اول حاجه بشكر كل الناس اللي تفاعلو على السلسله الاولى من كل قلبي
تاني حاجه عايز اخد رأيكم ادخل جنس المحارم في القصه ولا اسيبها ماشيه كدا احسن
تالت حاجه عايز ادخل خيال علمي وفانتازيا في القصه ولا اسيبها واقعيه ( على ماعتقد انها واقعيه 😂😂 )
اخر حاجه بحب اشكر كل الناس اللي توقعو مين هي ام وليد
/////////////////////////////////////////////////////////////////////////////////////////////////////////////////////////////////////////////////////////////////////////////////////////////////////
الجزء الاول
فلاش باك قبل مروح لخيري
على الساعه ٢ الظهر كدا رحت لحصن الفرعون ( المزرعه ) ونزلت في طابق المراقبه
انا : جهزين يا أبطال
تيريون : انا مش عارف انت هتسلم جريف والنسخ ليهم ليه
مونيكا : اه صحيح ليه هتسلمهم .... ولو على امك في هتظهر كدا كدا
انا : ومين قال اني لسه معرفتش مين هي امي
مونيكا : ومين هي
انا بحزن : انا متأكد ان هي شروق ام غاده
تيرون : وايه اللي مخليك متأكد كدا
انا : كل العلامات بتقول كدا ...بس مش دا المهم ...المهم الحاجه وصلت ولا لسه
تيريون : وصلت الصبح ..بس ايه الحاجه دي بالظبط
انا : هتعرفو كل حاجه دلوقتي
وبننزل لدور الاجهزه بلاقي الحاجه وكانت عباره عن صندوق كبير ( زي الاسانسير كدا )
تيريون : ايه الآله دي ...انت ناوي على ايه بالظبط
انا : الآله دي يسيدي كنت شغال عليها انا وقسم الأبحاث في حصن ڤيلن ( اللي اتدربت فيه ) ولسه مخلصينها من كام يوم
مونيكا : وازاي محدش فينا سمع بمشروع زي دا
انا : دي كانت تعليماتي انا ...
تيريون : برضه مجوبتش علينا ايه الآله دي
انا : هتعرفو ..انزل جيب دكتور جريف حالا ( بكلم عسكري )
مونيكا : متقولنا هتعمل ايه
انا بكلم قائد الفرقه : جاهز يا بطل
القائد : جاهز يافرعون ... ومتخفش انا هسد قصادهم
انا : عارف وعلشان كدا اخترتك انت
بعد شويه بيدخل العسكري مع جريف
انا : اهلا يا دوك ...اخبارك ايه
جريف بيبصلي وبيسكت ...باخده وادخله الصندوق ... وبضغط على زرار بيطلع جدار من ارض الصندوق بيفصلها حجرتين
بطلع وبقول للقائد يدخل الحجره التانيه
تيريون بقلق : انت هتعمل ايه يفرعون
مبردش عليه وبيكون القائد دخل الحجره ... بشغل برنامج على اللاب وبعدين بضغط على زرار البدء
الأله بتنور احمر من حجرة جريف وبتنور ازرق من حجرة القائد .... بعد ٥ دقايق الأله بتقف وباب حجرة القائد بيتفتح والجدار الفاصل بينزل تاني وجريف بيطلع
الكل مصدوم : انت عملت ايه
القائد بييجي عندي : العمليه نجحت ولا ايه
انا بضحك : نجحت ياقائد ...اقصد يا دكتور جريف
( ايوا ياعزيزي حولت القائد لدكتور جريف )
مونيكا : انت عملت كدا ازاي
انا : كله بفضل تكنولوجيا النانو
جريف الحقيقي : ازاي مفكرناش بالطريقه دي قبل كدا
انا : علشان انت حمار ومشغل معاك شويه بقر
انا : دلوقتي بقى الخطه الجديده .... احنا معانا في الحصن ٥٠ عسكري ( ودول مش زي اي عسكري ) هاخد معايا النسخ بتاعت الطلاب ودكتور جريف المزيف ( اللي هو قائد العساكر بتعتي ) ومعايا ٣٠ عسكري وهنروح لمبنى المخابرات نسلمهم ...... و١٠ عساكر هتأمن الفيلا عندي ويراقبو شروق .... والباقي هيفضلو في الحصن هنا
الكل : تمام يفرعون
واحنا طالعين على السلم
تيريون : وانا اللي فكرت انك هتسلم الدكتور
انا : عيب عليك ..اسلم الكنز بإيدي لخيري
مونيكا : وطبعا القائد هيعرف يرد عليهم ..بس هيتعذب كتير
انا : متقلقيش مش هسيبه عندهم كتير
كل الفرق راحت للمهمه بتعتها ....كنت على اتصال بالفرقة اللي مراقبه شروق لحد مدخلت مبنى المخابرات لوحدي
دخلت مكتب خيري ومكنش فيه حد غير خيري ومياده
انا : امي فين
خيري : على وصول ..النسخ فين
طلعت التليفون وقولت لتيريون يجيب النسخ لينا
انا : خلي العساكر تدخلهم
في الوقت اللي كانو طالعين فيه كلمت فرقة مراقبة شروق وقالو انها لسه في الفيلا .. طبعا انا مش فاهم حاجه بس قولت ممكن تطلع من الفيلا دلوقتي
تيريون ومونيكا بيدخلو بالنسخ ومعاهم ١٠ عساكر وفيه ٢٠ لسه برا
تيريون : تمام يفرعون
خيري ومياده بيقفو من الصدمه : انت بتقول لمين يافرعون
مونيكا : ما انت متعرفش ان وليد هو الفرعون المصري صحيح
انا بقطع الكلام : شكل امي مش هتيجي ... تيريون خد النسخ وامشي
خيري : بالسهوله دي ...فوق للكلام انت في مبنى المخابرات المصري
انا بغضب : انت اللي تفوق للكلام وانت بتكلم الفرعون ... واخر كلام هقوله امي فين
خيري : خلاص هخليها تطلع ..بيكلمها في التليفون ويقولها اطلعي يا مي
في الوقت دا كلمت فرقة المراقبه وقالو ان شروق لسه في الفيلا
بتدخل وانا مزهول ان دي مي
خيري : اهي يا سيدي جت اخيرا
انا بغضب : دي مش امي ولأخر مره بقولك فين امي
خيري : احلفلك على ان دي امك
انا : انا عارف ان شروق هي امي
خيري بعدم فهم : يعني ايه شروق هي امك ... مين قال الكلام الفارغ دا
انا : كل العلامات بتقول كدا ... اول حاجه لما قولت لامي تختفي فشروق عملت حكايه خسارة الفلوس وهربت عند سمر ...تاني حاجه لما شافتك واتخضت جامد ودا بيأكد ان بينكو حاجه ... تالت حاجه لما مسكت صورة خالي وفضلت تعيط واللي عرفني سمر
في الوقت دا كانت الست واقفه والدموع نازله من عنيها
خيري : بص انت لو شوفت الحكايه من منظورك هتقول انها امك بس دي مش الحقيقه .... شروق فعلا خسرت كل فلوسها في البورصه وسمر هي اللي خدتها البيت ... تاني حاجه لما شافتني اتخضت علشان انا مشوفتهاش من زمان ... تالت حاجه لما عيطت على صورة خالك اكيد افتكرت اخوها اللي مات ... واه كان ليها اخ ومات زمان
انا : انا هتأكد بطريقتي ... وأمرت فرقتي تسيب النسخ والدكتور ( المزيف ) وترجع على الحصن ونزلت علشان اخرجهم وقولت لفرقة المراقبه ترجع على الحصن
في الوقت دا مياده جريت وخدت مي في حضنها وفضلو يعيطو كتيييير ....
مي : هي مين شروق اللي فاكرها امه دي
خيري : دي واحده معرفه قديمه ...جوزها كان عميل في البنك ( قسم المخابرات كانو فاتحين بنك غطا ليهم ) ولما جوزها مات مشوفتهاش تاني
مي : وليه مصرر على انها امه
خيري : زي مقال من شويه ...شوية صدف جم ورا بعض خليته يقول كدا
مي : طيب وهنخليه يعرف اني امه ازاي
خيري : هو اللي هيعرف لوحده متقلقيش
طلعت تاني لمكتب خيري
انا : كدا الدكتور وكل النسخ عندك ....
خيري : اه وهنبدأ نستجوبهم فورا
انا : ملوش لزوم ...كل حاجه محتاج تعرفها احنا عرفناها .... وبدأنا في تنفيذ الخطه بتاعتنا
مياده : ماممكن نتعاون تاني ....واكيد دا هيكون احسن
انا : انا حاططكو في الخطه ..ولما يجي دوركو هعرفكو كل حاجه ...سلام
خيري : طب استنى شويه ...عايزك تتكلم مع امك شويه ( والست واقفه بتموت من العياط )
انا ببرود : قولتلك لما اتأكد الاول .... سلام
طلعت من المبنى وانا ماشي ومش عارف رايح على فين .....بعد مشي كتيييير قعدت على النيل وطلعت التليفون واتصلت على تشارلي
انا : ايه الاخبار
تشارلي : كله تمام يافرعون ..سيزار معانا في الحصن ( فيلن )
انا : طيب .. باقي الفرقه هتسافر الصبح وهتعرف منهم باقي المهمه ...... انت شوفت الست اللي خيري قابلها
تشارلي : اه شوفتها لما فتحت الباب ..
انا : طيب انا هبعتلك صورتين وتقولي مين هي ...وبعتله صورة شروق والست التانيه
تشارلي : الست الاولى دي مشوفتهاش قبل كدا ..والست التانيه الصورة بتعتها مضغوشه شويه بس هي اللي قابلت خيري
انا : انت متأكد ... الكلام دا مفهوش احتمال للغلط
تشارلي : ايوه متأكد
قفلت معاه واحاسيسي بقت ملخبطه خالص ..مش عارف انا فرحان ان شروق مش امي وممكن اكمل العلاقه مع غاده ...ولا حزين ان امي طلعت واحده تانيه ولسه هكتشف الحياه بتعتها ....
عند الفيلا الساعه ١٠ بليل
واقف قدام الفيلا وببص على شباك الصالون بلاقي شروق ويمنى وغاده وسمر قاعدين مع بعض بيضحكو وبيتفرجو على مسلسل والجو عندهم حلو ..دخلت ليهم
سمر : كنت فين دا كله ياحبيبي ...وتلفونك مقفول ليه
انا : معلش التليفون نسيته هنا ..وكنت بتمشى مع نفسي شويه
شروق : بتتمشى من الصبح
انا : اه اصل كنت مخنوق شويه ...انا طالع انام
غاده : هو ماله يسمر
سمر : هو كدا كل سنه لما سنوية ابوه وامه بتقرب
غاده : ودي السنويه الكام
سمر : تقريبا كدا ١٥
شروق : يااااه ١٥ سنه ... انا هطلع اتكلم معاه شويه
بعد شويه بسمع خبط على الباب
انا : ادخل
شروق : ممكن اتكلم معاك شويه
انا : اه طبعا
شروق : انت مخنوق علشان سنوية اهلك
انا : يعني ممكن .....
بس انا عايز اعرف حكايتك مع خيري
شروق : حكاية ايه ..منا قولتلك على كل حاجه
انا : يعني انتي من بعد موت سيف جوزك مشوفتيش خيري خالص
شروق : لا خالص ..علشان كدا اتفاجئت لما شوفته ..بس هي دي الحكايه
انا : طيب معلش ممكن تسبيني انام
طلعت شروق وانا قعدت افكر شويه ونمت من كتر التعب
مبنى المخابرات
خيري : يعني انت المسؤول عن كل دا ...طيب والجماعه فين
جريف المزيف : الجماعه ادتني امر وانا عملته ... وبعدين مش مهم تعرف الجماعه بتعمل ايه دلوقتي
خيري : ليه بقى
جريف المزيف : علشان هتحصل انتخابات للرئيس قريب اوي وكدا الجماعه ممكن توجها يتغير في الفتره الجايه
خيري : والانتخابات دي هتكون فين
جريف : لسه هيحددو المكان
خيري : وطبعا هتكون بعد العاب الموت
جريف : طبعا
الفجر في حصن الفرعون
مونيكا : انت متأكد انك مش محتاج مساعدتنا
انا : لا انتو لازم تكونو في حصن فيلن النهارده والتعليمات هتكون عندكو اول مخلص
تيريون : بس اللي هتعمله دا صعب
انا : مفيش حاجه صعبه على الفرعون
بعد شويه الفرقه كلها بتسافر ومعاهم دكتور جريف الحقيقي
بنزل تحت لدور السجن وبفتح اوضه بلاقي واحد نايم ..بصحيه وباخده على الاله وبحوله لدكتور جريف ( طالما الاله خدت بيانات واحد مره فممكن تعمل نسخ كتير بالبيانات دي ) وباخده وبطلع على المخابرات
طبعا خالي كان عرفني بثغره في المبنى وهو اللي كان عاملها .... الثغره عباره عن نفق رابط مبنى المخابرات بمبنى تاني على بعد ١٠٠ متر ... بدخل المبنى الاول وبفتح النفق وبنزل انا والنسخه لحد ما بنوصل لنهاية النفق ... بطلع انا والنسخه لجوه مبنى المخابرات وبدخله اوضه امان وبربطه في المكتب بكلبشات .... بروح لغرفة تحكم الكهرباء وبقطعها على المنطقه اللي موجود فيها جريف المزيف ( القائد ) ...برجع اخد النسخه وبروح لسجن القائد وبتأكد ان الدور فاضي ...بدخل ابدلهم مع بعض وبخرج انا والقائد ...بروح لغرفة الكهرباء وبرجعها تاني ..وبنهرب انا والقائد
في حصن الفرعون
القائد : خيري هيشد في شعر راسه لما يتكلم مع النسخه
انا : دا ممكن يقتله من غباء النسخه
القائد : هو صحيح انت جبت الراجل الغبي دا منين
انا : دا واحد كان موجود في المدرسه بتاعت جريف كان بيعمل عليه تجارب لحد ما اتجنن
القائد : طب مش هترجع شكلي تاني
انا : يلا بينا ...ونزلنا للأله ورجعت شكله تاني
انا : عايزك ترجع لحصن فيلن وتعرف سنو بكل المعلومات دي
القائد : تمام يفرعون
رحت على الفيلا وكانت الساعه ٦.٣٠ الصبح ...بدخل لقيت سمر وغاده تحت في المطبخ
انا : صاحيين بدري كدا ليه
غاده : احنا مش عندنا مدرسه ولا ايه ياستاذ
انا : تصدقي انا كنت ناسي المدرسه خالص
سمر : مطبعا هتنساها بعد مسفرت وشفت مدارس انجلترا
انا بفتكر كل اللي حصل في مدرسة النقطه السودا وبضحك بحزن
سمر : انت زعلان للدرجادي علشان هترجع مدرستك
انا : لا مش زعلان انا مبسوط علشان هشوف صحابي اللي وحشوني .... هطلع اغير هدومي على السريع
غاده : اومال انت كنت فين
انا : كنت بجري .....
غيرت هدومي ومشيت انا وغاده على المدرسه ...واحنا في الطريق
غاده : انت مكلمتنيش ولا مره من بعض اللي حصل ( لما نمت معاها اخر السلسله الاولى )
انا : معلش اصل انا مخنوق اليومين دول
غاده : منا عارفه موضوع السنويه بتاع اهلك
انا : وانتي عرفتي منين
غاده : سمر حكتلينا كل حاجه
في الفصل
كل الناس جت تسلم عليا من بعد السفر ولكن لقيت احمد صحبي واخد جنب ...رحت ليه
انا : واخد جنب كدا ليه ياض
احمد : ابعد عني ومتكلمنيش تاني
انا : ايه يصحبي في ايه
احمد : صحبك ايه بس ...بقى يواطي بقالك يومين راجع من السفر ومتعرفنيش
انا : معلش يصحبي انت عارف ان السنويه قربت وبيحصلي ايه
احمد : يلهوي السنه عدت بسرعه كدا ...معلش يخوي مكنتش اعرف
انا : ولا يهمك
في حصن فيلن
سنو بصدمه : هو قالك نعمل كدا
القائد : ايوا قالي كدا بالحرف
سنو : احنا كدا هنلعب بالنار
القائد : ومش اي نار ..دي نار بريطانيا
في الوقت دا كنت بعت لخيري رساله ان الجماعه عرفت ان دكتور جريف عنده في المبنى ولازم ياخده مكان تاني بسرعه
وخيري عمل كدا فعلا وامر بنقل جريف لفرقة دلتا ..... وخدو عربيتين واحده فيها جريف والتانيه فيها عساكر ....دخلو شارع جانبي علشان كان فيه زحمه بس فيه عربيه قفلت الشارع قدامهم .. ونزل منها الظابط داروين ( اللي قتل خالي ) وفيه عربيتين تانيين قفلو عليهم الطريق من ورا ...ونزل منهم عساكر كتير ...فضلو يضربو نار لحد مكل عساكر خيري ماتو ..ومات ناس كتير من رجالة داروين .... وداروين فضل يبص لجريف وبعدين قتله برصاصه في راسه
في الوقت دا كنت راجع من المدرسه لوحدي ولقيت ٣ عربيات حاوطوني وخدوني معاهم ...وانا كنت مستسلم خالص ...
في مبنى المخابرات
دخلوني مكتب خيري وكان خيري ومياده موجودين
خيري : انت ليه خنتني ...ليه بعت الحاجه الوحيده اللي كانت معانا ... ليه
انا : طيب ممكن نتكلم لوحدنا شويه
خيري امر الكل انهم يطلعو برا بس مياده فضلت
انا : ومين قال اني خنتك او بعتك
خيري : اومال جريف اتقتل ازاي ...وليه قولت ان فيه هجوم هيحصل على المبنى
انا : كنت عايز اتأكد من حاجه ...واتأكدت منها فعلا
مياده : واي هي
انا : انت لسه عندك جواسيس للجماعه هنا
خيري : مستحيل .. الجاسوس الوحيد اتقتل
انا : ومين قالك انه الوحيد .. اكيد جند ناس تانيه ..ولازم تعرفهم النهارده علشان تكون معانا في الخطه بتعتي
خيري : هنعرفهم ...بس كدا انت ضيعت علينا معلومات الدكتور
انا : ومين قالك كدا .... دكتور جريف في امان
خيري : امان ازاي ...اومال مين اللي اتقتل دا
انا : دا مجرد نسخه ...
مياده فهمت : انت ضربت ١٠ عصافير بحجر واحد
خيري : ودا اللي هو ازاي
انا : بص .. انا كنت متأكد ان فيه جواسيس لسه هنا ..وعارف برضه ان الظابط داروين عنده اوامر بقتل دكتور جريف .... وكدا احنا خلينا داروين يفتكر انه قتل جريف ... ومش هيدور عليه تاني
خيري : يعني انت متأكد ان جريف في امان
انا : دا في حصن فيلن
اول مخيري ومياده بيسمعو حصن فيلن بيترعبو
خيري : وايه اللي وداه حصن فيلن
انا : انا اللي وديته
خيري : والقائد بنجامين سنو اتعاون معاك ازاي
انا : قصدك مستر سنو ... دا هو اللي مربيني
خيري : علشان كدا ..... يبقى انت فعلا الفرعون ودا مكنش هزار
انا : خلينا في المهم ... وعرفته الخطه بتعتي
خيري : انت كدا بتلعب بالنار ..ولو بريطانيا عرفت ممكن تقوم حرب علينا
انا : ومين قال انك هتكون في العمليه دي ... ومتخفش العمليه خلصت اصلا
خيري : يعني عايز تقولي ان سيزار ابراهيموفيتش اتخطف ومحدش يعرف
انا : بالظبط كدا ..وفيه واحد راح مكانه اصلا
خيري : طب وهنبدأ امتى
انا : معاد مقابلة الوزارء ( بتوع الجماعه ) لسه عليه بدري ولما يحصل هتعرف باقي الخطط هتمشي ازاي
بعد شوية كلام
انا : انا عايز اعرف عنوان امي
خيري : ايه ..اتأكدت خلاص
انا : اه ..وعايز اروح ليها دلوقتي
بيعرفني العنوان وبروح هناك ....بوصل لفيلا كبيره محاوطها سور من كل حته ...بروح عند البوابه بلاقي حراس
الحرس : مين انت وعايز ايه
انا : عايز اقابل مدام مي
الحرس : واقولها مين
انا : قولها وليد الشاذلي
بيطلع الحارس جهاز لاسلكي وبيكلم مي وبتقوله دخله بسرعه
الحارس : اتفضل ادخل ..خد الطريق دا لاخره
بدخل وبمشي على الطريق وبشوف في اخره مي وبتجري ناحيتي
( مي عندها ٤٨ سنه شبه anna bell )
مي بتوصل عندي وبتبكي جامد ... وانا عندي مشاعر ملخبطه خالص .. مش عارف اخدها في حضني بعد كل السنيييين دي ...ولا ابعدها عني بسبب اللي عملته
مي جت تاخدني في حضنها فرجعت خطوه لورا فوقعت على الارض .. بصت عليا لقيتني بنزل دموع ...زحفت لحد موصلت لرجلي ومسكت فيها ... لسه هتنزل تبوسها نزلت ليها بسرعه ورفعت راسها ..بقيت قاعد على ركبي وهي كمان ...بنبص لبعض واحنا بنعيط جامد ...
مي بعياط : ابني ...ابني حبيبي .... وحشتني يابني ... خدني في حضنك يابني
انا بعيط جامد ومش عارف اتكلم وببص ليها وخلاص
مي بعياط جامد : ابوس ايدك اتكلم ( وبتمسك ايدي تبوسها ) .. ابوس رجلك اتكلم ... وخدتني في حضنها
فضلنا حضنين بعض بتاع ١٠ دقايق واحنا بنعيط وانا فقدت النطق خالص
مي : تعالى ندخل جوه .... بندخل جوه الفيلا وهي مسكاني في ايدها زي العيل الصغير
قعدنا قدام بعض في الصالون
انا بحاول اتكلم بس مش عارف
مي : اهدي يحبيبي .... انا عارفه ان دا كله كتير عليك
انا بتكلم بصعوبه ( بحرقه ) : انتي .. سيب .. سيبتيني ..ليه
مي بحرقه : انا عارفه اني مستهلش دمعه واحده منك ... انا عارفه ان مفيش حاجه تخلي ام تبعد عن ابنها ... انا عملت كل دا علشان تعيش
انا بتكلم بصعوبه : اعي .. اعيش ازاي ..اعيش ازاي من غير امي
مي بتنزل تقعد على ركبها قدامي : انا مش طالبه انك تسامحني ... ابوس رجلك عايزاك تفهم اني عملت كل دا علشانك وعلشان ( وبتسكت )
انا : وعلشان مين
مي : لو هتقدر تسامح يبقى تستنى تسمع منهم
انا : اسمع من مين
مي : هم على وصول اول معرفو انك هنا
بتفضل حضنه رجلي وانا وهي بنعيط وبنبص لبعض ... بيقطع اللحظه صوت كلكس عربيه
مي : اهم وصلو يحبيبي ..وبتقف وتمسك ايدي
انا : مين اللي وصلو
وبيدخل من الباب بنتين واحده ٢٢ سنه وواحده ١٩ سنه
انا : مين دول
مي : خواتك البنات ياوليد
انا بخوف وتردد : انا ليا خوات اكبر مني وعايش كل السنين دي من غيرهم .... انا ..انا ..انا لازم امشي من هنا
وبطلع اجري بره الفيلا وخواتي البنات منهارين وامي اغمى عليها
//////////////////////////////////////////////////////////////////////////////////////////////////////////////////////////////////////////////////////////////////////////////////////////////////////
احب اشكر كل الناس اللي قالت ان شروق هي ام وليد
بس احب اقولكم حاجه اتعلمتها في الحياه .... متحكمش على المظاهر ولو حتى معاك معلومات طالما المعلومات دي مش كافيه .....اشوفكم في الجزء الجاي ..سلام من الفرعون
//////////////////////////////////////////////////////////////////////////////////////////////////////////
الجزء الثاني / تدريب الفرعون
لم طلعت اجري من القصر مكنتش عارف اروح فين .... حياتي كلها طلعت كذبه ..... مبقتش قادر اثق في حد ....
رحت على حصن الفرعون ونزلت للغرفه بتاعتي .... نمت على السرير وروحت في النوم
في الحلم
كنت قاعد في الفيلا ولقيت خالي دخل عليا ...جريت اخده بالحضن لقيته شبح ...
خالي : ازيك يفرعون
انا بزعل : انا مش تمام ... كله طلع بيكذب عليا
خالي : وعلشان كدا ظهرتلك ..... انت مش لازم تفقد الثقه في حد
انا : لا انا مستحيل اثق في حد تاني ... ومش هسمعلك تاني
خالي : طب ايه رأيك نعمل قتال ..ولو كسبتني انا هسيبك وامشي ...ولو انا كسبت يبقى تسمعني
انا : ما انت بتكسبني على طول
وفجأه اتنقلنا لقاعه كبيره مقفوله من كل حته .... وفيه صراخ جماهير عالي بس مكنش فيه حد موجود غيرنا ...
خالي خد وضع الهجوم ولقيت درع ذهبي ظهر على جسمه ...وظهر سلاح تيكاجي ( فوق ايده طالع منه مخالب )
انا : انت عملت كدا ازاي
خالي : ركز وخليك في القتال ... وممكن تعمل كدا بسهوله
انا : هعمل كدا ازاي ... مستحيل
خالي : متنساش اننا في حلم يفرعون ... ركز وكل حاجه ممكنه
ركزت شويه بس محصلش حاجه .... وطلعت من التركيز لما خالي هجم عليا
لقيت خالي طاير في الجو ونازل عليا بالمخالب .... نطيت لورا بسرعه والمخالب غرزت في الارض
خالي سحبها من الارض ووقف تاني .... وجري عليا وطار في الهوا ... جريت انا كمان ودوست على الحيطه وضربته في بطنه فوقع على الارض ..... لما نزلت شوفت دراعي بينقط ددمم ...خالي جرحه بالمخالب
خالي وقف تاني وجالي جري ..... قلعت هدومي من فوق وجريت عليه انا كمان ..... خالي لسه هيضربني بالمخالب لفيت عليها الهدوم بسرعه ...ومسكت الطرف التاني من الهدوم وبصد بيه ضربات خالي اللي بالرجل
خالي اتنرفز وقلب ايده لجوا وقطع الهدوم وضربني بالرجل خلتني طرت الناحيه التانيه
وقفت والدم نازل على جسمي وخالي جري عليا تاني ... خدت نفس جامد وخدت وضع الدفاع ( السرعوف ... دا بيقف على رجل واحده وفارد ايديه زي الحشره بالظبط )
خالي بيضربني بالرجل فبصدها برجلي المتحركه ... وبضربه بايدي اليمين في صدره وقعته ...نطيت عليه بسرعه ونزلت برجلي على مخالبه اللي في ايده اليمين كسرتها .... خالي ضربني بسرعه بالمخالب التانيه اللي عورتني جامد في رجلي الشمال
خالي بيقوم يقف ...وانا الدم غطى جسمي كله
خالي : هتستسلم ولا هتكمل
ومن غير رد بعمل نفس حركة الدفاع وبقف على رجلي اليمين وبرفع الشمال بالعافيه .... خالي جري عليا ضربني برجله خلتني ارجع لورا ...بس وزنت نفسي برجلي الشمال ولفيت ليه بسرعه .... وبحركه لف مزدوجه نزلت على مخالبه التانيه وكسرتها
خالي بعد عني شويه وخد وضع النمر ( بيقفل اطراف صوابعه على شكل مخالب ) .... جه يهجم عليا فضلت اتشقلب لورا وهو بيحاول يضربني لحد موصلت للحيطه ودوست عليها ونطيت وراه
خالي رد فعله كان سريع وسحبني من رجلي رزعني في الحيطه اللي وقعت عليا
خالي : شكلك كدا عايز تسمعني 😂
انا وجسمي كله ددمم ومتعور : مقولتلك مش هعرف اكسبك
خالي : طب ايه رايك بقى ان انا هجيب واحد يسمعك كل اللي انت عايزه
انا : هتجيب مين
فيه باب ظهر في نص القاعه طالع منه نور جامد ...وخرج شخص منه
الشخص : مش براحه عليه ياخالد
خالي : مهو اللي طري
انا : طري ايه دا انت فشختني بالمخالب بتعتك دي ... وبعدين مين دا
الشخص : ايه مش عارفني يوليد ..انا ابوك
انا : انت جاي تهزر انت وهو ...هو انتو مش ميتين
ابويا : احنا فعلا ميتين ...بس متنساش انك بتحلم
انا بدموع : يعني انت ابويا ... وبروح عليه اخده بالحضن بس طلع شبح زي خالي
ابويا : احنا هنا علشان نتكلم معاك ياوليد
انا بكسوف : عايزين ايه
ابويا : سامح امك يوليد ... امك ضحت بنفسها وبسعدتها علشانك
انا : سعادت ايه اللي بتقول عليها ... دي عايشه في قصر مع خواتي البنات اللي اكبر مني وسيباني مرمي طول السنين دي
خالي بزعل : مرمي ... بعد كل اللي عملته علشانك تقول مرمي
انا : انا اسف يخالي ...انت عارف قصدي ....قصدي هو ازاي تسيب ابنها عايش يتيم كل السنين دي
ابويا : كل اللي عملته علشان خواتك البنات
انا : اه صحيح .. انت ازاي مجبتش سيرتهم خالص قبل كدا
خالي : علشان كنت صغير ومستحيل تفهم
انا : طيب فهموني
ابويا : انا اللي طلبت من خالك وخيري انهم يبعدو مي والبنات عن الحرب دي
انا : طب ومخدونيش معاهم ليه ...كنت هقول لا يعني ...انا كان عندي سنه سعتها
ابويا : بص يابني انا هحكيلك ...... انا عرفت ان الجماعه رجعت تاني في الخفاء ...وقولت لخيري بس محدش صدقني غير خالك ومستر سنو .... وعملنا عمليات تصفيه كتير ومهمه في الجماعه ...بس كانو اكتر مما توقعنا .... وسواريز أمر الجماعه كلها بانها تقتلني انا وخالك وتخطف اي حد من اهلنا .... فضلنا سنه كامله بنهرب منهم لحد موصلو لينا وباقي الحكايه انت عارفها .... وخالك خدك عنده علشان يدربك يافرعون
انا : هو انتو بتقولو عليا فرعون ليه ...ايه اللي بعمله علشان تقولو عليا كدا .... انا ضعيف ... انا مش عارف اخد حقك لحد دلوقتي
ابويا : انت مش ضعيف يابني ...انت عديت اختبارات محدش فينا عداها حتى انا وخالك ... قوم يافرعون .... خد حقنا يابني ... ومسك ايد خالي .. ودخلو جوايا
فوقت بشرقه من الحلم ... وجملة خد حقنا يابني بتتردد في دماغي .... قررت اسافر لحصن فيلن
فيلا سمر
غاده : انتي مشوفتيش وليد يسمر
سمر : لا هو مجاش من امبارح ولا ايه
غاده بقلق : لا لسه .... هيكون راح فين بس
سمر لقت التليفون بيرن
سمر : مين معايا
مياده : انا مياده ...ممكن تديني وليد
سمر : انا مش عارفه هو فين ... لسه مجاش من امبارح
غاده : طيب لما تلاقيه خليه يكلمني ..وفصلت
عند مياده بتكلم مي في التليفون
مياده : لا مش موجود في الفيلا
مي : طب هندور فين ... البنات هتموت
مياده : ما انتي اللي مش سهلتي ليه الموضوع ... فاطبيعي يزعل ويمشي ....بصي في الكام شهر اللي اتعملت فيهم مع وليد فاحب اقولك انو هيرجع
عندي انا
وصلت حصن فيلن ولقيت مونيكا هي اللي بتستقبلني
مونيكا : ايه اللي جابك دلوقتي ... مش معاد المقابله لسه عليه بدري
انا وباين عليا الغضب : هنبدأ تنفيذ الخطه من دلوقتي .. وبدخل جوا
طلعت لغرفة مستر سنو ودخلت
سنو : ايه اللي جابك دلوقتي يفرعون
انا : الحلم جالي
سنو بصدمه : وكسبت ولا خسرت
انا : خسرت
سنو : طيب ... تعالى معايا
نزلت انا وسنو لغرفة تحت الارض
انا : ايه الغرفه دي انا اول مره اشوفها
سنو : دي غرفة التأمل .... دي الغرفه اللي هتوصل ليها لقوة الفرعون
انا : هتقولي تأمل انت كمان
سنو : ومين غيري قالك كدا
انا : خالي قالهالي في الحلم
سنو بصدمه : هو اتكلم معاك
انا : وابويا كمان
سنو : لا انت تقعد بقى وتحكيلي ايه اللي حصل
حكيت لسنو كل حاجه حصلت في الحلم وهو مصدوم
انا : انت مصدوم كدا ليه
سنو : كل الناس اللي جالها الحلم محدش فيهم اتكلم
انا : اومال بيعملو ايه
سنو : اللي بيحلم بيشوف اكتر واحد بيكرهه في حياته وبيواجهه في قتال
انا : اومال انا شوفت خالي ليه ...وليه ابويا ظهر
سنو : مش عارف .... بص انا عايزك تعمل تأمل لبكرا ...وفي الوقت دا انا هكلم كل الحكماء واعرف ايه اللي حصلك
سنو سابني ومشي
عند سمر في الفيلا
غاده بتعيط : هنعمل ايه ياسمر ....نروح نبلغ في القسم
سمر : مش عارفه ... يلا نروح على القسم
وهما طالعين لقو مياده ومي داخلين عليهم
سمر : لاقيتيه يمياده ؟
مياده : متقلقيش هو سافر انجلترا للمدرسه تاني وهيقعد اسبوع ويرجع
سمر : ودا اللي هو ازاي يعني ....من غير ميعرف حد
مياده : السفر جه فجأة ...وبعدين هو عرف مي
سمر : ومين مي دي كمان
مي : انا أمه
سمر بتتريقأ : امه ..تصدقي ضحكتيني
مي : انا اخت خالد يسمر ...انا ام وليد
سمر : وعيزاني اصدقك ليه
مياده : علشان دي الحقيقه .... ومتقلقيش وليد هيرجع كمان اسبوع ... سلام يسمر
عندي انا
بدأت اعمل تأمل تاني بس كان تأمل عادي ( زي بتوع اليوجا كدا ) ....فضلت ٣ ساعات من غير جدوى ... قررت اطلع اشم شوية هوا ...ولسه هقوم اقف لقيت قلبي دق بسرعه ودخلت في الحلم تاني
الحلم المره دي كان في قاعه شبه الاستاد ....ولقيت ابويا وخالي ظاهرين في وسط الملعب .... رحت ليهم
انا : هو انتو كل شويه تظهرولي كدا ليه
ابويا : لحد متبقى الفرعون هنفضل نظهرلك
انا : طب هنبدأ المعركه دي ولا هنفضل نرغي
خالي : طيب ياختي افتكر انك اللي طلبت ... وظهر الدرع الذهبي حوالين خالي والمخالب على ايده
والناحيه التانيه ظهر درع ألماس بيلمع حوالين ابويا وسيف ألماس في ايده
انا : لا كدا مش عدل ...كل واحد معاه سلاح وانا هحارب بهدومي ( محارب الهدوم 😂 )
ابويا : حاول تطلع درع الفرعون والسلاح بتاعه وانت هتكسبنا
ومن غير كلام كتير ...لقيت خالي بيجري عليا وانا جريت الناحيه التانيه لقيت ابويا بيجري عليا هو كمان وانا شكلي هتفشخ في النص ....قلعت هدومي بسرعه وقطعتها اتنين
خالي طاير في الجو وبينزل بالمخالب بتاعته عليا .... عملت حركة دفاع وسحبته من هدومه على الأرض ...لفيت هدومي على رقبته ولسه هخنقه لقيت ابويا سحبني وقلبني على الارض
وقفت قدامهم الاتنين وكل واحد عامل وضع استعداد هجومي
من غير كلام كتير فشخوني من الضرب ....ببص على جسمي لقيته كله ددمم ومتشرح
بعدها ابويا بيقومني
انا : ايه الابهات دي ..حد يعمل كدا فإبنه 😂
ابويا : احنا لازم نعمل كدا لحد متوصل لقوتك
انا : وهستفيد بيها في ايه طالما بتشتغل بس في الحلم
ابويا : ومين قالك كدا ...اومال احنا فشخنا الجماعه ازاي
انا : اومال قتلوك ازاي ... انا معرفتش اعمل حاجه قصادكو ... وبعدين انا ازاي بلمسكو في القتال ودلوقتي مش عارف
ابويا : انت مش هتعرف تلمسنا الا في القتال بس .... وبالنسبه لموضوع القوه فهي مش الحاجه اللي تكسب الحرب يابني .... المعلومات والتضحيه هي اللي تكسب اي حرب
انا : دا اللي هو ازاي يعني .... القوه هي اساس الاخضاع ...ومفيش انسان هيخضع لحد مش قوي
ابويا : ومين قالك ان المعلومات مش اساس القوه .... طالما انت معاك معلومه عن حد ممكن تأذيه او تأذي حد من اهله فاهيخضع تحت رجلك ...او ممكن يقلب عليك
انا : وعلشان كدا بقولك ان القوه هي الاساس
خالي : مش وقت كلام القوه .... دلوقتي انت لازم تكلم سمر علشان قلقانه عليك
ابويا : وكلم امك يابني ...سامح يابني علشان تقدر تعيش
انا : حاضر ....طب افوق من التخاريف دي ازاي 😂
خالي وابويا مسكو بعض و لمسو قلبي
فوقت من الحلم بشرقه لقيت مونيكا واخداني على رجليها وبطعيت
انا : هو فيه ايه
مونيكا : انت فوقت ... انا فكرتك مت وبتعيط جامد
خدتها في حضني لحد مسكتت ....
انا : انا بقالي قد ايه نايم
مونيكا : نايم ..انت فاقد الوعي من امبارح
انا : طيب انا هروح لمستر سنو
سبتها ورحت لسنو في الاوضه بتعته
سنو : حلمت تاني
انا : قصدك فشخوني تاني
سنو : انا كلمت كل الحكماء اللي اعرفهم ومحدش عارف ايه اللي بيحصلك
انا : وهنعمل ايه دلوقتي ... انا لو فضلت احلم بيهم كدا كل يوم هموت
سنو : لازم تستحمل ..... وحاول تمسك في ايدك اي سلاح قبل متنام يمكن يظهر معاك
انا : هو صحيح مونيكا كانت بتعمل ايه تحت
سنو : انا اللي بعتها تاخد بالها منك
سبت سنو ورحت للاوضه بتعتي وكلمت سمر طمنتها عليا وقولتلها انا في المدرسه وخليتها تطمن غاده كمان
بعدين كلمت مياده
مياده : انت فيت يا وليد
انا : كل اللي عايزك تعرفيه اننا هغيب اسبوع ..فطمني مي ..سلام
نزلت تحت لقيت فرقة الفرعون متجمعه
انا : خير يجماعه
سنو : انت هتدرب يوميا وانت صاحي مع الفرقه كلها
انا : بس كدا كتيير ...وانا نايم بتفشخ ضرب وكمان وانا صاحي
تشارلي : اخيرا هناخد حقنا منك
مونيكا : اي حد بيدخل قتال معاك لوحده انت بتفشخه بس الدور علينا
تيريون كان قاعد ساكت ومره واحده عمل صوت ضحكت الشرير 😂
انا : طيب يلا يمجانين
بنروح لساحة القتال وانا خدت العصايه الخشبيه ووقفت في النص
تيريون خد ياري ( رمح ياباني )
تشارلي خد كاتانا ( سيف ياباني )
مونيكا خدت سهام شوريكين ( سهام النينجا ) وساي ( السلاح اللي شبه الشوكه )
الكل خد وضع الاستعداد وسنو قال هجوم
مونيكا رمت عليا السهام وانا عملت العصايه على شكل مروحه وصديت كل السهام ....تيريون جاي جري بالرمح ... جريت عليه انا كمان وسندت على العصايه ونطيت فوق دماغه ورزعته بالرجل ونطيت بعيد عنهم
مونيكا جريت عليا بسلاح الشوكه وبتحاول تضربني وانا بدافع بالعصايه ..... عملت شقلبه لورا وعملت حركة دفاع
مونيكا بتجري عليا وانا رميت العصايه عليها زي الرمح ..حاولت تصد العصايه بالسلاح اللي معاها بس العصايه وقعت السلاح ... جريت عليها وفضلت اضربها بوكسات في بطنها بسرعه وهي بتحاول تدافع ومش عارفه لحد ما خبطتها القاضيه واغمى عليها
مسكت العصايا تاني ووقفت لقيت تيريون وتشارلي حاوطوني في النص
تيريون رمى عليا الرمح فرجعت خطوه والرمح راح لتشارلي اللي صده بالسيف
خبطت الشوكه برجلي اترفعت من على الارض ومسكتها بالعصايه ولفيتها ناحية تيريون ... الشوكه رشقت في رجل تيريون واستسلم
فضلت انا وتشارلي .... تشارلي جري عليا وانا كمان مسكت العصايا وبحاول اصد ضربات السيف بيها
فضلنا كام دقيقه اصد وهو يضرب ... لحد ما العصايا اتكسرت
مسكت العصايتين في كل ايد .... بصد بواحده وبضرب بالتانيه لحد ما وش تشارلي ورم
تشارلي غضب وعمل حركه سريعه بالسيف وكسر العصايتين وعورني في دراعي
رجعت لورا بسرعه ومسكت الشوكه ... تشارلي جاي يضربني بالسيف صديت بالشوكه ومسكت بيها السيف وخبطت تشارلي بالرجل فساب السيف ووقع على الارض
مسكت السيف وحطيته على رقبته وهو استسلم
سنو اتدخل : ارتاحو ساعه وارجعو للتدريب تاني
رحت عند سنو وقولتله تعالى نروح لسيزار في السجن
نزلنا السجن ودخلنا زنزانة سيزار ابراهيموفيتش ....
( سيزار ٥٥ سنه طول ١٦٥ وزن ٧٠ )
انا : اهلا بالسير سيزار
سيزار : انتو مين .. وانا هنا فين ... انجلترا مش هتسكت وهتعلن عليكو الحرب
انا : طب خد نفس الاول علشان نعرف نتكلم ... ومين قال ان الحكومه في انجلترا عارفه انك مخطوف
سيزار : يعني ايه
انا : يعني انت لو مظهرتش تاني مش هتفرق معاهم ... عارف ليه ... علشان فيه نسخه منك في مكانك هناك ..
سيزار بقلق : انتو مين ... وازاي عارفين بموضوع النسخ دا
انا : احنا مين مش مهم ... المهم اللي احنا عايزينه
سيزار : عايزين ايه
انا : عايزينك تعرفنا معاد ومكان المقابله الجايه بالظبط
سيزار : مقابلة ايه
انا : مقابلة الوزراء
سيزار : وزارء ايه بالظبط
انا : انا صبري خلص ... مقابلة الوزراء بتوع الجماعه
سيزار : وايه اللي يخليني اقولك عليها طالما انا كده كده ميت
انا : ومين قال اللي انت هتموت ...انت هتطلع من هنا بعد يوم المقابله ودا وعد مني
سيزار : برضه مش هصدقك ومش هقولك على حاجه
انا : يبقى مش خايف من اللي ممكن النسخه تعمله في غيابك ... زي مثلا تشوه صورتك قدام البرلمان الانجليزي ... او اللي ممكن تعمله في بناتك ومراتك
سيزار برعب : لا ارجوك كله الا البرلمان
انا : يعني بتبيع عيلتك علشان البرلمان ..جدع ... طيب المعاد امته وفين
سيزار : المعاد كمان ٣ اسابيع في فينس ( مدينة البندقية )
انا : هو مش كان كمان ٦ شهور
سيزار : احنا بنقول كدا لتمويه ...بس المعاد الحقيقي كمان ٣ اسابيع
انا : وانا عند وعدي بعد المقابله بيوم هسيبك .....سلام
طلعنا فوق انا وسنو
انا : عرف القائد بمعاد المقابله ( القائد هو نسخة سيزار )
سنو : تمام ...انزل كمل تدريبك
فضلت طول الاسبوع بتدرب ...الصبح مع الفرقه ..وبليل في الحلم .... كنت اتحسنت جامد في القتال بتاع الحلم وبقيت اقف قدامهم وقت اكتر .... بس لسه موصلتش لقوة الفرعون
وقت السفر
انا : الكل يحافظ على تدريبه هو اسبوع واحد اللي هغيبه
مونيكا : ياريت تقعد اسبوعين تلاته لحد مالجروح بتعتنا تلم
تيريون : ولا اقولك ابقى تعالى على المقابله على طول 😂
انا : بقولك يامستر سنو ابقى نزلهم يعملو تأمل ..يمكن يتفشخو في الاحلام شويه 😂 ...سلام
عند الفيلا
بخبط على الباب وغاده اللي بتفتح
غاده بتبصلي بغضب : انت جيت .... وسابتني ودخلت
دخلت وراها لقيتهم متجمعين تحت
انا : ايه محدش هيسلم عليا ... محدش فيهم رد ... ارجع يعني واسيبكو ...وبروح ناحيت الباب
سمر جريت عليا وخدتني في حضنها ...فضلت تخبطني على صدري وضهري
سمر وهي حضناني : هو احنا مش غاليين عليك .... بتعمل فينا كدا ليه
انا : كنت محتاج اني ابعد شويه .. وموضوع المدرسه دا جه في وقته ...انا عارف ان دا مش عذر ... بس انا اسف
قعدنا نتكلم شويه لحد مسمر قالت ان مياده جات مع واحده بتقول انها امي
انا بحاول اعمل عبيط : امي ... هي مش امي ماتت يسمر انتي نايمه ولا ايه
غاده : كل اللي سمر قالته حصل فعلا ... الست قالت انها امك واخت خالك
انا : طب انا هروح اعرف الحكايه دي من مياده ...سلام
بعد ما مشيت
غاده : هي لو فعلا امه وليد ممكن يسيبك ويمشي
سمر دمعت : مش عارفه ... بس لو سابني انا ممكن يجرالي حاجه
عند مي في القصر
وصلت عند البوابه ولقيت الحرس فتح الباب على طول
الحارس : اهلا برجوعك ياستاذ وليد
انا : هو حضرتك اسمك ايه
الحارس : انا محمود قائد الحرس هنا
انا : طيب ياحودا عايزك تنادي عليا بوليد عادي ..اشطا
محمود : اشطا
دخلت جوه وخبطت على الباب وفتحتلي بنت ١٩ سنه كدا
انا : ممكن اكلم مدام مي
البنت واقفه مصدومه وفقدت النطق والدموع ملت عينها
انا : انتي اسمك ايه
البنت مش عارفه تتكلم : انا سلمى ....ادخل
دخلنا جوه وسلمى بتبص عليا بتوهان .... وصلنا الصالون لقيت مي وبنت تانيه ٢٢ سنه
مي اول مشفتني جريت عليا وخدتني بالحضن والبنات بيعيطو جامد ... مي فضلت حضناني وتبوس ايدي وراسي ...
بعد شويه قعدوا كلهم على كنبه وانا على كرسي قصادهم
مي : انا عارفه انك مستحيل تسامحني ب ....
قاطعتها قبل ماتكمل : بصي يمدام مي انتي مش محتاجه تبرري حاجه ... كل اللي عملتيه علشان البنات تعيش كان هو الصح ... وانا مسامحك على كل حاجه
مي باندهاش : سامحتني بالسهوله دي ... هو ايه اللي حصل
انا : مش مهم ايه اللي حصل او اللي لسه هيحصل .... مش هتعرفيني بالبنات ولا ايه
مي : معلش بقى ... متعرفوه بنفسكو يولاد الجذمه
سلمى بدموع : انت عرفت اسمي من شويه وانا اختك اللي في النص
البنت التانيه : وانا نور اختك الكبيره
انا : وانتو في كليات ايه بقى
نور : انا اخر سنه ليا في حاسبات
سلمى : وانا لسه داخله اولى حاسبات برضه
انا : انتي متأخره سنه ولا ايه
سلمى : اه علشان اللي حصل زمان
قعدنا نتكلم شويه انا والبنات ومي قاعده بتسمع وعينها بتدمع
انا : انا لازم امشي بقى علشان اتأخرت على سمر
نور : سمر مين
انا باستغراب : سمر مرات خالك ... انتي ازاي متعرفهاش
مي : خالك مكنش متجوز لما مشينا زمان ...
مي والبنات بيمشو معايا لحد الباب
مي : متخليك معانا يوليد
انا : مينفعش اسيب سمر
نور : طب متجيبها وتقعدو معانا هنا
انا : هحل شوية مشاكل الاول وبعدين هشوف .... سلام
وصلت الفيلا متأخر ودخلت لقيت سمر قاعده لوحدها ... جريت وخدتني في حضنها وفضلت طعيت
انا : فيه ايه يا حبيبتي
سمر بحرقه : كنت فاكره انك مش هترجع وامك هتاخدك مني
انا برفع راس سمر : انا وعدتك مره اني مش هسيبك مهما حصل ... ولو انتي فاكره ان معزتك عندي مش كبيره يبقى متعرفيش انا بحبك وبعزك قد ايه ... ياسمر انتي اغلى حاجه في حياتي
وفضلنا حاضنين بعض شويه وحسيت ان كل الهموم اللي كنت شايلها راحت من عليا
انا : انا راجع من السفر تعبان انا طالع انام
سمر : ممكن انام معاك
انا : طبعا يلا بينا
سمر خدتني في حضنها ونمت
في الحلم
ابويا : شكلك سامحت
انا : انا اول مره في حياتي احس بالسعاده دي
خالي : طب يلا نبدأ
ومن غير كلام كتير فضلنا كام ساعه بنقاتل بعض وخرشموني حرفيا
ابويا : حلو اوي بقالك ٤ ساعات صامد قدمنا
خالي جري بسرعه وطار في الهوا ولسه هيضربني فاتشقلبت لورا وسيف ابويا كان لسه هيخرم ضهري ...... ظهر مره واحده درع الفرعون وكسر السيف
ابويا : اخيرا .... اقف يافرعون .... اقف قصاد الدنيا كلها ...
وقفت ولقيت درع على جسمي وماسك سلاح ( كوساري غاما ) اقوى سلاح للمحاربين
////////////////////////////////////////////////////////////////////////////////////
اشوفكو في الجزء الجديد ....سلام من الفرعون
/////////////////////////////////////////////////////////////////////////////////////////////////////////////////////
الجزء الثالث/ الاستعداد
في الحلم
ابويا : شكلك سامحت
انا : انا اول مره في حياتي احس بالسعاده دي
خالي : طب يلا نبدأ
ومن غير كلام كتير فضلنا كام ساعه بنقاتل بعض وخرشموني حرفيا
ابويا : حلو اوي بقالك ٤ ساعات صامد قدمنا
خالي جري بسرعه وطار في الهوا ولسه هيضربني فاتشقلبت لورا وسيف ابويا كان لسه هيخرم ضهري ... ظهر درع الفرعون وكسر السيف
ابويا : اخيرا ....
وقفت ولقيت درع على جسمي وماسك سلاح كوساري غاما اقوى سلاح للمحاربين
السلاح بتاعي عباره عن ( سلسله من الثلج ومربوط فيها منجل من النار )
انا : دلوقتي دوري انا ..... وقفت في النص وابويا قدامي وخالي ورايا
لفيت السلسله في الهوا ووجهت المنجل على خالي .... خالي بيصد بالمخالب بتاعته ولكن المنجل كسرها
سحبت المنجل ولفيته باقصى سرعه على درع ابويا اللي اتفاداه بصعوبه
رجعت المنجل ليا ولفيت عليه السلسله وجريت على خالي وطرت في الهوا ونزلت عليه بالسلاح وحصل انفجار وطلع دخان كتير ..... لما الدخان اختفى لقيت درع خالي اتدمر خالص وخالي رجع لشكل الشبح تاني وابويا واقف مذهول
فردت السلسله تاني وخلعت المنجل منها وركبته على ضهري .... وبقيت ألف السلسله في الهوا ووجهتها ناحيت ابويا .... قعد يتشقلب ويحاول يتفاديها .... سحبت المنجل بسرعه ورميته بقوه ناحيت ابويا من اليمين والسلسله بتهاجمه من الشمال .... ابويا اتحاصر في النص والسلسله لفت حوالين جسمه والمنجل اول ملمس السلسله حصل انفجار جامد عمل دخان برضه ..... لما الدخان اختفى لقيت ابويا رجع شبح برضه وجه عليا
انا : هو ايه اللي حصل دا ...وايه سبب الانفجارات دي
ابويا : سبب الانفجارات دي هو السلاح بتاعك .... اول مره لما لفيت التلج على النار وضربت خالك بيهم حصل احتكاك جامد بينهم سبب الانفجار
وتاني مره لما رميت المنجل بقوه على السلسله حصل احتكاك اقوى وسبب انفجار برضه
انا : طب وايه سبب رجوعكو لاشباح تاني
خالي : دا بسبب ان اننا خسرنا
انا : وليه السيف بتاعك اتكسر لما لمس الدرع بتاعي ...مش المفروض ان الالماس اصلب معدن
ابويا : الدرع بتاعك معمول من معدن الفيبرينيام ... اقوى من الفولاذ واصلب من الالماس واخف من الورق
انا : طيب ازاي هعرف استدعي الدرع والسلاح وانا صاحي
ابويا : مش لما تعرف تتحكم فيه الاول في الحلم
انا : اه صحيح ..احنا بقالنا كتير في الحلم ولازم اصحى
ابويا وخالي بيدخولو جوايا وبصحى بشرقه من الحلم
سمر بتصحى مخضوضه : فيه ياوليد انت كويس
انا بنهج : اه كويس ... كنت بحلم بكابوس
سمر خدتني في حضنها وقالت يلا بقى علشان متتأخرش على المدرسه
خدت دش وغيرت هدومي ونزلت لقيت غاده جاهزه وسمر بتعمل فطار
انا : صباح الخير على القمرات
غاده : صباح الخير ...انت اتأخرت امبارح ليه ( وبتشاور عليا بصباعها 👉 )
انا : اهدي يمعلمه وانا هعترف من غير ضرب 😂
سمر : مش وقت الكلام دلوقتي يلا علشان تفطرو قبل ماتمشو
قعدنا نفطر وحاسس ان سمر متضايقه وخايفه علشان ممكن اسيبها واروح عند امي
انا : بقولك يسمر ...ابقي اعملي حسابك هنروح مشوار لما ارجع من المدرسه
سمر بضيق : لازم اجي معاك
انا : اه طبعا وانا مش هروح من غيرك
واحنا في الطريق للمدرسه
غاده : اتأكدت ان الست دي امك ولا لا
انا : اه طلعت امي فعلا
غاده : وازاي سبتك كل السنين دي وازاي سمر متعرفش حاجه
انا : سمر مشفتهاش قبل كدا وهي اختفت علشان كان عليها تار
غاده : تار ايه ده اللي تخليها تسيبك
انا بضيق : غاده ممكن منتكلمش في الموضوع دا دلوقتي
بندخل المدرسه وكل واحد بيروح لصحابه ... رحت لاحمد واتكلمنا شويه .... بعد شوية وقت لقيت غاده بتدمع ودخلت الفصل ... رحت انا واحمد وراها
انا : مالك يغاده في ايه
غاده : لا مفيش ..ممكن تسبني وتروح مكانك
رجعت مكاني واحمد قاعد قدامي ولقيت واد بيض داخل عليا
الواد : اهلا بالسفير بتعنا ولا اقصد بالعره بتعتنا اللي انجترا طردته من المدرسه ومكملش المنحه ...وبيضحك بتكبر
انا : ابعد عني دلوقتي احسنلك
الواد : ولا هتعمل ايه ...هتخدني عندك الفيلا زي معملت مع ناس كدا ..وبيشاور على غاده
انا وقفت ومسكته من هدومه ورزعته في الحيطه وجسمي بدأ يسخن شويه ...الواد وقف بتعب وحاول يروح يقعد على الديسك بتاعه
الواد بعد مقعد : هنستناه بعد المدرسه
صحبه : احنا هنفشخه بس اصبر
الواد : هو علشان البت يتيمه وملهاش اب يلمها فياخدها الفيلا هي وامها وشوف بقى بيعمل فيهم ايه
اول مسمعت كدا جسمي سخن جامد وطلع بخار خفيف كدا .... وقفت وضربت الديسك برجلي عليهم .... الديسك اتكسر عليهم ولقيت كل اللي في الفصل بيبص عليا في رعب
خدت بعضي وطلعت من المدرسه
في الفصل
دخل المدرسين الفصل لقو كام ديسك متكسرين في الركن اللي ورا وفيه ٤ طلاب تحتهم
مدرس : مين اللي عمل كدا ..... محدش رد عليه
المدرس : بقول مين اللي عمل كدا ... برضو محدش رد
المدرس خلا الفراشين يلمو الديسكات وخدو العيال على العياده بتاعت المدرسه ومشيو
غاده راحت لاحمد : هو محدش قال ان وليد اللي عمل كدا ليه
احمد : علشان العيال دول يستهلو اللي حصل ليهم ...
غاده : هو عمل كدا ازاي اصلا
احمد بقلق : مش عارف
عندي انا
كنت مخنوق وغضبان جدا بسبب العيال دي واللي قالوه على غاده ... قررت اني ادفع كل الضرايب بتعتهم وارجعلهم املاكهم تاني .... اتصلت على تيريون وقولتله يبعتلي ٥٠ مليون دولار على حصن الفرعون خلال ساعه واحده ( طبعا قولت زمان اني اخترقت بورصة نيويورك وبقى معايا ٢ مليار دولار )
ورحت للحصن واستنيت الفلوس ... ومره واحده لقيت الدنيا بتلف بيا ودخلت الحلم
ابويا وخالي غضبانين : انت ازاي تخلي الغضب يتحكم فيك
انا : يتحكم فيا ... انا لو كنت سبت نفسي للغضب كنت قتلتهم
ابويا : برضه مينفعش تغضب على حد كدا طالما هو مدني
انا : وكان المفروض اعمل ايه ..اسيبه يتنمر عليا ...ولا اسيبه يهين غاده ويهين شرفها
ابويا : هو معاه حق ...ازاي تسيب غاده وعليتها يقعدو في الفيلا طالما انت تعرف ترجعلهم املاكهم
انا : بس هو مكنش يقصد كدا ... دا قصده اني واخدها وبستغل ظروفها
ابويا : وانت معملتش كدا برضه ... انت مش نمت معاها
انا : انا كل قصدي انهم يقعدو مع سمر علشان متقعدش لوحدها
ابويا : لازم كل حاجه ترجع ... كل اللي عملته كان غلط
انا بزعل : عارف ..وعلشان كدا انا بحاول ارجعها تاني
فوقت من الحلم وكانت الطياره وصلت بالفلوس ومونيكا اللي جايباها
مونيكا : هتعمل ايه بالفلوس دي
انا : هرجع املاكهم تاني
مونيكا : بس دا كتير اوي
انا : الفلوس دي مش قد الغلط اللي عملته
وفعلا رجعت كل املاك شروق ليها
انا : ايه الجديد في الحصن
مونيكا : كلنا نزلنا غرفة التأمل وحلمنا بالقتال
انا : ازاي ... وعملتو ايه
مونيكا : مستر سنو قالنا ان اي حد بيعمل تأمل في الاوضه دي لازم يحلم بالقتال ...ومفيش غير تشارلي اللي كسب
انا : طيب انتي هتفضلي معايا هنا هنتدرب مع بعض وهنسافر سوى
على الساعه ١ كدا رجعت الفيلا لقيت شروق وغاده ويمنى مبسوطين جدا ومجهزين شنط
انا : ايه يجماعه مبسوطين كدا ليه وايه الشنط دي
شروق : املاكنا رجعت تاني يوليد وهنرجع الفيلا دلوقتي
انا : طب كويس اوي ..هي رجعت ازاي
شروق : اللي بلغني قالي ان اللي عمل كدا مجهول
ودعنا بعض بس لقيت غاده بتبصلي بخوف
انا : مش يلا احنا كمان
سمر : ما بلاش اروح معاك
انا : هنروح وهتتعرفي على البنات ولو مش حبتيهم هنمشي على طول
وصلنا القصر
محمود الحارس : اهلا يوليد نورت القصر
انا : نورك يحودا .... هي مدام مي والبنات جوه
محمود : مدام مي وسلمى بس اللي جوه ونور في الجامعه
دخلنا جوه القصر وسمر منبهره بالتحف والانتيكات
سمر : احنا دخلنا متحف ولا ايه
انا : متحف ايه بس ...اهدي شويه علشان نعرف نتكلم مع الست
سمر : انت عمال تقول الست ومدام مي ومقولتش امي ولا مره
انا : ومش هقولها غير وانا حاسسها ...واسكتي بقى علشان داخله علينا
مي جت سلمت عليها بالايد عادي وبصت لسمر شويه
سمر بتكلمني بهمس : هو فيه ايه ...هي بتبصلي كدا ليه
انا : مش عارف ..شكلها هتقتلك 😂
سمر خافت شويه وكلمت مي : هو فيه ايه يمدام مي
مي فاقت : لا مفيش حاجه ...تعالو نقعد
مي فضلت بصه شويه لسمر : هو انتي عندك كام سنه يسمر ...شكلك لسه صغير
سمر باحراج : لا انا في التلاتينات ...هو فيه ايه بالظبط
مي : انا اسفه وعينها دمعت ...سمر قامت قعدت جنبها
سمر : ممكن تقوليلي فيه ايه بس
مي بعياط هستيري : انا مش عارفه اشكرك ازاي على كل اللي عملتيه مع وليد .... اطلبي مني اي حاجه وانا هعملها
سمر دمعت : تشكريني ... وليد دا يبقى ابني زي مهو ابنك بالظبط .... ولو عاوزه اطلب حاجه هتكون اني مبعدش عنه خالص ..وبقت تعيط هي كمان
قمت خدتهم في حضني لحد مسكتو ... وسلمى نزلت واتعرفت على سمر وقعدنا نتكلم شويه
بعد ساعه لقيت نور داخله بتعيط وبتجري على فوق
مي : بعد ازنكو هشوف نور مالها
مسكت ايدها : خليكي وهشوفها انا ... وطلعت ليها
خبطت على الباب
نور : سيبوني لوحدي
انا : انا وليد ..ممكن نتكلم
نور : ادخل
دخلت ولقيت وش نور معلم اكن حد ضربها ولسه بطعيت
انا : فيه ايه ينور ووشك ماله
نور :الحيوان ضربني ..وسكتت
انا : مين اللي ضربك
نور : دكتور عندي في الجامعه ...عاوز يخطبني وانا رافضه ...وشفني النهارده قعده مع صحابي ... فإستدعاني في المكتب عنده
فلاش باك في المكتب
نور : عاوز ايه يادكتور
الدكتور : انتي قعده مع العيال دي ليه
نور : دي حاجه متخصش حضرتك
الدكتور بكبر : متخصنيش ازاي وانتي كلك ملكي
نور : قولتلك لا قبل كدا ...مستحيل نتجوز
الدكتور : لو متجوزناش هسقطت في الماده بتعتي
نور : عادي هروح للعميد وهعرفه بالكلام دا
الدكتور : وانا هوريه الصور والفيديوهات دي
نور شافت الصور والفيديوهات واتصدمت
نور : الحجات دي متركبه
الدكتور : اهو لما يثبتو انها متركبه هتكوني اتفضحتي في الجامعه كلها
نور اتنرفزت وضربته كف ... الدكتور اتصدم ومسكها من شعرها وضربها كذا قلم لحد موشها ورم
نرجع من الفلاش باك
نور : بس وطلعت من عنده وجيت على هنا
وانا سامع الكلام كنت غضبان جدا وجسمي بدأ يطلع بخار بس هديت نفسي علشان نور متخفش مني
انا : متخفيش منه وانا هفرجلك عليه الجامعه كلها
نور : بلاش علشان ميفضحنيش
انا : هو صحيح ايه حكاية الصور والفيديوهات دي
نور : الصور كانت على تليفوني ( وورتني الصور وكانت عاديه ) .... والفيديوهات متركبه
انا : طيب هاتي اللاب بتاعك ...وطلعت فلاشه كانت معايا ... وعملت نفس اللي عملته قبل كدا مع ساشا بنت ديفيد
نور : انت عملت كدا ازاي
انا : لسه مخلصناش .. دلوقتي الدور عليه ..انا عايز الفيس بتاعه
ومن غير كلام كتير عملتله شوية فيديوهات يخلصو على حياته من الاخر
نور : بس كدا كتير عليه
انا : وحياتك عندي لخليه يقلب ست علشان يعرف يعيش ...هو لسه هناك في الجامعه
نور : اه لسه هناك وعنده محاضره كمان ساعه
انا : طيب غسلي وشك وجهزي نفسك علشان هنروحله
نور : بلاش
انا : اوعي تخافي طول ما اخوكي في ضهرك
بسيبها تجهز وبكلم مونيكا تجيب عربية مرسيدس دبلوماسيه على القصر فورا .... وبنزل تحت
مي : مالها نور
انا : متقلقيش مشكله بسيطه مع دكتور هناك وهنروح نحلها دلوقتي
مي : طيب هطلع اغير واجي معاكو
انا بزعيق : هو انا مش مالي عينك ولا ايه ... وقولتلك مشكله صغيره وهنحلها .. بسيبهم واطلع برا
مي بتعيط : هو بيعمل فيا كدا ليه
سمر : معلش يا مي ... هو شويه وهيصفالك وهيحبك كمان
سلمى : بس برضه مش يكلم ماما بالطريقه دي
سمر : حطي نفسك مكانه وهتعملي اكتر من كدا
مونيكا كانت وصلت بالعربيه وخليت الحرس يفتحو ليها
مونيكا : انت هتعمل ايه
انا : هروح اولع في الجامعه
مونيكا : اعقل كدا يفرعون ...جامعة ايه اللي هتولع فيها
انا : متخفيش ... انا هقلب دكتور هناك اخليه ست بس 😂
مونيكا مش فاهمه : هتعمل ايه 🤨
انا : مشغل معايا dumb and dumber ركزي في الكلام على طول
مونيكا : هههههه ... خفه 🙂
شويه ولقيت نور نزلت وشافت العربيه
نور : ايه العربيه دي جبتها منين
انا : هعرفك بعدين اركبي يلا ... ونور بتركب بتلاقي مونيكا قاعده ورا
نور : انتي مين
انا : دي صحبتي الانتيم مونيكا
نور : مونيكا يبقى اجنبيه ...ايوا يعم ناس بتصاحب اجانب وناس بتقع في دكتور رخم .... عرفتها منين دي
انا : انتي ساكته ليه متتكلمي
معلش عزيزي القارئ على الجزء البيض دا 😂
مونيكا : i didn't understand what she said
نور : i said to waled where did you know her
مونيكا : we know each other way back in the past
انا قاعد سامع ومبضون من مونيكا
نور : مالك ساكت ليه
انا : متتكلمي عدل يابت
مونيكا : sorry what
انا : هجيلك
مونيكا : خلاص يشبح انا اسفه
نور اتصدمت : انتي بتتكلمي مصري كمان
انا : احنا بنتكلم ٧ لغات يحجه انتي
نور فاتحه بقها : ٧ ازاي
مونيكا : بنتكلم ( مصري - انجليزي- فرنسي - الماني - روسي -صيني - اسباني )
نور : كل دا
انا : لو عاوزه اي حاجه من هونغ كونغ قوليلي وانا اجبهالك 😂
وصلنا الجامعه و قفت عند البوابه ...ضربت كلكس واحد والبوابه اتفتحت
نور : ايه دا هم فتحو البوابه ازاي من غير ميشوفو الرخص
مونيكا ضحكت
نور : ايه قولت حاجه تضحك
انا : احنا في عربية دبلوماسية من الدرجه الاولى
نور : ماشي انا معتش هسأل حاجه لحد منخلص
واحنا ماشيين بالعربيه لقيت كل الطلاب في الجامعه باصين على العربيه وفيه اللي يقول السفير دا جاي لمين ..وغيره يقول شكل الوزير هيقيل العميد
نزلنا من العربيه ولو انت فاكر ان انا طويل وجسمي معضل شويه ومونيكا كمان طويله وجسمها ممشوق وشعرها ابيض زي الفضه
وكل الجامعه واقفه تتفرج علينا واحنا ماشيين ونور ماشيه ورانا مكسوفه ... رجعت خطوه لورا وخدت نور في ايدي ومشيتها وسطنا ورفعت راسها
انا : هو فين دلوقتي
نور : هتلقيه لسه في مكتبه علشان معاد المحاضره لسه مجاش
طلعنا المكتب عنده ودخلت
انا : اخبارك يادكتره .... ( الدكتور احمد ٢٩ سنه ١٦٦ طول ٧٠ وزن )
الدكتور بقلق : اتفضل ياستاذ وليد
انا : ها هتعمل ايه
الدكتور : هعمل كل حاجه انتو عاوزنها بس بلاش موضوع الفيديوهات دا
انا : تمام يلا بينا .... ونزلنا المدرج بتاع المحاضره وكان مليان على الاخر
الدكتور مسك المايك : اهلا بالفرقه الرابعه .... اول حاجه انا بعتذر من الطالبه نور الشاذلي على الموقف اللي حصل بينا ... ممكن تيجي هنا يا نور
قبل متطلع قولت لنور حاجه وهي خافت وقولتلها تعملها وانا في ضهرها
وخدت ايد نور وطلعت معاها ومسكت المايك
انا : اول حاجه اعتذارك مرفوض ...تاني حاجه هي اللي هتاخد حقها وقولت لنور تضربه بالقلم
نور اترددت فانا مسكت ايدها ونزلت بيها على وشه والطلاب مذهولين
انا : معجبنيش الكف دا .... ورحت نازل عليه كف خلى كل اللي في المدرج يمسك وشه
انا في المايك : انا لو شوفت حد في الجامعه الوسخه دي اتعرض لنور تاني انا هشيله من فوق وش الارض ... ورميت المايك وخدت نور ومونيكا وطلعت برا
نور : هو ساكت وراضي باللي حصل ازاي
انا : لما سيبتك ونزلت بعتله الفيديوهات دي وكلمته وعرفته بكل اللي هيحصل
نور بتبصلي بفخر : انا مش عارفه اشكرك ازاي
انا : بت عيب تقولي كدا ...انا اخوكي وانا ضهرك
بنوصل القصر ونزلنا انا ونور وقولت لمونيكا تروح على الحصن وانا هاجيلها
نور : حصن ايه دا
انا : انتي هتستعبطي منتي عارفه كل حاجه
نور : ممكن ابقى اروح هناك وتعلمني
انا : طبعا
ودخلنا جوه القصر
مي : عملتو ايه
نور : مش هتصدقي يماما
مي : اصدق ايه
انا طلعت تليفوني وفتحت فيديو ونور بتضرب الدكتور بالقلم
مي : ايه اللي عملتوه دا ... كدا الجامعه هتفصلها
انا : متقلقيش من حاجه ونور هتبقى تحكيلك .... يلا احنا يسمر
وبنمشي انا وسمر وبوصلها للسنتر بتعها
سمر : هتروح فين دلوقتي
انا : هلف شويه وبعدين هروح وبسيبها وامشي
بلاقي واحد بيتصل عليا
انا : ايه يسطى انت فين
الشخص : انا عايز اقابلك حلا ..... بروح ليه المكان اللي هو فيه
انا : خير يسطى
الشخص : انا بحلم زيك وعرفت كل حاجه عن حياتك
انا بدهشه : بتحلم ازاي وعرفت ايه
الشخص : حلمت بخالك وهو اللي دربني في الحلم وعرفني كل حاجه عنك
انا : وانت بتفكر في ايه
الشخص : انا عارف ان حياتك كانت صعبه جدا .... وانا معاك زي مكونت معاك ياصحبي .....باخد الشخص دا وبروح للحصن
في موسكو
رئيس الجماعه : الوزرا مستعدين للمقابله ولا لسه
السكرتيره : اه كلهم جاهزين ... والحراس بتعهم كمان جاهزين
الرئيس : كويس اوي ... انا عايزك تعرفي الكل ان انا لو خسرت الانتخابات دي هيحصل كارثه
السكرتيرة بخبث : طبعا ياريس ....بعد ازنك
بتخرج السكرتيرة وبتروح للمكتب بتاعها وبتستدعي داروين ( الظابط اللي قتل خالي )
السكرتيره : كل حاجه تمام ولا ايه
داروين : عرفت الوزراء بتوع اسيا وأفريقيا وامريكا الجنوبية بكل حاجه ...بس الوزراء بتوع اوروبا وامريكا رافضين
السكرتيرة : مش مهم احنا كدا معانا اغلبية المجلس ...روح انت شوف باقي مهماتك
في مكتب الوزير بتاع امريكا
( الوزير ستيفن كوبر ٥٧ سنه ١٨٠ طول ٧٠ وزن )
( المحارب بتاعه جون ٢٦ سنه )
جون بيدخل المكتب لستيفن
استيفن : ايه الاخبار
جون : زي متوقعنا السكرتيره لوسي بتاعت الرئيس هتعمل انقلاب وتاخد الحكم
استيفن : يعني كانت عيزاني مخترش الرئيس للدوره التانيه علشان كدا
جون : كويس ان حضرتك رفضت على طول
استيفن : طيب اتصل على سيزار وعرفه بالموضوع
جون بيتصل على سيزار ( اللي هو قائد العساكر بتعتي ) وعرفه بالموضوع
عندي في حصن الفرعون .... وصلت انا والشخص ومونيكا اتصدمت
مونيكا : مين دا وايه اللي جابه هنا
انا : اهدي وهو هيعرفك بكل حاجه
الشخص : انا جتلي الرؤيه زيكو بالظبط ( بيحلم )
مونيكا : ودا معناه ايه يفرعون
انا : معناه انه هيتدرب معانا لحد ميوصل لقوته
مونيكا : مش لما توصل ليها الاول
انا : طب ايه رأيكم نعمل قتال ونشوف قوة كل واحد وصلت لفين
نزلنا لساحة القتال وكل واحد خد وضع الاستعداد
الشخص جري عليا ونط في الهوا ونزل بكل قوته ... اتشقلبت بسرعه لورا والشخص نزل على الارض وكسرها بايده بس
انا ومونيكا اندهشنا من قوته البدنيه .... مونيكا كان معاها سهام النينجا وفضلت ترمي عليه السهام دي بس مفيش حاجه بتأثر فيه ... جسمه عامل زي الصلب حرفيا
خدت عصايا وجريت عليه ونزلت بالعصايا على جسمه ... بس العصايا اتكسرت ... والشخص مسكني ونزل ضرب فيا لحد موشي ورم ... ورماني على الارض
مونيكا خدت سيف وجريت عليها وفضلت تضرب فيه ... وهو بيصد بايده بس ... مونيكا اتنرفزت ورفعت السيف ونزلت عليه باقصى قوتها ولكن السيف اتكسر ورزعها بالرجل طيرها لاخر الساحه
انا بقف بالعافيه : انت بتستعمل قوتك ازاي
الشخص : انا كنت مفكرك قوي ...انت طلعت ضعيف جدا
لما قال كدا غضبت جدا وجسمي سخن ... لقيت الشخص جاي جري عليا وطار في الهوا ونازل برجله عليا
اول ملمسني حصل انفجار جامد ولقيته طار لاخر الساحه وفيه دخان حوليا ..... اول ما الدخان اختفى لقيت درع وسلاح الفرعون معايا
مونيكا وقفت بصدمه والشخص بان عليه الفرح
الشخص : فعلا خالك كان عنده ... الغضب هو اللي بيحركك
انا رفعت السلسله ولفيتها في الجو ووجهتها ناحيته .... الشخص حاول يهرب منها بس مش عارف ... السلسله لفت على جسمه وكتفته ... جريت عليه باقصى قوه ونزلت بالمنجل وحصل انفجار جامد
مونيكا جريت علينا لقت الشخص مغمى عليه وانا واقف مكاني
مونيكا : هو ايه اللي حصل
انا : هو دا سلاح الفرعون ... دا السلاح اللي اختفى من زمان
مونيكا : انا اول مره اشوف سلاح بالقوه دي
بعدها بلاقي الشخص فاق
الشخص : مش براحه يفرعون دا خالك بيوصيك عليا
انا : منا لسه عامل فيهم كدا امبارح بليل 😂
الشخص : بس دا في الرؤيه مش في الحقيقه
انا : معلش بقى ..ما انت اللي استفزتني يجدع
الشخص : مخالك السبب هو اللي قال قوته مش هتظهر غير لما يغضب
انا : هو انت بتستخدم قوتك من امتى صحيح
الشخص : من بعد سفرك للمدرسه على طول
انا : ومش تعرفني يا ندل
الشخص : خالك اللي طلب مني
انا : دلوقتي انت هتدخل معانا الحرب اللي جايه وهتكون من ضمن فرقة الفرعون
الشخص : دي حاجه تشرفني يصحبي
مونيكا : hello ... احنى هنا يعم انت وهو ... انا لسه مش عارفه القوه بتعتي
انا : هندربك لحد يوم المقابله وخلي باقي الفرقه تيجي هنا
وفضلنا الاسبوع كله بندرب مونيكا وتشارلي وتيريون ... وفي الفتره دي رحنا انا وسمر نعيش في القصر ...وعرفت مي باللي جاي علشان لو سمر سألت عليا
باقي على مقابلة الوزراء يوم واحد
///////////////////////////////////////////////////////////////////////////////////////////////////////////////////////////////
عايزكو تخمنو مين الشخص دا ....سلام من الفرعون
///////////////////////////////////////////////////////////////////////////////////////////////////////////////////////////////
///////////////////////////////////////////////////////////////////////////////////////////////////////////////////////
الجزء الرابع / مقابلة الوزراء
اسبوع قبل المقابله
كنت انا ومونيكا في فريق ... وتشارلي و تيريون والشخص اللي هو احمد صاحبي ( بحيي كل الناس اللي قالت هو ) في فريق
بس الاول اعرفكو على قوة كل واحد
احمد ... القوه البدنيه المنيعه
تيريون ..... الانتقال من مكان للتاني
مونيكا ..... عندها قوس وسهام من النار
تشارلي .... عنده سيف ودرع تلجي
طلعنا لساحة قتال برا الحصن و الكل خد وضع الاستعداد
مونيكا سحبت سهم وضربته على احمد اللي اتفاداه بسرعه وجري عليها ....
مونيكا وقفت في النص وتشارلي واحمد حاوطوها ..... احمد نزل بالسيف عليها ومونيكا صدته بالقوس وضربته بالرجل ... احمد لسه بيضربها بإيده فا مونيكا اتفادتها ونزلت على الارض وسحبت رجله بالقوس وقعته على الارض
تشارلي لسه هيقوم ..مونيكا لفت في الهوا ونزلت برجليها على راسه وقعته تاني
احمد وتشارلي وقفو غضبانين ... احمد جري بسرعه عليها من اليمين و تشارلي نط في الهوا عليها .... مونيكا اتشقلب لورا واتفادت تشارلي بالعافيه ... احمد سند على تشارلي وطار ونزل على دماغ مونيكا واغمى عليها
وقفت في النص واحمد وتشارلي وتيريون محاوطني وانا معلق السلاح زي الحزام
تشارلي : مش هتستخدم سلاحك ولا ايه
انا : احنا لسه بنسخن .....
تشارلي بيضربني بالسيف بتاعه ... رجعت بضهري لورا ونزلت برجلي وقعته على الارض ... وقفت بسرعه واحمد موجه ضربه ليا بإيده جت في صدري ... رجعت كام خطوه لورا ... والكل جري عليا وانا اصد باليمين والشمال ... احمد طار في الهوا ونازل عليا وانا بصد ضربات تشارلي وتيريون ومش قدامي فرصه للهروب ...
مسكت سهم نينجا ورميته على تيريون وقبل ميتنقل لمكان تاني مسكت فيه بسرعه ... ظهرت انا وتيريون في اخر الساحه واحمد كان نزل على الارض وعمل دخانه كتير
قبل ما تيريون يفكر يهاجم .. ضربته بوكس يمين وشمال وعملت شقلبه في الجو ونزلت على راسه واغمى عليه هو كمان
تشارلي واحمد حاوطوني تاني ... قعدت اصد يمين وشمال بالعافيه لحد مقدرو يوقعوني على الارض وجسمي كله ددمم
صوت في راسي : مش هتقدر تصد على جبهتين
انا : انت مين
الصوت : انا اللي بتهرب منه ... انا اللي هخليك الاسطوره الجديده ... امسك سلاحك وحارب
انا : انا مش قادر اتحكم فيه ... كل ما يلمسو بعض يحصل انفجار
الصوت : ومش هتقدر تتحكم فيه غير لما تتقبله الاول
وقفت وسحبت السلاح بتاعي ... تشارلي لسه هيجري عليا ...لفيت السلسله في الهوا وربطت بيها رجله ووقعته على الارض .... وسحبت السلسله تاني
احمد رمى عليا سهام نينجا ... لفيت السلسله على شكل مروحه وصديت بيها كل السهام ... وطرت في الجو ونزلت بالمنجل على احمد اللي اتفاداه بالعافيه
نزلت في اخر الساحه وقولت لمونيكا تتحد مع احمد ضدي ...
مسكت السلاح وبدأ جسمي يطلع نار وفيه حواليا هاله سودا ... فضلت الف بالسلسله لدرجه انهم مش شايفنها ... مشيت عليهم والارض بتولع من تحتي ... مونيكا واحمد اترعبو وحاولو يهربو
جريت عليهم باقصى سرعه وجسمي طلع نار زياده .. حاولت امنع نفسي بس مش عارف ... طرت برا الساحه ونزلت باقصى قوتي على الارض وحصل انفجار كبييير واغمى عليا
في الحلم
شخص : اهلا بالفرعون الجديد
انا : انت مين
الشخص : انا الفرعون القديم ... انا رع
انا : قولتلك مش هعرف اتحكم في السلاح
رع : انت لسه موصلتش لاي قوه من قوى الفرعون
انا : هو لسه في قوى تانيه ... انا على كدا هوصل للفرعون على الخمسين
رع : انت عارف انك الوحيد اللي قدرت تظهر درع وسلاح الفرعون من محاولاتك الاولى
انا : محاولاتي الاولى ... انا قعدت كام اسبوع لحد مظهرتهم
رع : وانا قعدت ٥ سنين .... بس متقلقش كل اللي اتعلمته انت هتعرفه دلوقتي
انا : ازاي بقى
لقيت رع دخل جوايا وشوفت حياته وتدريباته وكل القوه بتاعته ... وفوقت من الحلم بشرقه ... لقيت نفسي في مستشفى الحصن ... ومونيكا جريت عليا
انا : انا فين ..وايه اللي حصل
مونيكا : هو انت مش فاكر حاجه
احمد : انت كنت هتموتنا ... انا اول مره اترعب كدا في حياتي
انا : ايه اللي حصل حد يقولي
مونيكا ورتني فيديو باللي حصل ( بنصور التدريبات علشان نشوف الاخطاء بتعتنا )
مونيكا : انا حسيت اني شوفت الجحيم جاي عليا
تشارلي : جحيم ... انا لو كنت صاحي كنت عملتها على نفسي
تيريون : كويس ان احنا كنا فاقدين الوعي
انا : انا نازل التدريب حالا ... وسبتهم وجريت على الساحه
مونيكا : هو فيه ايه
تشارلي : شكله اتجنن
تيريون : طب تعالو نشوف فيه ايه ... وخدهم وظهرو عندي في الساحه
وقفت في نص الساحه وعملت تحول الفرعون ( بس مش قوته كلها علشان ميخفوش )
التحول عباره عن جسمي محاوطه هاله سودا ترعب اللي قدامك ... والدرع بتاعي مولع ... والسلاح بتاعي معمول من التلج والنار
لاحظت ظهور الفرقه في اخر الساحه وسمعتهم بيفكرو في ايه ( قوه من قوى الفرعون قراءة الافكار )
سحبت السلاح وعرفت من رع ازاي اتحكم فيه .... السلسله بقت بتمشي على جسمي زي التعبان
رميت المنجل في الهوا وسحبته بسرعه ليا .....
قدرت اتحكم في الظل ... وظهر حوالي خمسين واحد معمولين من الظل ...والفرقه واقفه مرعوبه
جريت ونطيت في الهوا وفضلت اقتل فيهم بالمنجل ولفيت السلسله على المنجل بسرعه ونزلت بيها على الارض وحصل انفجار طالع منه نور شديد دمر كل محاربين الظل
الفرقه جت عندي
مونيكا : هو ايه اللي حصل وازاي قدرت تتحكم في قوتك كدا
من غير متكلم سحبت السلسله وخليتها تلمسهم كلهم ... وورتهم ازاي يتحكمو في قدراتهم
رجعت على القصر
دخلت لقيت سمر قاعده مع مي بيتكلمو
انا : ازيك ياسوسو
سمر : ازيك ياحبيبي عامل ايه ... هو انت بتروح فين كل يوم
انا : هكون بروح فين يعني ... بلف انا وصحابي ... انا هطلع ارتاح شويه
مي : شوفتي مكلمنيش ازاي
سمر : مانتي كمان مكلمتهوش
مي : طب اعمل ايه علشان يكلمني
سمر : اعملي اللي هقولك عليه وهخليه يقولك يا ماما كمان
مي : دا ممكن يجرالي حاجه لو سمعتها منه .... نفسي اوي يسمر
طلعت فوق وخبطت على نور
نور : ادخل .... دخلت جوه شوفتها بتعمل يوجا
انا : ايه يقمر بتعملي ايه
نور : اعمل ايه يعني منتا قولتلي هاخدك وادربك ومعملتش حاجه
انا : اوعدك اول مارجع من المهمه دي هعلمك كل اللي نفسك فيه
نور بخضه : مهمة ايه تاني ... انت هتسيب كل الحجات الوحشه دي وتقعد معانا ... انا خايفه اخسرك تاني
خدتها في حضني : متخفيش ..انا مستحيل اسيبكو تاني ... بس دي مهمة التار ... دي اللي هتطفي النار اللي جوايا
نور : انت لاقيت اللي قتلو بابا
انا : اه ... واوعدك ان نهايتهم على ايدي
طلعت من عند نور ورحت لسلمى وخبطت
سلمى : ادخل ... دخلت ولقيتها بتلعب على اللاب
انا : بتعملي ايه
سلمى : هكون بعمل ايه يعني بلعب
انا : انتي مش عندك مذاكره برضه
سلمى : ملكش دعوه وبعدين شوف انت رايح فين
انا : طيب ياسلمى ...
طلعت من عندها وانا قرفان ورحت انام ...في الحلم
ابويا : مش براحه على امك وسلمى
انا : انت مش شايف بيعاملوني ازاي ... اظاهر كدا انهم اتعودو يعيشو من غير راجل في حياتهم
خالي : طب متعرفهم معنى ان يكون عندهم راجل فعلا
انا : هعمل كدا لما اخد حقكو الاول
وبدأ القتال بينا .... وانا اتحولت لقوة الفرعون وهما مصدومين .... وفضلو كتير بيحاولو يضربوني بس مش عارفين
وجه دوري في الهجوم .. فردت السلسله في الجو وولعت فيها ... وطرت في الجو ونزلت بالمنجل عليهم وحصل انفجار زي القنبله بالظبط
رجعو لهيئت الشبح تاني ... وظهر جنود كتير وكل واحد معاه درع وسلاح
اتحكمت في قدره من قدرات الفرعون وهي السرعه ... والجنود كلها وقعت في ثانيه واحده
ابويا : هو الفرعون كلمك ولا ايه
انا : دا احنا بقينا صحاب مش كدا ولا ايه يا رع
رع طلع مني وظهر قدامهم : طبعا صحاب
ابويا : كدا انت جاهز للمهمه يا بطل
انا : طبعا جاهز
خالي : بس خلي بالك ومتعملش غلطتنا تاني .. متسبش حد فيهم عايش
انا : مش هسيب فيهم حد ... كلهم هيشوفو لعنة الفرعون
فوقت من الحلم ونزلت تحت وشوفت مي لوحدها
مي : تعالى يحبيبي ...اجهزلك فطار
انا : استني بس قبل محد ينزل ... انا هسافر النهارده علشان معاد المهمه قرب ... سمر في عهدتك ... مش عايزه تعرف حاجه عني
مي : مبلاش حكاية المهمه دي وخليك معانا
انا بمسك ايدها : ارجوكي بلاش تصعبيها عليا ... دي اخر فرصه قدامنا علشان نخلص منهم ... واوعدك اني هكون انسان تاني لما ارجع
مي بتبتسم بدموع .... بيعدي اليوم عادي وبودعهم وبروح لسمر السنتر بتعها
انا : انا هسافر اخلص شوية حجات في المدرسه ..ممكن تاخد مني وقت ...وانا سيبك مع عيلتك الجديده
سمر : متقلقش من حاجه ... وانا هاخد بالي منهم وبتبتسم
باخدها في حضني كأني مش هشوفها تاني وبسبها وامشي
عند مبنى المخابرات
بدخل مكتب خيري وبتكلم معاه
انا : المعاد قرب ... انتو جاهزين
خيري : طبعا جاهزين ... ايه هي الخطه
انا : الخطه هتكون على كذا مرحله ...واول مرحله هتعرفها بعد المقابلة على طول
خيري : هو احنا مش هنشارك في المقابله
انا : طبعا لا .... احنا دخلنا مكان وزير اوروبا بالعافيه ... وبعدين جالنا اخبار من وزير امريكا مش عارف هي كويسه ولا ايه
خيري : اخبار ايه
انا : السكرتيرة بتاعت الرئيس الحالي عايزه تعمل انقلاب وتاخد الحكم ... وشكلها كدا معاها وزراء اسيا وأفريقيا وامريكا الجنوبية
خيري : يبقى لازم نعرف مين هو وزير أفريقيا ..وكدا يبقى الغالبيه لينا
انا : معلشان كدا قولتلك هعرفك باول مرحله بعد المقابله
خيري : انت هتسافر امتى
انا : هنسافر النهارده ..ليه
خيري : علشان مياده هتكون معاكو هناك
انا ببصله في عينه : ليه ... ايه اللي في دماغك يا خيري
خيري : مش اللي بتفكر فيه ...انا عايزها عندك علشان نعرف ننسق القوات مع بعضها
انا : طيب .. خمسه وتكون هنا علشان منتأخرش
في الوقت اللي خيري خرج ينادي فيه مياده اتواصلت مع تيريون وخليته يظهر عندي
خيري دخل المكتب هو ومياده واتفاجأ بتيريون
خيري : هو دخل هنا ازاي ..
انا بضحك : شكلك كدا محتاج طقم حراسه جديد ..ابعتلك واحد من الحصن
خيري : تبقا عملت معايا معروف 😂
باخد مياده وتيريون وبنركب العربيه ...وبخدر مياده بسرعه قبل متاخد بالها .... وبنمشي شويه لحد الصحراء وبنزل مياده وبفتشها .... بلاقي كام جهاز GPS بشيلهم وتيريون بياخدنا على حصن الفرعون
مونيكا : هنعمل ايه دلوقتي
انا : احنا هنروح لحصن فيلين حالا علشان نجهز كل حاجه
وكل واحد مسك ايد التاني على شكل حلقه وانا شايل مياده على كتفي وتيريون نقلنا لحصن ڤيلين
مدينة ريو في البرازيل
يدخل المكتب كريستوفر برادلي ( وزير الجماعه في امريكا الجنوبيه ) ..... ويستدعي المحارب بتاعه رون
كريستوفر : جهزت كل حاجه
رون : كل شئ جاهز ومستعدين للتحرك ... والسيده لوسي بانتظارنا ( اللي هي السكرتيرة )
عندي انا ...رحت لغرفة كيرا ودخلت ( اللي كانت في السلسله الاولى ) .... اول ماشفتني جريت ونطت في حضني
انا : عامله ايه ووصلتي لفين في التدريب
كيرا : انا كويسه ... ومستر سنو قرفني بتدريبه دا ... انت كنت بتستحمله ازاي
انا بضحك : هقولك بعد ١٠ سنين
كيرا : ١٠ سنين ايه دا انا اموت فيها
وبعد شوية كلام قولتلها على المهمه اللي هتعملها
انا : جاهزه
كيرا : طبعا جاهزه ...اخيرا هاخد حق كل اللي عملوه فيا
نزلت تحت لقيت مياده فاقت
انا : ايه كل دا نوم
مياده : انت ادتني ايه ..واحنا فين
انا : بقى بتحسبوني مغفل وهعرفكو مكان الحصن .. وباخودها وبطلع في ساحة الحصن ... احنا في حصن ڤيلن
مياده مذهوله : انا مش مصدقه نفسي ... انا في الحصن الاسطوري ...انا هيغمى عليا
قبل المقابلة بيوم
كلنا موجودين في ساحة القتال .... بدأنا تدريب عادي ونزلنا طحن في بعض بس من غير قدرات علشان مياده متعرفش حاجه
بس القدرات الجسديه زادت جامد عندنا كلنا ...وميادة لاحظت كدا
مياده : هو ايه اللي حصل في الشهر دا ...ازاي بتتحرك بالسرعه دي ( عليا انا ..هي متعرفش حاجه عن اي حد غيري )
انا : بنموت نفسنا في التدريب
مياده : مستحيل تدريب يوصلكو للقوة الجسدية دي
انا : لا فيه وتعالي اوريكي تدريب الحصن بيكون ازاي
وخدتها ورحت لغرف التدريب بتاعت الحصن ( وضحتها قبل كدا في السلسله الاولى )
مياده : مستحيل حد يعرف يعدي الغرف دي من غير ميتصاب جامد
انا بضحك : يتصاب ... احنا كان بيعدي علينا ايام بنموت فيها حرفيا
مياده : يعني تعرف تعديها في وقت قد ايه ...دا ممكن تقعد ساعات
انا : فكرتيني صحيح ...احنا مكسرناش ارقامنا من زمان .... واستدعيت الفرقه كلها
انا : طبعا في ناس متعرفش نظام الغرف هنا زي احمد وكيرا ومياده ... وطبعا المنافسه على زعامة الفريق مفتوحه ... ابدأ ياتشارلي
تشارلي خلص في ٤ دقايق و٣٠ ثانيه ...وجه علينا
تشارلي : كسرت رقمك يانجم وهكون القائد مكانك
مونيكا : هو احنا لسه بدأنا ..ودخلت هي كمان وخاص في ٤ دقايق و٢٠ ثانيه
انا : ايه ياعم تشارلي مش سامع صوتك يعني
تشارلي بإحراج : احم ...انا كنت بستفسر بس ..هل كسرت رقمك ولا لا ...وطلع لا يبقى احط جذمه في بقي واسكت
تيريون اللي عليه الدور بس كلمته في جنب
انا : متستخدمش قدرات التنقل بتعتك
تيريون : يعني جت عند الحته اللي هكسبك فيها وتقولي لا
انا : افهم يغبي ... احنا بنعمل التحدي دا علشان نشوف القدرات الجسديه وصلت لفين عند كل واحد فينا ...وعلشان مياده متعرفش حاجه برضه
تيريون : اه صحيح انا نسيت مياده خالص
وخلص ٤ دقايق ٣١ ثانيه
تشارلي بخوف : ينهار ازرق ..فرقت عنك بثانيه واحده
تيريون : عيب عليك يخويا ... دا يبقا شرف ليا لو كسبتك ..بس انت الاسرع برضه
في الوقت دا كنت بقرأ افكار تيريون وعرفت انه خسر نفسه قاصد علشان هو مش مهتم بالمكسب ...بس تشارلي لو خسر هيزعل جامد ......بصيت ليه بنظرة فخر .. وهو حس بكده فاتحرج ورجع لورا
انا : دلوقتي دور احمد
احمد دخل وكان بيواجه صعوبه كبيره وخلص بعد ١٥ دقيقه وهو متشلفط
انا : يعني معرفتش تكسر ارقامهم القديمه حتى ...عيب عليك ياصحبي
احمد : عيب ايه يا جدع انتو كافره ...انتو بتعدو الجحيم دا ازاي
انا : هتدخلي ياكيرا ولا ايه
كيرا بحماس : طبعا هدخل ..( كيرا من النوع اللي بيحب المخاطره ) ... ودخلت كيرا وخلصت في ٩ دقايق
مونيكا : إلحق يا فرعون دي كسرت رقمك القديم
انا ببص لاحمد بخيبه : كسبتك ياعيل
احمد : ما علشان بتدرب هنا في الحصن ومتعوده
انا : طب اسكت ياخيبه ... دلوقتي دورك يا مياده
مياده بخوف : ما بلاش
انا : احنا هنهزر ولا ايه ..طالما هتدخلي معانا في الفريق يبقا هتدخلي الغرف دي
دخلت مياده وقعدت بتاع ٢٠ دقيقه وطلعت متخرشمه
مياده بتعب : مقولتلك بلاش
انا : طب اتفرجي بقا .. وجه الدور عليا
دخلت وخلصت ورحت ليهم وهم مزهولين
انا بنهج : خلصت في وقت قد ايه
مونيكا فاتحه بوقها : في .. دقيقه و٣٠ ثانيه
انا : ايه يعم تشارلي مش سامع صوتك
تشارلي : انت عملت كدا ازاي ...انت مش قولت ممنوع حد يستخدم قدراته
انا : منا مستعملتهاش ....
تشارلي : اومال لو استعملتها هتعمل ايه
انا : لو استعملتها هدمر الغرف كلها ..ولا نسيت
عند مونيكا وكيرا ومياده
مياده : قدرات ايه اللي تشارلي بيقول عليها
مونيكا بقلق : هتلاقي قصده كامل قدراته الجسديه
كيرا : هو كل دا وماستعملش قوته كلها
مونيكا بخوف : كويس انه مستعملهاش
خلصنا وطلعنا عند سنو في غرفة الإجتماعات ... وكان موجود ( مستر سنو ... القائد النسخه من الوزير سيزار .... وكام قائد لقوات الحصن )
سنو : مين اللي هيبدأ
انا : اول حاجه جبت الحارس بتاع سيزار معاك
القائد وهنسميه ( فاير .. نار ): موجود في السجن
انا : طيب كويس اوي .... دلوقتي خطتنا هتمشي زي ماهي
اول الحاجه انت هتحضر مكان سيزار وانا هكون مكان المحارب بتاعه
تاني حاجه هتحاول تدخلني في العاب الموت علشان اللي بيكسب فيها بيكون قائد كبير داخل الجماعه ... وطبعا هدخل انا وفرقتي الالعاب دي
سنو : طب ليه تدخل واحنا موجودين في الوزراء نفسهم
انا : علشان لو الانقلاب اللي هتعمله لوسي نجح يبقى ضمنا موقعنا داخل الجماعه
سنو : وهنعمل ايه في وزير افريقيا
انا : هنعمل ايه يعني ...كل خير ....
انا : كل حاجه تمام ... حد عنده سؤال
الكل : لا يافرعون
طلعت بليل لغرفة كيرا
انا : خلصتي حاجتك
كيرا : اه كله تمام ... انا مش عارفه انت متأكد انهم هيعملو كدا ليه
انا : انا مش متأكد ..دا مجرد توقع ...ولازم نعمل حسابنا .... الناس دي هتدمر العالم لو محدش وقف قصادهم ...وبعدين انتي مش واثقه فيا
كيرا : طبعا واثقه فيك ....
انا : يبقا هتاخدي فرقة الكوبرا وهتسافري بكرا .... وزي متفقنا ...تمام
كيرا : تمام يفرعون ...
الفجر في الحصن
صحيت اول واحد وطلعت برا وشغلت انذار الطوارئ ... ومفيش لحظات والكل نزل تحت في الساحه
انا بصوت عالي : النهارده اخر فرصه لينا اننا ندخل الجماعه ... النهارده بدايه جديده لفرقة الفرعون .... النهارده هنبدأ ناخد حق كل اللي اتظلم من الجماعه .... الموت للجماعه ...الموت للجماعه
الكل بيردد ورايا : الموت للجماعه ..الموت للجماعه
انا : الكل يجهز يا أبطال
انا بكلم فاير : هات المحارب بتاع سواريز وحصلني
فاير : تمام يفرعون
بعد شويه بيدخل عليا فاير ومعاه توم ( المحارب بتاع سواريز )....بدخل انا وتوم لغرفة النسخ وبغير شكلي وبطلع ... وبعدين بمسك راس توم وبشوف كل ذكرياته
وبستدعي الفرقه كلها وبغير اشكالهم للعساكر بتوع توم ....
انا : مستر سنو .. انا مش عايز اي غلطات تحصل واحنا في الاجتماع
سنو : متقلقش ...كل المحاربين دول ملهمش لازمه اصلا
انا : علشان لو حصل غلط انت عارف ايه اللي ممكن يحصل هناك
سنو : عارف يفرعون
بنركب كلنا الطياره وبنسافر على مدينة فينيس ( مدينة البندقية ) ... بننزل وبنركب العربيات وبنتحرك على مبنى الاجتماعات بتاعت الجماعه ......
بنوصل المبنى وبننزل بالعربيات تحت في الجراش ... بننزل وبلاقي كام عربيه مرسيدس ( بتوع الوزراء ) وفيه كام واحد واقف قدام عربيه مرسيدس وبعرفه على طول .... ( لما شوفت الذكريات بتاعت توم )
انا : اهلا يا جون باخده بالحضن ...
جون : بقالنا قد ايه مشوفناش بعض
انا : من ايام مهمة نوتردام ( مهمه كان توم وجون وواحد كمان عملوها من سنه )
وبعد شوية كلام بنطلع انا والفرقه و فاير ( اللي هو سواريز النسخه ) للغرف بتاعتنا
انا : ممكن تسيبوني مع فاير شويه ... كله بيمشي
فاير : انت عرفت الحجات اللي قولتها للشخص اللي تحت دا ازاي
انا من غير ما اتكلم مسكت راسه وعرفته حيات سواريز وتوم كامله
فاير بصدمه : اوعى تقول انك وصلت لقدرات الفرعون كلها
انا : انت لسه شوفت حاجه .... انا هوريهم يعني ايه لعنة الفرعنه
بعد شويه جه معاد الاجتماع ودخلت انا وفاير اول ناس
بعد كام دقيقه ..دخل وزير امريكا الجنوبيه ( كريستوفر برادلي .... والمحارب بتاعه رون ) وقعد من غير ميكلم حد
دخلت بعده وزيرة اسيا ( أماندا كولينز ... والمحاربه بتعتها أليكسا )
دخل بعدها وزير امريكا ( ستيفن كوبر ... والمحارب بتاعه جون )
دخل بعده وزير أفريقيا ( نيوكولس جاك واتصدمت من المحارب بتاعه علشان شوفته في قسم خيري قبل كدا واسمه محمود )
دخل اخر واحد رئيس الجماعه ( مش مهم ) ومعاه السكرتيرة بتعته ( لوسي ... والظابط داروين )
الكل وقف ...الرئيس قعد على الكرسي بتاعه ولوسي جنبه ووراهم داروين .... والوزراء قعدو على كراسيهم والمحاربين واقفين وراهم
الرئيس : اهلا بالجماعه ... عدت ٥ سنين .... احب اعرف المكاسب والخسائر الاول
لوسي : للأسف المكاسب بتعتنا اتقلبت خساير في اخر شهرين
الرئيس بصدمه : ازاي ... ايه اللي حصل
لوسي : للأسف جماعة الحصن قدرت تخترق مدرسة النقطه السودا وعرفت كل المخططات بتاعتنا
الرئيس : الحصن تاني ... انتي مش قولتي انك قتلتي اخر واحد منهم ( على خالي )
لوسي : للأسف طلع للمحارب الماسي ابن ( المحارب الماسي اللي هو ابويا)
الرئيس : وانتي جايه تعرفيني دلوقتي
لوسي بخبث : اسفه ياريس ....كل دا وانا بقرأ أفكارها وعارف ان فيه مجزره هتحصل للي هايعرضها
انا رحت بسرعه لجون وقولتله يوافق على كلام لوسي هو والوزير بتاعه
لوسي : دلوقتي جه دور الانتخابات والمرشحين هما ( ناس ملهاش لازمه .... الرئيس الحالي .... لوسي السكرتيرة )
وزراء افريقيا واسيا وامريكا الجنوبيه اختاروا لوسي
لوسي : وانت يا سواريز
سواريز بص ليا : انا بختار لوسي
لوسي : وانت ستيفن ( وزير امريكا )
ستيفن بص لجون : انا بختار لوسي
الرئيس بغضب : بعد كل السنين دي وبتخونيني ...انا مش هسكت
لوسي من غير متتكلم عينها قلبت ابيض وفرقعت دماغ الرئيس
لوسي : دلوقتي نبدأ .... ازاي هنسيطر على العالم
سواريز : اومال احنا بنعمل ايه من سنين
لوسي : كل اللي كنا بنعمله كان في الخفاء ... دلوقتي احنا هنظهر في العالم كله ... هندمر اللي هيقف قصادنا
ستيفن : وايه هي خطتك
لوسي : هتعرفوها بعد العاب الموت ... احنا عايزين محاربين في الحرب اللي جايه .... مش مجرد حرس
سواريز : والالعاب دي امتى
لوسي : هتبدأ النهارده .... والاجتماع الجاي بعد الالعاب على طول
خلصنا الاجتماع ولقيت جون داخل عليا
جون : انت عرفت منين ان دا هيحصل
انا : عرفت بالصدفه ... وكويس ان غيرنا موقفنا وإلا كان زمانا ميتين
اجتمعت مع الفرقه كلها في الغرفه بتعتي
انا : كدا الخطوه الاولى تمت بنجاح وفيه وزير مننا في الجماعه ... دلوقتي الخطوه التانيه
مياده : اي هي
انا : عايزك انتي وتيريون تخطفي وزير افريقيا ومعاه المحارب بتاعه ... وخلي بالك علشان المحارب دا من عندك في المخابرات ... واسمه محمود
مياده بصدمه : محمود ...طب ازاي ...دا من الاشخاص القليلة اللي معانا من زمان في القسم
انا : شكل القسم بتاعكو مليان جواسيس .... المهم هتاخدوه على حصن فيلن وسنو عارف هيعمل فيه ايه
مياده : تمام
انا : والباقي هيكون دعم ليا علشان لو احتجت فريق في الالعاب
الكل : تمام يفرعون
لوسي استدعت الكل في غرفة الاجتماعات تاني
لوسي : العاب الموت السنادي مش زي كل مره .... المره دي هتكون مختلفه .... الالعاب هتكون في هيرنهيل روسيا ( جحيم روسيا )
الكل بصدمه : فين ........
/////////// ///////////////////////////////////////////////////////////////////////////////////////////////////////////////////////
بشكر كل الناس اللي سئلت عليا ♥️♥️♥️
واسف على التأخير
واوعدكم الجزء الجاي هيكون دمااااااار
//////////////////////////////////////////////////////////////////////////////////////////////////////////////////////////////////
الجزء الخامس / هيرنهيل / ألعاب الموت
لوسي : العاب الموت السنادي مش زي كل مره .... هتكون في هيرنهيل
الكل : فين
لوسي : جحيم روسيا ....
عرفت وهي بتتكلم انها هتخدر الكل وهتبعتهم على المكان دا دلوقتي ... كلمت فاير بسرعه وعرفته باللي هيحصل .... وفعلا بتخدر الكل
بفوق من النوم وانا موجود داخل غرفه وفيه وقت على الحيطه بينقص
لوسي من الميكروفون : انتم الآن في اللعبه الاولى من ألعاب الموت ( لعبة الذكاء ) .... حاول الخروج من المبنى
بقوم اقف وبلاقي بابين للخروج ...باب لونه احمر وعليه صورة جمجمه وباب لونه اخضر وعليه صورة حمامه بيضه
وقبل ماتحرك افتكرت فلاش باك
لما قولت لفاير ان لوسي هتخدرنا عملت حسابي وخدت حبوب منشطه للدماغ ضد التخدير انا وفاير .... وعملت نفسي اغمي عليا ... ولما اتنقلنا للمبنى اللي احنا فيه شوفت المخارج والمداخل وعدد الغرف واماكنهم .... وعرفت ان انا في الغرفه اللي على اليمين على الشارع ...
نرجع من الفلاش باك
انا : يبقى اختار الباب اليمين وهطلع على برا
رع : غلط ..انت لو اخترت الباب اليمين هتلاقي جدار قافل الباب
انا : ليه بقى
رع : علشان انت أخر غرفه والجدار على يمينك ...اختار الشمال بسرعه
فتحت الشمال ودخلت بسرعه والغرفه اللي كنت فيها انفجرت
انا : ايه دا هما عايزين يموتونا ولا ايه
رع : ركز في اللي جاي خلينا نخلص
لقيت في الغرفه دي باب على الجدار اليمين وباب في النص
رع : افتح اللي على اليمين
انا : غلط الباب هيكون اللي في النص ... وجريت عليه وفتحته وطلع صح والغرفه اللي كنت فيها انفجرت
رع : انت عرفت ازاي
انا : لما الحرس دخلني الغرفه الاولى كان ماشي في خط مستقيم
رع : طب افتح اللي بعده بسرعه
فضلت افتح الغرف الصح لحد موصلت لأخر واحده
رع : افتح الباب اليمين
انا : بس احنا كدا في الاتجاه التاني من المبنى وكدا هنلف في دواير ... وفتحت الباب الشمال وخرجت من المبنى
وبعد كام دقيقه لقيت فاير خرج هو كمان
فاير : انت خرجت امتى
انا : من شويه ... كويس اني عرفتك بموضوع التخدير
فاير : اه ...دا كان زماني ميت دلوقتي
وبعد كام دقيقه بيخرج ٢ بس والمبنى كله بيتفجر
صوت من السماعات : تهانينا لكم ... انتم اذكى ٤ من ٢٠ متسابق شاركوا في هذه اللعبه ..... سوف تنتقلون للاستراحه وبعدها للعبه القادمه
بروح الاستراحه انا وفاير
انا : هما دخلو الوزراء في الالعاب ليه
فاير : شكل لوسي دي مجنونه وهتخلص على الكل
بعد كام دقيقه بيدخل علينا جون والوزير بتاعه ستيفن
انا : انتو كنتو في العاب ايه
جون : كنا في ألعاب الذكاء
انا : اومال خرجتو ازاي .. المبنى اللي كنا فيه اتدمر
جون : لا احنا كنا في العاب المطارده ...لحد مقدرنا نقتل اللي بيجيري ورانا
انا : ازاي وكانت فين دي
جون : كانت في مبنى كبير وفيه واحد بيجري ورانا ولو شاف حد بيقتله بالسلاح على طول
انا : وقتلته ازاي وممنوع استخدام القدرات
جون : فضلت مراقبه لحد مخلص سلاحه وجريت عليه وكسرت رقبته
بعد شوية دخلت علينا أليكسا و وزيرة اسيا اماندا وكانو متبهدلين
انا : هما متبهدلين كدا ليه
جون : باين كانو في سباق ١٠ كيلو
انا : وفين اختبار الذكاء في كدا
جون : مش عارف بس تقريبا فيه أدوات بتخترها قبل السباق
بعد كام دقيقه دخل علينا رون و وزير البرازيل كريستوفر وراحو على اماندا
كريستوفر : كدا اول مرحله تمت بنجاح
اماندا : لسه نيوكولس ( وزير افريقيا ) والمحارب بتاعه مطلعوش
كريستوفر : احنا لازم نستعد علشان اللعبه الجايه خطر
اماندا : وايه هي
كريستوفر بيبصلها في قلق
عند رون واليكسا
رون : ايه يابطل ...شكلك تعبان كدا ليه
اليكسا : احنا كسبنا السباق بفارق كام ثانيه
رون : وكسبتيه ازاي
اليكسا : اخر كيلو كان سلم طويل ... واحنا بنجري لقيت صندوق خشب ..كسرته وعملته زحليقه وشيلت اماندا على ضهري ونطيت بالخشبه على السلم
رون : يابنت اللعيبه ...... طيب دلوقتي اللعبه الجايه هتكون خطر ولازم تستعدي كويس
اليكسا : متقلقش
في الوقت دا دخل عليهم روب و وزير افريقيا نيوكولس
اماندا : ايه كل دا
نيوكولس : معلش ..اصل المحارب بتاعي كان تايه ومش عارف يفكر
كريستوفر : ايه الكلام دا يا روب
روب بتوتر : ايه ..اصل ... مش هتتكرر تاني
عندي انا وجون
انا : هما هيفضلو واخدين جنب مننا كدا
جون : احسن علشان لو قابلنا حد منهم نقتله على طول
انا : احتمال ..واحتمال انهم يقتلونا احنا .... وبعدين ايه الالعاب دي ...فين العاب الموت اللي قالت عليها لوسي
جون : الخوف من اللي جاي
واحنا بنتكلم لقيت روب بيبص عليا ومتوتر بس مهتمتش
انا : بقولك ايه انا هعمل شوية تأمل لما اللعبه اللي جايه تجهز
جون : تمام ياصحبي
سبته ورحت في منطقه فاضيه وقعدت اعمل تأمل
في التأمل
رع : هو روب محارب وزير افريقيا كان بيبصلك كدا ليه
انا : مش عارف .. والذكريات بتاعت توم ( محارب وزير اوروبا اللي انا متنكر في شكله ) مكنش فيها اي تعامل بينهم
رع : ما دي حاجه تقلق
انا : هنعرف بعدين ....المهم دلوقتي انا عايز اكسر حدود القوه بتاعت السلاح
رع : ليه ..دا يعتبر سلاح اسطوري
انا : انت مشفتش لوسي فرقعت دماغ الرئيس السابق ازاي
رع : اه صحيح ..انا مشوفتش القدره دي من ايام ( بست )
انا : مين دي
رع : دي اللي كانت هتسيطر على العالم لما كنت الفرعون ... وقدرت اتغلب عليها بصعوبه بس
انا : بس ايه ..ايه اللي حصل
رع : بعد ما قتلتها ..الكهنه بتوعها عملو عليا سحر واتلعنت و ..
انا : وايه كمل كلامك
رع : مش دلوقتي ... لما نخلص الالعاب دي هبقى احكيلك علشان فيه ادوات سحريه لازم تجيبها قبل اي حد
انا : و الادوات دي فين ...اوعى تقولي انها في مقبره ولسه هنروح ندور عليها والجو دا
رع : لا المقبره محفوظه بين العالمين
انا : عالمين ايه ..اللي في الساحل 😂😂
رع : تصدق انك عيل بيضان ولازم تتأدب تعالى نعمل قتال ياحيوان
اتنقلنا ساحه في الجحيم والساحه عباره عن حفره كبيره مليانه حمم بركانيه تحتنا واحنا واقفين على كوبري فوق الحمم ...بس الكوبري عرضه اقل من ١٠ سم
رع : انت هتتفشخ هنا
انا : ليه ياصحبي ..مش احنا صحاب برضه 😂
ومره واحده رع انفجر وظهر درع الفرعون وسلاحه بس السلاح بتاعه كان فيه منجلين وسلسله ربطاهم من الطرفين
انا : لا احنا متفقناش على كدا ..ايه السلاح دا
رع من غير ميتكلم اتحكم في الحمم اللي تحتنا وخلاها تفور وتطلع حراره عاليه
انا بتنفس بصعوبه : انت بتعمل ايه
رع جري عليا وطار في الجو ومسك منجل من طرف ورمى التاني عليا ... وانا شايف أكن نيزك نازل عليا من السما
اتحكمت في الدرع وسلاح الفرعون وظهرو عندي ... مسكت السلسله ورميتها على منجل رع وخليتها تطلع تلج كتير لحد ما بردت المنجل
رع نزل بالمنجل عليا بس محصلش حاجه ... رع اتحكم في الحمم وعمل كور كتير ورماها عليا
خدت نفس عميق واتحكمت في قدرات الفرعون ... استعملت السرعه وجريت على رع وانا باتفاده كور النار لحد موصلت ليه وضربته ألف ضربه في بطنه ورجعت لورا ورزعته بالسلاح بتاعي وطار في الجو لورا
رع بيقف : يعني عايز تلعب بالقدرات ..طب تعالى ... وفضل يقول كلام بالهيروغليفي ولقيت جسمه طلع نار وظهر عنده جناحات من نار وطار في الجو
انا : ايه دا ..انت بتطير كمان مش تقول من زمان ... وقولت نفس التعويذه اللي قالها وطرت انا كمان
رع طار نحيتي وفضل يلف السلاح زي المروحه وخلاه يطلع نار من كل حته ورماه عليا ... شوفت السلاح جاي عليا وبيطبق نسيج الزمكان حواليه زي ميكون ثقب اسود هيبلعني
في اللحظه دي حسيت بخوف وجسمي طلع نار وفيه هاله سودا اتكونت حواليا ...فردت السلسله وخليتها تطلع ثلج زياده عن الحد ... ورميتها على سلاح رع اللي جاي .. وطرت في السما ونزلت زي الصاروخ بالمنجل على السلسله والسلاح وحصل انفجار دمر كل حاجه وخلتني افوق من التأمل
فوقت من التأمل بشرقه ولقيت جسمي ساخن وبيطلع بخار ... وفاير عمال يصحيني
فاير : هو فيه ..انت كويس
انا : اه كويس ... اللعبه الجايه جاهزه ولا لسه
فاير : اه تعالى يلا ومشي
بكلم رع
انا : هو ايه اللي حصل
رع بيتكلم بصعوبه : هو ايه اللي انت عملته دا ..انت دمرت نسيج ارض الاحلام
انا : ينهار اسود كل دا حصل بالهجوم بتاعي
رع : انا مكنتش اعرف انك هتهاجم السلاح ..اصل مفيش حد عاقل يهاجم سلاح جاي عليه ...المفروض كنت تبعد عنه او تهاجمني انا
انا : ..طب وكدا مش هنعرف نتدرب تاني
رع : مفيش قدامك غير اداه من ادوات السحر اللي قولتلك عليهم
انا : طيب خليها بعد الالعاب
رحت عندهم ولقيتهم مستعدين ومنتظرين اللعبه الجديده
لوسي في الميكروفون : اهلا بيكم تاني ... دلوقتي دور لعبة التكيف والنجاه ... قدامكو يوم كامل في المدينه لو قدرتو تعيشو في اليوم دا يبقى نجحتم ... وكل ساعه هتنقص منطقه في المدينه لحد اخر ساعه ...وفيه عقبات هتقابلكو في مركز المدينه وكل الشوارع .... ومسموح بقتل المنافس بتاعك ... سلام
انا : ايه رأيك ياجون نتعاون في اللعبه دي
جون : طبعا لازم نتعاون ..انت مش شايفهم ...( كل المحاربين التانيين اتحالفو سوا )
انا : دلوقتي لازم نبعد عن مركز المدينه و الشوارع ...انا عارف منطقه كويسه ممكن نستخبى فيها كام ساعه
جون : فكره كويسه فعلا يلا بينا
خدت فاير وجون وستيفن وجرينا على منطقه جانبيه من مركز المدينه ( المدينه عباره عن ١٠ شوارع دائريه والمباني جنب بعض على شكل دايره والمركز فيه مبنى كبير )
كان فاضل دقيقه على بداية اللعبه واحنا على اول الشارع والمبنى اللي هنستخبا فيه في اخر الشارع
انا : يلا بسرعه مفيش وقت
جون شال ستيفن على ضهره وجري ورانا .... دخلتهم العماره بسرعه وقولت تعويذة حمايه على الباب من غير محد ياخد باله
اللعبه بدأت وفيه مدفع ضرب .... وسمعت صوت زئير جاي من الشوارع .. بصيت على الشارع اللي ورانا لقيت وحوش بتتشكل من الظل على هيئة ديناصورات
انا : دي شكلها هتحلو اوي
جون : ديناصورات ...احنا هنزر ولا ايه
انا : دي شكلها البدايه
جون بضيق : انا مش عارف احنا بنعمل في نفسنا كدا ليه
انا : بنعمل ايه ياصحبي
جون : احنا مش اتفقنا ان المره اللي فاتت اخر عمليه هنعملها
انا : شكلنا كدا مش هنعرف نبطل الشغلانه دي
جون : لازم ابطل ...انا عملت الممنوع وخلفت بنتين
انا : اوعدك ياصحبي هنلاقي طريقه نبعدك بيها عن الجماعه
جون : انا مبقتش قادر ابعد عن بناتي ... وفضل يدمع ويبكي
بعد كام ساعه انحصرت منطقة النجاه في مركز المدينه والشارع اللي حواليه .... وفيه ناس كتير ماتت ومعرفتش تعيش
واحنا بنراقب المبنى اللي في مركز المدينه لقينا محاربين الوزراء التانيين بيقتلو اي حد بيقرب من المبنى ...
جون : عايزين نعمل خطه علشان نعرف نسيطر على المبنى
انا : بص يامعلم ...انت هتاخد الوزير بتاعي وبتاعك وهتدخل المبنى من الباب الخلفي ...وانا هعمل إلهاء ليهم
جون : بس دول ممكن يقتلوك
انا : متقلقش انا مش هظهر ليهم
نزلنا من العماره اللي كنا فيها وجون خدهم ودخل شارع جانبي وانا رحت على المبنى
وانا ماشي عملت تعويذة سيطره على الوحوش وعملت وحوش تانيه من الظل وجمعتهم بأعداد كبيره وعملت عليهم تعويذة حمايه وخدتهم على المبنى
عند محاربين الوزراء
اليكسا : انت مش بتموت حد ليه يا روب
روب بقلق : منا بخليهم يفقدو الوعي
رون : مش كفايه احنا لازم نخلي اي محارب يخاف يقرب من المبنى
روب شاف الوحوش : ايه الوحوش دي كلها
أليكس برعب : هيا متجهه ناحيتنا ليه
رون : طب يلا نعمل حاجز بسرعه
رون عمل كورة نار ورماها على مبنى جانبي ودمره وأليكس اتحكمت في الحجاره وعملت حاجز بيها ...روب جري بسرعه وصهر الحجاره على بعض على شكل جدار كبير
الوحوش اتلمت حوالين الجدار ومش عارفه تكسره ... طلعت سلاح الفرعون وطرت في الجو ونزلت على الجدار بالمنجل فحصل انفجار كبير دمر الوحوش اللي جنب الجدار وكسر الجدار خالص
جريت بسرعه وسط الدخان بتاع الانفجار على جون من شارع جانبي ....والوحش قربت على المحاربين
اليكس : هو ايه اللي حصل ...ايه الانفجار دا
رون : مش عارف ..انا مشوفت مين اللي عمل كدا
روب بخبث : هو فيه محاربين معانا يقدرو يعملو قوة انفجاريه بالطريقه دي
رون : لا مفيش ... احنا لازم ندخل المبنى حالا
أليكس : لا احنا لازم نقتل كل الوحوش دي
رون : مش هنقدر انتي مش شايفه عددهم ..يلا
في الوقت اللي كانو بيتكلمو فيه كنت وصلت لجون و الوزراء بتوعنا ودخلنا المبنى من الباب الخلفي ...طلعنا جوه المبنى ولقينا باقي الوزراء
بعد دقيقه دخل علينا المحاربين
أليكس بصدمه : انتو دخلتو هنا ازاي
انا بضحك : يعني كلكو واقفين قدام الباب الرئيسي وسايبين الباب الخلفي ...طب افرضي قتلت الوزيره بتعتك دلوقتي كنتي هتعملي ايه
رون : مش هتقدر تعمل حاجه و.............وقبل ما يكمل كلامه قطعت راس الوزير بتاعه
جون بصدمه : انت عملت ايه
انا : القتل مش ممنوع
رون من غير ميفكر جري ورمى كام كورة نار عليا .... ( قوة توم اللي هو انا عباره عن استنساخ القوه اللي بيشوفها ) ... صديت الهجوم بكور نار زيها
جون : وقت اللعبة خلص ... القتل ممنوع
رون بيبصلي بشر : احنا مخلصناش
انا ببرود : لينا قتال تاني ...متخفش هتموت انت كمان
لوسي في الميكروفون : اهلا بيكم مره اخرى .... تهانينا لكم ايها المحاربون .... اللعبه الجديده هتكون تعاون مع العدو بتاعك لسرقة العلم من الفريق الخصم ولو خسرتو هتموتو ... واللاعبين هم
١ / توم ( اللي هو انا ) مع رون ..ضد ( اتنين ملهمش لازمه )
٢ / جون مع أليكسا ضد فريق ملهمش لازمه
لوسي : وبما ان روب ملوش خصم فهو اتأهل للعبه الجديده ... بالتوفيق
رون : انا مستحيل ادخل معاك في فريق
انا ببرود : يعني انا اللي عايز ... بص احنا منقفش في طريق بعض لحد منخلص اللعبه دي
رون : ماشي ..علشان لو وقفت في طريقي هقتلك
بدأنا اللعبه الجديده
انا : انت هتروح من اتجاه وانا من اتجاه
رون سابني ومشي وانا مشيت الناحيه التانيه ...وبعد معافره كتير قتلت الخصم بتاعي وخدت العلم وكسبنا ورون مكنش طايقني
وكذلك جون واليكسا .... والخصوم اللي اتهزمت دماغها فرقعت
كلمت رع على طول
انا : هو مفيش حماية ضد الست دي
رع : كل الاسلحه والادوات السحريه هتلاقيها بين العوالم
انا : وهدخل هناك ازاي
رع : هعرفك بعد اللعبه الاخيره
انا : تعرفني !! .. مش انا عرفت كل حياتك برضه ؟
رع ضحك ونهى الكلام
جون : كنت فين ...عمال اكلمك
انا : معلش كنت سرحان بفكر في حل للي احنا فيه
جون : وعرفت ولا لسه
انا : عرفت بس عايزه تضحيه وممكن نخون الجماعه
جون : طالما هبعد عنها يبقى هعمله
انا : تمام هنبدأ تنفيذ الخطه بعد اللعبه الاخيره
لوسي في الميكروفون : اهلا بيكم لمره اخيره ... دلوقتي معاد لعبة الجحيم ...قتال الموت ....
اول قتال بين جون و ( واحد ملوش لازمه )
تاني قتال بين أليكسا و ( واحده ملهاش لازمه )
تالت قتال بين روب و ( واحد ملوش لازمه )
اخر قتال بين توم ( انا ) و رون ..... ابدأو
طبعا كل محاربين الوزراء كسبو على طول ... جه الدور عليا انا ورون
لوسي : اخر قتال بين اصدقاء الامس اعداء اليوم ....القتال حتى الموت ... ساحة القتال ستكون في قلب البركان
رحنا عند بركان ودخلنا والحلبه عباره عن ( حبال مربوطه عند كل طرف من جدران البركان وتحته الحمم بتغلي )
لوسي : ابدأو ....
رون مره واحده اتحكم في الحمم ( بس بطريقه ضعيفه ) وطلع كورتين من النار ورماهم عليا
( طبعا انا مش هستخدم قدرات الفرعون علشان محدش يشك فيا )
اول ما الكور وصلت عندي ...استخدمت قدرات توم و امتصيت النار بتعتها .... جريت على رون وطرت في الجو .... وطلعت كل النار اللي امتصتها من ايدي عليه
رون فضل يتشقلب على الحبال واتفاده النار .... ومره واحده اتحكم في قدراته وظهر معاه سيف ناري وجري عليا
اتحكمت في قدرات توم وطلعت الرمح الثلجي بتاعه .. وقعدت اصد ضربات رون
رون كان غضبان جدا من ساعت ما قتلت الوزير بتاعه .... ومكنش بيفكر في حاجه الا الموت ....
فكرت كتير وانا بصد ضرباته لحد موجهته لنص البركان .... طلعت نار من ايدي الشمال على الحبال
اليكسا من برا : هو مفكر ان النار هتولع في الحبال
روب بخبث : طيب استني وهتشوفي
لما طلعت نار ناحية الحبال رون رجع خطوه لورا .... نطين وراه ونزلت بالرمح الثلجي على النار وحصل انفجار .... ساعتها مسكت في حبل بسرعه ... والحبال اللي تحت رون اتقطعت ووقع في الحمم ومات
طلعت من البركان ولقيت لوسي ظهرت
لوسي : اهلا بيكم مره اخيرا ... انا كنت قولت ان دي اخر لعبه ليكم بس دا مش صحيح .... اخر لعبه هتكون مابين الاصدقاء ....توم ضد جون .... اليكسا ضد روب .... ابدأو
قعدنا نبص لبعض واحنا مذهولين
جون : مش قولتلك لازم نهرب ....... قربت منه وهمست في ودنه
جون : ودا اللي هو ازاي
انا : ملكش دعوه ..هيحصل بس انت اعمل اللي قولتلك عليه
جون : ماشي .. بس لو مت بناتي امانه في رقبتك
انا : مش هتموت ...وانت اللي هتربيهم .... كفايه كل ******* اللي اتربوا من غير اهاليهم
بدأ القتال بين روب واليكسا
اليكسا بتقدر تتحكم في اي حاجه من على بعد .... وروب التحكم في الماده وتغييرها
كان فيه أسهم نينجا كتير على الارض ... اليكسا اتحكمت فيهم ووجهتهم على روب
روب لمس الارض وعمل جدار قدامه و صد كل الاسهم .... روب نزل الجدار .... وعمل سلم من الارض وجري عليه وطار على اليكسا
اليكسا شالت صخره ورميتها على روب ... روب لمس صخره وحولها لميه كتير زي الشلال وصد بيها ضربة اليكسا ... واندفاع الميه اتوجه ناحية اليكسا
اليكسا اتحكمت في الميه وفضلت تلف فيها على شكل كوره ورميتها على روب ... روب وقع في قلب الكوره وكان هيموت
روب اتحكم في الميه وخلاها تختفي ووقع على الارض .... اليكسا طارت في الجو وفضلت تتحكم في كام صخره ورميتها على روب
روب اتحكم في الارض وعمل نفق تحت الارض واختفى قبل ما الصخور تموته
اليكسا شافت الصخور بتنزل مكان روب وفيه ددمم كتير طلع من تحت الصخور
نزلت اليكسا على الارض فرحانه بالمكسب ... ظهر وراها روب وكان معاه رمح وضربه في ضهر اليكسا
روب بخبث : يعني مفكره انك هتموتيني بسهوله كدا
اليكسا بتموت : انا ... انا قتلتلك
روب : دا ددمم انا صنعته ... خساره فيكي الموت يا حلوه
لوسي : اليكسا ماتت وكدا يبقى روب اول الفائزين في العاب الموت ... الدور على جون وتوم
انا : جاهز ياصحبي
جون بقلق : جاهز
ونزلنا ضرب في بعض .... جون بعد شويه لأخر الساحه وطلع السيف بتاعه ورفعه لفوق وفيه برق ضرب السيف ... والسيف بقى منور وبيطلع كهربه
طلعت الرمح بتاعي كمان وعملت زيه والرمح بقى مكهرب ( قدرات توم هي الاستنساخ )
جون جري عليا وطار في الجو وطلع برق من السيف عليا .... رجعت لورا بسرعه واتفاديت البرق ورميت الرمح على جون ....
اللي برا يشوف الرمح زي ما يكون صاروخ بيطلع برق وهيعمل انفجار يموت الكل ...
جون نزل بالسيف على الرمح وحصل انفجار كبير جدا وعمل دخانه في ساحة القتال
اول ما الدخانه اختفت لقيت الرمح بتاعي عليه ددمم كتير والسيف بتاع جون مرمي على الارض ومكانه ددمم وجلد محروق
لوسي : جون مات وكدا يبقى توم تاني الفائزين .... اعلن عن انتهاء العاب الموت ...........
لما لوسي قالت ان جون مات قعدت على الارض وفضلت ابكي واعيط بحرقه كبيره
انا : لييييييييه
نفسي : انت زعلان عليه كدا ليه مش دا من الجماعه برضه
انا : بس هو ملوش زنب ... هو دخل الجماعه غصب عنه
نفسي : يبقى تجيب حقه منها هي ( لوسي )
بصيت على لوسي في غضب كبير وجسمي بدأ يسخن والهاله السودا بدأت تظهر .... ولكن فيه شخص جري عليا وقالي انت اتجننن بعد كل اللي عملناه هتكشفنا دلوقتي
فعلا هديت خالص وخدته ومشينا .....
في مبنى الاجتماعات في روسيا
لوسي : هي دي الالعاب اللي تليق باسم الجماعه
اماندا : طب والمحاربين اللي ماتو مين اللي هياخد مكانهم
لوسي : اللي كسبو طبعا
سواريز : بس مفيش غير اتنين بس اللي كسبو
لوسي بضحك : هو انت مفكر اني عملت العاب واحده بس ... احب اقولك ان فيه 50 محارب غير دول
اول مقالت كدا قلقت جدا
ستيفن : طب والوزراء اللي ماتو هنغطي مكانهم ازاي
لوسي : انا مبقتش محتاجه وزراء في الدول دي خلاص ...احنا هنبدأ تنفيذ خطة السيطره على العالم
سواريز : وايه هي الخطه
لوسي : اول حاجه هنعمل هجوم على الدول المعاديه لينا زي ( امريكا ...الصين ...فرنسا ...البرازيل ..... وطبعا مصر )
ستيفن بغضب : انتي بتقولي ايه ...مفيش هجوم هيحصل على امريكا
لوسي من غير رد فعل فجرت دماغه ...كل اللي في الاجتماع اتصدمو
لوسي : حد عنده رأي تاني
الكل ساكت
لوسي : طيب كويس اوي خطتنا هتكون .......
/////////////////////////////////////////////////////////////////////////////////////////////////////////////
اسف جدا على التأخير بس كان عندي مشاكل كتير والحمد لله خلصت على خير
عاوزكو تتوقعو مين الشخص اللي خلاني مقتلش لوسي في الاخر .... وانا بعت كيرا لفين في الجزأ اللي فات ... وهل جون مات فعلا ولا ايه اللي حصل
سلام من الفرعون
////////////////////////////////////////////////////////////////////////////////////////////////////////////////////////////
الجزء السادس/ خطة السيطره على العالم
لوسي : الخطه بتعتنا هي اننا نسيطر على رؤساء الدول دي ولو قاومو هنضربهم بالنووي
الكل بصدمه : ايه .....
اماندا : بس احنا كدا هنعمل حرب عالميه
لوسي بخبث : وهو دا اللي هيحصل لو مركعوش قدامنا وسلمو الحكم
سيزار بقلق : طب هنبدأ ازاي
لوسي : اولا هنبدأ بالبرازيل وبعدين نيويورك وبعدين هونغ كونغ وبعدين باريس وهنحلي بالكريزه ( ام الدنيا )
سيزار : وفين النووي اللي هنضربهم بيه لو قاومو
لوسي : هنا في روسيا ... انتو معاكو ٢٤ ساعه في كل بلد ...لو مسلموش الحكم في الوقت دا هضرب البلد بعدها على طول
سيزار : وهنبدأ امتى
لوسي : معاكو يوم راحه .... وبعدها تتوجهو على البلدان دي ... الاجتماع خلص
طلعنا انا وسيزار على برا بسرعه
سيزار : هنعمل ايه في المصيبه دي
انا : لازم نكلم مستر سنو ويعمل اللي قولتله عليه ...
سيزار : تمام ... انا هسافر على هناك دلوقتي ... وانت هتعمل ايه
انا : لازم ارجع مصر اجيب منها حاجه ممكن تساعدنا كتير
سيزار سبني ومشي وجه عليا روب ( محارب وزير افريقيا )
روب : يأخي كنت هتودينا في داهيه
انا : لو كنت قتلتها ساعتها مكنش حاجه من اللي بتخططلو هتحصل
رع من جوايا : وانت فاكر انك تقدر تقتلها بالقدرات بتاعتك بس
انا : اومال ايه
رع : مستحيل تقدر تقرب منها من غير الادوات اللي قولتلك عليها
انا : اه صحيح ... انا لازم ارجع مصر حالا
روب بصلي وقالي تعالى ورايا ... دخلنا غرفه فاضيه ومسك ايدي ونقلنا لحصن الفرعون في مصر
انا : اخيرا .... انت خدت مكانه ازاي
روب ( واللي هو تيريون ) : لما قولتلي انا ومياده نخطف وزير افريقيا والمحارب بتاعه فضلنا وراهم طول الليل لحد ما المحارب راح الحمام ... فظهرت قدامه ونقلته في سجن الحصن ... وبعدها خدرناه وعملنا عملية التحويل وحضرت مكانه الالعاب
انا : ياولاد الايه ... طب مياده فين دلوقتي
تيريون : مياده في الحصن ... ومستر سنو خلاها تعمل تأمل هي كمان وظهر عندها قدرات
انا : هو سنو بيعمل تأمل لأي حد ولا ايه ..انا خايف اروح هناك ألاقي الكللابب بتطلع نار من بوقها 😂
تيريون : طب هنعمل ايه دلوقتي ...
انا : تعالى معايا ... وطلعنا لغرفة المراقبه ... واتصلت على سنو
انا : كل حاجه تمام ؟
سنو : كل حاجه ماشيه زي مكنت عايز ... هنبدأ امتى
انا : اولا احنا هنغير اجزاء بسيطه من الخطه لما اجيلك الحصن ... وتاني احنا مش هنظهر قدامهم مباشر
سنو مستغرب : ليه بقى
انا : علشان فيه ٢٠ محارب هيدخولو الحرب ودول اللي كسبو ألعاب الموت ... دا غير الجيش بتاع الجماعه ومحاربيهم
سنو بقلق : كدا عددهم اكبر من المحاربين اللي هنا ... لازم نستدعي كل المحاربين بتوعنا اللي في العالم
انا : لا مش تستدعي حد ...احنا قدامنا ٢٠ ساعه بس والحرب هتقوم .... انت هتعمل اللي هقولك عليه دا ..
سنو : انت متأكد من كلامك دا
انا : اه متأكد ... وتيريون هيجيب مياده ومونيكا على هنا دلوقتي
سنو : هتدخل مياده حصن الفرعون عادي كدا
انا : مبقاش فيه وقت للنقاش دا .... اعمل اللي قولتلك عليه ... وانا لما اخلص هنا هجيلك ...سلام
انا لتيريون : هتروح تجيب مياده ومونيكا حالا .... وتقول لتشارلي يجهز فرقه ٥٥٥ للحرب
تيريون : تمام يفرعون
لما تيريون بيختفي بكلم حد في نيويورك
انا : اخبارك دلوقتي ايه
جون ( مامتش ياعزيزي 😂 ) : يااااااه ... انا مش مصدق اني اخيرا بقيت حر
انا : طب متفرحش قوي كدا ( وحكتله على خطة لوسي ) ... هتعمل ايه ...هتفضل بعيد ولا هتدخل الحرب
جون بضيق : هو انا قدامي اختيار ...لازم ادافع عن بلدي
انا : واوعدك اني هكون معاك ياصحبي ... دلوقتي الخطه هتكون ...
جون : بس دول مستحيل يتعاونو معايا
انا : ملكش دعوه ... انا عرفتهم كل حاجه وهم في طريقهم للقاعده الحربيه الشرقيه ..وانت لازم تدربهم لحد ماجي
جون : ماشي ياصحبي ...اشوفك على خير
واخيرا اتصلت على شخص في هونغ كونغ
انا : اخباركم ايه
الشخص : كل حاجه ماشيه تمام ...وكل المحاربين جاهزين
انا : بقو كام محارب
الشخص : داخلين على ٣٠ محارب
انا : كويس اوي ... دلوقتي زود التدريبات القتاليه واستعدو للحرب
عندي انا ورع
انا : كدا وزعنا القوات بتعتنا على كل الدول
رع : بس لسه البرازيل مفيش فيها حد
انا : ما دي المشكله ... ممكن انا وفاير وكام محارب ندافع عنها
رع : مش كفايه لازم محاربين اكتر
انا : وهنعمل ايه ...ممكن اصنع محاربين من الظل زي ماعملت قبل كدا
رع : برضو مش كفايه .... احنا لازم نروح المقبره حالا وتجيب الادوات السحريه
انا : وهنروح ازاي
رع : اولا هنروح لمكان المقبره في العالم دا ... وهتعمل تأمل لحد ماروحك تتسحب للعالم التاني
انا برعب : روح مين اللي تتسحب ...انت عايز تموتني ولا ايه
رع : دا الحل الوحيد لدخول العالم السفلي
انا : طب المقبره دي فين
رع بضحك : في قلب الهرم الاكبر
انا : انت كدا عايز تحبسنا 😂
رع : بس عايزك تاخد مي معاك
انا مستغرب : ليه
رع : هتعرف لما نروح هناك
في الوقت دا ظهر تيريون ومعاه مياده ومونيكا
مونيكا جريت وخدتني في حضنها ومياده خدت بالها
مياده : ايه ياعم الرومانسي اهدى شويه ... وبعدين انت جبتنا فين
انا : دا الحصن بتاعي ...حصن الفرعون
مياده : بس انا مسمعتش عنه قبل كدا
انا : ولا هتسمعي ... دلوقتي انا بعت لفرقة الكوماندو وفرقة دلتا ييجو هنا الحصن وانتي هتبعتي لخيري يجيب افضل فرقة في قسم ألفا
مياده : ليه كل دا ... وبعدين ايه اللي يخليهم يسفرو برا مصر
انا : يسفرو فين ..احنا على بعد ١٠ دقايق من القاهره
مياده بصدمه : انتي عايز تقولي ان المبنى دا كله جوه مصر
انا : قصدك تحت مصر .... المهم دلوقتي انتي هتدربي الفرق كلها لحد ماباقي الفرق تيجي من برا مصر
مياده : وليه دا كله احنا داخلين حرب
انا : فعلا احنا داخلين حرب ... وحرب مش متاكفأه كمان
مياده : تمام ...طب اكلم خيري منين
انا : مونيكا هتعرفك كل حاجه هنا .... ومشيو هم الاتنين
انا : عرفت تشارلي
تيريون : اه عرفته كل حاجه
انا : طيب انت هترجع للوزير بتاعك دلوقتي وتشوف الدنيا ماشيه ازاي ... وخليك على تواصل معايا
تيريون : تمام يافرعون ....وبيختفي
عند مياده ومونيكا
مياده : هو ايه اللي بينك انتي و وليد
مونيكا : ايه اللي بينا ازاي
مياده : انتي هتلفي و تدوري ليه قولي على طول ..بتحبيه
مونيكا : اه بحبه فعلا ... بحبه اكتر من نفسي
مياده : وهو مش بيحبك
مونيكا : لا هو بيحبني اكتر من نفسه كمان
مياده : اومال بيحب واحده تانيه ليه ... مش المفروض تكونو مع بعض
مونيكا : مينفعش نكون سوه ابدا
مياده : ليه بقى ..ناقصه ايد ولا رجل
مونيكا بزعل : قولتلك مينفعش ...وبتمشي بسرعه ومياده بتمشي وراها
عندي انا ..قررت اروح اخد مي من القصر واطلع على الاهرامات ... وصلت القصر
الحارس : اهلا وسهلا ياوليد نورت الدنيا
انا : اخبارك ايه ياحودا
محمود الحارس : انا بخير وكل حاجه بخير
انا : حد من الجماعه جوه
محمود : اه كلهم جوه .... بسيبه وادخل على القصر
وانا داخل لقيت نور واقفه في البلكونه فوق واول ماشفتني نزلت جري وجت عليا .... خدتها في حضني ومكنتش عايزه تسبني
نور بتدمع : اخيرا جيت وحشتني موووت
انا : وانتي اكتر ياحبيبتي ..بس انا متأخرتش كتير دول اسبوع بس
نور : دول عدو عليا اكنهم سنه ... دخلنا جوه ولقيت سمر قاعده مع امي ومعاهم سلمى اختي ... سلمت عليهم كلهم
انا : اخباركو ايه ياجماعه
سمر : كلنا تمام ..بس هي فين الشنطه بتعتك
انا ببص لمي : انا جيت اسلم عليكو وماشي تاني
سمر : هتروح فين تاني
انا : لازم اسلم ورق لكذا مدرسه في اسكندريه جايبه معايا من بره .. سمر زعلت وطلعت فوق
انا : ممكن تسبوني اكلم مي شويه ...البنات طلعو هما كمان
مي : فيه ايه يا وليد
انا : انا عاوزك تيجي معايا مشوار مهم
مي : فين ... وورق ايه اللي بتقول عليه
انا : مفيش ورق ولا حاجه دا كلام علشان اعرف ابعد كام اسبوع ... والمشوار هيكون في الهرم
مي مستغربه : هنعمل ايه في الهرم
انا : هتعرفي لما نروح ...انا محتاجك جدا دلوقتي
مي : محتاج مين مدام مي ولا امك
انا : انا محتاج أمي
مي بلهفه : قولت محتاجني كأمك
انا : هتيجي ولا اروح لوحدي
مي : تروح لوحدك مين ...( مسكت رجلي ) انا رجلي على رجلك
بنروح انا ومي على الاهرامات ...واحنا في الطريق
انا : انت دخلتي العالم دا ازاي
مي : علشان كنت بحب ابوك
انا : يعني مدخلتيش برضاكي
مي : مش بالمعنى دا ... بس مكنتش مبسوطه ...وساعة اللي حصل زمان جت ليا فرصه اني ابعد و.....
انا بضيق : وايه كملي
مي : انا لما خدت البنات ومشيت انت فعلا كنت معايا ..بس
انا مش فاهم : كنت معاكي ازاي وايه اللي حصل
مي : خالك خدك مني بالعافيه وقالي لازم ابعد عنك
انا : خدني منك بالعافيه ازاي يعني ... وبعدين خالي قالي انه ميعرفش طريقك
مي : لما جه ياخدك قال انك وريث الفرعون ولو فضلت معايا الجماعه هتوصل ليك
انا : يعني ايه ...يعني انتو عارفين اني هكون الفرعون لما كنت *** ... طب وهو عرف ازاي
مي : قالي ان ابوك ظهر ليه في حلم وعرفه كل دا
في الوقت دا كنا وصلنا عند الاهرامات وكنا بليل
انا : خليكي دقيقه في العربيه لما اشوف طريقه ندخل بيها .... وبنزل من العربيه وبشوف طريق كويس مفهوش حراسه وبرجع تاني لمي
مي : لقيت طريق ولا ايه
انا : اه يلا بينا ..... وفعلا بندخل الهرم الكبير ..
انا لرع : فين المقبره
رع : هتنزل لغرفة الملك .... بنوصل الغرفه
انا : ها وبعدين
رع : عايزك تنام على التابوت وراسك ناحية اليمين ....
بعمل كدا فعلا واول ما راسي بتتحط على التابوت بلاقي كل حاجه بتنور في الغرفه ... وجسمي بيترفع شويه لفوق ...وفيه شعاع نور خرج من التابوت واخترق جسمي وطلع من راس الهرم من فوق وصل للسما
مي لما شافت كدا عملت تعويذه باللغه الهيروغليفية وجسمي نزل على التابوت تاني والنور اختفى وانا دخلت الحلم
في الحلم
انا : هو ايه اللي حصل
رع : كويس ان مي عملت التعويذه بسرعه وإلا كان زمان روحك اتنقلت للعالم السفلي
انا : علشان كدا كنت مصر على اني اجيبها
رع : طبعا ... دلوقتي بقا تعالى ورايا
العالم عباره عن عالمين وفيه سماء بينهم ... وانا ورع عباره عن اشباح ... فضلت طاير ورا رع لحد موصلنا لنص السما
رع : دلوقتي عايزك تمسك ايدي وتقول التعويذه دي ... وخلي بالك علشان احنا مش عايزين نفتح العالم السفلي ..احنا عايزين نفتح المقبره بس
انا : وايه اللي هيحصل لو فتحنا العالم السفلي
رع : مش هتحب تعرف .... وفعلا مسكت ايده وقولت التعويذه ... وحصل شرخ بين العالمين طالع منه نور .. رع سحبني وراه لحد مدخلنا المقبره
دخلنا جوه و ذوهلت من اللي جوه .... المقبره عباره عن حفره كبيره جدا ..وفي الحفره دي فيها قصور متشكله في قلب الصخر ... والقصور مبنيه من الذهب الخالص ... وفيه سلالم وممرات بتربط بين القصور
وفيه ألماسه منوره نور ابيض شديد من ارض الحفره زي الشمس وحواليها على شكل دايره ٩ حاجات منورين كمان
انا بذهول : احنا فين
رع : احنا في المقبره بتعتي ... دا العالم اللي عايش فيه بقالي أللاف السنين .... دا العالم اللي عملته لما كهنة بست ( اللي هي لوسي دلوقتي ) لعنوني وبعتوني للعالم السفلي
انا : وعملته ازاي
رع : بفضل الادوات دي ..وبيشاور على الحجات اللي بتنور
انا : وايه الحجات دي
رع : الحجات دي صنعتها هنا وكل دا بفضل الألماسه اللي في النص
انا : وايه هي بقى الادوات دي
رع : تعالى معايا .... وبننزل لتحت وانا مندهش من كمية القصور الذهبيه وشكل العالم الجميل ده ..... بنوصل لتحت وبلاقي كل الادوات بتلف حوالين الألماسه
انا : هي بتلف كدا ليه
رع : الادوات لما تحس بقرب الفرعون منها بتجهز نفسها للاستخدام
انا : طب مش هتجاوب عليا وتقولي ايه هي الادوات دي
رع بيمسك الألماسه : الناس طلعو اساطير كتير عن الالماسه دي ... في اللي قال انها قطعه من نجم سقط في مصر زمان ... وفيه اللي يقول انها قلب تنين .... محدش يعرف هي ايه بالظبط ... بس اللي اعرفه اني بنيت العالم دا والادوات دي بيها
انا : وعملت كدا ازاي ... ولقيتها فين
رع : الماسه دي كانت رمز الملك في مصر ... وكانت بتتوارث على مدار اجيال ودلوقتي الدور عليك
انا : يعني ممكن ارجع عالم الاحلام تاني
رع : انت ممكن تصنع عالم تاني في الواقع بتاعك ... احلم ونفذ
انا : طب انت قولت ان الاداه اللي هتخليني اقتل لوسي موجوده هنا
رع بيمسك تاج من الادوات ٩ : التاج دا هيخلي ليك درع حمايه يمنع لوسي باستخدام قدراتها عليك
انا : والباقي بيعمل ايه .... رع عرفني باقي الادوات
رع : دلوقتي هتعمل ايه
انا بمسك الجوهره وبركز شويه وبلاقي سوار اتعمل حواين ايدي الشمال
رع : انت عملت ايه
انا بخبث : عملت حاجه مهمه محتاجنها
في حصن الفرعون
كانت فرق الكوماندو و دلتا وفرقة خاصه بألفا وصلو الحصن ومياده نزلتهم لدور التدريبات
مياده بصوت عالي : طبعا انتو مشتغلتوش مع بعض قبل كدا ... بس احنا دلوقتي في حرب ... والحرب دي مش هينفع الجيش يتدخل فيها ...الحرب دي حرب الجواسيس ... لازم نحافظ على البلد ...لازم نحافظ على كرمتنا وشرفنا .... الموت للجماعه
الكل وراها : الموت للجماعه ...الموت للجماعه
وبتبدأ تدريبات مكثفه ليهم ... وبتجزأ كل الفرق لفرق صغيره مكونه من ٤ اشخاص
عند مونيكا وبتكلم تيريون
مونيكا : بس المفروض انه فاضل ١٧ ساعه على الحرب
تيريون : بقولك قدامنا ٥ ساعات ونسافر على البرازيل
مونيكا : طيب انا هبلغ الفرعون دلوقتي ...سلام
مونيكا بتطلع وتروح على القصر بس مش بتلاقيني فابترجع على حصن الفرعون تاني
عندي انا ورع في المقبره
رع : جاهز يافرعون
انا : جاهز ...ورع بياخدني وبنطلع من المقبره وبنرجع على العالم بتعنا تاني .... بفوق من الحلم بشرقه وبلاقي مي عماله تعيط
انا : بتعيطي ليه دلوقتي
مي اول ماشفتني خدتني في حضنها وفضلت تبكي ولأول مره في حياتي خدتها في حضني وحسيت بمشاعر الامومه ...بس مره واحده طلعت من حضنها
انا : يلا بينا
مي : لقيت اللي بتدور عليه
انا : اه لقيته يلا بينا ... وبلبس خاتم من الادوات ٩
مي : ايه الخاتم دا ... والسوار دا مكنش على ايدك من شويه
انا : الادوات دي اللي هتساعدنا في الحرب دي .... ومره واحده الخاتم بيطلع نزر ذهبي وبلف ايدي على شكل دايره وفيه بوابه بتفتح من الفراغ
مي : ايه دا ... انت عملت ايه
انا : تعالي معايا ... وخدتها ودخلت البوابه وطلعت في حصن الفرعون
مي : اوعى تقول ان دي أدوات رع السحريه
انا : فعلا هي دي ادواته
مي : انت عارف لو حد من السحره عرف ان الادوات دي موجوده معاك هيعمل ايه
انا برفع ايدي وبلمس السوار : خليه يفكر بس يقرب مني
في الوقت دا مونيكا كانت راجعه من القصر ونازله على السلم وشافتني
مونيكا : انتو هنا مش تعرفني .... تعالى معايا بسرعه علشان فيه كارثه ....بنروح معاها وبتعرفني على كلام تيريون
انا : طيب احنا لازم نروح لمستر سنو في الحصن حالا
مونيكا : بس تيريون مش موجود علشان ينقلنا
انا : مش هنحتاجه دلوقتي ... انتي هتفضلي هنا ولا هتروحي
مي : خليني اقعد شويه مع مياده
انا : ماشي وخلي بالك من البنات وسمر كويس ... احنا داخلين على حرب
مي : متخفش من حاجه
باخد مونيكا على جنب وبفتح بوابه على حصن فيلن بالخاتم وبدخل انا ومونيكا
مونيكا : انت عملت كدا ازاي ... ( فحكتلها على الادوات )
انا : روحي لتشارلي خليه يجهز الفرقه في الساحه الخلفيه فورا ... بتمشي مونيكا وانا بروح لسنو وبلاقي فاير عنده
انا : ايه الاخبار ياجماعه
سنو : احنا جهزنا كل المحاربين بتوعنا اللي في العالم ...بس مفيش طريقه نجمعهم بيها
انا : ملوش لزوم يتجمعو هنا .... انا عايزك تبعت للمحاربين اللي قريبين من الصين يتجمعو في حصن ( كون لان )
سنو : الحصن القديم ... طب ليه
انا : انا مخلي شخصين يدربو كام محارب هناك ... ودا انسب مكان يتجمعو فيه من غير لفت نظر
سنو : هبلغهم ... وباقي المحاربين
انا : الباقي القريب من امريكا خليهم يروحو القاعده الشرقيه هيلاقو جون مستنيهم
فاير : هو مش جون مات في الالعاب برضه
انا : اه نسيت اعرفك ..لما رميت عليه الرمح تيريون ظهر عنده وخده واختفى
فاير : بس كان فيه ددمم على الرمح وكان فيه جلد محروق كمان
انا : تيريون اللي عمله بقدرات روب
فاير : يعني عايز تقولي ان تيريون هو روب ...تصدق الواد دا بيعرف يمثل
انا : طب مش يلا بينا احنا كمان
وخرجنا للساحه الخلفيه وكان فيها تشارلي ومعاه فرقة من المحاربين اسمها ٥٥٥
انا بصوت عالي : جاهزين يابطال
الكل : جاهزين يافرعون
بعمل بوابه كبيره بالخاتم : الموت للجماعه
الكل بيدخل البوابه : الموت للجماعه
بنطلع من البوابه في منطقة جبلية في البرازيل
انا : هتعسكرو هنا ياتشارلي لحد مانشوف ايه اللي هيحصل
تشارلي : تمام يافرعون
بعمل بوابه تانيه وبدخل فيها انا وفاير وبنروح على روسيا ... بنخرج من البوابه في مكان فاضي في مبنى الاجتماعات وبروح على تيريون
انا : ايه اخر الاخبار
تيريون : المفروض فيه اجتماع حرب دلوقتي ... وهيعملو فيه خطته الهجوم
انا : وعملو ايه في الكام ساعه اللي فاتت
تيريون : لوسي جمعت كل محاربين الجماعه وحشدت الجيش كامل
انا : المشكله دلوقتي لو هجمعت على كل الدول مره واحده
تيريون : لازم نقتلهم قبل مايحصل هجوم ... كدا العالم هيتدمر
انا : هنشوف ايه اللي هيحصل ...يلا بينا
طلعنا غرفة الاجتماعات وبعد شوية الكل حضر
لوسي : جاهزين للحرب
الكل : جاهزين ياملكه
لوسي : الخطه هتكون كالتالي ... هنقسم نفسنا على ٣ فرق .... اول فرقه هتهاجم البرازيل النهارده ... وبكره الفرقتين التانيين هيهاجمو الصين وامريكا
كريستوفر : ومين اللي هيقود الحرب دي
لوسي : داروين بنفسه .... يلا على الحرب
نزلنا تحت في الساحه الاماميه ولقيت حوالي ١٠٠ محارب ووراهم جيش عساكر
لوسي قسمت الجيش والمحاربين ٣ فرق .... وخلت داروين قائد الفرقه الاولى .... والفرقه التانيه قائدهم روب ( تيريون ) ... والفرقه الاخيره هكون انا قائدهم
لوسي : هتاخد الفرقه الاولى وتروح على البرازيل دلوقتي ...يلا اتحرك
داروين : تمام ... وبيركب داروين وفرقته في طياره وبيتوجهو على البرازيل
لوسي : الباقي هيعسكر هنا لبكره ....
بعد كام دقيقه خدت فاير وتيريون على جنب
انا : دلوقتي انتو هتفضلو هنا لحد مارجع وتتابعو كل حاجه بتحصل
فاير : طب ماجي معاك وخلاص
انا : لا خليك علشان لو لوسي سألت عليا تقولها بعته مهمه ولا اي حاجه
تيريون : بس الفرقه اللي موجود في البرازيل مش كفايه
انا : متقلقوش .... يلا سلام ..وفتحت بوابه ودخلت فيها
في حصن الفرعون
مياده : يعني انتي تعرفي كل السحر والقدرات دي ومتقوليش ليا
مي : مكنش ينفع اقولك وقتها .... لما عرفت اني عندي قدرات سحريه كنت طايره من الفرح ... بس عرفت بعدين ان القدرات والسحر عباره عن لعنه بتطارد صاحبها لحد ماتموته
مياده مستغربه : يعني ايه مش فاهمه
مي : يعني هتفضلي طول عمرك تدوري على القوه ومش هتوصلي ليها ... ولو وصلتي يبقى موتك قرب
مياده : بصي انا نازله اشوف الفرق علشان انا مش فاهمه منك حاجه
عندي انا ظهرت في معسكر الفريق في البرازيل .... رحت ليهم وعرفتهم بمكان الهجوم الاول
تشارلي : طب وهنهاجم عليهم بأسلحه ناريه ولا بالقدرات بتعتنا
انا : ولا دا ولا دا ... انتو هتحاربو باسلحه تانيه خالص .... وبلمس السوار اللي صنعته فابيحصل شرخ في الجو
تشارلي برعب : ايه دا
انا : دا عالم الفرعون .... وبتحول لهيئة الفرعون وبطير لجوه الشرخ .... وبعد شويه بطلع ومعايا اسلحه كتير
تشارلي : ايه الاسلحه دي كلها
انا : دي كل الاسلحه الاسطوريه اللي اتنست من زمان ...خد السيف دا
تشارلي : سيف ايه دا
انا : سيف ( إلينديل ) ... سيف حامي الفرعون
تشارلي اول ما بيلمس السيف بيتحول لحامي الفرعون ( جسمه بيتحول لألماس وبيكون صلب لدرجه ان مفيش سلاح ممكن يجرحه غير سيفه )
والفرقه بتاخد باقي الاسلحه وبنستعد لقدوم الفرقه الاولى بقيادة داروين ............
/////////////////////////////////////////////////////////////////////////////////////////////////////////////////
شكرا لكل الناس اللي اتوقعت بالحجات اللي قولت عليها
سلام من الفرعون
/////////////////////////////////////////////////////////////////////////////////////////////////////////////////
الجزء السابع / الهجوم الثلاثي
في حصن الفرعون قبل الهجوم بساعات
مياده بتدرب فرقة دلتا وفرقة الكوماندو وفرقة ألفا على التحركات التكتيكية ... والاستراتيجيات القتاليه
ومي كانت بتعمل تأمل مع مونيكا وفجأة دخلو مع بعض حلم
في الحلم
مونيكا : هو انتي بتستخدمي السحر القديم من امتى
مي : كان دايما بيجيلي رؤيه من وانا صغيره بس مكنتش عارفه دا ايه او ايه اللي بيحصلي ....بس في يوم ظهر ليا في الحلم السحره الزرق
مونيكا برعب : ثلاثي السحر القديم ظهروا ليكي ...طب ازاي ..وليه
مي : كنت ساعتها مكملتش ١٨ سنه وكان السحر بدأ يظهر عندي بطريقه مفاجأه ومكنتش قادره اتحكم فيه ...وفي يوم كنت نايمه وبحلم ان حد بيجري ورايا وعايز يموتني .... فالسحر ظهر وقدرت اتغلب عليه واقتله ...بس لما صحيت اتفاجئت اني كنت هقتل اخويا
مونيكا : هتقتليه ازاي
مي : السحر بتاعي كان ظهر في الواقع ...ولما كنت بصرخ في الحلم علشان حد يلحقني الصراخ دا كان في الواقع برضه ...واخويا سمعني بصرخ وجري عليا وشاف السحر عامل هاله حواليا ...حاول يقومني من الكابوس دا بس مقدرش واول ملمسني ..الهاله مسكته ورفعته في الهوا وكانت هتقتله
مونيكا : هو مش المفروض انه كان محارب قوي ساعتها ويقدر يدافع عن نفسه
مي : في الوقت دا محبش يأذيني وفضل يقول اني هقدر اتحكم في السحر لحد مفوقت على صوته والهاله اتشالت
مونيكا : اومال السحره الزرق ظهرو ليكي ازاي
مي : لما نمت تاني بعدها ...شوفت في الحلم ٣ شهب نازله من السما والنار بتاعت الشهب دي كان لونها ازرق ... ونزلو حواليا زي الدايره بالظبط ... وطلع منهم السحره دول ... وعرفوني ازاي اتحكم في السحر .... وفي اخر مقابله بينا قالولي
فلاش باك في حلم مي
الساحر ايروين : هذا سيكون اخر لقاء بيننا يأم الوريثين
مي : يعني ايه ام الوريثين
ايروين : كان هناك نبؤه من قديم العهد ان امرأه ستكون خليفة السحره الزرق في مصر ... وإنها ستكون ام لوريث رع ... وإم لوريث بست
مي : مين رع دا ومين بست
ايروين : ستعرفي باقي النبؤه في مستقبلك .... هذا قدرك يأم الوريثين
نرجع من الفلاش باك
مي : ولما قالولي كدا صحيت من التأمل ومظهروش ليا تاني
مونيكا : طب والنبؤه كدا متحققتش ..صح
مي : مش عارفه ...انا فعلا بقيت ام وريث رع ... بس لسه معرفش لحد دلوقتي مين هي بست
مونيكا : ومفيش اي علامه ظهرت على سلمى او نور بناتك
مي بقلق : دا اللي مخوفني ...مفيش حاجه ظهرت عليهم ...لما حكيت الكلام دا لخالد والشاذلي قالولي متقلقيش من حاجه ...بس لما الحرب بدأت بينهم وبين الجماعه ظهرت اول علامه على وليد
مونيكا : علامة ايه دي
مي بقلق : علامه مش مهمه دلوقتي ...بس لما ظهرت خالد اتفق مع الشاذلي انهم لازم يبعدوه عن البنات
مونيكا بصدمه : يعني انتو اللي بعدتو وليد بالقصد
مي بزعل : اه احنا عملنا كدا ... ودا ادى ان مفيش علامات ظهرت على البنات طول الوقت دا ...بس دلوقتي
مونيكا ووقفت قدامها : وايه كملي ..عايزه تبعدي وليد عنهم تاني
مي بتبكي : طول ماهما بعاد عن بعض مفيش حاجه هتحصل ... بس اللي حصل في الكام يوم اللي قعدهم معانا في الفيلا حصل كوارث
مونيكا بحقد : انا هخليه يبعد عنكم ... بس اعرفي لما اعمل كدا وليد عمره مهايسمحك ابدا ..... وخرجت من التأمل
مي لنفسها : عجبك اللي حصل دا ... ابني هيبعد عني تاني
نفسها : هو اللي يبعد ولا بناتك يجرلهم حاجه
مي بتبكي : مش هقدر اخليه يبعد تاني
نفسها : العالم كله واقف على حرب ممكن تدمره وانتي بتقولي مش هتقدري تبعديه ....فوقي يامي لبناتك ...فوقي
فعلا بتفوق مي من التأمل وبتطلع برا بتلاقي مونيكا بتكلم مياده .... واول مشافت مي جايه عليها بصت ليها باحتقار وسابت مياده ومشيت
مي : انا ماشيه مروحه
مياده : متقعدي شويه لسه بدري
مي بصدمه : هي مونيكا مقالتش ليكي حاجه
مياده : حاجه ايه ...
مي : اصل قولتلها على حاجه تقولها لوليد .. وخايفه تقولها لأي حد تاني
مياده : متقلقيش مونيكا مبتتكلمش كتير
مي : طب انا مروحه للبنات ....سلام
عند سنو في حصن فيلن
سنو واقف قدام الساحه الاماميه ... وقدامه كل الفرق الخاصه بتاعت الحصن
سنو بالميكروفون : النهارده هتحصل الحرب المنتظهره ... النهارده هيحصل اول هجوم للجماعه على العالم .... الهجوم الاول هيكون في البرازيل .... خط الدفاع هناك هيكون الفرعون مع فرقة واحده بس .... وبعدها هيحصل هجوم على كذا دوله ... ومن الدول دي هتكون فرنسا ... لازم ندافع عن بلدنا ... لازم ندافع قدام جماعة الموت .... الموت للجماعه
الكل بصوت مهيب : الموت للجماعه ...الموت للجماعه
حصن كون لان في الصين
شخص بيدرب ٣٠ محارب ...وبيعمل قتالات بينهم ... لحد مظهر كام محارب عنده
الشخص : انتو مين .... مين اللي بعتكو
محارب ١ : مستر سنو اللي استدعانا للحرب وقالنا نيجي على الحصن القديم
الشخص : وانتو واصلين لفين في القدرات بتعتكو
الشخص من غير ميتكلم شاور للمحاربين اللي معاه وعملو دايره حواليه وظهر خط نور موصل بينهم والمحارب اللي في النص سحب كل خطوط النور ليه ... وطار في الجو معاهم ... ووجهو كل النور بتعهم على جبل قريب ونسفو راسه
الشخص : اوبا ...هو دا الكلام ... دلوقتي هتاخدو نص المحاربين تدربوهم على السحر بتعكم دا والنص التاني هدربهم انا على القتالات الجسديه
القاعده الحربيه الشرقيه في امريكا ....جون وصل للقاعده والحرس وقفوه على البوابه
الحرس : اثبت مكانك .... انت مين
جون : انا المحارب جون تايلر ... وجاي علشان الحرب
الحرس كلم شخص في اللاسلكي وقاله يدخل
الحرس : ادخل مع العسكري دا وهو هيوصلك
مشي جون مع العسكري لحد منزلو خندق تحت الارض ... العسكري دخلو قاعة الاجتماعات ومشي
الجنرال : انت بقى جون
جون : ايوا انا
الجنرال : دلوقتي الفرعون بعت كام فرقة من حصن فيلن ومعاهم ٢٠ محارب .... وبيقول ان انت اللي هتدربهم لحد ماهو يحضر
جون مش مستوعب : عذرا يا سيدي ... بس مين الفرعون اللي بتقول عليه
الجنرال : الفرعون اللي كان معاك في العاب الموت .... محارب وزير اوروبا
جون : بس دا مش اسمه الفرعون .... دا اسمه توم
الجنرال : لا دا كان الفرعون من جماعة الحصن ... ودا هو السبب في هروبك من جماعة العنقاء
جون : اسف ياسيدي على كلامي اللي فات ... وانا مدين للفرعون بحياتي ...بس ممكن اعرف صديقي توم فين
الجنرال : موجود بامان في حصن فيلن
جون : طيب انا عايز ابدأ تدريب الفرق
الجنرال : الكابتن روجرز هيعرفك بكل حاجه
الكابتن روجرز بياخد جون وبيطلع لساحات التدريب .... جون بيلاقي فرق كتير في الساحه
جون : ايه كل دا ... هم عددهم كام ومعاهم كام محارب
الكابتن : دول عددهم ١٠٠ ومعاهم حوالي ٢٠ محارب بس ومنتظرين الدعم من الفرعون
جون : طيب كويس علشان عدد المحاربين صغير ... وبدأ التدريب
عندي انا في البرازيل
انا : لازم نتحرك على المطار السري حالا علشان داروين قدامه ساعه للهبوط
تشارلي : بس احنا عددنا صغير أوي قدامهم
انا : احنا معانا عنصر المفاجأة ... دا غير الاسلحه الاسطوريه دي ... جاهزين يأبطال
الكل : جاهزين يافرعون
بعمل بوابه للمطار وبندخل فيها كلنا .... بنظهر في منطقه مخفيه جوه المطار
انا : عايز كل ٤ مع بعض في الهجوم ... وكل فريق يكون على بعد ١٠ متر من الفريق التاني
تشارلي : والتوزيع بتاع المحاربين ايه
انا : فاير هيكون معاه ٥ عساكر في الجناح اليمين .... تشارلي هيكون معاه ٥ عساكر في الجناح الشمال
تشارلي : والباقي
انا : باقي المحاربين هيتوزعو في الفرق الصغيره على طول المطار
فاير : بس كدا انت هتكون لوحدك
انا : انا مش هكون لوحدي .... انا هكون الطعم اللي هيشدهم للهجوم ..وكدا الافضليه هتكون لينا
فاير : بس كدا خطر عليك يافرعون
انا : دا أمر ...يلا الكل يروح لمكانه .... وروحت لنص المدرج ورسمت خط عليه بالعرض
فاير : ايه الخط دا
انا : اول مايوصلو للخط دا .... هعمل ليكو اشاره بالهجوم
فاير : وايه هي الاشاره
انا بابتسامه : هتعرفوها كويس
بيعدي ساعه وبيظهر ٣ طيارات كبيره في الجو وبتهبط على المدرج ... الطيارات بتفتح من ورا وبينزل منها عربيات كتير محمله عساكر ... وبيمشي جنب كل عربيه ٣ محاربين
ظهرت انا في اخر المدرج و كل العربيات جايه عليا
محارب من الجماعه : هو مين دا .... يا قائد داروين ..نهاجم عليه ولا ايه
داروين بيطلع راسه من العربيه وبيبص بالمنظار
داروين بيفتكر : دا ... مش فاكر كويس مين دا .... اهجمو عليه وخلاص
اول مقال كدا ...عربيه زودت السرعه وطلع منها واحد بالرشاش وحط فيه شريط الرصاص وبدأ يضرب عليا
في الوقت دا مكنتش عايز اظهر قوتي خالص علشان كل العربيات تسيب التشكيل الدفاعي بتاعها وتهاجم عليا .... مسكت درع ضد الرصاص وفضلت واقف مكاني
داروين شايف كدا بالمنظار : خلي ٥ عربيات تهاجم عليه كمان ... وفعلا فيه ٥ عربيات زودت السرعه وبدأت تهاجم كمان
في الوقت دا لاحظت انهم عدوا الخط اللي رسمته ... طلعت بوق ونفخت فيه وعمل صوت مهيب جدا والكل سمعه
فاير : اشارة الهجوم بدأت .... هجوم
وظهر كل الفرق الصغيره من جناب المدرج وبدأو يضربو نار على العربيات وفيه كام عربيه اتفجرو
اول ما المحاربين شافو كدا عملو درع حوالين العربيات وركبو معاهم .... بدأو يطلعو الاسلحه بتعتهم ويضربو علينا
المحاربين بتوعي طلعو الاسلحه الاسطوريه وبدأو يضربو عليهم .... وركزو كل الضرب على الدرع الاول وحصل انفجار كبير جدا دمر الدرع والعربيات اللي جواه
عند داروين والعربيات اللي حواليه
داروين : كلم القياده بسرعه وقولهم ان حصل هجوم علينا
العسكري : بحاول اكلمهم بس مفيش اشاره خالص ... دول دمرو كل ابراج الاتصال ومفيش طريقه للتواصل
داروين بصوت عالي : اعملو درع كبير وجهزو نفسكم للانسحاب
في الوقت دا ظهر وراهم تشارلي وفاير والمحاربين اللي معاهم وبدأو الضرب من ورا ... بس الدرع اللي على داروين كان منيع
عندي انا كنت شايف كل العربيات اللي بعيده عن داروين اتدمرت تماما ... وفاضل العربيات اللي قريبه منه
اتحولت للفرعون ومسكت السلاح بتاعي والغضب سيطر عليا والهاله السودا كبرت جدا وجسمي طلع نار وبدأت اجري والجناحات ظهرت وطرت في الجو وفضلت ألف السلسله ... والمنجل طلع نار زياده
فاير لما شافني في الوقت دا امر كل العساكر بتعتي بالرجوع وتشارلي عمل درع كبير بأداه انا اديتهاله
داروين لما شافني طاير في السماء امر كل المحاربين بزياده الدرع وهو عمل معاهم درع .... وبص عليا تاني شاف الموت جاي عليه ...وفيه عساكر ومحاربين من بتوعه فقدو الوعي من الخوف
عندي وانا طاير في السماء وبلف السلاح بقوه خياليه .... بفتكر خالي وكل ايامي معاه ... وكل حاجه هو عملها معايا ...وكل التضحيات اللي عملها معايا
ركزت كل الغضب بتاعي ونزلت بالسلاح زي النيزك عليهم ....وحصل انفجار كبير جدا ...طلع نور كبير خلى الكل يحط ايديهم على عنيهم من قوته
ولما النور هدي واختفى .... تشارلي شال الدرع وجريو عليا ...لقوني نايم في وسط حفره عملاقه ومفيش اثر لحد من عساكر ومحاربين داروين .... تشارلي نط في الحفره وحاول يصحيني
فلاش باك صغير ... قبل مانزل عليهم بالسلاح لمست السوار اللي عملته وحصل شرخ في الزمكان تحت داروين وجنوده .... واول مالسلاح لمس الشرخ حصل الانفجار وكل حاجه داخل الدرع دخلت جوه الشرخ دا
عندي انا ورع بين العوالم
رع : واستفدت بايه من اللي حصل واللي لسه هتعمله
انا : النار اللي في قلبي هتهدى ... وبعد ازنك متدخلش
رع : براحتك بس خلي بالك علشان المحظور ممكن يحصل
انا بدأت اقول تعويذه فتحت باب العالم السفلي و لمست السوار تاني وطلع من الشرخ داروين وجنوده ودخلو العالم السفلي ...وقفلت بابه
في الوقت دا في مكان ما في العالم الحقيقي ... بيصحى شخص ما بشرقه ولون عينه متغير
الشخص بضحكه عاليه : اخيرا اتحررت
نرجع عند تشارلي وفاير
تشارلي شالني من الحفره وطلعني بره على المدرج وفضل يحاول يصحيني
فاير : متحولش كتير هو هيصحى لوحده
تشارلي : انت دلوقتي المفروض ترجع للجماعه حالا علشان لوسي متحسش بحاجه
فاير : انا هكلم تيريون واخليه ياخدني
...وفعلا كلمه وجه خده ... ولما رجعو لقو لوسي بعتت الفريق التالت على الصين
في الوقت دا ... تيريون اتصل على الشخص اللي في الحصن القديم
تيريون : استعدو ... الهجوم بتاع الجماعه جاي عليكم حالا
الشخص : احنا مستعدين ... اخبار هجوم البرازيل ايه
تيريون : قدرو يصدوا الهجوم وموتو داروين
الشخص : كويس اوي ...الاخبار دي هتدينا معنويات عاليه
الشخص دخل لغرفه الاجتماعات في الحصن القديم
الشخص : جاهزه يابطله
كيرا : جاهزه يأحمد
وخدو بعضهم وطلعو للساحه وكان فيها كل المحاربين القدامى والجدد
احمد بصوت عالي : الفرعون قدر يصد هجوم الجماعه الاول على البرازيل ... وموتهم كلهم
الكل بفرح : عاش الفرعون ..عاش الفرعون
كيرا : دلوقتي دورنا يأبطال ندافع عن بلدنا .... جاهزين يأبطال
الكل : الموت للجماعه ..الموت للجماعه
عند الفرقه التالته من الجماعه ....
محارب ١ : احنا جاتلنا معلومات بوجود محاربين في الحصن القديم
القائد : وايه يعني هنخاف .... اتوجه بالطيارات على المدرج القديم
وفعلا بيهبطو بالطيارات على بعد كام كيلو من الحصن القديم ... وبينزلو من الطيارات وبيركبو العربيات العسكريه بتعتهم ...والمحاربين بيطيرو جنبهم
عند الحصن القديم ...احمد واقف هو وكيرا على برج عالي
كيرا : الحصن مش هيصمد لو هجموا علينا
احمد : هناجمهم الاول ..وبيلف وشه للساحه .... استعدوا للحرب
عند قائد الفرقه التالته ... وقف مره واحده ..ورفع ايده للسماء وطلع دخان اسود كتير ... والدخان اتشكل في هيئة وحوش
القائد : هجووووم
الحصن القديم
اول ما المحاربين القدامى شافو الوحوش جايه عليهم ... عملو دايره كبيره ...وفيه نور طلع منهم وربطهم ببعض ...واترفعو في الهواء .... والمحارب الاول فضل على الارض ... وفيه برق نزل عليهم وفضل يمدهم بالطاقه
المحارب الاول بيشد منهم الطاقه : عايز اكتر ...عايز اكتر
والبرق بقى يضربهم اكتر ..والمحاربين صامدين بالعافيه
المحارب الاول : ايها النور .. احم الحصن الذي لم يسقط من قبل ... احم الحصن القديييييييم
ورفع ايده لفوق ونزل عليه برق بسرعة الضوء .... وحصل موجة انفجار كبيره قدامه ..فضلت تفجر كل الوحوش ...
والمحاربين مبقوش قادرين يسحبو طاقه من البرق بس فضلو صامدين .... والمحارب الاول فضل يضرب البرق على الوحوش لحد مفجرهم كلهم
في الوقت دا محارب منهم البرق اخترق صدره ونزل ميت ... بس باقي المحاربين فضلو صامدين
المحارب الاول : ايها النور .... دمر العدو الازلي ... دمر الظلام .... وحصل انفجار كبير جدا قدامه ودمر معظم محاربين الفرقه التالته
بس للأسف المحارب الاول مكنش عارف يسيب البرق وفضل ياكل فيهم لحد ماموتهم
احمد وكيرا اول ماشافو كدا : هجووووووم
وجري كل المحاربين بتوع الحصن القديم على اللي باقي من الفرقه التالته
واحد من الفرقه التالته طلع رشاش رصاص وفضل يضرب على احمد ... بس احمد زي ماعرفين جسمه صلب .... طار في الجو ونزل على العربيه فرتكها والعربيه اتفجرت
كيرا رفعت ايدها في الجو ...وسحبت النار بتاعة العربيه اللي اتفجرت ... وعملت بيها كور كتير ..وفضلت تضرب بيها الفرقه التالته
وباقي محاربين الحصن حاوطو قائد الفرقه التالته ... وكل واحد منهم طلع السلاح بتاعه ووجهو عليه وفضلو يضربو فيه لحد ما إتبخر
كيرا بفرح : النصر
الكل : النصر
عند تيريون ...كان راكب طياره ومتوجه ناحية امريكا
تيريون في التليفون : جهز المحاربين والجيش عندك .... الفريق التاني قدامه ساعه ويكون عندك
جون : تمام ...
عندي انا ورع ... بعد مدخلت داروين وجنوده العالم السفلي وقفلت الباب
رع : تفتكر ان دا انسب حل
انا : اه انسب حل .... خلي انوبيس ياكلهم جوه
رع : دا هيعمل منهم فراخ مشويه .... دلوقتي هتعمل ايه في اللي باقي
انا : لازم ارجع لوسي للعالم السفلي وإلا ممكن تظهر تاني
رع : عندك حق ...انا لما كسبتها زمان ( اللي كانت بست ) غلطت لما قتلتها
انا : ودا السبب اني عملت السوار دا
رع : تصدق انا عمري مفكرت استخدم حاجه زي السوار دا
انا : ولسه اللي جاي ..انت شوفت حاجه
ورجعت تاني للواقع وفوقت بشرقه ولقيت تشارلي بيحاول يصحيني
تشارلي خدني في حضنه ولقيته بيبكي : اخيرا صحيت ياخويا
انا : مالك ياض بتعيط ليه
تشارلي : انا بحسبك موت لما الانفجار حصل ...ولما شوفت جسمك بعد الانفجار فضلت ارقص من الفرحه
انا : ماشي ياخويا ...هو ايه اللي حصل هنا
تشارلي : لما شوفتك بتتحول ...خدت كل الفرقه بتعتنا وعملت درع بالأداه دي ( اداه من الادوات السحريه ٩ )
انا : كويس اني ادتهالك
تشارلي : ايه بقى اللي حصل عندك ... وداروين واللي معاه راحو فين
انا : دخلتهم العالم السفلي ... زمان انوبيس بياكل فخادهم دلوقتي 😂😂
تشارلي : تصدق دا احسن من ان كنا موتناهم ...خليهم يشوفو معنا التعذيب الاصلي
انا : يلا بينا على حصن فيلن
تشارلي : يلا بينا .... وعملت بوابه ورحنا على حصن فيلن
في حصن فيلن
دخلنا والنصر باين في وشنا ...وكل الجنود اللي موجودين في الحصن فرحو هم كمان
طلعت لمستر سنو وكان بيكلم كيرا واحمد على الشاشه الكبيره
انا : ايه الاخبار عندكو يجماعه
كيرا بفرحه : كسبنا يفرعون ...كسبنا وقدرنا نقتلهم كلهم
انا : يعني المساعده اللي بعتها وصلت ليكو
احمد بحزن : هم اللي ادونا فرصه للفوز ...بس الفرصه دي كانت حياتهم
انا بزعل : عاشو محاربين وماتو ابطال .... بس دلوقتي مش وقت الحزن ...احنا لسه في حرب ....وعملت بوابه ورحت ليهم
في الحصن القديم
ظهرت عندهم في وسط الساحه ... وكانو دفنو المحاربين القدامى في وسط الحصن
انا : كويس انكو عملتو كدا
احمد : دي اقل حاجه نعملها للأبطال
وبعد شويه كلام عملت بوابه ورجعتهم لحصن فيلن
القاعده الحربيه الشرقيه في امريكا
جون : دول على وصول ...لازم نطلع حالا
الجنرال : خلي الدفاع الجوي يضربهم الاول
جون : بس دول معاهم محاربين ... والقدرات بتعتهم هتمنع الصواريخ للوصول ليهم
الجنرال : يعني انت شايف ايه
جون : لازم نخرج كل الجنود والمحاربين في الساحه فورا ... وتيريون قالي انو هيهبط بالطيارات على المدرج الخلفي
الجنرال : طب نفذ يلا
عند تيريون في الطيارات .... امر الطيارين بالهبوط في القاعده
الطيار : بس كدا ممكن الدفاع الجوي يوقعنا
روب ( تيريون ) : احنا معانا محاربين هنا يصدوا أي هجوم وبعدين نفذ الامر
وفعلا هبطو بالطيارات ونزلو في الساحه الخلفيه ولقو عساكر الجيش محاوطاهم من كل اتجاه
روب بخبث : هجوووووم
فعلا كل الفرقه التانيه بتاعت الجماعه بدأت تهاجم ... وفيه محارب منهم عمل وحوش كتير جدا بالظل
عند جون في اخر المدرج
جون فضل يلف درعاته يمين وشمال .... وفيه نار بتلف حواليه ... ومره واحده ظهرت مايه من وراه .... وهو غضبان كل ما يفتكر انو كان عضو في الجماعه
وجري على الفرقه التانيه وعمل هجمات كتير بالنار و الميه .... وعساكر الجيش الامريكي بتضرب عليهم رصاص ...والفرقه التانيه اتحاصرت في النص
ولكن مره واحد ظهر شخص في اقصى السما من فوق وحجب اشعة الشمس على القاعده .... والكل وقف قتال وبص عليه
وكنت انا اللي ظهرت فوق ... وطلعت السلاح بتاعي ونزلت بيه عليهم كأني نيزك هيدمر الارض
تيريون في الوقت دا اختفى وبعد عن الفرقه التانيه ... وعساكر الجيش فضلت تضرب عليهم من اليمين ... وجون وباقي المحاربين بيضربو عليهم من الشمال واتحاصروا في النص
وانا كنت لمست السوار وحصل شرخ تحتهم ونزلت بالسلاح عليهم وحصل انفجار زي بتاع البرازيل وخدتهم على العالم السفلي
بعد ما الانفجار اختفى ...جون فضل يبص برعب على اللي حصل وتيريون ظهر جنبه
تيريون : مالك اتشليت ولا ايه
جون كان لسه هيهاجم عليه علشان بيفكره روب
تيريون بسرعه : انا تيريون ...انا مع الفرعون
جون : هو دا بقى الفرعون
تيريون : اه هو
جون : دا قوته اسطوريه .... انا مشفتش كدا في حياتي
تيريون : ولا هتشوف
في الوقت دا ظهرت عندهم
انا : بتتكلمو في ايه
جون نزل على رجله ( زي التحيه كدا ) : انا ممتن جدا ليك يافرعون على اللي عملته معايا ... وهضحي بحياتي علشانك
انا وقفته تاني : انت عارف لما شوفت ذكرياتك من دماغ توم ... عرفت انكو معملتوش حاجه برضاكو ... وساعتها قررت اساعدك انت وتوم
جون : وانا لو قضيت حياتي كلها اسدد ديني دا مش هعرف
انا : وانا مسامحك في الدين دا .... انا عايزك تشوف زوجتك وبناتك وترعاهم ....روح ياجون لعيلتك
وفعلا جون بيمشي وانا بروح للجنرال
انا : اتأخرت عليكو ولا ايه
الجنرال خدني في حضنه : اتأخرت ايه بس ... المساعده اللي بعتها دي هتفضل دين في رقبتي طول العمر
انا : هو احنا بينا الكلام دا ... دا احنا عشره ياجنرال
الجنرال : جبت حق خالك
انا : جبته ... بس لسه حق ابويا .... سلام ياجنرال
وبعمل بوابه وباخد تيريون وباقي العساكر بتوعي وبروح لحصن فيلن .... وبعدها بعمل بوابه وبروح للجماعه تاني
عند حصن الفرعون
مياده بتدرب الفرق كلها ... وسمعت صوت انذار ان في حد دخل الحصن ...فابتجري هي والفرق علشان تشوف مين اللي دخل لقت واحد ومعاه بنتين وولدين
مياده : انت مين وايه اللي عرفك بالمكان دا
الشخص : انتي اللي مين وازاي تدخلي حصن الفرعون كدا ... هو مين اللي هنا من فرقة الفرعون
مياده بتستعد للهجوم والشخص التاني كمان ...بس مونيكا لحقت الكارثه قبل ماتحصل
مونيكا : هو فيه ايه يا مياده
مياده : مين الشخص دا وازاي يدخل كدا
الشخص : انا كل دا ساكت يامونيكا ومش عايز اتكلم
مياده : انتي تعرفيه
مونيكا : طبعا اعرفه .. دا الفهد ودي فرقته
مياده : انت الفهد ... انت اللي بتخلص مهمات قسم ألفا في السر
الفهد بضحك : اه احنا الفرقه دي ... احب اعرفك بفرقتي
انا اسمي الفهد عندي ٢٢ سنه
هيلا اقرب حد ليا وعندها ٢٢ سنه
ايزابيلا ٢١ سنه ......فرانسيسكو ٢١ سنه
الفهد : هي دي فرقتي
لوكاس بص ليه : ايه ياسطى ...وانا رحت فين
الفهد : معلش مختش بالي ...قولي اسمك تاني كدا
لوكاس بغضب : متخلص يعم ..كدا هياخدوا فكره وحشه عني
الفهد : خلاص يعم ...دا لوكس ٢١ سنه ارخم واحد في الفرقه
لوكس : طالما هتقل ادبك انا نازل انام ...سلام
مياده بتكلم مونيكا بهمس : مين المجانين دول
مونيكا : دول كانو معانا في حصن فيلن ... دول المفروض اللي كانو هيسيطرو على الحصن لحد ما الفرعون ظهر وخد مكانه
الفهد سمعهم : بس احب اقولك اني سبت مكاني للفرعون بقصدي علشان هو اخويا
مونيكا : ولا علشان بيكسبك في كل حاجه
الفهد بخبث : هنشوف لما ييجي هنا مين اللي هيكسب التاني ... وسبهم ونزل هو كمان
مقر جماعة العنقاء
لوسي كانت عامله اجتماع طارئ والكل حضر
لوسي : هو ازاي مفيش اخبار لحد دلوقتي من الفرق التلاته ... دا حتى داروين مردش على اتصالاتي
سيزار ( فاير ) : ممكن منتظرين وقت معين ويكلموكي
لوسي : ادينا منتظرين .... قدامهم ساعه واحده وإلا هضرب الدول دي بالنووي
انا اتكلمت ولأول مره : بس كدا ممكن تقتلي كل رجالتك هناك
لوسي بصتلي كدا بكبر : حد قالك تتكلم ...انت هنا مجرد قائد لفرقه مش اكتر .... وبعدين انت كنت فين لما أمرت الفرقه التانيه بالهجوم على الصين
سيزار اتدخل بسرعه : اسف يازعيمه .. انا كنت امرته بمهمه سريعه في لندن
لوسي : ومش أمرت حد تاني ليه
سيزار : علشان هو المحارب بتاعي ... وكان مخطط للمهمه دي من زمان
لوسي : طيب ... متتكررش تاني
انا : امرك يازعيمه
وبعد مرور ساعه
لوسي : وقتهم خلص ..... حات شنطة تفعيل الصواريخ النوويه
////////////////////////////////////////////////////////////////////////////////////////////////////////////////////
عايزكو تتوقعو مين الشخص اللي لون عينه اتغير وقال اخيرا اتحررت
سلام من الفرعون
////////////////////////////////////////////////////////////////////////////////////////////////////////////////////
how you doing 😋
الجزء الثامن / معركة ڤيلن
لوسي : كدا وقتهم خلص معايا .... حات شنطة تفعيل الصواريخ النوويه
سيزار بيتدخل بسرعه : احنا ممكن نكمل هجوم على باقي الدول لحد ما أخبار الفرق التلاته تظهر
لوسي : لو كانو نجحوا في الهجوم كنا عرفنا
سيزار : حتى لو فشلوا فدا مش معناه اننا نوقف الحرب على باقي الدول
اماندا ( وزيرة اسيا ) : سيزار كلامه صح يامولاتي .... احنا ممكن نهاجم بكامل قوتنا على باريس
نيوكولس ( وزير أفريقيا ) : احنا فعلا غلطنا لما فرقنا القوات بتعتنا .... لازم نجمع كل المحاربين بتوعنا ونهاجم منطقه واحده وكدا مش هيقدروا يصدوا الهجوم
لوسي بتفكر : قدامكوا ساعه واحده تعملوا خطة هجوم على باريس .... ومشيت لوسي وقعدنا نفكر
نيوكولس : احنا هنجمع كل المحاربين ونعمل هجوم مباشر ومركز في نقطه واحده
اماندا : لا كدا غلط .... لو حصل هجوم عليهم ممكن يموتوا كلهم مره واحده
نيوكولس : ما احنا مش عايزين نفرقهم تاني
اماندا : مين قال اننا هنفرقهم .... احنا هنقسمهم ٤ فرق ...وكل فرقه هتهاجم من اتجاه ...وكدا هنحاصر اي قوات هنقابلها في فرنسا
نيوكولس : ساكت ليه ياسيزار ....مش انت وزير اوروبا .. وعارف مكان القوات اللي فيها
انا بتدخل : احنا فعلا عارفين تمركز القوات العسكريه في فرنسا ...بس دا مش معناه ان احنا عارفين اماكن المحاربين
سيزار : وبرضه مش عارفين مكان حصن ڤيلن ...ولو عملنا هجوم على باريس فأكيد الحصن هيتدخل
اماندا : وعلشان كدا هنجمع كل القوات بتعتنا ...دي فرصتنا علشان نخلص من سنو وكل اللي معاه
سيزار : طب وإيه الخطه بقى
نيوكولس : هنقسم نفسنا ٤ فرق زي ما أماندا قالت ... توم ( اللي هو انا ) والفرقه بتعته هيهجموا من الشمال ... روب ( اللي هو تيريون ) والفرقه اللي معاه هتهاجم من الشرق ... انا واماندا هناخد فرقه ونهاجم من الغرب .... واخر فرقه هتكون مسؤوليتك يا سيزار وهتهاجم من الجنوب
انا بصيت لسيزار ( فاير ) وابتسمت بفرحه : دي خطه كويسه جدا
سيزار فهم قصدي : اه ... طبعا خطه ممتازه
اماندا : طيب تعالو نقسم المحاربين اللي بره لحد ما الزعيمه ترجع ...طلعنا كلنا في الساحه الخلفيه اللي فيها باقي جيش الجماعه
في حصن الفرعون
مونيكا ومياده بيتدربوا سوا على ضرب النار بالاسلحه
مياده : تفتكري الهجوم اللي على مصر هيكون امتى
مونيكا : اللي اعرفه لحد دلوقتي هيكون بعد الهجوم على باريس
مياده : تفتكري الجماعه ممكن تكسب الحرب هناك
مونيكا وقفت ضرب نار وبصت ليها : انتي عارفها احنا منتظرين الهجوم بتاعهم دا من امتى ....
مياده : ايه الثقه دي ...ما ممكن يكسبوا عادي
مونيكا : حتى الاحتمال مالوش قيمه عندنا ... احنا بنحارب علشان مبدأ ... احنا منتظرين الحرب دي من زمان ...وفيه محاربين في الحصن منتظرين بقالهم سنيييين ...
مياده : يااه من زمان اوي كدا ...انا عارفه ان كان فيه حرب بينهم زمان بس مش للدرجه دي
مونيكا : واكتر كمان ... احنا مش هنسيب فيهم حد عايش ...حتى لو ركع تحت رجلينا ...ودا قسمنا كلنا
مياده مستغربه : قسم ازاي
مونيكا : من اول مدخلنا الحصن وكل واحد مننا عنده تار مع الجماعه ... واول واحد قسم على العهد كان وليد
مياده : وانتي بقا عندك تار معاهم ...طب ايه اللي حصل
مونيكا بتمسك الرشاش بغضب وفضلت تضرب نار على اهداف التدريب ....
مياده : اهدي يامونيكا ... يامونيكا اهدي ... ايه اللي حصل
مونيكا من كتر الغضب مكنتش سامعه حاجه ..... الفهد دخل عندهم غرفة التدريب بسبب صوت ضرب النار
الفهد : ايه اللي حصل ...مونيكا مالها
مياده : مش عارفه ..احنا كنا بنتكلم وفجأة دا حصل
الفهد راح من وارها بسرعه ونتش السلاح منها ...مونيكا مكنتش شايفه من الغضب فمسكت الفهد ورمته داخل الساحه
الفهد قام بسرعه لقى سهم ناري جاي عليه ...اتفاداه بصعوبه لقى مونيكا داخله الساحه ومعاه القوس والسهام الناريه
الفهد بيحاول يتواصل مع مونيكا بالعقل : مونيكا ..انا عارف انك مش متحكمه في جسمك ... عايزك تسمعيني كويس
مونيكا غضبت زياده ورمت ٣ سهام عليه ... الفهد لغى التواصل وجري بالسرعه القصوى بتعته بس فيه سهم رشق في دراعه
الفهد سحبه بسرعه واتحول لهيئة المحارب ( قدرات الفهد ...السرعه العاليه ... الدرع الصلب ... مخالب الفهد ... التواصل باستخدام العقل ..وحجات تانيه هنعرفهم قدام )
الفهد لمياده : حاولي تحمي جسمي لحد مارجع ...وحاول يتواصل مع مونيكا تاني ودخل جوه راسها
مياده جريت بسرعه عند جسم الفهد وفضلت تدافع عنه من سهام مونيكا الناريه
داخل راس مونيكا
الفهد ظهر جوه عالم مونيكا الخاص وكان عباره عن ارض كبييييره جدا والظلام مغطيها ... وفيه ضوء جاي من بعيد
الفهد استخدم سرعته وجري على الضوء ....وصل الفهد عند الضوء ولقى قصر كبير وكله ألوان وشكله جميل جدا
دخل الفهد لجنينة القصر لقى ورد وزهور في كل مكان وريحة المكان جميله .... وسمع صوت ضحك ***** جاي من ورا القصر
جري الفهد على هناك لقى بنت صغيره بتلعب مع ولدين على مرجيحه .... وفيه سعاده على وشهم ... وجنبهم فيه واحده ست جميله قاعده مع راجل شيك جدا .... راح الفهد عندهم ووقف للحظات
البنت نزلت من المرجيحه وراحت ناحية الست ومعاها الولدين ... واللي يشوفهم يعرف قد ايه انهم عائله سعيده
الفهد سمع صوت عياط جاي من بلكونة القصر ...بص الفهد على فوق لقى مونيكا واقفه هناك وبتعيط بحرقه ...جري الفهد عليها ووصل هناك
الفهد : انتي كدا مبسوطه يامونيكا
مونيكا بصت ليه : ماليش ذكرى احسن منها
الفهد : طب وايه الاحسن ..انك تجيبي حقهم ولا تعيطي على اللي فات
مونيكا : مش قادره انسى ... مش قادره اسيبهم وامشي
الفهد راح وخدها في حضنه : وانا مش بقولك تنسيهم او حتى تسبيهم ... بس خليهم يرتاحوا ...انتي كدا مفكره انهم مرتاحين
مونيكا : طب اعمل ايه
الفهد : اول حاجه لازم تنهي عالم الظلام دا ... لازم تسبيهم يرتاحوا
مونيكا : بس دي الذكرى الوحيده اللي فاكراها ليهم قبل اللي حصل
الفهد : طول ماهما في قلبك مش هتنسيهم ... يلا بقى زمانك قتلتي مياده برا
مونيكا : يلهوي ..انا بحارب مياده ..طيب يلا بينا بسرعه
فاق الفهد بسرعه وطلع من عقل مونيكا ...لقى مياده متخرشمه بس لسه واقفه قدام جسمه وبتدافع عنه
مونيكا فاقت هي كمان ولقت نفسها بتحط القوس على ضهرها وبتطلع سيف ناري لأول مره
مياده لما شافت السيف الناري في أيد مونيكا ..جريت بسرعه وجابت سيف تدريب ورجعت مكانها تاني
الفهد مسك مياده من ضهرها ...بس مياده لفت بسرعه وضربته بالسيف ...بس لحسن الحظ الفهد كان لابس الدرع
الفهد : ايه يمياده اهدي ...دا انا ..ومونيكا فاقت خلاص
مياده اول ماشفته نزلت على ركبها من التعب : اخيرا ...واغمى عليها ....شالها الفهد بسرعه وراح على قسم المستشفى بتاع الحصن
في قصر مي
نور : يماما اسمعيني بس
مي : لا ينور مش هتروحي
نور : يماما وليد وعدني انه هو اللي هيخدني هناك ...انتي بقى مش عايزاني اروح ليه
مي : هو لما يجي ابقى روحي معاه ...غير كدا مش هتروحي هناك
نور : بس دا اكتر مكان أمان لينا لو حصل هجوم على مصر ... المفروض يعني محدش عارف مكان الحصن دا غير ناس قليله
مي : لو حصل هجوم او احتى حرب انا هوديكم بنفسي هناك غير كدا مش هتروحي هناك من غيري
نور : طب ماتيجي معايا ...اظن ملكيش حجه تانيه
مي بقلق : طيب خليها بكره
نور : لا هنروح دلوقتي ...يلا بينا
وفعلا مي خدت نور ومشيوا على حصن الفرعون
عند الروح اللي اتحررت في الجزء اللي فات
الشخصيه واقفه وسط الصحراء وفتحت بوابه سودا وشكلها مرعب ... وظهر مجموعه من الفرسان الاشباح جايه من بعيد جوه البوابه ...وخرج منها قائد الفرسان ( نازغول )
نازغول بصوت شبه الموت : اهلا بعودتك ياسيدي
عند الجماعه في قاعة الاجتماعات
لوسي بتدخل القاعه تاني وبتقعد على الكرسي والكل قعد
لوسي : عملتوا خطة الهجوم
نيوكولس : طبعا يامولاتي ... الخطه هتكون ... وقالها على الخطه اللي اتفقنا عليها
لوسي : اعتقد ان الخطه دي ممكن تنجح فعلا .... طيب يلا استعدوا كويس علشان الهجوم هيكون بكره
الكل : تمام يازعيمه
نزلنا كلنا للساحه الخلفيه وقسمنا الجيش كله لأربع فرق ...ووزعنا عليهم المحاربين بالتساوي ... وكل قائد خد الفريق بتاعه وعسكر في منطقه
في الليل اتجمعنا كلنا علشان نعمل استراتيجية الهجوم ... بعد مخلصنا خدت تيريون على جنب
انا : هتاخد الورق دا وتروح تسلمه لسنو بسرعه وترجع في اقل من ثانيه
تيريون باستغراب : طيب ماقعد معاه واعرفه خطة الهجوم كامله
انا : اسمع الكلام بس ومتتكلمش في حاجه معاه خالص
تيريون : امرك يافرعون ....واختفى تيريون وظهر بعدها بكام ثانيه
انا : عملت ايه
تيريون : اديت ليه الورق وملحقتش حتى اقوله دا ورق ايه
انا : كويس اوي ....انا كدا كدا كاتب كل حاجه في الورق دا
تيريون : مكنت فهمته انا كل حاجه وخلاص
انا : مكنش ينفع ...روح انت على الفرقه بتاعتك دلوقتي وهتفهم بعدين
تيريون باستغراب : تمام يفرعون .... ومشي على فرقته
عند سنو في حصن ڤيلن
سنو استدعى كل قادة الفرق بتوعه في مقر الاجتماعات
سنو : خطة الهجوم بتاعة الجماعه جتلي من تيريون ... وشكل كدا فيه حاجه غلط هتحصل
تشارلي : غلط ازاي
سنو : الفرعون كاتب تحذير ان فيه حاجه كبيره هتحصل بس مش عارفها لسه
قائد ٣ : يعني ايه مش عارفها ... هو مش جايب الخطه كامله ولا ايه
سنو : هي الخطه كامله ...بس الفرعون قايل منعتمدش عليها وإلا هنخسر
تشارلي : طب وإيه العمل
سنو : انا هبعت لكام فرقه كمان تيجي دلوقتي ... وهنوزع نفسنا نصين ...نص هيمشي على خطة الهجوم بتعتهم ...والنص التاني دعم
تشارلي : بس كدا
سنو بيقاطعه : لحد ما الفرعون يجيب المعلومات الباقيه
الكل : تمام ياقائد .... ومشيو على الفرق بتعتهم
عند حصن الفرعون
بتوصل نور ومي الحصن وبينزلوا تحت بيلاقوا مونيكا بتدرب لوحدها
مي : ايه يامونيكا ....فين باقي الناس
مونيكا : دلوقتي معاد راحه الفرق .... ومياده في المستشفى
مي بقلق : ايه اللي حصل ....فمونيكا حكت ليها اللي حصل
مي : طب انا هروح ليها ....خليكي هنا يانور
راحت مي على قسم المستشفى ولقت الفهد واقف بيعلق محاليل لمياده
مي : انت مين
الفهد : هو كل اللي يشوفني يقول انت مين .... بعدين مش وقت تعارف ...لازم اعلق ليها المحاليل بسرعه
مي : طب ابعد انت ...وراحت عند مياده وفضلت تقول بصوت واطي تعويذه قديمه ... و الجروح اللي في جسم مياده بدأت تلم تاني بس مياده لسه نايمه
الفهد بصدمه : انتي مين ....اوعي تقولي انك الساحره القرمزيه
مي : ملكش دعوه انا مين .... واياك تقول لاي حد باللي حصل
الفهد : طب انتي مين
مي : انا ام وليد واسمي مي ...ودا اللي محتاج تعرفه وبس
الفهد : طيب تمام ....
عند مونيكا ونور
نور واقفه مصدومه من جمال الحصن وحجمه الكبير
مونيكا : انتي هتفضلي مصدومه كدا
نور : هو وليد عمل المبنى دا ازاي
مونيكا : مش وليد بس اللي بنا المبنى .... دا كان وليد وخاله ومعاه ناس تانيه من الحصن الكبير
نور : بس برضه ...مبنى بالحجم دا ومحدش يعرف عنه حاجه
مونيكا : والسبب في دا كان خال وليد
نور : ازاي
مونيكا : بسبب شغله مع المخابرات المصرية .... قدر يبعد اي مسؤول انه يدخل حدود المزرعه اللي فوق ... وقدر يدخل معدات البناء في سريه تامه
نور : انا فعلا زعلانه اني مكنتش معاهم زمان
مونيكا : اهو اللي حصل حصل .... بس تفتكري انك ممكن تبعدي تاني عن وليد
نور : ابعد عنه تاني ... دا مستحيل يحصل
مونيكا : يعني لو حد طلب منك تبعدي عنه حتى لو كان في مصلحتك ...هتبعدي ولا لا
نور : بصي يامونيكا .... لو الموت نفسه وقف بيني وبين اخويا هختار اخويا حتى لو مت .... انا عشت سنين احلم باللحظه اللي هاخده في حضني ..... فامفيش مخلوق على الارض هيقدر يبعدني عن وليد ...حتى لو هو نفسه حب يبعد مش هيعرف
مونيكا بصت ليها بفخر : وانا مش هخليه يبعد عنك ابدا ... مهما حصل
في الوقت دا مياده فاقت ومي خدتها وراحوا لمونيكا ونور .... وجت أوامر للفهد وفرقته بالسفر فورا لحصن ڤيلن
الفهد راح عند مونيكا : انا لازم اسافر فورا للحصن الكبير ... جهزي الطياره فورا
مونيكا : انتو بس اللي هتروحوا .... والباقي
الفهد : مش عارف .... بس دي أوامر من مستر سنو نفسه
وفعلا مونيكا جهزت الطياره والفهد وفرقته ركبوها وسافروا على حصن ڤيلن
عند حصن ڤيلن
نزل مستر سنو للسجن وراح لمحارب الوزير توم وقعد يتكلم معاه
سنو : يعني بعد كل اللي قولتهولك مش مصدقني
توم : وايه اللي يخليني اصدقك
سنو بيطلع تلفون وبيكلم جون فيديو كول : اقنعه انت بقى ياجون
جون : انت كويس ياتوم .... اسمع كلامه ياصحبي ...انا اخيرا بقيت حر ...وانت عندك الفرصه كمان .... اوعى تسيب الفرصه تضيع منك ياصحبي
توم : يعني قدرت اخيرا تهرب من الجماعه
جون : مش اهرب بس ... انا قدرت اخد حقي منهم كمان ....وانت كمان قدامك فرصه تاخد حقك ....اوعى تسيبها ياخويا
توم بص لسنو : انا معاكو
عند الروح الشريره
مورغوث ( الروح ) : هنستنى لما المعركه تخلص
نازغول : امرك ياسيدي .... فرسان الجحيم بالانتظار
عند حصن ڤيلن
وصل الفهد وفرقته للحصن واستقبله مستر سنو
سنو : اخيرا ظهرت يافهد .... ليه الغياب دا كله
الفهد : انا اسف ياقائد ...بس كنت مشغول جدا بالعمليات في مصر
سنو : طيب خد فرقتك وديها لتشارلي وهو هيوزعها ...وحاته وتعالى على مقر الاجتماعات
الفهد : أمرك ياقائد
وصل الفهد لمكان تشارلي ....وتشارلي جري وخده بالحضن
تشارلي : فينك من زمان يصحبي ...اخر مره شوفتك فيها كانت من سنتين
الفهد : وانت وحشتني كتير ... مستر سنو بيقولك وزع الفرقه بتعتي على منطقتها ...
خدهم تشارلي لقائد ٣ علشان يوزعهم على الحدود الغربيه من الهجوم .... وبعدين الفهد خد تشارلي وراحوا على مقر الاجتماعات
دخل الفهد و تشارلي غرفة الاجتماعات لقوا سنو واقف مع كام قائد بيعرفهم هيعملوا ايه
سنو : فيه دعم وصل لينا زي فرقة الفهد وكام فرقه تانيه كمان ... دلوقتي الفهد هيكون قائد الدفاع الغربي .... وتشارلي قائد الدفاع الجنوبي ... والقائد ٣ الدفاع الشرقي .... وقائد الدفاع الشمالي هيكون توم
تشارلي : بس الفرعون مش هيكون موجود معانا ساعة الهجوم
سنو : لا انا مقصدش الفرعون ...انا اقصد توم الحقيقي
تشارلي : انت اكيد بتهزر ...توم هيبعنا على طول
سنو : متقلقش .... توم عايز ينتقم منهم زيك بالظبط ويمكن اكتر كمان .... كلامي دا بيأكده الفرعون بنفسه وكمان جون صحبه
تشارلي : اللي انت شايفه ياقائد ..بس انا قولت رأيي
بعد شويه خرجوا كلهم علشان يروحوا للأماكن بتعتهم والفهد كلم تشارلي
الفهد : هو مين توم دا
تشارلي : دا كان محارب في الجماعه واحنا خطفناه قبل الحرب
الفهد : طب ازاي هيقود الفرقه الشماليه
تشارلي : انا مبقتش فاهم حاجه ... بس طالما الفرعون قال انه معانا يبقى اكيد معانا
الفهد : طيب انا عايز اقابله وهشوف انا
تشارلي : هتشغل شغل الفهود علينا ولا ايه
الفهد : يعم احنا فحرب ولو معملتش كدا دلوقتي هنروح في داهيه
تشارلي : طب تعالى معايا .... وخده على فرقة الدفاع الشماليه ووداه لتوم ....الفهد قرأ افكار توم وعرف فعلا انه عايز ينتقم من الجماعه
تشارلي : ايه اتأكدت
الفهد : ياساتر ...دا جواه حقد للجماعه مشفتوش من بعد الفرعون ومونيكا
تشارلي : طيب يلا نروح على اماكنا
عند الجماعه الفجر
لوسي ضربت جهاز الانذار وكل الجيش وقف استعداد
لوسي في الميكروفون : من يومين بدأت الحرب على العالم ...ولحد دلوقتي معرفش اخبار القوات هناك ايه .... بس دا مش هيحصل تاني ... انا هكون معاكم في المعركه دي .... الموت للعالم ....الموت للعالم
الجيش كله : الموت للعالم ...الموت للعالم ....وبدأ كل فريق يركب الطيارات الخاصه بيه ويمشوا على فرنسا
ارض المعركه الشماليه
وصلت بالطياره اللي انا فيها اول واحد ...وبعدين باقي فرقة الجماعه ... نزلوا من الطيارات وركبوا العربيات وبدأو يتوجهو لباريس من الشمال
واحنا في الطريق لقينا صواريخ باليستيه نازله على العربيات .... وفيه محاربين قدروا يدمروا اغلب الصواريخ بس فيه كام صاروخ وصل للينا وحصل انفجار كبير جدا دمر اغلب الفرقه
لما الدخان اختفى ظهرت انا وكام محارب تاني من بتوع الجماعه .... وظهر قدامنا توم الحقيقي ومعاه فرقه من الحصن
محارب من الجماعه : مين دا ياتوم ...هما عملو نسخه منك
انا : مش وقت كلام ....هجووووووم
وفعلا كل المحاربين خدوا وضع الهجوم وجريوا على توم الحقيقي ... بس انا كنت لسه واقف مكاني
توم الحقيقي أمر فرقته بضرب الرصاص على محاربين الجماعه ... محاربين الجماعه عملوا درع كبير عليهم ...في الوقت دا اتحولت للفرعون وخدت السلاح بتاعي وطرت في الجو
توم لما شافني طاير في الجو أمر فرقته انها تزيد ضرب النار على محاربين الجماعه ..... عندي فوق كنت فتحت بوابه تحت محاربين الجماعه ونزلت بالسلاح عليهم واتبخروا في لحظات
عند الجبهه الشرقيه
وصل روب ( اللي هو تيريون ) للجبهه الشرقيه بالطيارات .... لقى فيه صواريخ متجهه ناحية الطيارات .... اختفى تيريون بسرعه من الطياره وراح على صاروخ منهم ولمسوا ودخل جوه الطياره واختفى بسرعه
الصاروخ لمس الطياره وانفجر ودمرها تماما ... تيريون بعدها عمل كدا في كل الطيارات لحد ماتفجروا
نجى من التفجيرات دي معظم المحاربين بسبب الدروع اللي عملوها حواليهم ونزلوا ارض المعركه
تيريون اختفى وظهر عند القائد ٣ وفرقة الحصن .... لقى معاهم سيوف وسهام واسلحه كتير عليها ختم رع ... عرف تيريون ان دي اسلحه اسطوريه الفرعون اللي ادهالهم
بدأت المعركه بينهم ... واحد من محاربين الجماعه عمل صاعقه كبيره من البرق وخلاها تضرب فرقة الحصن .... واحد من فرقة الحصن عمل درع باستخدام اداه سحريه ومنع البرق
قائد ٣ جري بسرعه بالسيف بتاعه ومعاه باقي الفرفه وبدأو ضرب في بعض ... والسيوف السحريه كان فيها ميزه ان اي حد بيتقتل بيها بيتحول لشبح و بيروح على العالم السفلي فورا
خلصت المعركه وكسب تيريون والقائد ٣ وكل محاربين الجماعه راحوا للعالم السفلي
عند الجبهه الجنوبيه
وصل سيزار بفرقة الجماعه التالته ونزلوا من الطيارات ولسه هيركبوا العربيات لقوا صواريخ نازله عليهم ....قدر المحاربين اللي معاه يصدوا كل الصواريخ
ظهر قدامهم تشارلي وفرقة الحصن التالته .... بدؤا ضرب رصاص على بعض لحد ما الطلق خلص
جري تشارلي وفرقته عليهم وكل واحد معاه سلاح سحري وبدؤا ضرب في بعض .... وبعد معركه كبيره جدا كسب تشارلي وفرقته
عند الجبهه الغربيه
وصل نيوكولس واماندا ومعاهم اقوى فرقه محاربين في الجماعه للمنطقه الغربيه .... ركبوا عربيتهم واتوجهوا على باريس
قابلهم في الطريق الفهد وفرقته وفضلوا يضربوا عليهم نار لحد موقفهم
طلع محارب من الجماعه واتحكم في الهواء وعمل اعصار كبير جدا ورماه على فرقة الحصن
اتجمع كام محارب من الحصن وحاول يتحكموا في الاعصار بس معرفوش
ظهر محارب تاني من الجماعه وعمل نار كبيره جدا ورماها على الاعصار ... والاعصار بقى شكله يرعب وبيحرق اي حاجه واقفه قدامه
الفهد أمر الفرقه بالتراجع بسرعه ناحية حصن ڤيلن .... وفرقة الجماعه فضلت ماشيه وراهم بالاعصار
في حصن فيلن
كنت وصلت انا والفرقه الشماليه للحصن وكذالك تيريون واللي معاه وكذلك تشارلي وفاير ( سيزار ) وعرفت انهم كسبوا
لاحظت واحنا بنتكلم اعصار ناري كبير جدا جاي من بعيد .... عملت بوابه ورحت على هناك لقيت الفهد وفرقته بيحاولوا يهربوا من الاعصار ومش عارفين
طرت في الهواء بسرعه وعملت حاجز بأداه سحريه ومنعت الاعصار انه يقرب منهم
بصيت على محاربين الجماعه لقيت نيوكولس واماندا واقفين وراهم بس ملقتش لوسي معاهم
ظهر كام محارب من الجماعه قدامهم وبدؤا يطلعوا نار كتير على الحاجز علشان يدمروه
في الوقت دا كان وصل كل فرق الحصن وخدوا وضع الهجوم وجريوا عليهم .... شلت الحاجز بسرعه ونزلت عند محاربين الجماعه
اتحكمت في السلسله وربطت كذا محارب وخليت المنجل يقطع في رقبتهم
الفهد اول مشاف كدا طلع المخالب بتعته وجري بالسرعه القصوى وفضل يقطع في رؤوس محاربين الجماعه
اتجمع كذا محارب من الجماعه ومسكوا ايد بعض وطاروا في السماء وفيه برق فضل يضرب فيهم ...بعدها نزلوا تاني على الارض ووجهوا كل البرق دا على محاربين الحصن وموتوا كتير منهم
اتجمعت انا وتشارلي وفاير وعملنا هجمه كبيره من النار ورمناها عليهم ...وقبل متوصل ليهم فتحت بوابه قدام كورة النار .... والكورة دخلت فيها وطلعت من ورا المحاربين وحرقتهم كلهم
نيوكولس واماندا أمروا كل المحاربين بالتراجع .... بس ظهر وراهم مستر سنو وباقي فرق الحصن .... وبدأنا نضرب فيهم ... وكان فيه اللي بيموت ...وفيه اللي بيروح للعالم السفلي
وفضل في الاخر نيوكولس واماندا ومعاهم كام محارب بيدافعوا عنهم .... خليت كل فرق الحصن يحصروهم في منطقه واحده ... وفتحت تحتهم بوابة للعالم السفلي وطرت عليهم بالسلاح واتبخروا في ثواني
لما الدخان اختفى لقيت الكل قال بصوت عالي النصر ..النصر
واحنا بنتكلم لقيت لوسي واقفه قدامنا وماسكه تشارلي وحاطه سلاح سحري على رقبته
لوسي : تفتكر اني هخليك تكسب بعد كل دا
انا : بصي قدامك يالوسي ...انتي خلاص خسرتي وكل الجماعه انتهت
لوسي بضحك جنوني : انت مفكر اني زعلانه على الجماعه دي ... طول ما أنا عايشه هتفضل الناس تعظم فيا ... الناس محتاجه واحد تفضل ماشيه وراه زي التابع
انا : وتفتكري ان فيه ناس ممكن تمشي وراكي تاني
لوسي : ممكن مفيش ناس تمشي ورايا ...بس فيه ناس هتمشي وراء مورغوث .... وبتطعن تشارلي بالسلاح ..وتشارلي بيتحول لشبح وبينتقل للعالم السفلي
انا بغضب : للللللا
لوسي بضحك جنوني : انت كسبت معركه يفرعون ....بس لسه الحرب شغاله .... وبتتفتح بوابه سوداء وراها وبتطلع منها واحده بتاخد لوسي وبيختفوا
وانا واقف مصدوم من اللي ظهرت دي .... وعلى تشارلي اللي مات
//////////////////////////////////////////////////////////////////////////////////////////////////////////////////////////
محدش اتوقع صح مين الشخص اللي الروح ظهرت فيه
بس احب اشوف توقعاتكوا تاني 😂
سلام من الفرعون
///////////////////////////////////////////////////////////////////////////////////////////////////////////////////////////
انا اسف جدا على التأخير دا ..بس دا كان بسبب ان الموقع مكنش بيفتح معايا
والجزء دا يعتبر صغير علشان كتبته تاني على الفون ..علشان لما برفعه من هنا الكلام كان بيدخل في بعضه
وارجو من الاداره تحل مشكلة السرفر ........وشكرا
//////////////////////////////////////////////////////////////////////////////////////////////
الجزء التاسع / بداية النهاية
في حصن ڤيلن بعد المعركه
سنو : هتاخد فرقه معاك يا فاير وتتأكد ان الجماعه انتهت تماما في روسيا
فاير : تمام يقائد ...بس هنسيب الفرعون كدا
سنو : متقلقش عليه انا ههتم بيه ...روح انت دلوقتي
عند الفهد وتيريون
الفهد : احنا لازم ناخد الفرعون ونرجع على مصر حالا
تيريون بحزن : مبقتش فارقه معايا خلاص ..
الفهد وقف ومسك تيريون من هدومه : فوق ياتيريون ....لازم ناخد حق تشارلي على الاقل ...فووووق
عندي انا ... بعد ماشوفت لوسي بتموت تشارلي وبتختفي بعدها مع واحده في بوابه سودا ...دخلت في غيبوبه
داخل الحلم
ظهرت في عالم مختلف عن عالم الاحلام .... العالم كله بالابيض والاسود مفهوش ألوان .... عالم تحس بيه بالكئابه والحزن .... عالم ملئ بالاشباح والموتى .....العالم السفلي
فضلت طاير بهيئة الشبح في العالم دا وسامع صراخ الاشباح ... شايف كلاب الجحيم بتعذب فيهم ....
وانا طاير شفت قصر كبير على مد بصري ... والقصر مبني من العظم والجماجم .... وطالع منه ضوء اسود يرعب
وصلت عند القصر ولقيت ابوابه بتفتح وفيه نور اخضر منور القصر من جوه شكله يرعب
دخلت القصر ... كان ريحة الموت في كل مكان .... وسمعت صوت صريخ جاي من فوق ... لسه هطلع فوق لقيت حد ظهر ورايا وكان شكل مرعب
انا : انت مين !!!
انوبيس : انا انوبيس ملك العالم السفلي
انا : طب وانا بعمل ايه هنا
انوبيس : احنا كان لازم نتكلم .... تعالى معايا
طلعت مع انوبيس لفوق لحد موصل للعرش بتاعه .... والعرش عباره عن جماجم فوق بعض متشكله في كرسي كبير
قعد انوبيس على الكرسي ... وظهر كرسي قدامه وقالي اقعد يافرعون
انا : كنت عايز تتكلم عن ايه
انوبيس : انا عارف انك لسه جديد على كل دا
انا : جديد على ايه بالظبط
انوبيس : على انك تكون ملك عالم الأحياء
انا : ملك عالم الأحياء ازاي ...كل اللي اعرفه اني وريث لرع
انوبيس : هو رع لسه مقلش ليك كل حاجه ...غريبه
انا : قالي ايه ...هو فيه ايه بالظبط
انوبيس : انا هحكيلك كل حاجه
الحكاية من ٥٠ ألف سنة تقريبا .... كان فيه بشر عايشين في منطقه اللي هيا مصر دلوقتي .... البشر دول كانو متطورين جدا في التكنولوجيا والعلوم ....
بس فيه شيطان ضحك على واحد من البشر وعلمه السحر .... والبشري فضل سنين بيجربه على الألات ... لحد ما صنع جيش كبير جدا من الألات واعلن الحرب على ملك البشر
بس لحسن الحظ الملك كان عارف بموضوع السحر .... وعمل زيه وبنى جيش كبير من الألات باستخدام ألماسة الخلود ... ودخلوا في حرب كبيره قعدت سنين
وفي الاخر كسب ملك البشر وحبس البشري ... ودي الغلطه اللي سببت في الدمار اللي حصل بعدها ... علشان البشري عمل سحر اسمه السحر الاسود ولعن بيه كل اللي كانوا حبسينه
وخلاهم خدامه وسماهم النازغول ..... ولما خرج من السجن اتحد مع روح الشيطان وسمه نفسه مورغوث ( خادم الشر )
وفي الوقت دا كان الملك عمل سحر الخير او السحر الابيض .... وحولني انا ورع .... وعمل العالم السفلي علشان يكون سجن للارواح ... وخلاني الملك بتاعه
ودخل حرب الدمار مع مورغوث .... والحرب دي سببت دمار الحضاره كلها ... ولكن قدر الملك بنفي مورغوث والنازغول للعالم السفلي ... وكان دا اخر حاجه عملها قبل مايموت
نرجع من الحكايه
انا : طب والعالم رجع ازاي
انوبيس : رع فضل قرون طويله لحد مقدر يعمل حضارة مصر القديمه
انا : والسحر راح فين ..وليه رع مقلش ليا الحكايه دي كلها
انوبيس : دا حكايتك انت ورع .... انت هنا علشان حاجه تانيه
انا : ايه هيا
انوبيس : لما رع دخلك المنفى بتاعه بين العوالم ... وانت استخدمت ألماسة الخلود وعملت السوار دا ... وفتحت العالم السفلي كام مره بدون اذن مني حصل مشاكل
انا : مشاكل ايه وبعدين انا فتحت بوابه داخل العالم نفسه مش البوابه الرئيسيه
انوبيس : ما هي دي المشاكل .... روح مورغوث حست بالبوابه اللي فتحتها وخرجت منها لعالم الاحياء
انا : يبقى اكيد هيا اللي خدت لوسي وهربت
انوبيس : مين لوسي دي
انا : رع قالي ان روح بست جواها
انوبيس مخضوض : انت بتقول روح بست جواها .... انا كنت مفكر ان واحده من خواتك هتكون هي وريثتها
انا : انت مخضوض كدا ليه .... وبعدين اختي هتكون وريثة بست ليه
انوببس بيبص ليا : هو رع مقلش ليك اي حاجه ولا ايه
انا : كل اللي علمهولي كان ازاي استخدم قدراتي وخلاص
انوبيس : طب بص بقى .... امك هي الساحره القرمزيه ... وهي ام الوريثين .... وطالما روح بست موجوده جوه لوسي يبقى خواتك في امان
انا : اومال مين الست اللي فتحت البوابه وخدت لوسي
انوبيس : مش عارف ... طالما مورغوث متحكم في جسمها فشكلها بيتغير
انا : طب وخدتها واختفت ليه
انوبيس : علشان بست كانت الخادمه الاولى لمورغوث في عالم الاحياء .... وطالما اتحدوا مع بعض هيحصل كوارث تاني
انا : طب وهنوقفهم ازاي .... وانت قولت ان امي هي الساحره القرمزيه قبل كدا ...يعني ايه الكلام دا
انوبيس : بعد حرب الدمار مبقاش فيه سحر موجود داخل عالم الاحياء ... بس الملك ساب ألماسه الخلود مع رع .... ورع قدر يبني الحضاره باستخدامها ..... واكتشف اشكال كتير من السحر ... بس رع كان خايف ان السحر دا يقع في ايد بست وخدامها
وحصلت حرب بينهم بس كانت في الخفاء ...وكسب رع ونفى بست للعالم السفلي ... بس اللي معملش حسابه كان الخدام بتوعها
الخدام كانوا بيستخدموا السحر الاسود وقدروا يلعنوا رع ونفوه بين العوالم ...ورع بنى العالم بتاعه هناك بالألماسه دي
وخدام بست قدروا يرجعوها لعالم الاحياء بس في هيئة شبح ... وفضلت تتنقل من شخص للتاني منتظره سيدها مورغوث للرجوع تاني
وفي الوقت دا ظهر السحره الزرق ودمروا الخدام .... وبست اختفت .... وفضلوا موجودين في الارض لحد ما أمك اتولدت ... وارواحهم دخلت جواها ... وبقت وريثة اعظم سحره في التاريخ
وقدرت بمرور الوقت بتحسين السحر بتعها لحد موصلت للسحر القرمزي ...اقوى انواع السحر ... وفضلت فاكره انها هتكون ام لوريثة الشر فتره كبيره من عمرها علشان كدا خدت البنات وبعدت عنك
انا سامع كل دا ومش مستوعب : انت بتقول ايه ...كل دا حصل ... ومقالوش ليا ليه
انوبيس : مش عارف .. بس اللي اعرفه انك لما تتحد مع الساحره القرمزيه ومعاك الادوات السحريه اللي رع صنعها ممكن يكون ليك فرصه قدام مورغوث وبست
انا : ولما اعمل كدا افتح بوابه للعالم السفلي تاني ولا ايه
انوبيس : انت هتقول التعويذه دي على السوار بتاعك .. وكدا البوابه اللي هتتفتح هتكون داخل ( مينيس مورغول )
انا : ايه المكان دا
انوبيس : دا الجحيم بالنسبه للعالم السفلي ... ومحدش يقدر يهرب منه
انا : طب انا عايز اشوف صاحبي اللي لوسي قتلته وروحه اتسحبت هنا .....انوبيس سقف بايده وظهر تشارلي بس بهيئة شبح ...
تشارلي : انا فين ... ايه اللي بيحصل
انا : متخفش ياتشارلي تعالى .... انا عايز ارجع تشارلي لعالم الاحياء تاني
انوبيس : لما ترجع هتعمل التعويذه زي مقولتلك ... وهتفتح بوابه في القصر هنا وتشارلي هيخرج منها ...بس هيكون فيه مشكله
انا : ايه هيا
انوبيس : لو جسم تشارلي مات .. يبقى هيفضل في هيئة شبح طول عمره
انا : طب يلا بسرعه
وصحيت من الاغماء بشرقه ولقيتني نايم في مستشفى حصن ڤيلن وقاعد معايا الفهد و تيريون وسنو ...واول مشفوني جريوا عليا
سنو : انت كنت فين كل دا
تيريون : ايه اللي حصل يافرعون
الفهد : سيبوه يتكلم يجماعه ...نزلت من على السرير ووقفت قدامهم
انا : جسم تشارلي فين ....
سنو بزعل : دفناه من كام ساعه
انا : يعني جسمه مبقاش نافع خلاص
تيريون : انت بتسأل على جسمه ليه
من غير متكلم ظهرت السوار على ايدي ... وقولت التعويذه عليه فظهر على السوار نور ذهبي .... عملت بوابه للعالم السفلي في قصر انوبيس ... وطلع منها تشارلي بهيئة شبح
تشارلي طاير في الجو ... أول ما تيريون شافه جري عليه بس عدى منه اكنه هواء
تيريون : هو فيه ايه يافرعون ...هو هيفضل كدا
انا : لا طبعا تعالوا معايا
ورحنا عند مقابر الحصن وخرجنا جسم تشارلي منه ... وطلعت اداه سحريه وخليت جروح تشارلي تلم تاني
واول ما تشارلي شاف جسمه رجع تاني ... طار ودخل جواه ووقف بجسمه ... انا وتيريون جرينا عليه وخدناه بالحضن
انا : خلي بالك بقى علشان انت ممكن تسيب جسمك وتطلع منه عادي
تشارلي : يعني ممكن اقاتل في هيئة شبح ...دي هتبقى مدعكه
بعد مرور عدة ساعات
فاير : خلاص الجماعه مبقاش ليها وجود
سنو : اتأكدت كويس في كل مكان خاص بيهم
فاير : اتأكدت ياقائد
انا : خلاص متقلقش من الجماعه ... الجماعه مش هتقوم تاني .... دلوقتي فيه اخبار وحشه ( وحكيت ليهم الكلام اللي قالهولي انوبيس عن مورغوث وبست )
سنو : دي فعلا مشكله كبيره ... انت لازم تدخل امك دلوقتي قبل ماتتحول لحرب تاني
انا : انا خلاص مبقاش عندي ثقه من ناحيتها
سنو : هو فعلا اللي عملته غلط ... بس كان بموفقتنا كلنا
انا : يعني ايه
سنو : يعني انا وابوك وخالك كنا عارفين حقيقة امك والنبؤة بتعتها وعلشان كدا بعدت عنك
انا : يعني كل دا وبتكذبوا عليا
سنو : يابني كل دا علشان مصلحتك ومصلحت خواتك
لما سمعت الكلام دا فتحت بوابه واختفيت من قدامه
سنو : هو راح فين بس ... تيريون هتاخد الفرقه وتروح على مصر وتدورا عليه
تيريون : تمام يقائد ... وخد تشارلي والفهد وفاير واختفوا وظهروا جوه حصن الفرعون
عند مورغوث ولوسي
لوسي : سيدي مورغوث ..انا انتظرتك قرون طويله ... اخيرا هنحكم العالم
مورغوث : فيه عقبات في طريقنا ... اول عقبه هتكون الفرعون والساحره القرمزيه .. وتاني عقبه هي قوتك
لوسي : مالها قوتي
مورغوث : لازم روحك تتحد مع جسم وريثتك الفعليه ... جسمك الفاني دا مش هيوصلك لقوتك كلها
لوسي : ما أنا فضلت سنين بحاول اخد جسم الوريثه بتعتي بس مقدرتش اقرب منها بسبب الساحره القرمزيه
مورغوث : معاد التحول الاعظم قرب وهيكون في معبد الشمس ... وجسم الوريثه بتعتك معايا ...
عندي انا
لما اختفيت من حصن ڤيلن ...ظهرت داخل عالم الاحلام بجسمي كامل بعد ما صنعت العالم دا ....ناديت بصوتي على ابويا وخالي وظهروا داخل عالم الاحلام
انا : انتو ليه كذبتوا عليا ...ليه كل شويه اعرف ان حياتي كذبه كبيره
ابويا بص ليا : انت عرفت الحكايه
انا : ايوا عرفت .... انا مش عارف انتوا بتكرهوني ليه ... بعدتوني عنهم سنييين طويله وانا فاكر ان عيلتي ميته ... ولما اعرف انهم عايشين ابقى مش عارف اعيش معاهم ولازم ابعد عنهم
خالي : اديك فاهم احنا بعدناك عنهم ليه ... بس احنا مش بنكرهك يابني ... انا محبتش حد في حياتي قدك ... انا اعتبرتك ابني اللي مخلفتوش
ابويا : انا عارف اننا معشناش مع بعض كتير ... وعارف ان خالد يعتبر ابوك اكتر مني ... بس احب اقولك اني فخور بيك ... فخور ان ابني قدر يعمل اللي محدش قدر يعمله
انا بدمع : انا مخترتش ان حياتي تكون كدا .... كل اللي كنت بتمناه اني اعيش مع عيلتي .. لما كنت صغير وبشوف صحابي بيمشوا مع اهاليهم كنت بتقطع من جوايا
ابويا : انا عارف احساسك كويس يابني ... انا كمان مكنش ليا اهل .. انا اتربيت في ملاجئ لحد موصلت للحصن الكبير ... حياتي كلها عباره عن مأساه ... بس اللحظه اللي اتجوزت فيها امك وعملت عيله وخلفتك انت والبنات احساسي دا انعدم ... كل اللي بطلبه منك انك تدافع عن عيلتنا يابني
خالي : دافع عن اهلك ياوليد .... رجع اختك يفرعون
انا : اختي ... اختي فين ... ولحظه ولقتهم اختفوا من عالم الاحلام
انا : اختفيتوا ليه ... اختي فييييييين
في حصن الفرعون
ظهر تيريون وباقي الفرقه داخل الحصن وراحوا على مونيكا ومياده
تيريون : الفرعون مظهرش هنا
مونيكا : هو مش كان معاكو في الحصن الكبير
تيريون : هو اختفى من شويه ..وفكرنا انه جه على هنا
مياده : ايه اللي حصل يا تيريون ..اتكلم
تيريون : الفرعون عرف ان اهله بعدوه عن امه بالاتفاق مابينهم
مياده : يعني ايه ..... تيريون حكى القصه ليهم
مونيكا : طب خليكم هنا وتعالى معايا ياتيريون
مياده : هتروحوا على فين
مونيكا : مش هنتأخر ... يلا ياتيريون
عندي انا
لما طلعت من عالم الاحلام ظهرت في منطقه قدام النيل بحب اقعد فيها لما اكون متضايق .... وبعد كام دقيقه ظهر تيريون ومعاه مونيكا .... واختفى تيريون تاني .... اول ما مونيكا شافتني جريت عليا وخدتني في حضنها ... وانا دمعت
مونيكا : انا معاك ياحبيبي ..
انا بدمع : انا السبب ... انا السبب
مونيكا : السبب في ايه
انا : خدوا اختي ...خدوا سلمى
مونيكا : مين اللي خدوها .... اهدى ياحبيبي ... اهدى يافرعون
انا : مبقتش قادر على الحياه دي خلاص ... انا مخترتش الحياه دي
مونيكا : محدش فينا اختارها يفرعون .... الحياه دي اتكتبت علينا ... فلازم نواجهها
انا : مبقتش عايز حاجه من الحياه دي ... كله بيكدب عليا ...
مونيكا : بيكدبوا عليك علشان بيحبوك ... بيكدبوا عليك علشان يحموك
انا : بس ملهمش حق يكدبوا عليا .... الكذب بتاعهم هو السبب في كل اللي بيحصل ... لو كنت موجود معاهم كنت عرفت ادافع عن اختي
مونيكا : دا قدر يفرعون ولازم نمر بيه ... يعني تفتكر لو انا كنت موجوده ساعت الحادثه بتاعت عيلتي كنت انقذتهم .... دا قدر ولازم يحصل
انا بقف على رجلي : هو قدر صحيح بس مش لازم يحصل .... لازم نحاول نغيره على الاقل .... انا مش هسمح لحد انه يبعدني عن اهلي تاني .... يلا بينا ... وخدت مونيكا ورحنا على قصر مي
في قصر مي
ظهرت انا ومونيكا في القصر ولقيت مي ونور لسه داخلين من الباب
مي : ايه دا انتو هنا من امتى ... احنا لسه جايين من الحصن
انا باستغراب : كنتو في الحصن ... بتعملوا ايه هناك
نور : انا اللي خليت ماما تاخدني على هناك ... بس تصدق دا طلع تحفه
انا : مش وقت الكلام دا .... انتو مش ملاحظين ان سلمى مختفيه
مي : مختفيه ازاي ... دي كانت في المدرسه وبعدين جت ومشيت بعدها على النادي
انا بغضب : فوقي بقى ... الشيطان خطفها
مي : شيطان ايه اللي خطفها ... وانت عرفت منين
انا : عرفت من ملك العالم السفلي ... عرفت الكذب بتاعكوا ... عرفت كل حاجه
مي وقعت على الارض : بعد السنين دي كلها وفي الاخر الشيطان يخدها ... بعد كل التعب دا وبرضه القدر ينتصر في الاخر
انا : قومي مش وقت عياط على اللي فات ...لازم نرجع سلمى
نور : شيطان مين اللي خدها ...اختي فين يا وليد ... رجع اختي ياوليد
انا : تعالوا معايا علشان نعمل خطه ونشوف هنتصرف ازاي
في حصن الفرعون
ظهرت انا ومي ونور ومونيكا جوه الحصن وعملت اجتماع طارئ للكل
بعد دقايق في غرفة الاجتماعات
انا : اتأكدت كويس ياتيريون
تيريون : ملهمش اثر في روسيا كلها
تشارلي : طب هيكونوا راحوا فين
واحنا بنتكلم رع خرج مني على هيئة شبح
رع : اكيد هيروحوا على معبد الشمس
انا : ايه معبد الشمس دا ... وليه اصلا
رع : معبد الشمس دا هو أبو سمبل ... وليه ..علشان دا المكان الوحيد اللي الشمس بتدخل جواه مرتين في السنه
انا : مش فاهم برضه
مي فهمت : علشان يوم تعامد الشمس على المعبد هو نفسه اليوم اللي مورغوث صنع الخدامه بتعته بست
انا : يعني هما مستنين اليوم دا علشان بست تاخد جسم سلمى
رع : كلامك صح
انا : شوف ياتيريون اليوم دا امتى
تيريون : هيكون بععععد اسبوع تقريبا
انا : طيب كويس اوي قدامنا وقت علشان نعمل خطة هجوم
مي : وخلي بالك ان طالما مورغوث اتحرر يبقى اكيد حرر الخدام بتوعه اللي اسمهم النازغول
انا : وايه يعني هيعملوا ايه
رع : لا من ناحية هيعملوا ايه فكتير ... دول اشباح العالم الخفي
انا : يعني ايه
مي : يعني مفيش غير نوع محدد من الاسلحه اللي بيأثر فيهم ... والضربه بتعتهم بموته
انا : يعني هما خطر كدا
رع : اومال عالم البشر الاوائل اتدمر ازاي .... خلي بالك كويس في الخطه دي .. علشان لو الخطه منجحتش ..يبقى عالم الظلام هيحكم للأبد
انا ببلع ريقي : طب يلا نعمل خطه
////////////////////////////////////////////////////////////////////////////////////////////////////////////////////
برجع اتأسف تاني بس مفيش حاجه بأيدي اعملها
سلام من الفرعون
//////////////////////////////////////////////////////////////////////////////////////////////////////////////////////
الجزء العاشر / النهايه
رع : النازغول اشباح العالم الخفي ... يعني مفيش غير اسلحه معينه اللي هتأثر فيهم
انا : والاسلحه دي فين وهنجيبها ازاي
رع بيبص لمي : مفيش غير السحره الزرق اللي عارفين مكانها
انا بصيت لمي : خبتوها فين ....الكل بص ليا
مونيكا : وهي مالها بالكلام دا
انا : هتقوليلهم ولا اقول انا
نور : تقول ايه ... فيه ايه يماما
مي بصت ليا : اولا انا خبيت الحكايه دي علشان خواتك يعرفوا يعيشوا و ...
انا قاطعتها : ملوش لزوم الكلام دا دلوقتي .... قولي الاسلحه فين
مي : الاسلحه في المنطقه المحرمه ( ڤالينور )
تيريون : ايه المنطقه المحرمه دي
انا ورع بنبص لبعض في قلق : وهنروح هناك ازاي ومينفعش حد من البشر يدخلها
مياده : انتو بتقولوا ايه يجماعه ... فهمونا معاكوا
تشارلي : احب اقولك يا مياده ان محدش فينا فاهم حاجه خالص
رع : الاحسن ليكو ان محدش يعرف حاجه
انا : لا لازم يعرفو .... محدش هيمشي على عماه تاني ... طول ما بنخبي على بعض وبنكدب مش هنوصل لحاجه
مي بصت لرع : عرفهم الحكايه
رع بقلق : بعد حرب الدمار الاولى بين ملك البشر ومورغوث ... حصل دمار للحضاره فعلا ... بس قبلها بمده بسيطه ... ملك البشر صنع حراس باستخدام السحر الابيض ... وخدهم على مدينة ( فالينور ) وخلاهم يحرسوها ... ولما الحرب قامت .. الحراس اخفوه المدينه دي من الوجود ... وفيه اساطير كتير طلعت عليها ... وواحده من الاساطير دي ان محدش من البشر يقدر يدخل المدينه دي
انا : طب وايه المميز في المدينه دي علشان يحموها
رع : المدينه دي كانت منارة العالم في العلم والتكنولوجيا ... ولما ملك البشر عرف ان مورغوث عايز ياخد المعرفه اللي في المدينه دي .. عمل الحراس ... وكمان فيها اخر اثر للسحر الابيض
انا : طب ازاي الاسلحه دي راحت هناك وانت بتقول ان المدينه اختفت قبل ما الحرب تخلص
رع : الاسلحه دي اللي صنعها كانوا السحره الزرق مش حاكم البشر ... ومحدش يعرف الاسلحه راحت هناك ازاي غيرهم بس
مونيكا : والسحره دول كانوا عباره عن ايه بالظبط
رع : فيه اساطير عنهم برضه ... بس اكتر اسطوره اعرفها .. انهم كانوا نجوم في السماء وسقطوا على الارض
مونيكا باستغراب : نجوم في السماء ... ازاي يعني
مي بسرعه : ماهو قالك انها اسطوره
انا بقاطعهم : والمدينه دي فين
رع بص لمي : مفيش غيرها اللي تعرف
مي : انا هوديك لحد البوابه بتعتها ودا يعتبر اخري
انا : موافق ... يلا بينا
عند مورغوث ولوسي
لوسي : سيدي مورغوث .. لما روح السيده بست تخرج مني .. هعمل ايه بجسمي الفاني
مورغوث : انتي خدمتيني بإخلاص يا لوسي .. وعلشان كدا لما ارجع مع خادمتي بست هيكون ليكي دور
لوسي : بجسدي الفاني دا
مورغوث بخبث : عايزه تكوني ايه
لوسي : اللي مولاي يشوفه
مورغوث : وعلشان إخلاصك المتناهي دا ... هتكوني الشبح العاشر للنازغول
لوسي : دا شرف كبير ليا يا سيدي
في حصن الفرعون
تيريون : طب ازاي رع متأكد انهم في ابو سمبل
تشارلي : انت مش سمعت كلامه
تيريون : سمعت كلامه ... بس زي مانت شايف مفيش حد في المعبد كله
مونيكا : طب انزل بالدرون لتحت ( طياره صغيره بتحكم عن بعد )
تيريون : برضه مفيش حد ... انا هروح هناك واتأكد بنفسي
مونيكا : طب استنى خدنا معاك علشان كدا خطر
تيريون : لا ..لو لقيت خطر عليا هختفي بسرعه
تشارلي : طب خدني انا معاك ... وظهر بهيئة الشبح
تيريون : تصدق فكره حلوه يلا بينا .... واختفوا الاتنين
عند سمر في السنتر ( اوعى تكون نسيتها ياعزيزي 😄 )
زبونه : يعني بقالك كتير مختفيه عن الفيلا
سمر : تصدقي نسيت اقولك اني نقلت
الزبونه : ازاي .. ورحتي فين
سمر : مش هتصدقي ... وليد طلعله ام وخوات عايشين في قصر .. واحنا نقلنا معاهم
الزبونه : طلعله ام ... جديده دي ... وانتي عملتي ايه .. اكيد زعلتي
سمر : في الاول كنت زعلانه جدا ... بس اللي فرحني ان وليد اصر انه ياخدني معاه
الزبونه : طبعا ياخدك معاه ...مش انتي اللي ربتيه ... دا بيعتبرك امه
سمر : ياريت يفضل شايفني امه وميغيرش نظرته
الزبونه : ولا عمره هيغيرها ... انتي اللي مربياه واكيد عرفاه اكتر مني
وبيقطع كلامهم دخول غاده من الباب ( دي بقى هزعل بجد لو نسيتها 🥲 )
سمر : اهلا اهلا بالقمر ... تعالي
غاده خدت سمر بالحضن : اخبارك ايه ياسوسو
سمر : انا كويسه يحبيبتي ... بس انا زعلانه منك اوي ... يعني متسئليش عني المده دي كلها
غاده : معلش يسوسو ... كنا مزنوقين جدا في ترتيبات الشركه
سمر : اه صحيح ... اخبار الشركه والفلوس ايه
غاده : بقالنا وقت كتير بنراجع الحسابات والشغل من بعد ما الشركه رجعت تاني
سمر : ولسه مش عارفين مين اللي رجعلكوا الشركه والفلوس
غاده : لا لسه ... بس بجد انا نفسي اقابله واشكره على اللي عمله لينا
سمر : هو لو كان عايز شكر كان قابلكوا بنفسه
غاده : المهم ...هو وليد فين ..مختفي بقاله شهر تقريبا والامتحانات داخله علينا
سمر : دا يدوب رجع يوم من انجلترا وسافر على اسكندريه من اسبوع تقريبا
غاده : سافر لاسكندريه ... ليه !!!
سمر : كان جايب معاه ورق كتير من انجلترا والمفروض يسلمه لكذا مدرسه في اسكندريه ... على العموم يومين بالكتير وهيكون هنا
غاده بزعل جامد والدموع في عينها : ماشي يسمر ... استأذن انا
سمر مسكت ايدها : استني يغاده ... هو كمان متصلش عليا ولا مره ... يومين بالكتير وهضربه بالجذمه
غاده بزعل : لا حرام متضربيهوش
الزبونه : يلا يسوسو خلصي شعري ... البت مش مستحمله كلمه عليه 😄😄
غاده اتحرجت وطلعت تجري
سمر : كدا كسفتي البت ... طيب انا هخلي شعرك زي علي ربيع
الزبونه : لا احنا اسفين يصلاح
عند معبد أبو سمبل
ظهر تيريون ومعاه تشارلي الشبح قدام المعبد بليل والظلام مغطي المنطقه كلها
تيريون : خليك قريب مني علشان لو حصل حاجه نختفي بسرعه
تشارلي : لا انا عندي فكره احسن ... وطار تشارلي ودخل في جسم تيريون
تيريون : انت عملت ايه ياحيوان
تشارلي : ايه ياخويا .. انت مش طول عمرك بتقول اننا واحد
تيريون : اننا نكون في ضهر بعض ... مش تلبسني زي العفريت .. هو انا جزمه
تشارلي : تصدق صح ... وانا اقول ايه ريحة الشراب المعفن دا 😄
تيريون : طب اسكت خلينا نركز
ودخلوا المعبد وكان كل حاجه طبيعيه جدا
تشارلي : مفيش حاجه يعم يلا بينا
تيريون : انت كمان خايف ... خايف وعامل نفسك شبح
تشارلي : طب يلا انزل تحت يلي الشجاعه فشخاك
تيريون : يلا يخويا .... ونزلوا على السلم وبرضه كل حاجه طبيعيه جدا
تشارلي : طب وبعدين هنعمل ايه
تيريون : فاكر النظاره اللي الفرعون اداها ليا
تشارلي : مالها الزفته
تيريون : مالها ايه ... مش المفروض انها اداه سحريه
تشارلي : اه صحيح ... طب البسها بسرعه
تيريون طلع النظاره ولبسها ... وشاف باب مقفول في حيطه قدامه طالع منه نور اخضر
تشارلي : يلا بينا من هنا فورا
تيريون : ليه ايه اللي حصل
تشارلي بغضب وخوف : بقولك يلا بينا
ولسه تيريون هيكلمه سمع صوت جاي من وراه ... بص وراه لقى شبح ماسك سيف ونازل بيه عليه ....اختفى تيريون من قدامه
عندي انا ومي
ظهرنا في وسط الصحراء ... ومفيش حاجه حولينا
انا : انت جبتينا فين
مي : المدينه في منطقه هنا ... انت معاك ألماسة الخلود
انا : اه معايا
مي : كويس ..علشان دي تذكرة دخولك للمدينه
انا باستغراب : تذكره ..ازاي يعني !!
مي : هتعرف بعدين ... ودلوقتي عايزك تبعد عني شويه ... اتحولت لهيئة الفرعون وطرت بعيد عنها
مي ساعتها قالت تعويذه بلغه غريبه وحصل انفجار وطالع منها نور قرمزي ... واتحولت لهيئة الساحره القرمزيه ...وطارت في الجو وظهر حواليها حروف غريبه بحجم عملاق وطالع منهم نور ازرق
مي : ياحماة النور ... ياحماة العهد ... افتحوا ابواب مدينة العلم لمالكها الجديد
ومره واحده ظهر باب عملاق واصل للسما ... اتفتح وطالع منه نور ابيض يعمي اللي يشوفه ... وخرج من الباب حارس عملاق ... لابس درع من الذهب الاسود
( الكلام اللي جاي بلغه غريبه وعلشان كدا هكتبه بالفصحى )
الحارس : من الذي تجرأ وجاء للمنطقه المحرمه
مي : انها انا الساحره القرمزيه ... وحاكم عالم الاحياء الجديد
الحارس : انا اعرفك جيدا ياوريثة السحره .... ولكن حاكم عالم الاحياء مات منذ زمن طويل
مي ليا انا : تعالى يافرعون ... وحات ألماسة الخلود بسرعه
رحت عندها بسرعه وانا ماسك الألماسه ومش فاهم كلامهم
مي : هذه ألماسه الخلود ... انها ألماسة الحاكم
الحارس مد ايده وشاف الألماسه : انها حقا ألماسة الخلود ... ولهذا يسمح له بالدخول فقط
مي ليا : انت اللي هتدخل بس
انا : طب واتفاهم معاهم ازاي ... انا مش فاهم كلمه من اللي قولتوها
مي : حاكم المدينه بيتكلم لغة البشر وهو اللي هيقابلك
انا : طب وانتي هتروحي فين
مي : زي ماقولتلك انا اخري هنا ... فهرجع تاني على الحصن ... واختفت مي
الحارس عمل إشاره بالدخول ... دخلت من الباب العملاق وانا قافل عيني من شدة النور
عند حصن الفرعون
ظهرت مي في الحصن ولقت الكل ملموم حوالين تيريون
مي : فيه ايه يجماعه
تشارلي : احنا كنا في معبد أبو سمبل بندور عليهم ... ولما سمعنا صوت شبح ورانا ... تيريون حاول انه ينقلنا بسرعه بس الشبح ضربه بالسيف وجت في دراعه
مي بتبعدهم : والشبح دا كان شكله ايه
تشارلي : كان شكله يرعب ....مي بتقول تعويذه على تيريون بس مفيش فايده
مي بقلق : الشبح اللي بتقول عليه كان لونه اسود ولابس درع حديد
تشارلي : ودي الغريبه علشان كل الاشباح اللي شوفتها كان لونهم اخضر
مي برعب : علشان دا مكنش اي شبح ... دا كان قائد النازغول
تشارلي : وهنعمل ايه في الجرح دا
مي : مفيش حاجه في ايدنا نعملها .... وبتقوم وتمسك تشارلي من هدومه .... انتوا ايه اللي وداكوا هناك ... صاحبك هيتحول لخادم الشر بسببك
تشارلي برعب : يتحول ازاي ... ابوس ايدك اعملي اي حاجه
مي : قولتلك مفيش سحر هيأثر فيه ... املنا كله على وليد دلوقتي
في معبد أبو سمبل
قائد النازغول فتح الباب اللي تيريون شافه ودخل جوه ... والمكان دا عباره عن مدينة تحت الارض ... وكانت مخبأ مورغوث القديم
النازغول : سيدي مورغوث ... كان هناك محاوله من البشر الفانين لدخول المخبئ
مورغوث : عارف اللي حصل ... وعلشان كدا لازم نجيب باقي الحراس ...
وقف مورغوث وقال بصوت مرعب : لا يمكنهم تحدي الظلام .... حتى الأن نورهم يتبدد .... ضوء واحد في الظلام ... انهضوا ياحراسي .... انشروا ظلامي في العالم ... انهضوا يانزغول
وفتحت بوابه من العدم لونها اسود ... وخرج منها ٨ اشباح شكلهم يرعب ... وانحنوا لمورغوث .... وراح عندهم القائد بتعهم ووقف معاهم
ولوسي واقفه بتبص عليهم من بعيد وشافت مورغوث وحواليه النازغول التسعه والنار والظلام محوطينهم وشكلهم يرعب
لوسي لنفسها : ايه الرعب والهيبه دي
نفسها : هو دا سيد الظلام فعلا ... وانا هكون واحده منهم قريب
عندي انا
لما دخلت مع الحارس لقيت طريق طويل موصل للمدينه .... والطريق عرضه مش كبير اوي .... ومعمول من الذهب وشكله جميل جدا
الحارس شاور بايده على المدينه ... مشيت على الطريق وانا مبهور من التحفه اللي ماشي عليها
ولما تعبت من المشي طرت في السما وانا كنت اصلا متحول للفرعون .... وشفت جمال ليس له وصف ... مدينه مبنيه بالاحجار البيضه المنوره .... مدينه كلها قصور ... وفيه برج في وسط المدينه وطالع منه نار بيضه
نزلت على اول الطريق عند المدينه ولقيت شخص مستنيني
الشخص : اهلا بالفرعون .... ولا اقول اهلا بوليد
انا : اللي تحبه .. بس انت مين
الشخص : انا حاكم المدينه .... اسمي عزيز
انا باستغراب : عزيز ... ملقتش اسم غريب غيره 😄
عزيز بضحك : عارف ان كل الاسماء اللي سمعتها غريبه ... بس حاكم البشر الأول هو اللي سماني عزيز
انا : بمناسبة حاكم البشر ... انا عايز الاسلحه اللي صنعها السحره الزرق
عزيز : هما رجعوا تاني
انا : تقصد مين
عزيز : هيكون مين غير خدام الشر ... تعالى معايا
ومشيت مع عزيز في المدينه ... واستغربت اني شفت ناس كتير عايشه في المدينه
عزيز : مستغرب ان فيه ناس عايشه هنا ولا ايه
انا : طبعا مستغرب ... ازاي مدينه مختفيه عن العالم كل السنين دي ويكون فيها ناس بالحجم ده
عزيز : متستغربش .... الناس دي احفادي ... واحفاد الحراس الاوائل اللي صنعهم الحاكم
انا : يعني ايه مش فاهم
عزيز بضحك : انت فاكر ان الحاكم صنع حراس أليين ملهمش مشاعر او احاسيس ... لا طبعا .. الحاكم ادلنا المعرفه والتكنولوجيا والعلم وكل حاجه .. حتى السحر
انا : طب وعمل كدا ليه .... وطالما انتو متقدمين كدا مظهرتوش للعالم ليه
عزيز بابتسامة : احنا كنا منتظرين المختار
انا : يعني ايه
عزيز : كنا منتظرين حاكم البشر تاني علشان مدينة العلم تظهر تاني ... يعني بمعنى تاني ... مدينة العلم تحت ملكك يفرعون .. وبيرفع ايده وبيشاور على المدينه كلها
عند حصن ڤيلن
سنو بيكلم تشارلي وباقي الفرقه عن طريق الفيديو كول
سنو : يعني لقيتوهم خلاص
تشارلي : ايوا لقيناهم بس منتظرين الفرعون يرجع تاني
سنو : يرجع منين
تشارلي : المدينه اسمها ايه يامونيكا
مونيكا : بيقولوا عليها مدينة ڤالينور
سنو وقف من الصدمه : انتوا بتقولو مدينة ڤالينور ... انتو سيبتوا الفرعون يروح المنطقه المحرمه لوحده
تشارلي : مي امه راحت معاه ... وبعدين رجعت وقالت لنا ان الفرعون دخل المدينه فعلا
سنو : طيب ابعتلي تيريون علشان ياخد قوات من هنا لعندكو
تشارلي بص لمونيكا : تيريون اتصاب ومش عارفين نعالجه
سنو : ازاي يعني مش عارفين تعالجوه .... مقولتوش لمي ليه وهي عالجته
مونيكا : ما هي عرفت ومعرفتش تعمل حاجه
سنو : ازاي يعني
مونيكا : قالت لينا طالما النازغول اللي جرحه فالسحر مش هينفعه
سنو برعب : انتي بتقولي النازغول
بعد عدة دقائق في حصن الفرعون
بفتح بوابه داخل الحصن وبخرج منها وبلاقي الكل متجمع عند تيريون
انا : ايه اللي حصل يجماعه
تشارلي بقلق : احنا رحنا معبد ابو سمبل وواحد من النازغول جرح تيريون
انا : هو انا مش قولت محدش يعمل حاجه قبل مارجع
تشارلي : اهو اللي حصل
انا : مش وقت الكلام دلوقتي ....
رحت عند تيريون وشيلته وفتحت بوابه
مي : هتاخده على فين
انا : مفيش حد يقدر يعالجه غيرهم .... ودخلت البوابه واختفيت
مونيكا : هو يقصد مين
مي : شكل كدا المدينه خضعتله وبقى الحاكم بتعها
عندي انا
ظهرت انا وتيريون في مدينة ڤالينور ورحت عند عزيز
انا : المعالجين اللي هنا فين
عزيز : ايه اللي حصل ... وبيبص على الجرح بتاع تيريون
انا : واحد من اشباح النازغول جرحه بالسيف
عزيز : طب تعالى معايا بسرعه
خدنا عزيز على مبنى كبير جنب برج المدينه ... والمبنى عامل زي المستشفيات بس نظيف جدا ... والجدران معموله من زجاج ... وريحة المكان جميله
عزيز : حطه على السرير ده
نزلت تيريون على السرير ... ودقيقه وكان الغرفه فيها ٣ حكماء من المدينه
حكيم ١ : امممم ... الجرح عده عليه وقت كتير
حكيم ٢ : عندك حق ... انتو لو اتأخرتو شويه كان فات الاوان
حكيم ٣ : انا جهزت اعشاب المناره .... يلا نبدأ
عزيز خدني بعيد عن السرير ... والحكماء حاوطوا تيريون وفضلوا يقولو تعويذه باللغه اللي مش فاهمها
ومره واحده وجههو ايديهم على تيريون ... وايديهم طلعت نور ابيض ... وحكيم ٣ حط الاعشاب على الجرح ... ورجع مكانه ... وقالوا تعويذه تانيه وبدأ يطلع من جرح تيريون دخان اسود ... والحكماء فضلوا يطلعوه من الجرح لحد ما الجرح لم تاني
بعد شوية وقت
حكيم ١ : متقلقش صحبك هيكون كويس
حكيم ٢ : لازم يرتاح شويه وبعدها ممكن يمشي عادي
انا : انا مش عارف اشكركم ازاي
حكيم ٣ : لا شكر على واجب يافرعون ... نستأذنك احنا بقى
عزيز : اهو يسيدي بقى كويس وشويه وهيقوم ... تعالى معايا انت بقى
انا : على فين
عزيز : مكان هيساعدك جدا ...طلعت معاه ومشينا لحد البرج
انا : هو ايه البرج دا ياعزيز
عزيز : البرج دا هو رمز المدينه .... دا اول مبنى اتصنع هنا
انا : وفيه ايه من جوه
عزيز : تعالى وانت تشوف بنفسك
سقف عزيز بايده وفيه باب ظهر في البرج ... فتحه عزيز وطلع من جوه نور ابيض شديد لدرجه اني غمضت عيني
انا : ايه النور دا كله
عزيز سحبني ودخلت معاه
انا فتحت عيني : وااااااو ... ايه المكان دا
عزيز : المكان دا معمول بالسحر ... تخيل كل جمال الارض محطوط في مكان واحد ... تخيل حجم الارض كله قدامك
انا بصيت على المكان ... المكان عباره عن عالم داخل البرج ... بس انت مش شايف اخر العالم ده ... وفيه حيوانات شكلها جميل جدا ... وطيور باشكال وألوان
انا : ومين اللي عمل المكان دا
عزيز : اول واحد كان ملك البشر ... ولما حكمنا المدينه ... كل واحد مننا ضاف حاجه للعالم دا
انا : انا شوفت العالم دا قبل كدا ... بس كان في ارض الاحلام .. مش في الواقع
عزيز : هو صحيح كان في الاول عباره عن مكان داخل ارض الاحلام ... بس بفضل السحر الابيض قدرنا ننقله للواقع
انا : والوقت بيعدي هنا ازاي
عزيز بضحك : كنت عارف انك هتسألني كدا ... اتطمن ... اول لما تدخل من الباب لحد متخرج الوقت بيفضل ثابت
انا : يعني ايه
عزيز : زي ارض الاحلام كدا ... العالم دا مش موجود في عالم البشر ... او حتى موجود في المدينه ... دا عالم منفصل عن كل حاجه .... والوقت مش بيأثر فيه
انا : يعني انا لو قعدت هنا سنه اكنها معتدش بره
عزيز : بالظبط كدا
انا : لا دا كدا عااال اوي ... انا عندي طلب بقى
عزيز : عارفه يفرعون ... وسقف وظهر كتاب في ايده
انا : شاكلك فاهمني كويس وهنرتاح لبعض
عزيز : فوق ماتتخيل ... اسيبك انا بقى
خرج عزيز وسابني اقرأ في الكتاب .... وراح لتيريون لقاه فاق من الاغماء
تيريون : انا فين ...وانت مين
عزيز : اهدى ياتيريون ... الفرعون اللي جابك هنا واحنا علجناك
تيريون اطمن شويه : طب انا فين
عزيز : تعالى معايا وانت تشوف بنفسك
خرج تيريون معاه وشاف المدينه
تيريوت : ايه الجمال دا ... هو احنا في المدينه اللي كانوا بيقولوا عليها
عزيز : بالظبط كدا .. انت في مدينة ڤالينور
تيريون : طب والفرعون فين
عزيز : الفرعون جوه البرج ده .... لو عاوز تدخله اتفضل
تيريون افتكر انه كسر اوامر الفرعون : لا انا هفضل هنا
عزيز بابتسامه : الفرعون مش زعلان منك علشان كسرت كلامه ... هو كان خايف عليك ... وانا شايف الافضل انك تدخله
تيريون باستغراب : ماشي
عزيز بضحك : انت مستغرب كدا ليه ... وسقف بايده وباب البرج ظهر ودخل تيريون فيه
بعد كام يوم
لوسي : سيدي مورغوث ... بكره اليوم المنتظر ولازم تجيب جسم الوريثه
مورغوث : انا مش قولتلك قبل كدا انها معايا
لوسي : انا مقصدش ياسيدي ... بس انا لسه مشوفتهاش
مورغوث : طيب ... وسحب الروح بتعته من الجسم اللي كان واخده ... والجسم دا كان سلمى
بست خرجت من لوسي : اخيراااا هرجع لكامل قوتي تاني
مورغوث : بس لازم تدخلي جسمها لحظه تعامد الشمس
بست : طبعا ياسيدي
لوسي واقعه على الارض : وانا ياسيدي ..هتحولني امتى
مورغوث بص ليها : مستعده يعني
لوسي : مستعده من زماااان ياسيدي
مورغوث اتكلم بلغة غريبه ( لغة الجحيم ) وقال تعويذه ... وطلع منه دخان اسود فتح بوابه سودا شكلها يرعب
وخرج من البوابه كرباج نار .... و مورغوث وقف لوسي قدام البوابه .... وفرد ايده وخبطها ( زي دكتور سترينج ) وروح لوسي خرجت من جسمها ... والكرباج سحب جسم لوسي والبوابه اتقفلت
وبعدها قال تعويذه تانيه ... وظهرت بوابه لونها اسود وخرج منها درع وسيف واتشكلوا على روح لوسي
مورغوث : انهضي ايتها الروح الشريره ... فانتي عاشر اشباح النازغول
لوسي وقفت وظهر وراها ٩ اشباح الباقيين
مورغوث : استعدوا لحرب الدمار التانيه
الكل بصوت صريخ مرعب : المووووووووت
عند حصن الفرعون
مونيكا : وبعدين هنعمل ايه ... دا بكرا معاد التعامد
تشارلي : انا هروح المنطقه المحظوره وهشوف ممكن يدخلوني
مي : مستحيل يدخلوا حد ... دا حتى انا ومبعرفش ادخل
مياده : طب وهنعمل ايه دلوقتي ... دا حتى مفيش خطة هجوم او دفاع
تشارلي : خلاص هنروح كلنا وناخد كل الفرق اللي الحصن الكبير بعتها
مي : مش هيعملوا حاجه قصاد السحر الاسود بتاع مورغوث ... ومش هيلمسوا النازغول
مونيكا : وهنعمل ايه يعني ... نواجه وخلاص
نور : دي مش اسمها مواجهه ... دا كدا انتو رايحين تموتوا
تشارلي : على الاقل نواجه ولو حتى هنموت
ظهرت انا وتيريون وهما بيتكلموا
انا : وليه بتقولوا هنموت ... الموت هيكون ليهم مش لينا احنا
مونيكا : اخيرا ظهرتوا ... انتو كنتو فين وسيبنا كدا
انا : كنا بنجهز للحرب اللي جايه
مياده : طب ايه الخطه ... والاسلحه اللي رحت تجيبها فين
انا : اول حاجه انتو مش هتدخلوا المعركه دي
مياده : ازاي يعني ... اومال مين اللي هيحارب
انا : انا وتيريون وتشارلي الشبح 😄
تشارلي : يادي ام التريقه الفصيله
مونيكا بغضب : وانا كمان هاجي معاكوا
انا : انتوا هتروحوا تدربوا في المدينه الاول
مونيكا : اومال واخد تيريون وتشارلي ليه
انا : علشان تيريون اتدرب معايا ... وكدا كدا تشارلي شبح مش هيجراله حاجه
تشارلي : مخلاص يعمنا ... ايه شغل التهزيق دا
مياده : بس برضه انتو التلاته مش هتكفوا ...لازم يكون معاك عدد للقتال
انا : مفيش وقت ... لازم نتحرك
مي : انا اللي عندي ان سلمى ترجع
انا : هنرجعها متقلقيش
مي : ومين قال اني هستنى معاهم ... انا رجلي على رجلك
انا : مش هينفع و ..
مي بتقاطعني : قولتلك انا هكون هناك
انا : طيب ... يلا بقى يجماعه علشان تروحوا المدينه ... وباخدهم على المدينه
قبل المعركه بساعه ... انا ومي على بعد من المعبد
مي : انت متأكد ان دا ماونتن أش ( رماد الجبل )
انا : اه متأكد .. ومفيش منها غير في المدينه بس
مي : فعلا الماده دي اختفت ايام الحرب الاولى
انا : ودي هتخلي المعركه اللي هتحصل تكون مخفيه عن العالم
تيريون ظهر : خلصت يافرعون ... وحددت بالماده حوالين المعبد كامل
تشارلي الشبح : لحد دلوقتي انا مش شايف اشباح بره
انا : كويس .. يلا كل واحد في مكانه
الساعه السادسه صباحا
مورغوث : استعدي يابست ... معاد التعامد وشك
بست : مستعده ياسيدي
مورغوث مشي وقعد على تمثال رمسيس وبست طايره قصاده
مورغوث : لحظه التعامد ... هخرج من جسمها وتدخلي على طول ... والشمس هتحرق جسمها الفاني ... وهتشكل جسمك الابدي
بست : اخييييرا بعد كل السنين دي
عند النازغول
القائد : كل واحد على مكانه ... امنوا كل الابواب
لوسي : الكل في مكانه سيدي انغمار
انغمار بشر : مملكة هرادريم هتنهض من تاني .. مبقاش غير لحظات
عندي انا والفرقه
انا : تشارلي .. هتدخل من الجدار اليمين وتستنى الاشاره ... وانت يا تيريون هتتنقل بعد تشارلي بكام خطوه .. فاهمين
الاتنين : فاهمين ... واختفوا
مي : مكنا رحنا كلنا سوا
انا : هنروح .. بس المكان اللي راحوا فيه مفهوش حد من النازغول
مي : وانت عرفت منين
انا : هتعرفي دلوقتي
مي : طب يلا بينا .... وعملت تعويذه علينا للتخفي
دخلنا انا ومي من بوابه وخرجنا عند تشارلي وتيريون
انا : النازغول كل واحد فيهم في حته ... انا هدخل للصاله الرئيسيه وكل واحد فيكم معاه السيف بتاعه ... ومي هتعمل تعويذة درع علينا
دخلنا للصاله الرئيسيه في تخفي لحد مظهر جسم سلمى على تمثال رمسيس وروح بست طايره قصاده
انا : كل واحد على مكانه يلا
تشارلي الشبح خد الجبهه اليمين .. وتيريون خد الجبهه الشمال .. ومي وقفت في النص ولغت تعويذه الاخفاء ....اول ما التعويذه اتشالت ...
انا باللغه الرونيه القديمه : إرنديل
اول مقولت التعويذه طلع من دراعي نور جامد لدرجه ان بست اختفت ... والمعبد كله نور جامد ... وتشارلي وتيريون غمضوا عينيهم من شدة الضوء
مورغوث حاطط ايده على عنيه : السحر الابيض ... مشفتوش من زمان .. انا فكرته انتهى مع موت كلب البشر
انا : مفيش غيرك اللي كلب ... وكلب الجحيم ملوش عندنا غير الموت
مورغوث عمل صوت صريخ زي الموت خلت النازغول يدخلوا عندنا
انا باللغه الرونيه : أروين
وظهر عزيز ومعاه حراس من المدينه مع تشارلي وتيريون
قائد النازغول انغمار بصوت صراخ : هجووووم
عزيز : كان الاحسن ليكوا تفضلو اموات ... وضرب بالسيف بتاعه النازغول ٥
النازغول ٥ صد الضربه ولسه هيوجه الفأس بتاعه علشان يضربه ... عزيز سحب السيف لورا وقطع راسه وجسم النازغول ٥ اتبخر
تشارلي صد ضربة النازغول ٧ وطار لورا ونزل بالسيف على نازغول ٤ ... بس فاداه النازغول
والحراس وباقي الفرقه نزله رزع في النازغول
عندي انا ومورغوث
انا : اخرج من جسمها
مورغوث : مش هخرج منها يافاني
انا : قولتلك اخرج منها ... ولسه هعمل تعويذه لقيت بست طايره عليا بالسيف ... فديت الضربه ولمستها وخدتها واختفيت
عند مي ومورغوث
مورغوث : ام الوريثين بنفسها هنا
مي : اخرج من جسم بنتي
مورغوث : لا مش هخرج ... اعملي عليا تعويذه يلا
مي بغضب : قولتلك اخرج من بنتي ... وحصل انفجار وظهرت بهيئة الساحره القرمزيه
مورغوث : وااو .. وكمان وصلتي لسحر جديد ... ممكن تعلمهولي
مي بغضب وباللغه الرونيه : اليكسس موتالس ..
خرج من ايدها خيوط نور قرمزي واتجهت ناحية جسم سلمى ... ولفت حوالين جسمها .. وفضلت تسحب في روح مورغوث ... لحد مروح مورغوث سابتها ... وجسم سلمى وقع على الارض
وقف مورغوث قصاد مي وبدأوا قتال بالتعاويذ
والناحيه التانيه تشارلي وتيريون وعزيز بيحاربوا اشباح النازغول
عندي انا وبست
لما خدت بست واختفيت ... ظهرت قدام المعبد من بره
انا : ايه دا با بسبوسه .. التعامد حصل وانتي مختيش جسمها
بست بغضب : هدفعك تمنها غالي يابن الشاذلي .... وطارت لعندي
انا اتحولت لهيئة الفرعون ... ودرع الفرعون اتطور جدا بسبب السحر الابيض .... وكذالك السلاح بقى معمول من النور ... والمنجل معمول من ماده اسمها ميثريل
طلعت السلاح ورميته على بست ... بست فاكره ان السلاح هيعدي منها بسبب انها شبح بس السلسله لفت حوالين جسمها
بست : ازاي دا حصل ... ايه السلاح دا
انا : دا سلاح حاكم البشر الاول ... وهيكون السلاح اللي هيموتك
بست بتصرخ : فكنننننني
لمست السوار وفتحت بوابه داخل مينس مورغول في العالم السفلي ... وطرت في الجو ونزلت بالمنجل على بست وحصل انفجار طلع نور شديد ... وبست دخلت عالم الجحيم تاني
عند باقي الفرقه والنازغول
تشارلي وتيريون وعزيز وباقي الحراس عرفوا يقتلوه كل الاشباح واتبقى لوسي وانغمار
عزيز باللغه الرونيه : أرميدس
وطلع من الارض سلاسل وربطت انغمار ولوسي في الارض
تشارلي بغضب طار ونزل بالسيف على راس لوسي وقتلها وجسمها اتبخر
وتيريون رمى رمح على انغمار .. وغرز في صدره ومات وجسمه اتبخر
مورغوث واقف قصاد مي وباقي الفرقه
مورغوث : تفتكروا انكو كدا كسبتوا
مي : استسلم ..خلاص كل خدامك رجعوا للعالم السفلي
مورغوث رفع ايديه الاتنين وبوابه اتفتحت وراه بس المرادي بوابه معموله من نار ... وخرج منها كل الخدام اللي ماتوا
ظهرت عندهم وشوفت مورغوث واقف ومعاه كل الخدام ... وقصاده مي وباقي الفرقه
مورغوث بضحك هستيري : خدامي مستحيل يموتوا طول منا عايش
وفي اللحظه دي مي بصتلي بنظره خوفت من اللي هتعمله
انا بصراخ : بلاش يامي .... بلاش
مي : سامحني يوليد .... سامحني يابني
مي باللغه الرونيه القديمه : بورغان داااان
وظهر وراها حروف كبيره باللغه الرونيه منوره قرمزي ...
مي : انت ملكش سلطه على العالم دا .... ياخدام الشر ... انت مجرد نكره .... ارجع للظلام اللي جيت منه
ولاول مره اشوف بوابه لونها قرمزي فتحت وطلع منها سلاسل سحبت مورغوث وكل خدامه وقفلت تاني
ومي وقعت على الارض .... جريت عليها بسرعه انا وعزيز والباقي
انا بدموع : لييييييه ... عملت كدا ليييه
مي بتعب : سامحني ...يابني
انا : متسبنيييييش تاني ... حراااام عليكي متسبنيش تاااااني
مي : عايزه ...اسمعها ...منك ...قبل ..ماموت
انا بعياط هستيري : ابوس ايدك متسبنيش يا أمي ... يماما
مي بابتسامه : هتسمحني يابني
انا : مسامحك يأمي ...مسامحك يا أغلى حاجه عندي ... متسبنييييش
مي بأخر نفس : اشوفك على ...خير ... يحبيبي. .... خلي بالك من خواتك
انا بتقطع من جوايا : لا .... يأمي ... يأمييييييييييييييييييييييييييييي
///////////////////////////////////////////////////////////////////////////////////////////////////
بشكركم من كل قلبي على كل التعليقات الجميله بتعتكم ... احنا خلاص بقينا عائله واحده
واشوفكم في الجديد .... سلاااام من الفرعون
//////////////////////////////////////////////////////////////////////////////////////////////////////////////////
how you doing 😋
