فضفضه مشكلة مشكلة

[مشاكل وخلافات وعبر]

اهلا انا اسمى رمضان عندى 29 سنة متجوز ومراتى اسمها ندى عندها 27 سنة وانا وندى مخلفين توفيق عنده 4 سنين انا بشتغل محاسب فى شركة والحمد لله حالتى المادية كويسة جدا وعندى مشاريعى وعمارة كاملة باجرها ما علينا انا زمان فى الكلية زى زى اى شاب كنت بحب واحدة و مكنتيش بحبها انا كنت مجنون بيها كنت بعشقها وكنت مدمن عليها واليوم الى مشوفهاش فيه يبقى يوم اسود وكنا مخططين بعد الكلية انا وهى ان احنا نتجوز لكن اهلها موافقوش عليا لان ابن عمها كا متقدم ليها وهما اجبروها انها تتجوز لابن عمها واتخطبت له بعدها انا اتخرجت وبعدت عن القاهرة وروحت الزقازيق وهناك اتعرفت على مراتى وهى حبتنى جدا وكانت بتتلكك علشانن تشوفنى وتتكلم معايا ومرة واحدة قالت ليا انها بتحبنى جدا وانا قررت انى اتجوزها وخدت ب مثل خد الى تحبك وفعلا اتجوزنا وخلفنا توفيق وكانت حياتى ماشية كويس ونقلنا للقاهرة من فترة لكن لما نقلنا قابلت حبيبتى الاولى تانى والى عرفته من صحابها انها فكت خطوبتها من ابن عمها لانو كان مدمن وحاول يتهجم عليها قبل كده وابوها اتوفى وهى دلوقتى بقت لوحدها وعندها مشاكل مع عمها ومرة قابلتها قعدنا واتكلمنا وبمجرد ما اتكلمنا حسيت انى لسه بحبها وبحبها جدا كمان حاولت ابعد عنها علشان مخريبش بيتى لكن معرفتيش ولما هى عرفت انى متجوز ومخلف بعدت عنى لكن انا الى روحت ليها لانى لسه بحبها والموضوع ده مضايقنى جدا جدا جدا مش عارف اعمل ايه لما بقعد معاها بحس انى بخون مراتى ولما بكون مع مراتى بفكر فيها على طول وبحس برضو انى بخونها و بجد انا مش قادر انى ابعد عن حبيبتى خالص ولا برضو ابعد عن مراتى وابنى و قررت انى اتجوز حبيبتى علشان احميها من عمها وكمان لانى بحبها ولو قولت كدا لمراتى اكيد هترفض وهتبعد عنى وانا مش هقدر الومها لو عملت كدا ف انا مش عارف اعمل ايه ممكن حد يساعدنى

 

[honorable man]

عليه أنه يحسم قراره بين بيته وأسرته

أو الشخص اللي هو بيحبه
ويتحمل نتيجه اختياره

أن كانت المشكله لسه قدامك ف قول لصاحبها
أنه هيجي وقت ويندم لو اختار الاختيار التاني لانه الست اللي ملهاش ذنب ف حاجه " مراته " هيجيلها حقها منه باسوء من ما يتخيل
والشخص التاني مش هيكون نفس الشخص اللي هو عرفه ..بالوقت كلنا بنتغير اه زي ما احنا ف الشكل وف بعض الأساسيات لكن اللي بيتبقى مننا مع الوقت مش نفس الروح ولا نفس الأفكار
هما بس شويه الاشتياق وبعد كده هيعض صوابعه من الندم على اللي سابه واللي اختاره

 

[Sosoz]

اهلا انا اسمى رمضان عندى 29 سنة متجوز ومراتى اسمها ندى عندها 27 سنة وانا وندى مخلفين توفيق عنده 4 سنين انا بشتغل محاسب فى شركة والحمد لله حالتى المادية كويسة جدا وعندى مشاريعى وعمارة كاملة باجرها ما علينا انا زمان فى الكلية زى زى اى شاب كنت بحب واحدة و مكنتيش بحبها انا كنت مجنون بيها كنت بعشقها وكنت مدمن عليها واليوم الى مشوفهاش فيه يبقى يوم اسود وكنا مخططين بعد الكلية انا وهى ان احنا نتجوز لكن اهلها موافقوش عليا لان ابن عمها كا متقدم ليها وهما اجبروها انها تتجوز لابن عمها واتخطبت له بعدها انا اتخرجت وبعدت عن القاهرة وروحت الزقازيق وهناك اتعرفت على مراتى وهى حبتنى جدا وكانت بتتلكك علشانن تشوفنى وتتكلم معايا ومرة واحدة قالت ليا انها بتحبنى جدا وانا قررت انى اتجوزها وخدت ب مثل خد الى تحبك وفعلا اتجوزنا وخلفنا توفيق وكانت حياتى ماشية كويس ونقلنا للقاهرة من فترة لكن لما نقلنا قابلت حبيبتى الاولى تانى والى عرفته من صحابها انها فكت خطوبتها من ابن عمها لانو كان مدمن وحاول يتهجم عليها قبل كده وابوها اتوفى وهى دلوقتى بقت لوحدها وعندها مشاكل مع عمها ومرة قابلتها قعدنا واتكلمنا وبمجرد ما اتكلمنا حسيت انى لسه بحبها وبحبها جدا كمان حاولت ابعد عنها علشان مخريبش بيتى لكن معرفتيش ولما هى عرفت انى متجوز ومخلف بعدت عنى لكن انا الى روحت ليها لانى لسه بحبها والموضوع ده مضايقنى جدا جدا جدا مش عارف اعمل ايه لما بقعد معاها بحس انى بخون مراتى ولما بكون مع مراتى بفكر فيها على طول وبحس برضو انى بخونها و بجد انا مش قادر انى ابعد عن حبيبتى خالص ولا برضو ابعد عن مراتى وابنى و قررت انى اتجوز حبيبتى علشان احميها من عمها وكمان لانى بحبها ولو قولت كدا لمراتى اكيد هترفض وهتبعد عنى وانا مش هقدر الومها لو عملت كدا ف انا مش عارف اعمل ايه ممكن حد يساعدنى

ابعد عنها و ركز في بيتك احسن

 

[Eden 123]

ممنوع وضع ارقام تسلسل للمواضيع راجع قوانين المنتدي

 

[مشاكل وخلافات وعبر]

عليه أنه يحسم قراره بين بيته وأسرته

أو الشخص اللي هو بيحبه
ويتحمل نتيجه اختياره

أن كانت المشكله لسه قدامك ف قول لصاحبها
أنه هيجي وقت ويندم لو اختار الاختيار التاني لانه الست اللي ملهاش ذنب ف حاجه " مراته " هيجيلها حقها منه باسوء من ما يتخيل
والشخص التاني مش هيكون نفس الشخص اللي هو عرفه ..بالوقت كلنا بنتغير اه زي ما احنا ف الشكل وف بعض الأساسيات لكن اللي بيتبقى مننا مع الوقت مش نفس الروح ولا نفس الأفكار
هما بس شويه الاشتياق وبعد كده هيعض صوابعه من الندم على اللي سابه واللي اختاره

هو متاكد انو بيحبها وهى هى متغيرتش
وهو متاكد انو لو اتجوز حبيبته على مراته انو هيكون عادل بين الاتنين ...وبعدين الشر ع حلل للراجل 4

 

[مشاكل وخلافات وعبر]

ابعد عنها و ركز في بيتك احسن

حاول مرة واتنين وتلاتة واربعة وعشرة ومعرفش

 

[mrwan tawfik rabia]

حاول اخر مرة تبعد عنها وتقرب اكتر من مراتك وابنك لو مقدرتيش يبقى خلاص اتجوزها بس لازم مراتك توافق ولو وافقت اتاكد مليون فى المية انها بتضحك عليك لان مفيش وحده هتقبل انها تشوف جوزها مع واحدة تانية بس لو فعلا مش قادر على بعدها يبقى تتجوززها وتعدل ما بين الاتنين ولو خلفت تعدل ما بين الولاد

 

[honorable man]

هو متاكد انو بيحبها وهى هى متغيرتش
وهو متاكد انو لو اتجوز حبيبته على مراته انو هيكون عادل بين الاتنين ...وبعدين الشر ع حلل للراجل 4

اذا كان هو مش عارف يعدل ب الفكر و بالقلب وهو مش طايلها واحنا رجاله يعني وعارفين بعض وعارفين لما الراجل يغوى واحده مش طايلها ويطولها بيهمل ازاي اي حاجه تانيه بعدها هيعدل ازاي بعد ما يطولها

الشرع حلل اربعه كلامك صحيح بس يحقلها تقبل أو ترفض وتطلب الطلاق للضرر ومتبقاش غلطانه لو عملت كده لانها باعترافه عامله اللي عليها تجاهه