوت اللي موجودة واللي جربتها طبعا غير زيت التوكيل:. 5W-40/ 10W-40 5W-30 10W-30
LIQUl Moly Molygen. 15W-50 .
Shell Hellx 5000Km
ENGINE Oil 5W-30 Mitsubishi lancer
دا بالنسبة لي احسن الزيوت اللي جربتها بس نصيحة مني ليك بعد زيت العربية حط زيت ليكوي مولي وانت مغمض صوت الماتور هادي في السالانسية مش بيجعر واه متنساش تغير فلتر الزيت كل مرة وانت بتغير الزيت واهتم بمعاد تغيير الزيت علشان تضمن اداء وكفاءة العربية هنخش في تاني اهم حاجة وهيا المياة
المياة ليها انواع للعربية هقولك اي هما باختصار مفيد واي الفرق بينهم
المياة الخضراء دي للعربيات اللي تحت 2000 سي سي
المياة الحمراء دي للعربيات اللي فوق 2000 سي سي
المياة الزرقاء للمواتير الصغيرة وتحت 2000 سي سي برضه .
الفرق بينهم العمر الافتراضي
يعني المياة الحمراء عمرها 5 سنين انما الزرقاء و الخضراء سنتين او 50 الف كيلو بس نصيحة من اخوك غيرها كل 40 الف كيلو
لو الماية نقصت تزودها بس تعرف السبب اي يعني الترموستات فيها مشكلة ولا الرداتير اتخرم ولا الخرطوم اتقطع ولا المروحة مش شغالة وعلفكرة التكييف بيستهلك من المياة بتاعت التبريد
نخش في الانواع
اول نوع بتاعي ميتسوبيشي او توكيل عربيتك
تاني نوع ليكو مولي
تالت نوع موبيل
متطلعش برا التلات انواع دول
نخش علي حتة البنزين
حط بنزين 95 او 92 بس يفضل 95 لان ال95 اللي في مصر هوا اللي 92 برا مصر يعني ودي معلومة مش هتعرفها غير من خلالي اللي قايلهالي مهندس صاحبي
تاني حاجة فلتر البنزين اهتم بية هوا وطرمبة البنزين وقلب طرمبة البنزين وحط من بنزينة موبيل الباقي دلوقتي بقي فيه مياة يعني بنزين مغشوش وابعد عن البنزينات الي فيها مغسلة مش موبيل اي بنزين تانية غير موبيل لو بتحط من اي بنزينة تاني تمام بس تكون انت اتعاملت معاها ومحصلش مشكلة في العربية تعرف بقي منين ان البنزين مغشوش يقلب الهندسة اقولك انا اول حاجة تقطيع العربية وانها تبطل فجأة
تاني حاجة صوت غريب طالع من الماتور
تالت حاجة ودية اللي تاكد يطلع دخان اسود من الشكمان
رابع حاجة العربية هتبقي مهنجة ومش فاهم اي السبب ساعتها روح الميكانيكي بتاعك بسرعة متستناش اي وقت علشان الماتور بتاعك ميبوظش
نخش في اخر حاجة معانا.
هيا البطارية بتاعتك لازم تختار نوع كويس جدا ومحترم ويفضل ان التوكيل هوا اللي يرشحولك بس هقولك النوع اللي انا ثابت عليه واحسن حاجة في السوق هوا AC Delco
وبس ومتنساش اسالني ولا تسأل مهندس
مش مهندس عربيات ولا ميكانيكا بس خبير
