عاوزة اخد رأيكم في حاجة
انا من سنتين استلمت شغلي معيدةوعلاقتي ممتازة بكل زمايلي واساتذتي الا دكتور و مراته وكيلة الكلية اللي حصل اني لاحظت أنه بيدخل المكتب عليا فجأة لما تكون هي موجودة سواء كنت لوحدي معاها أو زمايلنا البنات بس لاحظت أنه لازم وقت دخوله أكون أنا أو حد من البنات قاعدين علي راحتنا يعني قالعين الطرحة مثلا في الأول كنت بكدب نفسي لحد ما وحدة من زمايلنا اتكلمت في الموضوع فبقينا ناخد حذرنا في وجودها لحد ما تقريبا هي وجوزها فهموا الموضوع بعد كدة معرفش حصل ايه مع زمايلي البنات لكن أنا شخصياً اتعرضت لتلميحات صريحة منه وبعمل مش واخدة بالي لحد ما حصل موقف منها اني كنت في مكتبها وفتحت معايا موضوعات متصحش وانا تهربت منها و مشيت بس وقفت في مكان اشوف منه مكتبها لقيتها خارجة هي وجوزها بعدي بدقيقتين بالظبط واخر حاجة من اسبوعين عمال تحاول تتقرب مني برة الشغل وتكلمني واتس وكل كلامها أنها عاوزة تشوفني بلبس البيت وتقولي نفسي نبقي صحاب و كلام من دة رغم أنها أكبر مني ب 20 سنة فأنا مش عارفه اعمل ايه انا مقدرش أخد إجراء رسمي عشان سمعتي واهلي وجوزي مش هيقبلوا اسمي يدخل في حوار زي دة وفي نفس الوقت لو حكيت لجوزي أو حمايا مضمنش رد فعلهم خصوصا أنه جوزي ظابط بحري وحمايا خالي ابن عم امي في نفس الوقت وأنا أعرف طبعه أنه ممكن يعمل مصيبة وأهلي عايشين في محافظة بعيدة وحتي لو قلتلهم هيبلغوا حمايا لانه كبير العيلة ومحدش يقدر ياخد قرار من وراه وهو لو عرف ممكن يوصل الموضوع للدم
انا أصلا بفكر في الاستقالة من فترة لاني من وقت ما استلمت الشغل وانا مش ملاحقة اخد نفسي ومش محتاجة الشغل لا ماديا ولا معنويا هو بس فراغ مش اكتر لان جوزي بيغيب فترات عشان ظروف شغله وحماتي بتاخد بالها من ابني بس مش عايزة الموضوع دة يأثر علي قراري وفي نفس الوقت عايزة اربيها هي وجوزها حتي لو استقلت
سؤال الاهتمام قل … ولا إحنا اللي اتعودنا؟
