لو صور بس و أتمسحت خلال أسبوع ، من غير برامج لو أندرويد ١٠ أو أقل :
١-هتروح على مدير الملفات
٢-هتظهر الملفات المخفية
٣-هتروح لمجلد أسمه DCIM
٤-هتلاقي مجلد أسمه Thumbnails ، أفتحه و دور على الصور المحذوفة
لو أندرويد ١١ أو ١٢ أو ١٣ ، أنصحك تنزل Diskdigger
هيعمل نفس وظيفة الطريقة الأولانية بس علشان أندرويد ١١ و فوق فى أغلب الموبايلات مش بيظهر مجلد Thumbnails
ملحوظة فى الطريقتين الأولى و التانية الصور مش بترجع بنفس الدقة و بجودة ضعيفة
أما لو موبايلك أيفون أو عايز ترجع فيديوهات أو الصور عدى عليها أسبوع فمش هينفع معاك لا الطريقة الأولى ولا التانية ، هيلزمك كمبيوتر و برنامج أسمه Dr.Fone و ده للأسف بفلوس ، و لو موبايلك أندرويد و الصور و الفيديوهات دول مهمين جداً و موبايلك برة الضمان هتضطر تعملوه روت و برضه تستخدم برنامج Diskdigger