طيب شوية حاجات كده حبيت اتكلم فيها الفرق بين الراجل وهو خاطب وهو متجوز
الشاب وهو خاطب :
الشاب وهو خاطب كائن ملائكى جميل بيخاف على خطيبته من اى حاجة وكل حاجة يعنى مثلا لو هما خرجوا مع بعض دايما بيكون خريص انه يمسك ايديها وكل شوية يقولها تعالى جنبى عشان العربيات خليكى جنبى عشان محدش يخبط فيكى وهما اصلا بيبقو ماشيين على الرصيف مافيش اى خطورة ولو عنده عربية يجرى عشان يفتح ليها الباب ويقعدها وطول ماهو سايق سايب الطريق ومركز معاها افتحلك الشباك شوية يدخلك هوا اقفلك الشباك بردانة ويقعد يسمعها فى اغانى رومانسية اشى لمحمد حماقى او عمرو دياب أو تامر حسنى الشاب وهو خارج مع خطيبته ولو وهى وقفت قدام محل ملابس هو يفضل يلف حواليها ايه يا بيبى عجبك الطقم ده ها يا قلبى عجبك وفى ثانية المعلم يدخل المحل يجيب الطقم ويدفع الفلوس وزى الفل الشاب وهو خاطب يقعد يتكلم مع خطيبته بالساعات على التليفون حتى لو هو فى الشغل وميعرفش ينام غير لما يتصل بيها وبقولها اصل مش هعرف انام غير على صوتك خاطب برشام منوم هو
الشاب بعد الجواز :
الشاب بعد الجواز ليتحول من كائن ملائكى إلى كان رغو غير مفهوم بكرشه اللى بيبقى قدامه مترين الاول كان يمشى ماسك ايديها دلوقتى بيمشى قدامها بمتر مش عايز يسمع صوتها وطول ما هو ماشي بيخليها ماشية فى نص الطريق يقولك عربية تيجى تشيلها ونخلص
اللى كان بيجرى عشان يفتحلها الباب تيجى هى تقف تستنى عشان يفتح الباب يدخل هو العربية ويفتحلها من جوه واللى كان بيفضل مركز معاها فى الطريق عشان الشباك تقوله الجو الحر افتحلى الشباك يقولها يحرق الشباك على اللى قاعد جنبها وانتى ايديك انقطعت ارفعى ايديك شوية ودوسى على الزرار الشباك يتفتح حرانة وزهقانة اوى استنى انا هجرى بالعربية وانتى افتحى الباب ونطى اللى كان بيشغل اغانى رومانسية أغنية واحدة بتشتغل ف العربية والبيت غلطة بتاعت هانى شاكر ولو جت وقفت قدام محل ملابس صاحبك يعمل من بنها ويبص للسماح ويقولها انا عايز اكلمك فى موضوع علمى الجو بقى غريب اوى ومش مفهوم بيقوله ده سببه خرم الاوزون ايام بقت غريبة ما يعلم بيها الا المولى يلا ياستى نمشى تقوله طيب والفستان يقولها فستان ايه تقوله الفستان اللى انا بتفرج عليه يقولها مش ده محل ملابس اطفالى برده تقوله اطفالى يا حبيبى سلامة النظر يقولها هو انتى خلينى فيا نظر ينتقم منك **** تقوله دع عجبنى طيب يقولها خلاص هجيبك كل يوم اتفرجى عليه مكالمة التليفون اللى كانت بتقعد بالساعات اقتصرت على أنه يتصل ياخد الطلبات وقبل ما تخلص يكون قافل السكة
البوست الهزار يا جدعان
😂😂😂😂😂😂😂
