نقاش الراجل الصايع

[الاسطى عبده البلف]

مفهوم الراجل الصايع زمان حاجة و دلوقتي حاجة تانية خالص
الراجل الصايع زمان كان الفهمان اوي الي يقفش كدبك من عينك الي يعرف يتعامل ف اي بيئة الراجل الحركي الي بيتعامل مع البشر بسلاسة راجل رايق كدا جنتل مان اوي يعرف يديك وش المحترم بس لو نكشته يديك عين عبدالغفور البرعي يقعدك زي الفتلة المبلولة راجل لو مثلت معاه لقطة ياخدك على حجره يفرجك على باقي الفيلم فهمان ف الاصول اوي يتعمله الف حساب بأحترامه الصايع ده ميكس بين المحترم و قليلة الأدب او زي مكانو بيقولو زمان باين محترم الا ربع فيه حتة كدا قلة ادب بس بالاصول و الفهم
الراجل الصايع حاليا(السرسجي)
ده عيل بشخة مشغل عصام صاصا و ضارب حبايتين جرائة على حقنة شد اعصاب على لبوسة تقوية لسان يعمل شعره بخطوط و ماشي بسلاح ابيض ميقدرش يفكر يستعمله اصلا و شغال يعاكس ف دي و يعاكس ف دي يتصور بسلاح و فلوس و بيلبسو لبس انا بتفرج عليهم زي مكنت بتفرج ع حيوانات جنينة الجيزة زمان شوية بهايم و بقر ف الشارع و سلسلة كلاب حوالين رقبته و رافع استشوار و فوق كل ده يتصورلك بفلتر يلمع الشفايف و كلامه كله عبارة عن اخويا الي مني قلبي يابا اخويا الطرش متكرفليش على جدع يابا انا طالبك ف جولة الواد ده بيندبني اي القرف دهههه

اضغط لقراءة المزيد...