نقاش مشكلة هيا بنا نتطلق ( الجزء الاول)

[T i to]

دا هدية مني ليك علشان انت راجل جدع

طب عاوز خلفه

 

[T i to]

خلي بالك بقا الجدع بيتلدع😂

كده👴🏻🔥

 

[Boxing player]

طب عاوز خلفه

انت و وهو بقا و شطارتكوا

 

[Boxing player]

كده👴🏻🔥

كدة بيولع 😂

 

[T i to]

انت و وهو بقا و شطارتكوا

قصدك اي🤨

 

[T i to]

كدة بيولع 😂

احلي عجوز مشوي طعمه مارشيملوا بدبس الرمان

 

[Boxing player]

قصدك اي🤨

انك تخليه يتجوز🙂
عيب يجدع 😂 مش انت اللى حتشوفله عروسة

 

[T i to]

انك تخليه يتجوز🙂
عيب يجدع 😂 مش انت اللى حتشوفله عروسة

مش مصدقك بس ماشي👴🏻

 

[Boxing player]

مش مصدقك بس ماشي👴🏻

لا عيب يعم انا كتبتها كدا اشوف نيتك نحيتي انا اقصد كدا فعلا

 

[T i to]

لا عيب يعم انا كتبتها كدا اشوف نيتك نحيتي انا اقصد كدا فعلا

🤨

 

[Life Arch]

جميل ك عادة مواضيعك آلاء
موضوعي و وافي من القلب
اعتقد ان الولاده بتكون جزء كبير ل بداية فتور عند بعض الرجال و النساء
بسبب خوفهم من المسؤولية
كانهم دخلوا في الجد
مع قلة السكس بعد الولاده بسبب البيبي و أشياء اخري
ف بيزيد الشعور من كل فرض أن مش دي الحياة الي بحثوا عنها

 

[دعاء زوجه متحرره]

ورغم الحروب الضروس وخناقات الستاير والسجاد وطقم التيفال وطقم الصيني ال255 قطعة والكبة والخلاط والماكرويف وغسالة الأطباق القايمة اتمضت واتفقتوا على الميكب ارتست والفوتوجرافر واشتريتوا الجيست بوك وعملتو مناديل كتب الكتاب وعملتو فوتو سيشن في جنينه الاسماك وراح الشاب البائس وجابك من البيوتي سنتر وهيصتوا ورقصتوا سلو وخلص الفرح ورحتوا عش الزوجية وشهر ورا التاني وشرف ولي العهد وراحت السكرة وجات الفكرة واتغيرتي بقدرة قادر من العروسة السعيدة للصغيرة ع الهم يالوزة واتحول جوزك قرة عينك للمنيل على عينه 😂 وانت كمان اتحولت من الشاب البائس لشاب اكتر بؤساً وتحولت زوجتي جنتي الى الزفتة اللى قاعدة في البيت 😒
طب ايه اللى حول نظام شرعي قائم من الاف السنين لهم تقيل ع الطرفين؟
نبدأ بالزوجة انتو ناس بتفموا في الاتكيت وعارفين ان ladies first 😂
بعد ولادة الط-فل الاول وبعد الاسبوعين اللى قضتهم عن اهلها خدمة خمس نجوم اكل وشرب وهاتي البيبي عنك بترجع بيها تلاقي نفسها بقت مسؤولة عن كل حاجه في البيت ومسؤولة عن المخلوق الجديد دا اللى مش عارفة تتعامل معاه واللى عنده القدرة على العياط اناء الليل واطراف النهار ورغم تطبيق نصايح امها وحماتها وعمتها وخالتها والجيران وكتب التربية الإيجابية ودكاترة ******* وصفحات الفيس بوك الا ان الط-فل لسة بيعيط طول اليل والنهار
ومن هنا تبدأ الضغوط تزيد عليها ويزيد احساسها بالفشل زود على كدا نظرتها الشخصية لنفسها وجسمها بعد الولادة وقلة نومها واحيانا انعدامه بالايام، تفكيرها المستمر في وضعها بعد رجوعها لشغلها لو كانت بتشتغل، في حين ان الاب نايم ومتهني وبيسهر كل يوم ع القهوة والشوية اللى بيقعدهم في البيت يا اما ماسك التليفون يا قاعد ع اللابتوب
 دا غير تلميحاته المستمرة انها بقت مهملة في نفسها وفي البيت وانها مبقتش بتعمله حمام محشي كل يوم ومخيطتش زرار القميص وضيعت فردة الشراب البني ومخدتش الواد بقالها اسبوع لحماتها عشان عايزة تشوفه
كل ده اضافة ل الخلل الهرموني اللى بيحصل نتيجه النقص المفاجئ في الهرمونات بعد الولادة امهااات كتير بتدخل في اكتئاب ما بعد الولادة واللى كتير من الاحيان بيتم التعامل معاه باستهتار واستهانة وانتي مش اول واحدة تخلفي والكلام ده
ورغم كل ده الفترة دي بتعدي وبتدأ الامور تبقا اهدى بس للاسف بتبدأ تلميحات حماتها وامها بان الواد كبر ماشاء**** عليه وبقا عنده 6 شهور بحالهم ولازم نخاويه وللاسف البنت بتنساق وراهم وتعيد نفس المسلسل من الاول من تاني وهي لسة مكتسبتش الخبرة الكافية من الابن الاول
نيجي بقا للبائس ابو بوكيه ورد 😂
الراجل يا حبة عيني بيبقا لسة طالع من ماتش مصارعة وتسديد اقساط الديون اللى عليه ينزل عليه الخبر السعيد وابتداء من الشهر السادس للحمل تبدا لستة الطلبات تظهر ( هدوم للبيبي، بافيتات بجميع الوان الكيف، 30 سلوبته كل واحدة بلون مختلف، كرسي الالكل وكرسي اللعب وكرسي العربية، سرير البيبي اللى الواقع مش بينام فيه بس عشان الناس متاكلش وشنا، شخاليل وسهايات وايس كابات وبامبرز..... الخ)
خلاص ولدت بالسلامة وشرف المحروس ندخل بقا ع البيبي شاور ودا بقا عقبال املتك المسمى الجديد للسبوع واللى اتحول من مجرد حفل عائلي صغير لاقرب ما يكون للعرس وبيبقا فيه فوتوجرافر بردو عشان هما شاريينه من سوق النخاسين 😂
مع كل الطلبات دي الزوج بيحس انه مجرد atm عاوزين عاوزين عاوزين ضغوطات مادية فوق اسطاعته واتهمات ليه بالتقصير وانه مش بيحب ابنه اللى هو مش عارفة انا اي العلاقة بينه انه لو مصرفش عليه ببذخ وبين درجه حبه لابنه
المهم انه بعد كل الموضوع دا وبعد ما خلصت الطلابات حياته اتشقلبت
بقا بينام في الصالة، الاكل بقا مكرونة من غير بانيه عشان البانيه غالى يوميا، مراته بقت مكتئبة ومتوترة باستمرار، حواراتها معاه بعد ما كانت بتناقش معاه الاثار السلبية للعولمة وتأثيرها على دول حوض النيل اتحولت ل الواد تعبان عايزين نكشف هات بمبرز هات لبن بكرة ميعاد التطعيم
هنا الزوج بيحس انه اتركن ع الرف ومراته قلبت على نحمده وكمان بقت نكدية ومنكدة عليه، كمان احساسه بتعاظم المسؤولية وتحوله من كائن بوهيمي يفعل ما يحلو له لشخص مسؤول عن كائن تاني ضعيف وقلقه عليه لو تعب او حس باي حاجة، خوفه يترفد من شغله وميقدرش يوفرله كل حاجة وخوفه من انه يقصر معاه في التربيه وخوفه يجراله حاله ومراته وابنه يتبهدلوا
ضغوط فوق ضغوط بتتراكم عليه بتخليه يحس ان البيت بدل ماهو مصدر الراحة بقا مصدر الضغوط كلها فيلجأ للهروب والمتعمد او حتى الغير متعمد وانه يقضي اغلب وقته برا البيت
انا بقول كفاية كدا ع الموضوع ده وانا بحاول اهو بقدر الامحان اقصر المواضيع وهنجرب حاجة جديدة اننا هنقسم اي موضوع لجزئين جزء نطرح فيه المشكلة ونسمع من بعض الحلول ووجهات النظر والجزء التاني يكون الحل من وجهة نظرى الشخصية
بس كدا هستنا اسمع حلولكم في الكومنتات ودمتم بخير ♥
​

موضوع مهم وقعي برفو عليكي يا قلبي وبما اني ست متجوز ومخلفه ومريت بكل ما ذكرتيه 👆بس بجد مفيش ولا حاجه من ما زكرتي حصلت معيا وكلمه السر في الموضوع ده هي ازوج،👌وعن تجربة شخصيه ✋

 

[Alaa El Beheri]

موضوع مهم وقعي برفو عليكي يا قلبي وبما اني ست متجوز ومخلفه ومريت بكل ما ذكرتيه 👆بس بجد مفيش ولا حاجه من ما زكرتي حصلت معيا وكلمه السر في الموضوع ده هي ازوج،👌وعن تجربة شخصيه ✋

دي حقيقة فعلا