واقعية العمل الاسود

[معيط]

لا مش ممكن ظهر تانى الاوضة ضلمت اتجمدت فى مكانى نايمة على جنبى الشمال ابنى الرضيع قاعد و بيضحك بصورة مخيفة مش طبيعية قشعرة جلدى و شعر راسى اللى وقف زى الابر و شفته من تانى

لالالالا مش قادرة استحمل بيخرج من ارض الاوضة

=======

انا هنادى عندى دلوقتى 44 سنة مش عارفة ابتدى قصتى منين من وقت السحر الاسود اللى اتعملى و لا من وقت ظهور الجن فى حياتى و قلبها لخراب فى خراب شفت ايام لو تتحكى هترجع زكريات كتير وحشة مش حابة احكيها لكن ابنى ياسين وقع فى نفس موقفى دلوقتى انا قاعدة ماسكة القلم و بكتب كل الحكاية على ورق قصادى و ناوية بعد ما اخلص احط الاوراق فى ظرف و ابعته لياسين فى الاسكندرية اللى عمرة دلوقتى تقريبا 24 سنة لسة مجوزاه و فرحانة بيه الا و ظهر لية الملعون من تانى نفذ تهديده انه مش هيسيب نسلى ابدا طالما بعدت عنه

اصبروا عليا عوزة اركز و اجمع افكار

تعالوا معايا احكيلكوا على قصتى المرعبة حكايتى مع حماتى و العمل الاسود و الجن العاشق و ازاى حاولت اخلص منه و معرفش

حتى جوزى حبيبى مكنش مصدقنى

ياترى انتم كمان هتصدقونى و لا تكذبونى

نكملها بعد شوية

((احداث حقيقية ))

يحكيها/تامر



الاولى

لما دخلت الاوضة اول مرة انقبض قلبى معرفش ليه يمكن علشان ضلمة اوى على غير العاده مديت ايدى انور النور منورش الكهربا شكلها مقطوعه بس لحظة نور الصالة منور..جربت تانى انور مفيش فايدة يمكن اللمبة اتحرقت كنت لوحدى فى الشقة و جوزى لسة مرجعش..لازم ادخل الاوضة اشوف اللمبة..كانت هناك على الجنب

مديت ايدى احسس على الحيط لغاية ما وصلت للمبة و ااااه حاجة لمست ايدى و جريت حاجة ناعمه مشعرة جسمى اتنفض صرصار يمكن و المصيبة لو فار

صرخت

-فااااااااااااار

و طلعت اجرى من الاوضة للصالة المنور

بطنى مكورة قدامى حامل فى شهرى التاسع

نهجت جامد بطنى وجعتنى حسيت بسرسوب مياة من بين رجليه

اوف المياة شكلى هولد و خبط ف ضهرى

اااااااااه الحقونى يا خلق

==============

سندنى محمد جوزى :

على مهلك حظك كويس ان امى كانت صاحية و لحقتك

مردتش علية مكنتش مصدقة انى روحت المستشفى و ولدت ابنى ياسين طفلى الاول..دخلت الشقة اللى ف بيت اهل جوزى..صوت بكاء ياسين و حماتى بتقول و هى شيلاه:

اتجدعنى يا هنادى و رضعى ياسين بقى

و شفت الاوضة الضلمة

-الاوضة لمبتها محروقة و ف فار جوة

جوزى: بتقولى اية

و دخل الاوضة و نور النور و نورت الاوضة

مفيش حاجة بطلى دلع

=========

فات اسبوعين..

بسخن الرضعه لياسين و كنت ف المطبخ الوقت تقريبا الساعه 7 بالليل و ساعتها حسيت بيه حاجة جريت من ورايا بسرعه

نشفت فى مكانى معرفش اية دة

بس مش فار لانه اكبر يمكن قط

خطر ع بالى ابنى

يالهوى الواد

جريت ع الاوضة

مالقتش ياسين على السرير

يالهوى راح فين

==========

دورت فى الشقة كلها ابنى اختفى

و جالى هاجس

ابنى اتخطف يمكن كلب جه وخدة

و رقعت بالصوت

شوية و نزلت حماتى جرى و اخوات جوزى محمد

فى اية اية اللى حصل

لطمت ع وشى

ياسين اتخطف

و سمعنا كلنا صوت عياط ابنى جاى من الاوضة

لقيناه ع السرير

زى ما سبته







الثانية

مشكلة الحمام هنا ف بيت اهل جوزى انه مشترك بنين البيت على مساحة كبيرة يدوبك دورين و من بخل حمايا عمل حمام لكل دور و ف الدور الارضى اللى هو الاول انا و محمود اخو جوزى و مراته رقيه و احمد و مراتة سهير و ف الدور التانى حماي و حماتى و مصطفى و مراته ابتسام و منصور و مراته سعاد و اخيرا منير و مراته رضوى و كل شقة بعيالها

علشان كدة كان ضرورى اصحى بدرى مع الفجر علشان ادخل الحمام ع رواقة قبل طابور الجمعية ما يبتدى و اتزنق و اعملها ع روحى ف انتظار دورى..

الفجرية ياسين ابنى رضعته و نايم تمام و محمد جنبة اتسحبت فوطتى ع كتفى ناوية استحمى بالمرة البيت ساكت لسة بدرى سخنت المياة مكنش فية ايامها سخان و دخلت الحمام و قفلت عليا كويس و لسة هبتدى اقلع هدومى

الا و لقيت

لمبة الحمام الصفرا نمرة عشرة

طايرة فوق دماغى و عماله تلف فى السقف

=======================

طبعا مستحمتش و كويس انى خرجت من الحمام على خير قعدت ع حرف السرير برتعش و مش قادرة انطق بعد ساعه صحى محمد و كعادته و لع سيجارة قبل ما يفتح عنية

و انتبه ليا

قاعدة كدة لية يا هنادى

فى عفريت ف الحمام يا محمد

بتقولى اية

بقولك فى عفريت فى حاجة مش مظبوطة انا لا ممكن اقعد هنا ف البيت

======================

حماتى: استهدى ب**** يا هنادى الحمام نضيف و زى الفل

-صدقينى يا حماتى فى حاجة غلط اللمبة كانت طايرة و بتلف فى الهوا

ضحك محمد و امه

-طيب ما انا دخلت و لقيتها ف مكانها

انا/ الحاجات دى بتحصل لية و انا لوحدى

بص لحماتى و ابتسم

-طيب يا ستى بعد كدة انا معاكى ديما منين ما تروحى

و لما تروح شغلك

امى تبقى معاكى ارتحتى كدة

و خرجوا من الاوضة و همس حماتى واصل لودانى " معلش يا محمد اصلها لسة و الدة "

==================

بالليل قعدت مع سهير مرات احمد..كانت حبيبتى و هى الوحيدة اللى بتونسنى و فهمانى فى غربتى

سهير: سيبك منهم لو ف حاجة قولى و لا تتكسفى اقولك امشى فورا و حطيهم قدام الامر الواقع

انا/ خايفة يا سهير لتكون تهيئات و هتجنن

هههههه يابنتى بطللى خيبة عارفة انا كان ليا جارة ف امبابة زمان بقى جوزها علشان يجننها كان بيحطلها برشام ابو صليبة بتاع الهلوسة

يالهوى جوزها عمل كدة

اه و ياعينى كانت بتشوف الحيطان كلها عيون بتراقبها و بتبص عليها و الدش كلمها و ضحك معاها

يالهوى بجد يا سهير

و **** زى ما بقولك و المصيبة انه عمل كل دة علشان يتجوز عليها

يانهار ابوة الاسود

==================

بعد ما طلعت سهير لشقتها قعدت لوحى فى الاوضة انا و ياسين اللى نام و محمد فى الشغل بتاعة لسة مجاش نمت جنبة و انا خايفة بس عينى خلاص بتقفل و سيبه النور منور

لا مش ممكن ظهر تانى الاوضة ضلمت اتجمدت فى مكانى نايمة على جنبى الشمال ابنى الرضيع قاعد و بيضحك بصورة مخيفة مش طبيعية قشعرة جلدى و شعر راسى اللى وقف زى الابر و شفته من تانى

لالالالا مش قادرة استحمل بيخرج من ارض الاوضة









الثالثه و الاخيرة

اتجمدت و انا نايمة ع جنبى الشمال فى ضلمة الاوضة و شفته طالع من الارض راس كبيرة سودة عماله تكبر و تكبر و اللى رعبنى اكتر و شلنى ان ياسين طفلى الرضيع اتعدل و قعد و بيضحك بصوت مسرسع مخيف كان قلبى هيقف من الرعب الوضع مخدش دقايق حسيتة ساعات حاولت اتحرك او اتعدل او حتى اصرخ مقدرتش

و من حسن حظى جوزى محمد رجع و نور النور

مالقتش حاجة

و اول ما عرفت اتحرك رميت نفسى فى حضنة و عطيطت جامد اوى

مالك يا هنادى فيكى اية يابنتى طب فهمينى

ببكى و بس لسانى انعقد من الخوف

طيب اقعدى اهدى هتصحى ياسين

و قعدنى ع حرف السرير

و عاوز يسبنى يجيب ماية اشرب

صرخت

لا ماتسبنيش لوحدى

اهدى بس شفتى حاجة تانى

هزيت راسى ايوة شفت شفت عااااااااااااا

و بكيت من تانى

صوتى كان عالى اوى

و مرة واحدة جاتنى حالة هستيرية بقيت اصرخ و الطم خدودى من كتر الخوف

حاول جوزى يهدينى مقدرش

و ابنى صحى و بقى يعيط هو كمان من غير توقف

اسكتى بقى فضحتينا و هتلميى علينا الناس

و ابدا ماسكت

و سمعنا خبط ع باب الشقة اخوة احمد و امه

افتح يا محمد يا بنى ف اية

و احمد بينادى اهدى يا محمد اوعى تضربها دى و لية و النسوان مخها طاقق

و فتح محمد و دخلت حماتى و احمد

============

بعد ما شربت ماية و هديت و غسلة وشى

قال احمد: الموضوع ده غريب اوى يا اما و لا اية

ايوة يا بنى واخد بالك

ايوة واخد بالى

بصيت لمحمد و بص لى الاتنين (حماتى و اخوة احمد) شكين فى حاجة

وقفت حماتى قوم يا احمد اطلع انت لمراتك و عيالك

و مشى احمد

و قربت حماتى مننا و قالت:

انا شاكة ان ف حد عامل عمل فى البيت هنا

محمد: عمل اية يا اما و تخاريف اية

حماتى: و مش اى عمل دة عمل اسود بس انت يا محمد انت متعرفش حاجة..هاتلى كيس ملح من المطبخ

و اخدت الملح و رشتة فى اركان اوضة النوم و قرت عليا و على ياسين و قالتلى:

نامى و متخفيش خلاص

===========

و فعلا الصبح طلع عليا و انا نايمة زى ******* خبطت حماتى عليا و معاها ابنها احمد و دخلوا بعد ما استأذنوا و قلبوا الشقة تدوير

بتدورى ع اية يا حماتى

استنى و انتى تعرفى

و محمد جوزى قاعد شايل ياسين و مش عجبة اللى بيحصل و بعد ساعه و ازيد

رجع احمد و حماتى

مفيش حاجة

حماتى: غريبة مع انى متاكدة

قالتلى:

مين بتنزلك كتير من نسوان عيالى

قلت: مفيش غير سهير مرات احمد

بلع احمد ريقة و بص لامه

حماتى:مفيش مرة سبتيها لوحدها ف الشقة

ايوة مرة واحدة قبل ما اولد بيومين سبتها و طلعت على راس الشارع اشترى كرنبة

حماتى: بصت فى الاوضة بريبة و قالت:

-اطلع يا احمد فوق الدولاب بص كدة

و طلع احمد و شوية بص فوق

و نزل و ف ايدة ورقة ملفوفة

فتحتها حماتى

لقت برص ميت مغروس فيه 7 أبر حديد و شعريتين من شعرى

يالهوى ايه دة يا حماتى

دة العمل اللى عملاة سلفتك ليكى علشان غيرانة منك و من جوزك

و من غير كلام كتير

طلع احمد جرى ع فوق

و سمعنا خناق و ضرب و عركة كبيرة

و طلق سهير و طردها

و عرفنا بعد كدة ان احمد نفسة كان بيشوف حاجت و حماتى بخبرتها هرشت ان سهير هى السبب

و الحمد لله خلصت مشاكلى

(خلصت)