فضفضه الاعتراف بالخطأ

[هاشيراما]

من اكتر الحاجات المريحة نفسياً جدا في اي علاقة مش بس ارتباط حتى لو صداقة او حتى علاقة شغل انك لما تعترف بغلط صحيح دي بتقا حاجة تقيلة على ناس كتير انه يعترف انه غلطان بس لو وصلت للنقطة انك تتقبل ان غلطان وتقول للطرف التاني انا اسف انا فعلا غلطان في كذا وكذا دي حاجة هترحيك فعلا وهتريح الطرف التاني معاك
دا وجه العملة الاول اقلب بقا الوجه التاني كدا
دلوقتي انا عملت حاجة ومعرفش انها غلط وانها زعلت الحد التاني اللى معايا ازاى هعترف بغلط انا مش عارف اني عملته ؟
- دا بقا دور الطرف التاني انه ميتكسفش يقولك انت زعلتني في كذا ، او و**** انت كلامك دا زعلنى او متتكلمش بالطريقة دي معايا فلو هو كان عمل الغلط دا عن جهل فانت تبقا نبهته ان الحاجة دي زعلتك واعتذر يبقا جميل دي حاجة هتقوى العلاقة بينكم جدا
طب لو لقيت انه مهموش اني قولتله الحاجة دي بتزعلني او بتأذيني وكررها تانى بعد ما قولتله خلاص تبقا دي حاجة كشفتلك انه مش بيهتم بمشاعرك وانه معندوش مشكله تتأذى لاجل مصلحة او رغبه عنده ولو عندك حد كدا فعلا صدقني اسلم حاجة انك تنهى علاقتك بيه اياً كانت نوع العلاقة حب او صداقة او اي حاجة لان صحتك النفسية هيترتب عليها صحتك البدنية وبالتالي سعادتك في الحياة

اسفة لو طولت شوية ودمتم سعداء 🙏❤

حاولت اقرأ الكلام كله سامحيني مقدرتش

 

[Alaa El Beheri]

حاولت اقرأ الكلام كله سامحيني مقدرتش

ولا يهمك