السبب الاساسي ف خسارة الاهلي للنهاردة هو حمادة القلاوي الحكم..
مش عشان ظلم الاهلي لا لا خالص ...الاهلي متظلمش ولا المصرية اتطلمت بردو للامانة
لكن عشان طبق القانون بما يرضي **** من اول دقيقة علي كل لاعيبة الاهلي.. من اول خمس دقايق حسب انذار مستحق علي اشرف داري ومفرقلوش اول الماتش او دا للاهلي
تروح لنقطة التحول ف طرد طاهر .. كان عادي جدا يقدر يتغاضي عن واحد من الانذارين ومحدش كان هيكلمه خصوصا وان اول انذار هو ساب الهجمة تكمل وبعد ما خلصت رجع ادا الانذار لطاهر في مشهد يمكن اول مرة اشوف حكم بيرجع بعد اللقطة ويصمم يطبق القانون ويحسب الانذار في ماتش متعقرب الاهلي محتاج فيه زقة مش حكم بيقفله علي كل لقطة
الانذار التاني كمان كان يقدر يتفاداه لان الهجمة كانت هتكمل لصالح لاعيبة المصرية ولكن المرادي وقف اللعب وحسب الانذار والطرد ببساطة بدون تعقيد او تغاضي ولا قالك الماتش صعب ولا احنا ف اشواط اضافية
والانذارين فيهم دهس ع القدم مفيهمش جدال انهم يستحقو عقوبة وحتي طاهر كان متقبل الطرد ولكن القصد ان كتير من الحكام بتخاف تحسب عشان عارفه مش محمية ومحدش حامي ضهرها لو الاهلي قرر يصعد ضد التحكيم وبالتبعية وارد الحكم ميشوفش الماتشات تاني اللي بياكل منها عيش
زي ما العادي يعني بننتقد منظومة التحكيم ف مصر.. النهاردة يشوف ان تطبيق التحكيم بسكل عادل تماما كان السبب الاساسي ف خروج الاهلي النهاردة لللي مستواه الفني كان مستحيل يخليه يكسب وكان محتاج حد يزق معاه الماتش لكن دا محصلش وعشان كد.. خسر..
