زي ما فيه روعة البدايات فيه بقى بشاعة بعض النهايات وعلشان كده بقول دايما ان النهايات لازم تبقي نهايتها محترمة، يعني حتى لو حاسس او حاسة انكم مش عايزين تكملوا في علاقة معينة وايا كانت الاسباب اذكروها لبعض وقولوا حنسيب بعض بالمعروف ومش لازم تضغطوا حتى لمعرفة اسباب
يمكن بذكر الموقف ده لأن فيه واحدة عرفتها قالتلي مرة انها اتعرفت على شاب متجوز وان الموضوع اتطور لحب وبعدين طلب يمارس علاقة معاها واجروا شقة لكده، كانت مبسوطة قوي وحست انها كأنها مراته وخططت تطلع بالشقة اسبوع ميطلعوش، فجاة بعد اول ممارسة والثانية لقته بيتحجج انه جاله تليفون ولازم يمشي، ومرجعش ليلتها ، ومردش عليه، ممكن يكون ندم ممكن يكون محبهاش لكنها معرفتش ايه السبب وده سبب ليها ازمة نفسية حادة لدرجة جالها اكتئاب شهور وبقت تشم جسمها وتبص لشكلها بالمراية يمكن يكون فيه حاجة فيها نفرته منها مع انها ست جميلة وشيك
طبعا البيه رجع يكلمها بعد ما اتعافت لكنها سمعته من المنقي خيار وبهدلت امه
فايا يكن السبب اللي حتسيب الطرف الثاني في العلاقة علشانه او حتى مفيش سبب
وضحله انك عايز تسيب وان مفيش حاجة معينة غلط فيها
فيه ناس بتتعلق بسرعة وحاجة زي كده ممكن تدمرها، يمكن الرجالة متفهمنيش قوي بس اكيد معظم الستات اللي هنا متفقين معايا
فضفضه لذة الهروب من الواقع لجدار نكتب عليه اللي مخبيينه "خاص بمسابقة سحاليل"
